Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 >>

2002 年 10 月 25 日星期五【晴】

尋晚睇張小嫻[荷包裡的單人床]睇到凌晨四點,睇到停唔到,次次都係咁,今次個結局係happy ending,之前睇過o個幾本都係悲劇收場,慘~我鍾意睇佢d小說多過散文,散文悶悶地,唔介紹你地睇~
今日入左禽獸(錦繡)花園燒野食~有個兩歲o既小朋友拎佢個髮夾幫我夾,哈哈,我一向都覺得我夾夾唔好睇,睇下睇下,唔係丫,幾得意呀~
o係[荷包裡的單人床]提及過一個心理遊戲,234頁,大家可以玩下:
你喝下午茶的時候,正在閱讀一本愛情小說,讀到精彩處,不小心打翻了面前的一件蛋糕,你會怎樣做?
a. 再叫一件
b. 不要了
c. 撿起來吃

答案:
蛋糕意味著逝去的愛,所以對它計較與否,可以看出一個人對舊情人的愛是否強烈。
選a.這答案的人很執著,對舊情人終生不忘,是癡情種子。
選b.答案的人對蛋糕毫不執著,對逝去的愛,想得開,也放得下。
至於選c.的人對面前的蛋糕十分執著,他無法忘記舊情人,所以到現在為止還找不到真愛,與其說找不到,不如說是他自己每次都故意讓機會溜走。

準確嗎?你選的是甚麼答案??

>>October 27, 2002 at 11:56:26 AM GMT+8

2002 年 10 月 24 日星期四【晴】

阿Ta今日生日~~~生日快樂~大個女囉~~~可以入機鋪囉~~<----唔會再俾人捉出黎~~~^^

>>October 27, 2002 at 1:08:44 PM GMT+8

2002 年 10 月 24 日星期四【晴】

我尋晚番到屋企發現唔見左部計算機,搵左勁耐都搵唔到,擔心死我,咁今日番到學校緊係問下隔離o個個見唔見啦,點知佢話冇,仲話點會o係佢度,不過我堅持要佢搵下個書包,好啦~搵下搵下,原來真係o係佢度,cheap呀….
今日勁累,真係坐o係度都訓得著

>>October 27, 2002 at 11:53:34 AM GMT+8

2002 年 10 月 23 日星期三【晴】

旅行癮又發作,超想出國,離開一下香港,到處浮~不過短期內都應該冇得去,老豆話買左架車冇錢去,我阿媽跟住話:原本可以去歐洲架….>.<我可唔可以揀去旅行,可唔可以退番架車呀….

>>October 27, 2002 at 11:32:11 AM GMT+8

2002 年 10 月 22 日星期二【雨】

<回覆>
[路人甲]
哈哈,係呀,好傻添呀~玩到傻晒呀~~~~

[花花}
哈哈~~~~冇架~俾人話我唔寫日記嘛~~~~咁咪勤d寫囉~~~~仲有.....我成日控制唔到要上網呀~~~~so順便寫埋日記囉~~~~~~你唔好學我呀,唔係你師傅話我教壞你~吊起我打打呀!!!!!

>>October 23, 2002 at 11:19:44 AM GMT+8

2002 年 10 月 22 日星期二【雨】

尋晚睇電視見到陶吉吉出左隻”黑色柳丁視聽保存版”(<-----應該記冇錯),好似好正….儲錢買-.-+
尋日勁煩呀!!!!!上極都上唔到網!!!!一上就cut,超摻!!!!!!!
有d人好鍾意o係沖涼o時候唱歌,我就好鍾意o係沖涼o既時候諗野,諗好多好多野~諗乜野?唔記得嚕~我沖完涼就咩野都唔記得~~~~(應該係話平日都咁冇記性….)
今日估下同邊個食飯?哈哈,同”中”呀,係咪好奇呢?其實呢,我同班friend咁o岩搭佢檯,so今日同佢食囉~哈哈~

>>October 23, 2002 at 11:06:36 AM GMT+8

2002 年 10 月 21 日星期一【陰】

Delete錯左陶吉吉隻Md…..冇左兩隻歌>.<”dear god”同”搖籃曲”……好慘…超慘…super慘…Help……唉……
今日又凍左,好涼呀!
而家教P.e. o個個係Miss Lo,佢一開始就講明上P.e.堂一係就著全套短衫短褲,一係就全套長o既,摻啦,我唔見左套長o既,咁冬天點算呢~佢好煩架~Miss司徒都唔使我地著全白o既運動鞋啦,佢又話唔白唔得,攪到我要著白飯魚,都唔知之前o個對點算…哈哈~今日又係打羽毛球~唔好睇我高高大大,其實我運動白痴,樣樣都唔掂架!今日都算叻架喇,平時十球得一兩球接到~今日係咁”咦”都打到~
*Maths test,唔知合唔合格呢~

>>October 22, 2002 at 1:38:37 PM GMT+8

2002 年 10 月 20 日星期日【晴】

<回覆>
[大中!!]
哈哈~梗係唔寫你名啦~~~~廢事俾你鬧....~
唔方唔開心~簡直係畢生難忘呀~~~~!!!!哈哈~

[路人甲]
哈~做乜咁開心呀??

>>October 21, 2002 at 11:43:59 AM GMT+8

2002 年 10 月 20 日星期日【雨】

朝早四點幾開始落勁大雨,又行雷,又閃電,不過都冇辦法阻止我訓覺~涼左好多呢~大家要著多d衫,唔係會好似我咁--->病左~
嘩~電負離子愈來愈平,”紀易拎”電左,都唔使$250,真係幾平,之前電都要差不多$500,我都係時候要電電!不過呢,原來佢最想電”曲”,哈哈~都好似唔錯~我都想試下~始終人工”曲”唔同天生~好睇好多~大不了唔好睇咪電番直囉~何況有時嬲嬲地諗,不如電”曲”佢算喇,睇下會唔會負負得正~哈哈~大家俾d意見我啦~
今日Geo堂黃溢”顥”幫阿sir派答案,派到我o個行時,叫我:”喂,靚女”然後”第”d答案過黎,我答佢:”嘩!你唔係呀,我咁都叫靚女?”,跟住佢就話:”梗係靚啦,你比起我鄉事會d女仔靚好多架喇”,我真係服左佢,講乜都可以拉到鄉事會,我記得o個日同Miss傾開計,佢話”黃”差唔多篇篇作文都會提到鄉事會,我諗佢可能作[記一個停電夜]又提到佢o係鄉事會開開下會停電o既經過,作[談談中學生應否談戀愛]又會寫學生唔應該拍拖,應該去鄉事會幫手~~~~哈哈~十成十係呀!仲有,佢居然拎我黎同佢鄉事會d人比…..
哈哈~~~放學搭車番屋企o個時見到柏倫仔(我地覺得佢有少少似小丸子入面o個個花倫同學~Baby~~~)嘩~好似好耐冇見,之前放暑假成日一齊出去玩~不過都冇乜可能lu~如果Johnson同Mingo面阻阻o既話….如果可以o既話,我希望可以再成班一齊出去玩~!!!!

>>October 21, 2002 at 11:18:37 AM GMT+8