Showhappy.net - Members diary

日記

日記主簡介

<< 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 >>

2003 年 6 月 23 日星期一【晴】

哈哈~君裕話我冇寫佢"幾好樣"喎~哈哈~~~佢話我寫macy同發仔都唔寫佢~~佢睇左3次都冇~
嘿~緊係冇啦,我都冇寫~~~話時話,macy同發仔真係幾襯~哈哈哈~
好~~~~而家補番~佢------------幾---------好---------------樣------------架......
講真,都唔錯啦啦啦啦~哈

今日唔洗番工,又夠訓~so把聲好左d喇~~~~冇咁沙囉
不過聽日又要番...都係冇得救架喇...
昏迷左接近13個hour...哈...好"梗"呀!
之後食完野出左去同wilmy行街街~
今日終於去左食stawberry forever喇,佢地都唔陪我去,咁咪搵wilmy囉~~
之後行左去九龍站~去睇下wilmy平時教拳o個班小朋友呀~
哈哈~勁可愛呀~一入去話我靚女呀~~~(唔多唔少讚佢地都受呢句影響~呵呵呵)
有個肥嘟嘟~~一見到佢好想篤佢呀~係已經篤左~哈哈~開始有d變態?!!!
之後去左尖咀試下間台灣野~都幾好食呀~
食完去左拎手信俾14,個死仔一拖再拖,而家我掙佢野呀?!!俾野佢都拖左咁耐,
仲話累,要返屋企,唔拎...我聽日唔駛返工,淨係你要返!!!
你咪又係陪女睇戲,仲話fd,成日都係咁,要我等佢,同你好熟呀!!!!真係激嬲我丫...
唉,自己"手羅"黎....咪話我唔放,經過呢件事我一定放,雖然已經放左...
車,得佢一個咩!又唔係冇人鍾意...
順其自然啦:'(
今晚wilmy入左黎陪我,聽晚冇人陪呀>__<
佢地去左旅行喇,又唔擺低銀兩喎!!!!!!
一出糧肯定冇晒....

>>June 24, 2003 at 8:56:46 PM GMT+8

2003 年 6 月 22 日星期日【晴】

我今日終於留左黎喇~好好玩呀~~
同佢地玩到癲晒,尋晚仲成班人一齊通頂呀~第一次呢~
初頭o係機場同隔離o個團人一齊等上機,見到好多老人家呀,幾驚識唔到人呀!!
係跟本冇乜同我地差唔多年齡o既人呀!!~不過原來我地o個團其中20人一早過左去o個邊先,
o個d老人家係隔離團~好彩我地io個團冇乜老人家o者~~~
原來好多同我地差唔多年齡o既後生仔女呀~~~~
頭o個兩日同佢地都唔係好熟,第3日開始就同佢地食熟左喇>_______________________<
講一講我識左邊d朋友仔啦,差唔多個個都大過我地,少少咁多啦~
o係茶會識左兩個我地認為好得意o既女仔啦,elaine同karen(哈...紀燕同吳嘉??????)我地估佢地20出頭~又好玩又好笑,又同我地癲~
之後又同我地一架機,不過唔同團,行程一模一樣架!!so我地成日都撞到佢地~~~^^
跟住o係dream world識左兩個同團o既uncle啦,起碼三十以上,不過好玩得架~~~我覺得佢地好好人呀,成日請我地食野~~又同我地一齊玩~~
仲有ada同crystal~我諗佢地有25-28歲呀~佢地好似我地o既大姐姐,陪我地行街街呀,又好鍾意玩自拍~~~
跟住呢,就係阿勇,20歲,讀緊ive,好睇住我地,係佢陪我地三個女仔行夜市,有個男仔o係到始終好d,不過佢本身都有6個fd一齊玩,佢同左我地玩之後,佢d fd開始ignore佢...
跟住就係發仔,君裕同macy,都係20歲,發仔同macy係男女朋友,兩個都幾好樣架~~君裕同發仔就係死黨,佢地本來仲有個fd黎,但臨時話黎唔到喎,但係比左$$個喎~我地初頭覺得佢地好cool,ivy同mandy仲fell佢地唔like我地添呀!!佢地問我覺唔覺,我唔覺囉~之後玩落,原來佢地好玩得架,講野好好笑~~~尋晚笑左成晚~
仲有奇哥同寶珠姐~我地初頭淨係知o個個男士叫奇哥,但個女就唔知叫咩野名~so我幫佢改左個名,叫寶珠~~~佢睇落都幾鍾意呢個名~好搞笑o既夫婦~
最後就係kk同佢個妹~kk同我地同年,玩得好癩,成日蝦我地,不過係玩o個d,份人都唔錯,幾gentleman,唔似某d boy,唔駛我地講佢都會幫我地拎野~
我地幾個尋晚成晚玩呀~~好開心呢~~有d去左訓覺,淨低我地八個~仲影左好多相呀~^^
講住咁多先~遲d再講~

>>June 23, 2003 at 10:19:53 AM GMT+8

2003 年 6 月 14 日星期六【晴】

今日係父親節,我之前o係沙田buy左個袋俾我老豆,今朝o係個盒出面寫左"happy father's day,from pig"就出左門口喇
聽站長尋日講想去元朗,我地去到得我地三條友仔,原來另外o個四個女仔自己去,
站長8點半番到去,so爭到呀~~~~我地三個拎晒d野,就去左搭269d~不過冇人識落車喎~
諗住到時先算嘛~係喎!o係總部見到小茹,佢同"晒落tall"一組喎!!!!!!羨慕~
o係車上面,我地三個坐o係車尾對住坐o個d位,唔知邊個話d格局可以開檯,之後站長就話佢有帶"pair"牌!!!我地就將o個張開工用o既摺檯放左o係各人o既大腿~鋤D~~~~~~~~~~~~~~~~
哈哈~好似番大陸o個d火車呀!~~~有檯~~站長鋤d好勁呀,佢兩條友仔都有嬴!!!我係大輸家呀!
玩左四至5次就收野喇,因為到市中心喇,我地各人拎住好多野呀,tata話好似出省咁呀~~~哈哈~
咁又真係好核突呀,d檯檯椅椅放左o係路邊,尋日都俾人以為我地賣野啦,點知今日又會唔會呀!
我地搵左一陣,搵到所謂o個間大匯豐銀行呀!!好,齊人就開始擺擋~
我同tata搵左陣o係邊度sell啦,企o係路邊唔係好得囉,d人好趕,so我地lastly搵左個空空地o既地方sell,sell左3個hour,我已經七十幾喇,我就拉左tata去食lunch,個lunch幾抵呀,$25好多野食~
之後番去再sell,去到5點幾sell左百四喇~~~諗住停啦~都夠喇,tata都夠數啦~就諗住唔賣,
點知阿站長話爭40幾就平均每人sell左百幾~~~佢原來多d人工呀!!!咁咪繼續賣囉~~~~今日total sell左百五呀~yeah~
不過tata唔開心囉,仲發我脾四,講真,我覺得係靠自己努力sell o既,問心無愧,我叫人buy都叫到聲沙,佢淨識講話企左半個鍾都冇人幫佢buy,咁佢有冇我搵得咁落力先,佢企左埋一邊,我唔係話佢冇叫人buy,不過唔夠落力o係到怨囉,仲話唔覺我把沙喎(唔信你問五指我有冇沙...),喂,我由第一日沙到而家啦,同佢行街佢又粒聲唔出行左去喎,問佢去邊又串我喎,小姐,你envy我拎我黎出氣當我咩呀,我賣得多過你就要發脾四架喇,你咁叻o既sell多d囉,咁咪唔駛envy我囉,你想我點呀,唔賣陪你好唔好?!定係自己賣夠61就全部幫你手,賣到你夠百五呀?!小姐呀,你唔努力爭取我都幫你唔到架,後來你又粒聱唔出自己走左,打電話叫你去同番站長講第一日d野你又唔多理咁o既樣,仲要同我講:"得啦....!"(好"灰"氣口吻..),你自己d野都唔緊,到時o係你份糧扣咋!!好人當賊扮,既然你咁講你自己搞囉...不過我都同左站長講過喇,真係下次咪幫你,等你自己野都唔緊丫喇!自己承擔責任囉,咁大個人咯!我知你有睇開日記,同你講實入唔到耳架喇,你嬲我都係要講,過份受保護係唔識長大架...
之後同5指佩欣走去左新港城din...

*哈,我覺得"晒落tall"好似靚仔版阿泰~

>>June 15, 2003 at 6:06:25 PM GMT+8

2003 年 6 月 13 日星期五【晴】

今朝好死黑呀...差唔多9點全日最大雨o既時候出門口,
行到去巴士站o既時候下半身濕晒,對鞋變左水鞋...全濕,連入面都濕晒...勁唔舒服喎!!!
仲要出太陽...真係xyz!@$#$%^&*()!....
之後去到tata o岩o岩先上車,但係佩欣已經上左車喇,咁我唯有唔上佢o個架啦,陪tata嘛...
去到好彩未出發o者...(先興奮?!),我地等左陣,睇左張LIST,原來又係全女班...
天呀,點解我生命中咁缺乏男性架...我呢個MOMENT又係需要有一個BOY黎...拎野...最好靚仔啦,哈哈~
之後我地四個,連站長去搭"車立"(其他人o係下面...)...行行下停左喎!!!困"車立"...
好邪呀...我地禁左好幾層先開門,係6樓...我地驚再困,so走左出去搭第二架...
我地今日去黃大仙新光賣,件3灰色呀~polo~一開始有倨阿伯以為我地賣3,走過黎問幾錢件喎!!!
哈哈~~~乜我地似咩?
三個hour賣左60幾,夠數就閃左出去聽茶會,去之前同tata去左食mummum,
嘩!!!好多老人家呀....老人團?!
之後mandy陪左我搭左幾個站,o係九龍塘落左車,我就返返去賣~賣到七十幾,見d人都冇乜mood買,
又落雨喎,咪同tata周圍hea囉,我地去左機鋪hea~~
走o個時落雨呀又...之後返返去個站到hea囉~~
finally等個女仔賣夠數就閃人喇~
佢地(其餘o個四個girl)話見到個同我地一間公司,有個女仔like佢o既boy,叫"晒落tall"某隻香口膠呢~~因為個boy書包有隻公仔係o個隻野囉~我第一次見唔到佢架,不過返到去就見到喇,又真係幾靚仔喎..佢個組個個樣都唔錯呀...好似全boy team呀~我地又全girl...~唉
出左車糧,手痕去左買多件遮仔polo...淺藍色~
等左14電話好耐,佢又話陪出去喎,佢冇約我咪約左d小學同學din囉!!
去左睇mandy呀~嘩...黑帶呀...我仲見到a呀...o....k....啦啦啦啦...
睇完去小巴黎食din,行左陣返左home,搭車時見到f.3o既男班"長"~我同佢一齊坐,傾下計嘛~

*把聲沙得仲勁...
*唔見左張time table....發脾4.....
*仲發仔寒...
*14o係6月14o既10點14send左個message俾我,不過我send唔到俾佢...
*打唔到tel出去...

>>June 14, 2003 at 5:21:33 PM GMT+8

2003 年 6 月 12 日星期四【晴】

我尋日冇寫埋d日記哦~嘿~~~懶嘛~
不過之後都冇乜野發生啦,去完tata屋企落左新港城,
仲有呢,就係有人打去叫佢返工囉!!!!我同佢一齊去in嘛!!話明星期三有得做架嘛~
如果我唔等$駛我都由佢啦!!!!弊在我今個月月頭就駛左一大半零用錢喇,又話去泰國喎!!!
so...今日扮晒野咁拉3尾去囉!扮以為有我份囉....-___________________-"勁驚唔得喎!!!!
今日朝早遲左起身呀,用左3個字o既極速換3&梳洗!!!居然俾我趕得切同五指&佩欣去搭車~yeah~
出到去夾口供,諗下一陣佢問起點算好...上到去d人出緊去喇!!!!我地o拿o拿聲上去,
上到去一開門就見到件super lovers呀!!紀燕同嘉敏喎!!佢地排緊隊,佢地仲話叫左tata名喇...
死喇,乜要叫名o既咩??咁我點呀....我地繼續等啦,tata見到有個女仔,就問我個女仔個頭似唔似佢,
我話唔似~人地個頭先冇佢咁"罕"~哈哈哈哈~
跟住有個人行埋黎....跟住唔係好記得喇,我淨係記得原來我地排錯隊....好核突呀.....原本入去mark名得架喇....佢叫我地入去搵番個名...tata個名就搵到喇,不過冇我o個個...梗係冇啦....
又扮野,"咦~點解冇我個名o既~~~"哈哈哈哈.....
佢就問我識唔識咩野王咩咩,佢話如果我地唔識就改左佢個名做我o個名~~~哈哈~得左喇我~
不過我地o個隊出左去喇,叫我乎自己去搵佢地,o係尖咀mtrA1出口,我地好樣衰呀...
唔記得落車呀..去左金鐘....tata仲o係到唱sammi o個首"落錯車,如離開了幸福的..."
我地仲o係到研究跟住點唱~哈~
去到見到tata話o個個女仔d頭髮似佢o個個,原來係同一team...哈哈,又會咁橋o既...
o個個站長叫x文偉...初頭覺得佢好惡...後來覺得佢唔係惡...係有d傻下傻下...
我覺得佢個look似大學生囉...好死正經....
去到落緊雨呀...d人都唔係咁肯買,咁我都明白,d人已經拎住把遮,仲要找零$去買喎...
初頭都賣得唔好,後來冇落雨,就愈賣愈多~~~見到我夠60咪幫tata賣囉,我諗都幫左佢賣左10張呀~
不過finally...佢都好似賣唔夠60...我地以為夠嘛!!!
賣到2:30...好口渴呀...由11點開工,又冇飲過水,又不停講野喎...又累呢,
so我地去左食我地o既lunch加tea,我就加埋早餐...我原來有18個鐘冇食野...可以去參加饑饉...
去左吉野家食,3點平嘛,我地去到2:40咋...買左杯7-up坐定定等....
返到去,幫站長睇野,佢去左toilet同買野食~過左一陣...烏雲密佈...站長醒水,叫我地幫手執野...閃入mtr...
之後不停落雨...賣得仲少過今朝o岩o岩開始...
我地成班人企o係射燈下(唔知點解有射燈!!!!)...等....再等....我地試過出去賣都賣唔到...
5點就走左去新港...坐囉...同埋tata變身!~~~~走o個時有兩個西裝友叫我地去casting....
第三間喇,我開始懷疑佢地隻眼係咪盲架...
好煩呀...又走左個煩惱出黎...唉...搞掂sunspot先啦...
之後去左搵番站長,佢話冇人同佢拎野...話時話...我地係全女班...冇男仔...(除左站長...)係呢個moment梗係要個boy黎拎野啦..不過冇喎!!!!!!我見站長拎得都幾辛苦下,我就幫佢拎左張"zip"檯...好大件呀呀~!!!重就唔重~不過好礙手呀!!!!!!!!!!!!!!!!!!!!呢個moment有個boy o係到幾好呀!!!!!!!!
之後返到去十下十下...都唔知我要做d咩...最後拎左車$$,有$31喎!!!!跟住就番左屋企喇...
今日好累呀...把聲沙埋呀....聽日仲要返...

>>June 13, 2003 at 3:49:40 PM GMT+8

2003 年 6 月 11 日星期三【晴】

今日上左阿tata home,第一次食丁丁粥,因為屋企冇丁丁,so冇試過呀!~
上到去唱左陣k啦,幫左tata搵左一陣去gra.din. o既3...佢想著牛仔裙呀>_____<"搞到我都冇乜心機幫佢睇...五指緊係贊成啦,佢like牛仔裙嘛...有d偏見囉...但係我覺得始終呢d場合都係著綠色o個條好d囉...我都係偏見~呵呵
之後就走左去上網喇~哈~
今朝(都唔係朝早架喇...)wavy又打電話黎問我同左阿媽講未,我話講左,其實係之前講過下囉,
其實我都知一間真o既model公司都係要收番d $$,但係我冇諗過真係casting到,
so未同阿媽講架(我指$$方面)...跟住佢仲同我講,可能有個甜品advertisment搵我做...
跟住我同佢講,如果太過貴都唔得架喇,佢就話都唔會好貴,會好reasonable,一係我可以叫埋阿媽黎...mm...我都係要諗下點同阿媽講...呢個我都未同tata講,因為我同左佢講前半,佢都不大感興趣,so冇講,佢黎到咪睇到囉...
唔打住喇,今晚再打~~~

>>June 12, 2003 at 8:07:37 AM GMT+8

2003 年 6 月 11 日星期三【晴】

突然諗到呢隻歌

誰來愛我小心愛錯
以免彼此無助
還能熱戀誰
誰能受得起那麼多
你最記得清楚 (為何拿著我消磨)
誰來愛我請好好對我
猶如拿懾著星火認真的我
花開了總想結果
才令你這麼對我 (才令你閃身掠過)

>>June 11, 2003 at 7:04:12 PM GMT+8

2003 年 6 月 10 日星期二【晴】

我尋晚又同佢傾,不過佢叫我4個字後搵佢,我訓著左,梗係啦,都唔夠訓
當我醒番都11點幾,mandy入黎搵我,佢傻架,由香港仔入黎搵我呀,真係無聊呀~
之後咪打左俾佢囉,手痕...
佢梗係咪訓醒啦,仲夜過我
佢叫我點幾打俾佢,好啦,打啦,叫完佢就收線,怪怪的...............
之後我起身,因為mandy到喇...
佢上到我屋企爭個頭未梳好...係咁二梳過下啦,擺明o岩o岩先起身啦,佢買左m記上黎食,
食完搵阿"盈",佢住我隔離座呀,出街撞得多過o係自己屋苑撞囉!!!~
去左大家樂坐,佢之後去左考oral...咦,話時話阿ray都係...
佢之後走左,我同mandy再上番我屋企,拎左d bb出黎玩~同佢地影左相相~
之後睇bj單身日記...嘩!!!!!個女主"腳"肥到嘔呀!!!簡直睇恐怖片咁呀!!!三級恐怖片!!!!!!!!!!~
睇完我老豆番到,咪出左去先囉,行左西田,買左兩個袋,一個俾我老豆,另一個當然俾...我啦~
之後幫tata去睇下有冇o個件啦~特登幫佢睇架,有喎!~不過佢又驚唔係o個隻色喎....-.-"
咁我就叫佢自己出黎睇囉~
睇完去左cinema,14到左喇喎!!早喎,終於唔駛我等,7:50有場,買左飛後去左wellcome買野飲,
買完入埸o岩o岩好~仲買左中爆谷,嘩...食完好死飽呀...
我地睇衰鬼上帝,都唔錯呀,幾好笑~不過記住睇ng片喎~
睇完行左陣街,就去左搭85k,返到去想食糖水,咪叫左佢去食囉,
咪上次o個間囉,gra. din.之後去呢...
跟住番左我樓下行左陣就番home喇...
佢話我側面似stepy(cookies入面o個個,唔識串...-______-),我都想呀...人地咁靚....我?!...我都想呀
佢icq問我係咪真係放,我答佢係,mm,都係o既...fd啦而家...佢仲話我幾靚喎...靚?!冇我份,佢醉喇...
好煩呀今日,俾ray今朝講d野困擾緊,突然諗起我都有支酒...不如飲埋佢...
冇啦,佢今晚都冇搵我,我諗佢條女搵番佢,都好,我唔想重蹈覆轍,我唔要個似馬強o既boy...if i can

>>June 11, 2003 at 6:36:17 PM GMT+8

2003 年 6 月 10 日星期二【晴】

絕密大公開
又講個秘密你地知...
豬晴會死o係咩野類型o既男仔....
係...溫柔o個款,當然大前題個樣要ok啦,must高過我...(only對我溫柔)
名正言順無知少女...俾人tum兩tum就耳仔款o個d-___-"
惡死"林dum"o既一定唔會考慮...當然又係錫到我火農o個d啦...
容易愛上人卻又不會維持好耐...--_____--但係責任感都幾重個喎...
可能唔會考慮太過耐同唔同o個個人一齊,但如果同一個人一齊講分手一定諗好耐...
然後有d內"夠"心,再加d自責,覺我好對唔住o個個人,不過為左自己,最後都會狠心...呵....
真的...溫柔咁同我講傻婆都好受架....直情係死穴....

>>June 10, 2003 at 6:43:07 PM GMT+8

2003 年 6 月 9 日星期一【晴】

<回覆>
"~ 小pui欣 ~"
唔係呀,我都唔知要俾幾多$~加上有好多diary都係免費,so冇諗住轉vip呀~^___^

尋晚最後傾到4點幾差唔多5點...
我同ivy,mandy撤左個謊,話我尋晚咁夜訓係因為玩電腦...冇他,費事佢地亂諗野...
今朝9點就起左身,因為我地幾個要出去報團,報左喇,19號去喇,報完o個下真係好開心呀,
笑左出黎,好滿足的樣子~~~哈哈~~~~終於搞掂喇!!!叫人叫左好耐呀,但真正搵團,再叫人,再報就唔駛一個week...唉,tata佢地囉,諗住等埋佢地嘛...算吧啦,我地本來諗住18o個日呀,但係冇upgrade到呀!!!!so我地去左食lunch食順便睇下仲去唔去o個個啦,點知返到去,冇位喎!!!!!我地爭扎左好耐,最後報左19囉~~唉~好多阻撓呀今日~唔係咁順利o者~不過都叫報到啦~!!!!
之後去左佐敦casting,我覺得今次吸取上次慘痛o既經歷,唔錯喎~~~
幾自然呀....佢話我幾好笑容...扮架咋...好累呀...大大話話有3日以上訓唔夠8個鐘,得4-7個鐘...each day
wavy最後問我tata冇份佢有冇唔開心...?!tata唔係都中左o既咩...我諗阿wavy攪錯呀?!明明有人打過tel俾佢架...死啦,我都唔知點同佢講,if佢睇我日記咪知囉!!!!都係唔講為妙...
跟住同mandy落左旺角,去左食下午茶,佢呀~幫我溫oral呀>_______________<好多謝佢呀,雖然我驚到咩到唔記得,但係佢有呢份心意我已經好開心架喇~~~~
我同佢食完tea,搭81去到so折~直情o係門口落~方便~~~
去到搵丁丁~佢男友都o係到-.-"~
mandy叫我著tee呀,但係我之前要casting,兩個唔同埸合呀!!!so要搵3...
finally,早左去呀!!!但係等左好耐好耐喇~~~....d遲黎o既就可以早d考!!!!!!!唔公平!!!!!
我等到六點幾呀...考完7點幾啦...我考o個group有3個人咋,ok啦,not bad呀~
丁丁叫我等埋佢先走...但佢個boy o係度...搞到我唔知點囉...發熱發亮...

....有人叫我搵佢...但走去關電話囉囉囉囉....
*dBB開晒眼喇

>>June 10, 2003 at 2:59:48 PM GMT+8