Showhappy.net - Members diary

日記

日記主簡介

<< 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 >>

2004 年 2 月 9 日星期一【晴】

今日本來要quiz art(又)...我本身唔知架,落到去先知..
不過呢~因為實在有太多人參加左卡啦ok比賽,攪到miss即刻"火農"晒塊面,
之後就決定左mock之後先quiz...-.-"....o個兩堂就用黎做功課,而家我o既art功課累積到5份喇...
但都冇功課o係學校...so~又同靜靜&豬旦hea左成堂半~呵呵~我地上襯art都傾計架啦~不過都有做野o既~

放左學唔駛quiz咪去左睇卡啦ok比賽囉,本來話我地o個班都上去唱架,但唔知點解finally cancel左喎?~?
嘩~今年好差呀,我指攪得個比賽...
因為book唔到hall,so今年o係canteen攪...d音響奇差囉,歌又細聲,咪又細聲...-.-"
睇到我眼訓,半路走左返屋企zzz...
我上年上上年同上上上年都睇足架!!!但係今年真係廢囉...

>>February 11, 2004 at 10:34:59 AM GMT+8

2004 年 2 月 8 日星期日【晴】

所謂人不犯我,我不犯人,
我隔離條友今日起勢咁打我,真係zxy!@#$%^..
成個虐待狂咁囉,本來呢,佢打我兩下,我先還返佢一下,而家我我忍無可忍先還佢...
佢成個顛婆咁我真係唔夠佢黎個喎,還佢拖又再打我,
佢今日仲離譜到打埋面呀,
後面d人都話我唔夠佢黎,叫我算,我冇野講囉,事實黎嘛,而家咪由佢囉,我可以做咩o者,玩都要識分寸呀?!
雖然我今日著左羽絨,但係佢咁打法唔好話feel唔到囉,我o個件野厚極都感覺到掛,佢咁打我唔痛都煩啦
佢英文,中文,econ,geo都同我一班,成日都抄我野,我由佢架喇,佢d成績又唔關我事o既,抄囉~
放學又打,頂佢
eve仲要企o係出面望住我俾隔離o個個恰喎,
佢之後仲一臉唔耐煩咁話我掛住玩唔執野,喂,你有眼睇架下話,我抄完本野仲要借俾個顛婆呢,
我跌左本maths書,d assignment跌晒出黎,eve見到都唔幫我囉,企埋一邊睇坐我執囉,
跟住隔離條友醒多我兩野先走,佢仲話我唔執野都好意思囉,
我忍左佢都好耐喇,成日借d倚串我冇記性,係呀,我係冇記性呀,so what,我唔係唔認呀,你又好好記性咩,五十步笑一百步,我成日都覺得佢俾人玩得多乘機發洩落我到...
我冇諗住同隔離條友玩過喎,我亦都冇同佢玩喎,係佢發晒顛咁打我咋喎
我係"林",但唔代表我要俾人蝦
我隔離o個個:friend我多一個唔多少一個唔少,我唔該你唔好再煩我

放學打俾君裕仲要俾佢哦我唔入去搵佢,仲話我留o係屋企都唔溫書架啦,
係喎,我係唔溫書呀,唔代表我遲d都唔溫,
我都話左我老豆星期日哦我成日出街咯,佢話我今年repeat仲成日出街又唔溫書,咁我咪出少d街囉
你地想我點呀,好煩呀,唔該你地一個二個唔好再煩我呀!!!!!!

>>February 9, 2004 at 9:13:18 AM GMT+8

2004 年 2 月 6 日星期五【乍雨乍晴】

今日朝早要返學補英文,個個week都要架啦~!
不過呢,今次唔駛著校服返去~可能miss驚我地凍得濟唔肯返學掛~
之後仲補埋econ,都唔係補架喇....佢成日都要我地quiz,一個禮拜quiz兩次以上,傻架佢,係唔係都要quiz,quiz上腦...
then放左學後返工...一路行仲一路落雨...
返到公司o岩o岩好12:00~
跟住買左lunch再去屈臣s買左好多零食,一路食到放工...( - .- )<--就黎變大肥婆喇....
放工o個時又落雨,去左買左把透明雨傘~~嘩~好開心呀~我之前都有把架,不過丟左lu!~
dinner去左和民食,之前食過另一間o既叫和庭,不過唔係好得囉...
呢間好好多...
lastly食完dinner就番左屋企喇....今日都仲係好凍呀....><

>>February 8, 2004 at 9:17:20 AM GMT+8

2004 年 2 月 5 日星期四【晴】

呢個係白朱古力入面有大大粒士多啤梨~好好味架~由北海道番黎~香港應該冇得買~有o既話話過我知丫~^^
我尋日(又)上左君裕屋企食飯,食下食下見到呢個盒o係部電視隔離,
已經覺得好似葦葦上年買俾我o個盒手信,不過諗下諗下,都冇聽過佢地話去北海道,
而且我個個禮拜都上去佢地屋企一兩日,應該唔會係o個隻朱古力掛~跟住就冇理喇...
點知食完飯諗住出去去睇戲o既時候,佢阿媽遞左盒朱古力過黎請我食~
一睇,完全係o個隻朱古力呀^~~~~~~~~~~~~~^
antie話俾左我,君裕話"唔駛啦,唔要喇~"跟住我望一望佢(佢睇唔到我...),就接左antie手上面盒朱古力喇^^呵呵呵呵~完全冇理君裕~呵呵呵呵
之後去左睇見習黑玫瑰~又幾好睇喎,幾攪笑呀~~~

今日阿"喬"同ube番左黎,佢地幫我幫買m記o係學校canteen食

*嘻~我拆左利是喇~多過君裕~~^___^~

>>February 6, 2004 at 11:19:53 AM GMT+8

2004 年 2 月 4 日星期三【乍雨乍晴】

今日又係好凍好凍o既日子,比尋日仲要低左一度...
不過我冇比尋日著多左衫,因為我真係著左件羽絨番學...

今朝例牌同阿eve佢地搭的的,
不過今日有唔同,我落到去,佢地就話趕唔切要去搭286m...
但係家樂未落黎喎!跟住佢地就話:'行啦,趕唔切架喇好多人等緊的士呀!行啦!!!!!"
so我地就去左搭286m喇...
落左車之後三條友仔係度狂奔...-_____-"
好彩o岩o岩趕得切...不過唔知家樂有冇遲到呢...雖然我後來都見到佢o係六樓

*我而家係學校library呢~兩堂空堂嘛~

回覆~
＊米玲＊
你好似寫錯字喎,係個梗字,唔係硬字喎!
嘩!d速度咁快既?我寫完識自己黎睇!~!
仲係到講風涼話...
更估唔到我話你顛婆都咁開心...

>>February 5, 2004 at 1:15:47 AM GMT+8

2004 年 2 月 3 日星期二【乍雨乍晴】

好好好好凍呀>____<好死驚凍...仲落雨呀!仲凍..
我今日比尋日仲要多著一件衫...total8件,
今日放學宣佈左聽日可以著羽絨~唔~聽日著下番去先~
我上年都有啦~嘻~

我隔離o個個顛架!!@@
佢"mon"左我條辮,襯我扎緊辮冇手o個時胸襲我呀!!!!!
仲起勢咁篤我個胸...>______<非禮呀....好彩我都唔輸蝕~篤番佢:p
後來阿pooh加入戰團....嘩~乜佢地咁鍾意玩d咁o既野架...-.-
我睇就睇得多喇,估唔到我都有呢一日...不過之前第一次係阿婷篤完eve,順便篤埋我....

今日唔駛上pe~哈~發達喇~個個都唔想上啦...咁凍...
同阿pooh & mayling玩key相,哈...唔知聽日我後面d人睇到會點呢?~

放左學本來去黃鳳"玲"搵君裕,佢今日同聽日都會o係o個度擺書展,
well,但係我唔知原來我之前參加左o個個聯校oral practise係今日放學....>_<
so...留左o係學校囉...
唔緊要,聽日先~
講講個oral practise先~都冇乜野啦,都係我一貫o既作風...
亂吹....呵....講左先算,o係未諗好之前已經講緊喇....@@講到一半先繼續諗.....

係喎~蘇b拎左本cosmo girlo係pe堂o個時睇,我見到有個stawberrycheese cake好似幾易整~
so我放學去左買本研究研究~~^^

>>February 5, 2004 at 1:02:35 AM GMT+8

2004 年 2 月 2 日星期一【乍雨乍晴】

今日超級凍呀!呢幾日我都唔願起身,賴床~呵呵呵~
我著左好多件衫呀~有.....7件呢~好誇張呢~~~
不過我怕凍嘛,都冇計...

本來呢,君裕家姐話今日一齊去搵佢地個老豆,
咁如果係去o既話,我就要同(我)老豆講唔駛食我飯架嘛~
點知,君裕話冇再約就唔駛去,
仲好~出面凍冰冰~留o係屋企仲good~...
番到屋企,見到鼠爸爸唔願郁,即刻拎佢出黎啦...
以為佢凍親,hold住左佢o係手好耐都冇起色,
lastly...
見佢奄奄一息左一陣,開始吸大氣,好似透唔到氣咁,之後仲張到隻眼好大,
仲開始好辛苦咁叫....
最後魂歸天國.....阿門......>_______<

我食完飯例版打俾君裕,傾左兩句,佢家姐打俾佢,仲叫佢一齊去搵佢老豆,
so佢"手查"左架車去入油先去接家姐...
點知,撞鬼左車,人就冇事,不過架車就應該要整,我都係九點幾佢打黎先知....
噢...
我o個日睇雜誌話唔知白羊座定屬虎o既人今年好易有車禍...
屬虎o既唔關佢事啦,but佢都係白羊座,唔.....唔通咁準?
我都想夠十八歲去學車架,不過睇黎運程唔許可,金錢都係一個好serious o既問題啦....

回覆~
＊米玲＊
那當然好睇啦,post得上黎o既都有番咁上下個喎~至少我係咁覺得丫!!

>>February 3, 2004 at 1:56:14 PM GMT+8

2004 年 2 月 1 日星期日【晴】

我o個班聽講俾人鬧足八堂喎!
點解叫聽講呢?
因為我drop左文學,而且elective又唔係一齊上喎,
so...我都係聽佢地講咋!!
不過奇怪地連econ阿sir都發脾氣,我聽到後面有人講"阿sir終於有番d男子氣概喇!!"
哈哈~我聽到當堂笑左出黎~~

>>February 4, 2004 at 10:15:59 AM GMT+8

2004 年 1 月 30 日星期五【晴】

eva今日走lu,不過我要返工,冇去到送機,佢地都冇啦,
除左佢o岩o岩過去o個時有送過,之後都冇人送啦!佢返得黎咁密,又冇叫我地送喎,so...咪咁囉,
我知佢9點pm機,我9點之前打過俾佢,但佢講左兩講話有事轉頭打俾我,
一等,就等到9點喇,見佢都未打黎,我就打俾佢啦,點知>___<佢走左喇,關埋電話,
聽講,佢o個陣同緊jason傾,你要明白,冇咁易甩身嘛...佢又咁多friends~唉~睇黎我排到隊尾喇:'(

>>February 3, 2004 at 2:06:32 PM GMT+8

2004 年 1 月 29 日星期四【晴】

今日又係返學o既日子,尋日已經要返,but好多學校都係星期一先返啦...
唉....唔fair呀..

但係,我都照出街,
雖然聽日要早起返學,
雖然聽日都要返工...
但係我都約左五指,eva,tata,仲有五指個timtim出去,今次仲預埋我個君裕啦~
約左好耐,我同五指,timtim,君裕先出到去尖咀,tata就話佢o係西貢,8點幾應該出到黎...
咁好啦,諗去邊,結論大家都想唱k,good~
但阿eva話打俾tata,tata話唔想..
當時差唔多九點,so我打俾tata問佢有冇彎轉,咁大班人最好去唱k喇,
佢話唔好,去starbucks...main-pt係,佢o個個moment仲o係西貢...仲話11點要番到屋企...
今次出黎,都算係幫eva farewell,而且eva都想唱k啦...
真係激死我zxy!@#$%^
成九點都仲o係西貢,出到黎起碼十點幾打後,我一路問佢幾時出黎,佢仲可以同隔離o個個嘻嘻哈哈...
問佢兩句先答我一句...
自己唔識諗o既,成班人等你一個出黎,等你出到黎坐一陣就走呀?!仲話十一點前要返到屋企...
d口吻仲要話:"你地唱k呀,咁我唔出黎喇..."
你自己攪到咁晏,都唔好意思啦下話,不過我聽唔出佢有呢個意思囉...

finally,我地冇理佢五個人去左寶勒巷,
去到around9點半,一路唱唱唱...
唱到中段,eva拎左部相機出黎,諗住影背住佢o既五指,當時我反串同timtim唱緊悟空...
就o係佢影o個下,我咁o岩望過左去佢部digital camera o既LCDmon...
eva一按個制,閃燈o個下,聽到個女人好高音咁"啊.............~"當堂寒左一寒...
初時我以為係五指叫,佢又以為係我,到我唱完隻歌,問佢o岩o岩係咪叫,
佢就話"乜唔係你咩...我以為你嚇我咋...
o個時先開始識驚,原來個個都聽到o個把聲...

>>February 3, 2004 at 2:47:20 PM GMT+8