Showhappy.net - Members diary

日記

日記主簡介

<< 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 >>

2003 年 9 月 1 日星期一【晴】

今朝七點四,五先起身,不過冇遲到喎!!我今年唔會遲到架!!!!!!!!!!!!!!....(希望...)
遲左一個字出門口,死唔去o既~

今日第一堂要處理班務,第二堂就已經係自修堂喇,哈...又幾得意,我之前修晒七科so未試過有自修堂~
落到去同呀館長-miss pooh傾左兩句,咪又係會考art d野囉,聽下邊幾個考c呀d呀~
然後就去左toilet打俾君裕~~哈哈~勁曳呀而家d學生~
傾完就走左返去自閉,溫下geo囉~

之後上geo堂,miss to教...講野好死悶...仲好鍾意將講過d野repeat又repeat....講得又慢,仲有d惡死
geo之後係econ,榮榮教,佢之前未教講我,我發覺佢講野同miss to相反,講得都幾快下...仲好鍾意問人野
例如:1+1等於幾多陳大文答(注意,係冇停頓過架)
2+2=幾多王小明答....
而且佢好鍾意問其他野,然後拉番去課文
例:占士邦入面女皇俾左個咩野特權佢呀李小小答,o岩喇就係殺人特權喇,英文就係xxxxxxxxxxxxxxxxxxxxxxxxxxxx,同econ入面o既咩咩咩一樣道理,英文叫xxxxxxxxxxxxxxxxxxx....
哈哈,都幾有趣....
之後上eng,miss yau未上到黎,我地已經從隔離班收到風話3號風球,可以走得,我地仲半信半疑,
直到miss上到黎我地先知完來係真架!!!!!!!我地開始執野走喇!!速度快過平時火警演習呀!!!!
不過執完野先宣佈分開一層一層走.....-.-"我地唯有坐番低等...因為我地係最高o個層...

走左出門口就即刻打俾君裕,本來諗住入去搵佢,不過諗下諗下驚入左去冇車返屋企,so冇入呀>_<
之後返到屋企訓左陣先online~
五指話見到我呀~佢話見到我放學,仲講得出話我電左個頭都應該冇認錯架喇~我同佢都幾有緣,哈哈,人頭湧湧都見到我喎!!

哈哈~尋晚成點幾先返到屋企,打完邊爐之後傾左都幾耐呀,仲上左去玩鼠鼠~俾隻惡鼠咬呀>___<
都開始返學咯...仲玩到咁晏...好似有d過份...嘿~

>>September 2, 2003 at 11:18:20 AM GMT+8

2003 年 9 月 1 日星期一【晴】

<<回覆>>
無聊人~
哈哈~估唔到你都有睇喎,你大忙人丫嘛~邊得閒睇丫,哈哈哈哈
係喎,開學喇喎,點呀,d嘩鬼係咪好恐怖呀,多唔多豬扒烏冬同咖哩牛腩飯呀~哈哈

ivy~
我睇你個留言好搞笑呀,每每諗住睇完,點知拉落d又多一段仔,拉落d又多一段,哈哈哈,拉極都仲有~
緊係啦,你自爆有睇我日記都唔留言好唔俾面架~好彩你有留,嘿~
我唔捨我你地班"番薯"嘛~驚你地冇得睇我d日記訓唔著呀~~so上到君裕屋企都埋頭苦幹咁打日記~呵呵呵呵呵呵呵呵^__________________________________________________________^
多謝你篇長氣留言啦~都幾有追看性呀,仲好有驚喜呀~~~
唔唔~我都明白幸福唔係必然,而且發生o係我身上面o既幸福係可遇不可求,所以我希望好好咁學會珍惜兼帶給別人幸福

馬仔
我都有d鼠鼠相擺左上網啦,o係我相簿之嘛~哈哈

>>September 2, 2003 at 11:17:52 AM GMT+8

2003 年 8 月 31 日星期日【晴】

之前都有唔少人睇我日記o既...
但經過我兩個月冇打日記催殘~fans一定少左(其實之前都可能只得一兩個...哈哈哈哈....)
so,突然間心痕and無聊呀~希望各大人士高抬貴手~
留下留言,再唔係好似某人某人咁,捉下我錯字,(嘿嘿~)
又或者say個嗨丫唔該~

*如果太少人留,即有d(偷)睇完我日記,又唔留o既話我會冇心機打架~~呵呵呵(強迫性要你地留言~)

>>September 1, 2003 at 10:30:03 AM GMT+8

2003 年 8 月 31 日星期日【晴】

嘩,今日第一日返學,特登同阿eve早一個鍾返,點知一返到去就見到d人勁排隊,以為做咩,原本要測溫,
痴線架!!!又熱喎!!駛唔駛咁老土呀,測少日唔得咩,最後佢(老mak)俾d家長話就賴落我地度,
話我地冇戴申報表,反野呀!佢都冇俾我地(指repeat 同新黎o個d)....鬼知要填呀!仲要日日搵家長簽!!
成個月都要,傻架!!唔係個個家長都得閒同你日日返學前度好體溫,簽埋名呀?!!!!
最後咪又係唔駛度就放我地走....(雖然我排得前,度左...)

入到去原來關悅笙都同我一班,仲有茄倫,melody
本來諗住miss yau做班主任都唔錯,但係諗下諗下都唔對路...
你知上miss yau堂要睇佢心情靚唔靚丫嘛....(即睇面色做人...),都...有排煩啦...

>_<禁錯野,本來打好o既野洗晒.............................no mood呀!唔打喇

今晚去偉程屋企打邊爐~順便睇下佢d雜錦鼠先~~~~

>>September 1, 2003 at 10:01:04 AM GMT+8

2003 年 8 月 30 日星期六【晴】

今日又係返工o既日子,返埋今日就淨係返星期日,哈,其實份工做得幾開心架,
有d唔捨得,而且o岩o岩上手,main-pt係----我o係間鋪入面都算係"手查""車立"人嘛~(只限間鋪)哈哈哈~~
我o岩o岩先至上手o既意思係人地入黎問我邊本邊本書我答到,幾多$我答到,
擺o係邊我答到,收$冇收錯,聽到d外國人客講乜問乜(之前唔知係咪未轉寬頻,d客問完我要load一陣先知佢問咩,唔係唔明,係load得慢...d客見你冇反應又會問多次...-.-"),大概都知點樣運作,
打滾左一個月算係咁啦~以我o既程度....哈

今日阿塋冇返,叫左君裕頂佢,yeah~~
跟住去左買鼠鼠野呀(偷懶~嘿)~~嘩~買左勁多呀~
哈...出左糧嘛...我每月頭都會買野俾佢架啦,一個月at least 一次~
買左間芝士屋啦,買左兩包草草~一包淨糧,一個轉轉,一舊咬咬石(激細粒~so cute~)差唔多啦...
一返到黎就係咁拎d新野出黎研究,哈哈哈~

放左工同君裙去左食糖水,又係我鍾意o個間~又係叫o個個超貪心o既糖水--楊枝甘露加湯圓加清心丸~~~~~~~~~~~~~~~~~正!~>_____________________________________________<
仲食左個"略水"拼盤就搭26返屋企喇~

愈大個就愈覺得呢個世界唔"簡單",唔知係咪我個人問題(即單純?!!...-.-"),定係識多左人,
發覺原來個世界好複雜,有好多以前冇諗過會o係自己身邊發生or自己出現o既野原來係好普遍,
只係自己唔覺or根本就封死左o係自己世界or過份被溺愛or...單純?!

>>September 1, 2003 at 8:56:50 AM GMT+8

2003 年 8 月 30 日星期六【晴】

今朝起身之後就起勢咁上網,上到悶先去幫鼠鼠換野...哈...好耐冇同佢地換喇,
一來要番工,二來要出街,三來唔少得o既緊係懶啦...(緊係第三個先係main point啦...)
換到咁上下o個時君裕入左黎搵我,yeah,但係佢未食飯,死都話要等埋我先落去食...
佢就o係梳化訓陣先...緊係啦,尋晚掛住打機,第2日又要返工喎,佢話一訓落去就訓著喇....
我搞掂晒d野見佢訓到成隻傻豬咁咪冇嗌醒佢囉,由佢訓囉,
咁我就落左去大家樂買我o既早餐加lunch加tea...順便拎埋我晒左好耐都未拎o既學生相,
買左個扒飯加凍奶茶,我見佢有好幾次都係叫呢兩樣野,佢唔食咪我食囉~
哈哈~返到去佢都未醒呀,訓到傻晒呀~
之後叫醒佢食mummum,食完佢就要走喇,因為老豆返,兼車我出去買鞋,買黑鞋囉,之前o個對丟左啦,
本來諗住買birkenstock,但係要成9百幾,諗住六百幾都買啦,點知有喎~得9百幾o個對係黑色o既...
仲要係白底....玩野......去dr. marten...唔要呀...麻靚...
冇啦,行左好耐好耐都揀唔o岩...我老豆咪講囉,買對鞋都買咁耐,好難買咩?!
真係唔想是但買對鞋...知唔知我上一對kickers著左幾耐丫,足足5年...
n年前生日禮物,仲要買大左,跟我阿媽size...39...我37咋...玩野呀....
見住d fd成日都換新鞋,自己又唔俾買,摻爆,又唔係冇$買,係要慳埋d咁o既野....!@#$%^&*()
不過諗落都算係幸福o個群架喇,諗落,人地一生可能得o個一對鞋...我著得o個5年算係咩!!!
唉,諗到呢度就算啦...
行左勁耐最後都有買,不過有點兒求其囉...累嘛,買到就算啦....

*買左dolly girl呀>__________________________________________________<

>>August 30, 2003 at 6:30:35 PM GMT+8

2003 年 8 月 28 日星期四【晴】

今日又係返工o既日子,一返到去就俾我見到隻大大大大大大大蟑螂>_______________________<
由遠處爬緊過黎,心諗:咪過黎呀...行開呀...-.-"
咁o岩有個婆婆想買野要俾錢,佢一見到隻蟑螂就踩佢,踩左幾下隻野都唔死,
不過就反左肚...跟住個婆婆對住我笑住講:有隻蟑螂喎,哈哈
嘩~勁唔該佢啦~~~~~~~如果佢唔踩隻野,隻野就會爬過黎架喇,勁多謝佢呀~~~~~
點知個婆婆走左冇耐,隻野o係到起勢咁郁喎!(仲反緊肚架...)嚇到我半死呀....
之後都死左啦,死左o係我面前...我又唔敢"執屍"喎...搞到我要對住佢食飯.......-_-"
唔得喇!!!我個未來老公一定一定一定一定...唔可以怕蟑螂呀!!!!!唔係點保護我呀~哈~(保護????!!!)

>>August 29, 2003 at 5:17:31 PM GMT+8

2003 年 8 月 27 日星期三【晴】

嘩~~~~好耐都冇打日記喇....
如果唔係我尋日打去催佢都冇咁快有得上呀,
等左勁勁勁勁...耐呀!!!!!
由7月幾話轉寬頻,講定左日期話幾時幾時上黎安裝,
之後臨上黎o個日先打黎話個屋苑d線full左,要等兩個禮拜,再兩個禮拜,再兩個禮拜...
尋日我終於打電話去話佢(其實都唔算話,不過唔係咁耐煩咁囉~),
到夜晚就有人call我約時間安喇,你話係咪犯賤呢....唔打去話過佢都唔搵我個喎....

今日又係返工o既日子啦,返埋呢幾日就要返學喇,有d唔係咁想返,
都放假放左咁耐咯,玩到創晒啦,哈哈哈哈~
我好多野都未買呀,鞋又未買,套運動長衫長褲又未買好似仲有本書要買呀...
算~買得切o既~~~~~

唔知尋晚大家有冇睇星星呢,噢~係火星先o岩~
嘩,真係好死光,成盞燈咁掛左o係個天上面~我初時都唔知係o個粒,
不過我樓下有d人企左o係度睇,佢地講開先知,
聽radio講錯過左今次要等二百萬年先有,不過呢個現像會持續成個月咁耐~
咁中秋o個陣仲o係唔o係度呢~
嘿嘿~我尋晚都有同男朋友睇呀,不過都唔係特登去睇o既,咁o岩o者~
睇完唔知點解覺得好玄呀,玄妙呀!今次見到粒星星,就好似我遇到我男友咁--千載難逢呀~~呵呵

星期一同男友,阿發,macy,同佢地中學同學去左遊船河呀,
作死囉~朝早仲三號風球,2點幾就去左出海咯...
遊水,食野,唱k,夜晚仲有得"釣"墨魚,不過冇啦,全船人"釣"到一條,仲係船長'釣'o既...
不過都幾好玩呀,返到屋企成個人散晒,哈哈,一來玩左成日,二來食左個豐富o既宵夜同早餐:p

*我電左頭髮喇~今次電曲呀~~哈

>>August 29, 2003 at 5:16:46 PM GMT+8

2003 年 8 月 9 日星期六【晴】

今朝去左同老豆阿媽食早餐,之後佢地車左我返工...

講咩呢~
諗唔到d咩野講呀,不過呢,就想講一講...
我男友送我返屋企~~
佢次次同我夜晚出完街都會送我返屋企,但係有時太夜,唔係咁捨得佢送,我就會叫佢唔好送,
咁佢就會講:"冇可能,你知冇可能架!"
哈哈,佢咁講完我通常都會由得佢,
不過,諗下諗下,其實我自己走會點呢,一定會後悔,一定會想佢送囉...

>>August 10, 2003 at 3:21:20 PM GMT+8

2003 年 8 月 6 日星期三【晴】

放左榜喇~
開心o既就係我拎到8分啦,以我基本上冇溫書o既情況下....真係好好彩>_<
唔開心o既就係英文雖然pass,但係始終oral fail左...好唔滿意囉....!!!!!!!!!!!!!!!
仲有就係掙一分就可以好順利咁o係原校repeat囉,
雖然而家都得左,而且可以o係番自己讀緊o個間真係好開心,不過之前本來唔收架,我得8分,要九分先收,
但係搵左miss王幫手,係佢幫我同趙sir& miss pooh (大pooh)傾o既,搞左好耐都得左囉>____<真係好多謝佢呀....

尋日走左去搵學校,搵左好多間一係full,一係d課程唔o岩,(其實都唔係搵左好多...)得一間聖若瑟肯in...
不過勁串囉間野,扮晒好o既學校咁.......激死,俾佢打沉晒!!!!!!講下佢d問題俾你地聽....
佢地(一男一女)問我,點解oral fail,中史fail,點解我要染頭髮,戴手鏈,點解我中四中五有遲到,點解要repeat,點解之前校內成績唔好,對佢地學校有咩野認識........癲架!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

之後勁冇mood加沉晒加勁down加落雨加勁唔like o個間野=出左旺角駛晒d$$$$$$$$$$.....(月頭+出左糧=大駛=手痕...呵呵呵)<------傻左.....-.-"
買左好多野俾鼠鼠(們)啦~買左我有生以黎第一條自己買o既而且又勁like o既裙啦~(而家勁like...)o係bauhous買~
仲有周杰杰新碟~~~~yeah~
之後去左別府ｍｕｍ　ｍｕｍ～～～

我要ｏ係到多謝好多好多人啦！！！！
排名唔分次序．．．唔好話我唔擺你ｏ係前面呀．．．．唔記得左寫你唔係我唔多謝你．．．．但係多得濟．．．．寫漏左．．．．．．
ｉｖｙ啦，佢俾左好多意見我啦，幫我問佢ｄ”文”人ｆｒｉｅｎｄ啦，又俾我煩左好耐喎！！！
ａｌａｎ同ｙａｈｏｏ啦，幫左我好大忙啦，又陪左我好耐，請左我食ｌｕｎｎｃｈ同ｔｅａ啦，
ｐａｕｌｉｎｅ啦～叫我加油囉～
當然有五指＆ｔａ啦，佢地自己都要搵野讀，仲要俾我煩～
劉雪螢同佢ｄ　ｆｄ啦，幫左我好多呀！！！俾我打尖啦，幫我手諗辦法啦，叫我搵ｍｉｓs幫手,如果唔係我都未必搵,仲有陪左我倆俾左好多意見我啦!!!!雖然同佢唔熟但係都好幫我囉,
仲有佩欣,佢同我一齊搵學校repeat,又等我,又話我知邊間仲有位,
miss王啦,幫我打人情牌,俾左好多出路呀,意見呀分析呀等等....
miss pooh(大pooh),趙sir,miss lee>_<俾我repeat...好感動
其實阿發呀,偉程呀等等等等都有俾君裕煩~嘿嘿~唔該埋佢地~~~
仲有邊個呢.............程程丫,係佢話幫我搵老師support我,雖然最後都冇,但係都激發起我返學校試多次....
仲有仲有最重要o既緊係我男友啦,佢尋日又陪我放榜,又陪我搵學校,仲有行街,今日仲嚇親佢呀....(我都唔想架...:'(.....................)當然仲有佢o既支持啦,
o拿!!!你話養我架,冇得後悔喇!!!!!!!!哈~
嘿,記住我所講o既野^^~~~~~~~~

>>August 7, 2003 at 1:45:56 PM GMT+8