Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 >>

2002 年 11 月 1 日星期五【晴】

<回覆>
[阿Be]
乜你地一個二個都係咁架....個個都唔肯留言,留下會死咩,會蝕底架?!哼!

[路人甲]
緊係得啦~~~~~~~~~~~~~~~~~呵呵呵~

[*肥PAUL*]
仲笑~成日俾錯我個手提號碼人!~遲D呢,我要O係個留言後面加多句:"如果搵Pauline O既,你打錯喇,請打9710XXXX啦!!!!!"(仲要每個Call收番你錢! 接待費....)

>>November 2, 2002 at 6:54:02 AM GMT+8

2002 年 10 月 31 日星期四【晴】

坐我隔離o個位人兄又拎左我d野...佢真係威,你估下佢今次又拎左我d乜?係Maths書...成吋厚都可以拎錯,掂呀!!!不過都好~唔使我拎~少左本吋厚o既書一身輕~~~~~~(一日咁多)
Pauline真係好唔小心,今日出去食Lunch o既時候佢又差錯腳,爭D碌落樓梯,唔係,應該係爭D跣住落樓梯~哈哈~好彩有我係佢隔離,如果唔係佢今次唔止扭傷咁簡單!~
原來阿"楊傑"都係怕人"O即"O既~哈哈,繼阿泰之後又一個怕O即O既人哦~好玩囉~
Halloween都過左啦,今日Lunch先黎搞攤位遊戲,遲唔遲D呀~!

>>November 2, 2002 at 6:29:43 AM GMT+8

2002 年 10 月 30 日星期三【雨】

連續三日都落雨，三日都冇帶遮，真係唔該阿Ｅｖｅ，要佢遮埋我～Ｔｈａｎｋ　ｙｏｕ～
尋晚好乖地９：００入左房－諗住－做功課（對我黎講９：００叫早．．．）點知大魔王（＜──假想）唔俾我做！我一拎ｄ功課出黎就訓著左．．．．真係．．．．唉～～～
今日搭車撞到“文輝”，呵呵，可能之前問過佢點解咁鍾意坐巴士上層，ｓｏ今日佢居然坐左下層喎！～
點解男仔咁鍾意講原則？．．．“靜靜”ｏ係旅行ｏ個日做我地班ｏ既攝影師，咁佢晒左相之後諗住免費俾番ｄ相我地，Ｍｉｓｓ話唔好，要佢計入班會費，跟住佢就話：唔使喇，呢ｄ係我做人ｏ既原則！．．．唔．．．原則？我做人ｏ既原則係咩野呢？
上Ｇｅｏ堂ｏ既時候，鄧Ｓｉｒ話佢細個ｏ既時候好似我地咁，好鍾意唔食飯都要拎ｄ錢去打機，打咩野機呢？佢形容ｏ個時得一種機，就係打橫行黎行去ｏ既怪獸機，哈哈～笑死我喇，就係為左隻“行黎行去”ｏ既ｇａｍｅ唔食飯，好傻呀，哈哈～
Ｌｕｎｃｈ食飽飯冇野做，我地四個傻婆走左去───＞猜樓梯．．．即係ｏ個隻猜包剪“ｄｏｍ”，猜嬴左先有得行一級ｏ既遊戲．．．哈哈，低Ｂ呀～～～本來ｏ係地下開始猜上去，一有人行過就停，不過我地ｏ既“目的地”ｏ係六樓，如果咁樣猜法都唔知幾時先上到去．．．ｓｏ上左五樓先開始猜，猜下猜下，五指山大落後，跟住ｍａｒｔｉｎ同碧琪行過，我地停低扮晒冇野，佢地見五指
山距離我地勁遠咁企ｏ係樓梯，就問佢：做乜呀？五指山笑左好耐，邊說邊笑的緩緩答道：我．．．．．．．輸．．．．．．．左．．．．．．．．．呀．．．．．．．．哈哈～～～笑死我喇～～～～～～～～

>>October 31, 2002 at 1:05:24 PM GMT+8

2002 年 10 月 29 日星期二【雨】

一朝早第一堂就係中史堂,Miss Lee不停o係度依依柯柯,又話自己喉嚨痛喎!~仲講咁多野??
又有心理測驗同大家玩,今日明報刊登o既~
小紅帽測愛情心理:
Question:
如果你變成了小紅帽，被大野狼吞進肚子裡。當獵人剖開野狼肚子救你出來時，你想你說的第一句話是什麼？
Choice
Ａ：“可惡的野狼，你真該死”
Ｂ：“獵人先生，真是謝謝你！”
Ｃ：“噢！悶死我了”
Ｄ：什麼也說不出來，哭個不停。
＊＊＊＊＊＊＊＊＊＊＊＊＊＊＊＊＊＊＊

Answer：
Ａ型：束縛愛情
你對目前現狀很不滿，總是覺得被束縛著，渴望尋求解脫。對愛情，你也抱著拒絕的態度，可能是因為身旁的追求者令你心煩，或是過去曾受過的傷害，使你覺得愛情只是一種束縛。與其埋怨現實，不如去重新體認現況來試圖改變吧！

Ｂ型：訓練愛情
你對現狀沒有什麼滿不滿意的問題，只是依著自己的性情，認真的力求自我成長。若要認真的談戀愛，也期望自己能透過愛情而變得更加成熟，洞悉人情。

Ｃ型：玩樂愛情
你也是個對自己現況頗為不滿的人，似乎被平淡無奇的生活悶壞了。所以你追求刺激、新鮮多變的方法來填補生活上的空虛。或許你覺得談戀愛會令你感到快樂不已，但也要小心選擇另一半。

Ｄ型：煩惱愛情
你是個害怕改變現狀的人，經常安於自己的小世界裡，一旦遭遇什麼變動，就會變得不知所措，甚至驚慌逃。假如有追求者出現，你甚至覺得他會打擾了你的平靜生活，不願意打開心窗接受，因此經常錯失良緣。其實，愛情並非想像中的複雜，試著以輕鬆的態度去面對，或會發現別有一番天地。

今日又係落雨ｏ既日子，亦都係冇帶遮ｏ既日子～放學ｏ既時候仲落好大雨，我同五指山企左ｏ係訓導門口正不知所措之際，有個救星出現～佢就係─────＞茄倫！佢同我地講訓導有遮借！佢ｏ個把都係ｏ係訓導借ｏ既～Ｓｏ五指山即刻衝左入去問麥ｓｉｒ借，咦？又真係得喎～ｏ拿！下次冇帶遮，唔使撻人地ｏ既，問訓導借都得～～～

呵呵～我又多個Ｆａｎｓ喇～請熱烈歡迎───＞Ｃａｎｄｙ小姐～事源今日ｌｕｎｃｈ見到Ｃａｎｄｙ（又命糖糖～），佢同我講佢都有睇我個日記板架～我諗係時候要開番個Ｆａｎ‘ｓ　ｃｌｕｂ喇！！！！～叫做咩野名好呢？

>>October 31, 2002 at 1:03:47 PM GMT+8

2002 年 10 月 28 日星期一【雨】

今日同阿Ta&五指山出左銅鑼灣唱K同打機,哈哈~玩得好開心呀~
Dinner本來同阿媽阿爸食,不過我o係度打緊機嘛~佢地不停催我走!~叫我早D去同佢地食飯,咁咪嬲嬲地自己食囉~跟住就call左個friend去食飯,好彩佢得閒o者~唔係要自己食!(不過都係食麥記…搞笑)
就係因為出左去食飯,我趕功課(又)趕到三點….唉~
＊呢排愛上了麥提莎同埋明治o個隻Apollo strawberry chocolate~~嘿嘿～大家識做啦～～～～～

>>October 31, 2002 at 1:00:21 PM GMT+8

2002 年 10 月 27 日星期日【雨】

<回覆>
[路人甲]
哈哈~健康問題我幫唔到?唔係喎,我係yellow&green醫生,應該幫到下呀~
我都覺得個心理測驗幾準囉~~~~唔知其他人玩左未呢?

>>October 28, 2002 at 1:55:48 PM GMT+8

2002 年 10 月 27 日星期日【雨】

28 雨
我發覺阿媽買左好多對膠手套俾我,好似驚死我唔肯洗碗咁~(說笑)不過呢~舊時我洗碗唔用手套架~咁有一日我阿媽神色凝重咁同我講:’嘩~乜你隻手咁”揩”十十架!!仲”揩”過我呀!你再唔用手套呢,小心遲d有主婦手呀!!’跟住嚇到我以後都唔敢唔用~
今日有隻黑色蜜蜂o係上緊Econ堂o既時候飛左入黎,不停o係個班房飛黎飛去,仲圍住我飛左兩個圈…嚇死我喇…大家都知我平生最驚昆蟲…(我lunch同pauline&’易拎’傾計時講錯野,講左:我平生最驚”瘟神”…俾佢地笑左好耐…)
今日Lunch我地四個傻婆同田雞去左茶樓食,嘩~~~佢間學校勁free呀~又可以染髮,又可以帶耳環,d衫飛晒出黎又得!~~超正囉~我其實覺得佢似梁浩賢,未剪頭髮之前仲似呀,話時話,真係好似次次見佢都唔同look,真羨慕~成日可以”變裝”~
哈哈~我用左兩日時間,唔使十二小時織好條頸巾嚕~厲害嗎~~~趁我有心機,快快’趣趣’織好佢~~~如果唔係以我三分鐘熱度o既性格,又唔知要擺幾耐先等我’得閒’織….
荷包裡的單人床,我覺得入面個女仔有d似我。
睇到凌晨四點~好睇o既書,我會忍不住一次過睇晒~
”我像一個壞孩子,明知道自己幸福,卻偏偏要親手破壞它,去追尋遙不可及的夢…”超正~好似講緊我囉~
可能係一個習慣,我習慣了臨訓前找人聊天…不過冇嚕~
*我今晚又俾人玩電話…唔該,如果想聽我把聲o既,我介紹你打我手提囉,如果撞o岩我冇開電話,包你可以聽到滿意為止:”掛住我呢~留低口信啦~”……如果你有野搵我,亦麻煩你用少-少-氣力講我個名出黎,我個名唔係咁難講呀!唔好再做d無聊野啦~~~

>>October 28, 2002 at 1:48:26 PM GMT+8

2002 年 10 月 26 日星期六【陰】

COPY BY SOMEONE
1. 以下這三種動物，哪一樣是你最喜愛的？
(a)貓　　　　(b)鳥　　　　(c)狗
2. 你最喜愛什麼顏色？
(a)粉紅色　　(b)白色　　　(c)黑色
3. 列舉一個與你相同性別的人之名字
4. 列舉一個與你相反性別的人之名字
5. 你較喜歡山脈，還是海灘？
6. 你喜歡看日出，還是日落？
7. 由一至十中，你最喜歡哪個數目字？
8. 你最喜歡什麼植物？
(a)紅玫瑰(b)蕨類植物(c)已經枯萎的植物
9. 你最喜歡哪個季節？
(a)春季(b)冬季(c)夏季
10. 默許兩個願望

解答：
1.(a)貓：你最愛你自己
(b)鳥：你喜歡聽你自己的談話
(c)狗：你把別人看得比自己還重
2.
(a)粉紅色：你是豪放派的人
(b)白色：你是正統派的人
(c)黑色：你是生活在邊緣的人
3.他／她是你的幸運之星
4.你將與他／她成為非常非常親密的朋友
5.
(a)山脈：會早婚
(b)海灘：會晚婚
6.
(a)日出：你是一個似早晨的人且你得到更多的任務完成
(b)日落：你是一個浪漫的人且你那緩慢地迷戀的時候到
了
7.你所選出來的號碼代表你在找到真命天子之前談過的變愛次數
8.(a)紅玫瑰：你的生活是完美的，可是有時候會多剌而令人苦惱
(b)蕨類植物：你的生活將是可預言的，且會穩健平安(c)已經枯萎的植物：你是一個有病的人，生活如一灘死
水
9.(a)春季：你是一個無法自拔的浪漫主義者
(b)冬季：你是一個堅持善良的人
(c)夏季：你是一個對任何事物皆坦率的人
10.
如果你將此頁發給
(a)一個人：你的第一個願望將會實現
(b)五個人：你的兩個願望皆會實現
(c)十個人或是更多的人：包括那位把此頁發給你的人那
兩個願望將會在兩天內實現。
你有４５分鐘的時間

>>October 27, 2002 at 1:35:48 PM GMT+8

2002 年 10 月 26 日星期六【陰】

<回覆>
["中" 大!!]
嘩~我睇左好耐先睇得明你寫乜!你好趕咩??寫錯咁多錯字!!!!
哈哈~好揚咩~~唔係呀~~~~~可能下次又撞到你呀~
你使唔使寫晒pauline個名出黎呀!!!我下次又咁寫你個名先!!~

[*肥PAUL*]
哈哈~好呀好呀~
我借埋我o個碗俾你啦~~~~

[路人甲]
有咩野唔掂呀???我可以幫到你嗎?

>>October 27, 2002 at 12:24:46 PM GMT+8

2002 年 10 月 26 日星期六【晴】

今日有線播[心動],第一次睇係o係荷李活GV,99年9月26日,5:20,6院O行,第三個位,o個次又係睇到喊晒,今日都唔例外…
上到F.5,d時間表亂晒,俾大家睇下…
7:00起身,梳洗,有時間o既話,食個快速早餐
7:35出門口
8:05番到學校
8:10~3:30上堂
3:30~4:30 o係學校圖書館”hea”~
5:幾番到屋企,行行企企,上下網,寫下日記,睇下人地d板板~
7:45 食dinner
8:30 執完碗,再番入房hea(唔知點解,呢段d時間好似唔知hea左去邊,超易過)
10:15洗碗
10:30沖涼,刷牙,洗面,等等等等….
11:00…開始做功課
1:00至4:00不等,做完功課先訓覺…
跟住開始新o既一天…
我就係o係咁o既情況下,開始我o既F.5生活,睡眠時間嚴重不足~唔該大家鬧我又好勸我又好,篤住我都好,唔好俾我再KEEP住咁o既生活方式,我自己都唔想,不過控制唔到,help…..
我係一個好冇記性o既人,識得我o既人都知~如果我唔mark低生活裡所發生o既一點一滴,相信我個日記板會空蕩蕩囉~~所以有d乜野事發生,我都會用紙mark低,等番到屋企打完晒先再擺上網,呢個就係我日記板o既秘訣喇~

>>October 27, 2002 at 12:00:00 PM GMT+8