Showhappy.net - Members diary

日記

日記主簡介

<< 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 >>

2003 年 4 月 21 日星期一【晴】

<回覆>
Puiyan~.~
冇呀,呢幾日都唔o係屋企~
去左街街好夜先番嘛~咪冇心機打日記囉~~~ :p
而家打番啦~^___^

>>April 22, 2003 at 5:19:40 AM GMT+8

2003 年 4 月 20 日星期日【晴】

今日入去姨媽屋企,兩點幾入到去黃金海岸啦~
跟住咪食lunch囉,三姨媽仲帶左佢個friend同佢個friend個女黎...e...又係十歲都唔夠o既o靚妹...
都唔o岩玩o既...
不過uncle keith(唔知係咪咁串...)個大仔o係英國黎左香港住起碼半年喎,講一講個background先,
我姨媽同我姨丈離左婚之後同左uncle keith同居,仲生左個仔benzi(又係唔識串...),
咁uncle keith係英國人(好似係英格蘭人..又係唔知...),佢同佢前妻生左兩個仔,而佢今次黎o個個就係大仔,今年22歲,同uncle keith個樣好似架...-_______-激高,我諗有180以上,不過就唔係咁靚仔o者..
素食者一名...但唔知點解要食齋...?
之後又例牌地去左wellcome買野今晚食,唔駛諗又係kill bb啦...
仲要係o個d一個人燒晒俾咁多個食o個d爐...-_______________-"
咁o係姨媽屋企又冇野做喎,咪幫手整西瓜汁囉~
整完睇左陣電視就上左二樓上網....
嘩!!睇下阿大仔訓邊先...原來買左張新床俾佢,o係個書架上面,
係o個d類似碌架床o既物體(好似我o個張咁...)
順帶一提,我表弟愈黎愈多玩具...搞到間屋變左玩具店...成個廳又係,房又係.....
我姨媽間屋已經唔細架啦.......

之後都冇乜特別野發生啦,不過最特別o既就係....
佢地kill緊o個時講開我要cee啦,咁就叫我同佢地傾下....練下oral....
不過我冇so佢地....其實我後來都又走去埋佢地堆聽佢地講野...嘩....講得好快呀...聽唔晒...
淨係大約知道佢地講緊咩野............唉..........死啦......會唔會oral呀listening呀唔掂架.....
臨走叫姨媽整tiramisu俾我食~~~yeah~我姨媽整野食好叻架~~~~^____________^外賣~

*呵呵~o係姨媽度拎左個鼠鼠食物兜俾我d鼠鼠~~~~~yeah

>>April 23, 2003 at 4:40:54 PM GMT+8

2003 年 4 月 19 日星期六【晴】

今朝老豆佢地去左拜山,我問阿媽我聽日駛唔髮去,佢本來話左要架,不過後來都冇叫我去~
後來佢地拜完就叫左我去同阿女麻飲茶,o係河畔囉~
飲完茶就返左屋企~番屋企途中就打左電話俾14約時間~~
佢原本去清水灣游水~仲話勁塞車喎!!咁又係呀,呢排d人驚左sars,都冇出街,難得尋日咁好天~
d人咪湧晒出去囉~今日游水好丫~好好天呀~
佢要我諗食咩呀>__<跟住就約左7:30o係聯合出面等,出到黎先諗啦.....
咁我就諗住早d出去寵物街買鼠鼠D野~7點度就出到去喇...點知佢打黎話塞車>_____<
finally等左我差唔多兩個鐘呀>__<
我行左半個旺角呀...尋日行完尖咀...前日台灣,沙田....天呀....行到冇mood呀...
行左兩次寵物街啦,由頭行到落尾再行番上頭再行去尾,再過左瓊華,跟住chic之寶,新天地,家樂...
無理由自己一條友去機鋪hea呀...怕俾人撩呀...我行左半個旺角都勁俾人望...勁煩呀d人...前世未見過女仔咩...望咩野望>________<又唔知去邊喎....
行到去twins張新o既大"型"海報(真係好靚呀佢地~~~~仲有BOY'Z呀)下面
14就打黎問我o係邊,過黎搵我...終於到喇-____-"
我就話o係pizza hut對面,跟住佢就話o係百老匯門口等....好啦....等下等下唔對路,無理由咁耐架...
又話o係附近....跟住再call佢啦...佢話佢到左...咦...唔見喎....
問佢見唔見到pizza hut,佢又話見到....好邪呀.....
我企正o係百老匯門口無理由見唔到佢架...
咁我就提意不如o係pizza hut門口等啦...
原來....佢o係百老匯戲院...我o係百老匯電器鋪...一左一右...都係百老匯...向左走向右走??
however啦,都搵到...跟住去搵野食
佢遲大到喎...梗係屈佢諗啦~嘿嘿~食野呢方面最好男仔諗架啦~ :p
好啦~佢話食xxx,我話事但啦~
點知佢又唔記得左間鋪o係邊喎!~~哎呀~仲乜呢兩日d男仔都係咁架...-.-"
佢問我肚唔肚餓,一係食其他野,我就話麻麻啦,搵下囉~~~~^^
後來再行埋另外半個旺角....不過都搵到~~~YEAH~
食完都十點幾,哎呀!!!仲諗住去買鼠鼠野~~~SO又行左去寵物街~~~嘩~!!差唔多關晒~得番幾間~
最後買左好多野呀....不過唔駛我拎~~YEAH~~^_______________
佢幫我拎嘛~都好重架....都有D唔好意思架..
跟住佢問我去邊,我話番屋企囉~佢聽日要番工-.-"
我地o係榮基小學出面等車~不過嫌冇位坐~~~so行左去前一個站~中途走左三架車...-.-"一係就咁密架....我地去到個站,等左一陣就有車..不過冇位...e...唔得呀...再等!!!!佢都話等架~^__^
哈哈~~~~最後都有位兼有車~~~~
lastly佢送左我番屋企~我本來叫佢唔駛送...佢幫我拎野拎左好耐喇...-.-"...要埋佢送我都唔好意思啦
不過最後都有送~^^

佢話我個樣細個....唔係呀....我係咩??我行過d叫人申請信用卡o既人都會問我申唔申請,而唔問我隔離d friend......-_________-"我仲驚我個樣大個添.....唔知呀唔知呀唔知呀....

嘿嘿...14好似唔睇我個日記板個何~....如果唔係穿bow囉>_______<~

喂~你睇要同我講呀^^.......................................................................................................................

>>April 22, 2003 at 10:25:34 AM GMT+8

2003 年 4 月 18 日星期五【晴】

今日又係假期,即係阿媽同老豆都放假~
有人請食飯哦~好準時地4點半前出到尖咀~
但o個個人囉~遲到!!so我去左九龍公園麥記食左包薯條~同奶昔~
佢話搵唔到麥記喎...話明俾佢聽泳池對面咯...咁都搵唔到...-_______-"
之後落左機鋪~嘩~~~出左部新機呀!!!!好得意架,打大鼓呀!!!超cutie呀>__<
玩左幾鋪game就去左行街囉,真係得個行字~都唔係咁想行~
仲見到許進喎!不過佢見唔到我囉~~~~~呵呵~
咁夜晚去左魚一丁目(唔係好記得個名)食,不過o個個人都唔知係邊o既~佢個friend介紹喎!!
我咪幫手搵囉~~原來lane crawford對面新開o個堆入面-____-"
好啦,佢又冇bk,要等位~佢呀!!!!!無良心呀,記錯我生日,so bk錯.....
However啦,入到去坐低嗌野食~諗左勁耐....廢事食左人地隻車啦...
我地仲研究個牌,上面係alcoholic cocktail,下面係non-alcoholic o既cocktail,
咁我就話alcoholic係解有酒精,佢就話個look似下面o個排似有酒精多d喎.....
最後我地揀左有酒精o個排........仲要黎左飲過,見到佢塊面紅左先知....-__________-"
呵呵~我又冇野個喎,我飲酒(暫時每次細一支or一杯)又唔會紅個喎,人地話咁樣唔好架!!甚麼發唔出喎!!!>___<
嘩~食唔晒,打包-.-"
食左5百幾蚊呀,兩個人咋喎!我覺得貴o者~
呵呵~算~有人請~~
跟住佢送左去車站就番歸喇~番緊屋企o個陣塞車喎!!!!!咁手痕就打左電話俾14喇~~~~yeah~~~~~

o拿o拿o拿~唔好諗錯隔離呀!!!!!!!今日請我食飯o個個friend黎咋!!!-_____________-

>>April 22, 2003 at 7:21:54 AM GMT+8

2003 年 4 月 17 日星期四【晴】

今日係我o既生日啦,我今年o既願望就係呢.....唔講得~~~人地話講左唔靈架~哈哈哈~

咁今日一早就出左街~哈哈~十點半仲唔早呀?我平時都好少咁早就起左身...
我約左tata啦,同阿魚十一點o係新港城McDonald門口等喎,都唔知點解成日都約o係o個度等...
我約人o係o個度等係唔會企正o係門口架....大部份都係會坐o係而家k-swiss出面d椅....
有d....問題囉,咁點解唔直接約o係k-swiss出面椅到等呢?????-_________-".......嘿嘿
算啦~夠晒special呀~

講番個背景先...
咁本來14又話去,不過要我諗去邊,又叫我搵人,但係到尋日都冇影喎,佢又冇同我再提...
tata佢地都知架喇,so咪睇14頭,睇下佢係咪去囉,
如果佢去就kill bb,唔去就我地三條友仔自己搵野做囉!(當然kill就要另搵人啦...)
咁我地就照計畫出左去見到面先再算o既~咁其實我尋晚同14傾過icq...佢話佢要返工....改星期日...

好~講番之後點先~
佢地遲到啦,我又早到喎....諗住廢事遲到,搞掂晒野咪出早d門口囉...
一路等一路回message俾14~
我等等等等等等,終於等到佢地黎喇~
我話出台灣,tata好大反應,哈哈~佢帶左報紙諗住燒野食呀~~!!!!哈哈~係喎...佢地都仲未知14唔去~不過烈日當空喎...tata又唔可以....咩野囉~
唔係三條友仔燒呀!!!!!!我覺得kill bb一定要有男仔囉...幫手拎野嘛-.-"
加上得三個人點燒呀,點買野呀.....
SO最後.........去左樓上食韓國燒呀~O拿~又有得燒喇~又唔使煩喇~哈哈~幾好呀~
入去O個陣冇人架,好冷清架,不過食下又多人D,食下又多人D~
跟住食完就出左台灣~~唱K~YEAHYEAH~我地口痕嘛~我地去銅鑼灣廣場O既NEWAY唱囉~
嘩嘩嘩~開左勁大間房!!但係得三個人咋喎...開左間十幾人O既房俾我地...大得唔自然囉...驚驚...
會唔會唱下唱下多左個架...>____________<

之後去左sogo睇super lovers啦~~~yeahyeahyeah~
仲行左十蚊店o個個商場~之後去左city super拎野啦~就自行走左喇~~
佢地就繼續行~我就搭車出沙田食ruby tuesday,我仲以為仲有discount添~點知我阿媽話冇左啦~
咁點解唔食第二間喎-_____-"佢一做半價,我family就會去食架喇....
我想試第二間~都未試晒新城市入面d鋪頭~
食完過左偉華(奶哥開o既????)入貨...跟住就番左屋企喇~

呢個就係我十七歲o既生日喇~~^_______^~~

>>April 22, 2003 at 6:23:12 AM GMT+8

2003 年 4 月 16 日星期三【晴】

今日係阿菁生日~~~~講句生日快樂先~~~~唔唔~祝佢pass到a-level啦~順利升上大學!!~yeah~

嘩嘩~今日好好天呀~太陽伯伯終於浦頭,呢幾日都唔多見佢-.-"可能我冇乜出街啦~_____~
呢幾日除左出去食飯又真係冇乜出街-.-"
又冇乜做個野喎...哈哈~~~~~stay o係屋企發毛呀

有好多人問我聽日去邊....講堅....未諗好....
同tata傾....佢話去烏沙....kill bb...
跟住我諗到頭都大埋...原來佢話自己搭爐...哈哈哈哈....咁好feel呀??!!!!!
仲要lunch燒~~~哈哈~~~~唔洗kill啦~實有燒豬食喇~(晒到變燒豬....)~~哈哈哈哈~
佢話驚晒就不如去漢陽苑啦,有冷氣!!!~~~~哈哈....愈講愈遠呀!!!!!!救命...
哈哈...仲要6點幾走.....哈哈.......救命呀>_________________________________<
...............................

>>April 17, 2003 at 5:59:19 AM GMT+8

2003 年 4 月 15 日星期二【陰】

o係討論板見到o既~

>>April 16, 2003 at 7:47:23 AM GMT+8

2003 年 4 月 15 日星期二【陰】

張相好似.............好........大..........
呵呵~~~是但啦.......呵呵呵呵~____________~

隻鼠鼠係tata o既,我講過啦~~(冇??你肯定唔留心聽書喇!!!!!同我抄校歌五十次!!! ^^")
有兩隻架,不過有隻走左去訓覺-.-"

睇番張相,我覺得有d遺憾架!~
一來影得唔係咁好啦,二來冇左yahoo囉,唔齊人點叫班相呢~(最好有一張叫埋miss王影~)
三來......你留意下個board...都唔係我地o既,突然降級???!!!!變左form2...-.-"???
唉....應該用番我地個board做background嘛~雖然好鬼殘-.-"甩下甩下咁...但係我都有份整個喎!!!
同埋用人地個board影好似好怪,一係就遮左佢啦!!!
唉~講起真係黑仔,我地o既last day咩野氣氛都冇,緊係啦,撞正SARS...
又要早走喎...十二點幾就走,之前d師兄師姐都唔知玩到幾癲呀>____________________<
唔制呀>_________<賠番個last day俾我呀>__________<....

>>April 16, 2003 at 7:30:48 AM GMT+8

2003 年 4 月 15 日星期二【陰】

我o個日同其中一隻鼠鼠影左相,post上黎先~

仲有school leave o個日張班相呀~~~~~
冇yahoo架....佢都唔合群o既,我地影相o既時候,佢自己一個行左出去....-.-"冇佢乎....
仲有影得唔好啦,我個書包搶晒鏡-______________________________________-"
點解唔zoom架...

>>April 16, 2003 at 7:11:34 AM GMT+8

2003 年 4 月 14 日星期一【陰】

習慣失戀容祖兒

作曲：舒文
填詞：林夕
編曲：舒文
監製：舒文

不拖手　或者都可堪稱熱戀
一拖手　比咳嗽更短
太快了　我未快樂過已失戀

想不起　被愛是如何溫暖
想不通　未夠資格使你心軟
但也知道心會這麼酸

＊理所當然我的錯　令你忽然離開
　半路留下我（也是我錯麼）
　為何這麼快看清楚　落得這結果＊

＃知我是個　無法討好的人
　相戀一刻　只是我的僥倖
　然而回頭　誠實去自問
　我可討厭到　如此乞你憎

　知我連眼淚　也絕不感人
　只知怎麼考驗　你的操行
　從前為何　纏在你附近＃

你不寂寞　便嫌我笨
難道我未夠好　未懂得熱吻
足夠令你憐憫　勾不起你的興奮

不擔心　自尊心這麼受損
只擔心　我將我看穿
我怕我　以後太習慣了失戀
Repeat（＊）＃

更加速發覺　原本都不相襯
我未夠吸引　你未夠狠
Repeat＃

到底這個故事　有沒有發生
何必受罪　心即使碎一碎
我仍能　繼續追
願那一刻共聚　懂得怎去相愛
愛人難　我肯學　定能愛下去

>>April 15, 2003 at 9:46:22 AM GMT+8