Showhappy.net - Members diary

日記

日記主簡介

<< 101 102 103 104 105 106 107 108 109 110 111 112 113 114 115 116 117 118 119 >>

2002 年 11 月 9 日星期六【晴】

和佬介紹左個網頁俾我,係可以check下自適合乜野髮型以及性格。佢話我適合短bob頭(飯碗頭),哈哈,好kind呀,唔係呀…~~~~!個度d性格分析都幾準架~大家可以去睇下~www.be-labo.com
食Dinner o個時咁o岩播緊大頭怪嬰,哈哈,又一創舉,仲要係阿媽話要睇~o拿!呢d阿媽教壞細呀!!!!!!!!!聽人講就話好好睇,不過我唔覺囉~個結局麻麻,唔明佢講咩,可能係我o既問題掛…最後講何超儀跌左落地,有個冇面o既紅衫女人行埋佢度,咁就完喇…我覺得恐唔恐怖同套戲好唔好睇係兩件事黎o既,恐怖唔代表套戲好睇囉~
又俾人串…話我寫書面語寫到核核突突…算…唔理你地喇!我決定做番自己,我有我style!

>>November 12, 2002 at 10:51:44 AM GMT+8

2002 年 11 月 8 日星期五【晴】

今朝早同阿媽去左大家樂食早餐,跟住就番學補listening,上完listening同程程&阿昆傾左陣計,之後就番左屋企~再晏d去左同阿poon,司徒,奶哥,阿誠睇”鬼船”。唔係咁好睇囉,雖然都幾恐怖,不過d內容有dd悶,so都係勸你地唔好睇喇~聽人講”熱血青年”幾恐怖,睇下遲d得唔得閒睇下先~再夜d去左泥涌BB”kill”,with之前睇戲o個四位之外,仲有阿may,”阿倫”,阿朱,和佬,Handsome(一個我覺得好有自信o既人,如果唔係都唔會叫自己做Handsome…)

>>November 12, 2002 at 10:49:38 AM GMT+8

2002 年 11 月 7 日星期四【晴】

"誠"生日快樂呀~
今日有隻蜜蜂o係走廊飛黎飛去,嚇到程程即刻關晒d窗,不過”輝”玩野,程程一面關,佢就一路開~哈哈,個情景好好笑~
好耐冇寫信,之前都有同個friend用書信聯絡開,不過依排無論佢定我都唔係好得閒,so停左嚕~wish遲d可以繼續~

>>November 12, 2002 at 10:47:56 AM GMT+8

2002 年 11 月 6 日星期三【晴】

*承諾*
承諾的意思:答應,允許
我係一個怕承諾的人,因為怕承諾後做唔到,會傷害到人…
我地班出現左兩個pauline,一個pauline kwok,一個pauline chow,點解既呢?因為阿中拎左pauline本listening,咁o岩俾Miss Wong斷正,跟住佢就講:哎呀!拎錯左添…(好假咁講…)
好耐冇睇電視,因為老豆依排成日霸住黎睇波。今日老豆咁o岩出街,先至有機會掂下部電視…好耐冇睇絕世好爸嚕~不過覺得這套電視劇並唔好睇,好婆媽,又老土喎,for example:”一對情侶o係埋一齊有好多個理由,但分手淨係得一個,就係你已經唔愛我…”,仲有o個個蘋果樹o既比喻,真係好out囉!!!!~

>>November 12, 2002 at 10:45:22 AM GMT+8

2002 年 11 月 6 日星期三【晴】

<回覆>
[如花]
係咪唔歡迎就cancel左機位先~咁..........呵呵,你話呢~^^傻o既~

[如夢既中仔}
咁你實行"鴨贀"都得喇~嘿~

[路人甲]
嘩~佢番黎緊係陪我地先啦~

[*肥PAUL*]
冇架~我mark低晒嘛~~~係咪好抵踢呢~唔係!係錫~~^3^

>>November 7, 2002 at 3:42:48 PM GMT+8

2002 年 11 月 5 日星期二【晴】

今天和pauline討論,原來就讀小學的時候,從來只會把所有的書放進書包,不會用手拿著!想起來,又真的沒錯!無論有多少書都只會把它們放進書包,不會理會書包重不重,雙手有多空閒!真可愛~
看完了張小嫻作品,又再次感到自己極像裡面的男主角!緊記…是男主角….<雪地裡的蝸牛奄列>

*阿ta今天還是病倒了…

>>November 7, 2002 at 2:25:21 PM GMT+8

2002 年 11 月 4 日星期一【晴】

五指山今天居然說:我而家先知沙田圖書館有自修室…哈哈,現在才知?究竟她住在沙田區多久?難道她…不是沙田柚(友)?
中史堂又訓話…這樣又過了一堂~
由開學開始,我便坐教師桌前的第一個位,這個位置實在是風涼水冷,無敵大景,坐了前面,人生真是無憾事…我自問不是”矮人”,為何會坐這麼前?我亦都不是成績極差,行為極壞的人,這將會是第一萬零個一個為什麼…不過,鄧sir話我較上年勤力,嘿嘿~我一向上堂的表現都是這樣~
程程常常對我說:你真係豬呀…是嗎?豬嗎?大家評評理吧!
今日睇完了區樂民的<杏林裡的一片葉>,仍舊風趣幽默,好看~相反朋友介紹的<橘子色的溫柔>便差得多了,不過插圖還算好~
又是心理測驗時間哦~(copy from明報):

吃飯的習慣是自小養成的,因此從中可反映出一個人的潛在性格。在用餐的時候,你是如何使用刀叉切割呢?
選項:
a.從左”立耑”開始切,一塊一塊地吃
b.從右”立耑”開始切,一塊一塊地吃
c.把全部切成小塊之後,再一塊一塊吃
d.從中央開始切,一塊塊地吃
e.只切一小塊吃
f.吃法經常改變

解說
a. 推銷型:是最普遍的類型。這種人非常重視形式,喜歡一般認為合理及正常的事,但是有一種強將自己生活方式或思想向別人推銷的傾向。
b. 親切型:性格較溫和,也是較易為對方著想的一類人。一般認為,此類型的人較易和他人親近而打成一片,即使心裡有什麼不愉悅之處,也不會表現於外,因此通常都能與其他人和諧相處
c. 急躁型:自己想要的東西無法立刻的手時,就會急躁不安。想要做的事情,不管遭受到多少反對也會一意弧行。另外,這一類人喜歡照顧,安慰別人,當他人有煩惱時絕不會置之不理,而會伸出援手。對於人的好惡會明顯地表現出來而不加掩飾
d. 才幹型:常會因考慮自己的處境而較自私自利。若有什麼想做的事則會毫不猶疑地去做,是坐而起行的那一類人。比較善於社交,廣結人緣
e. 社交型:能使生活和自我相互調和,並且具有高度的社交能力,和誰都可以說上幾句話並應對自如。與他人保持良好的溝通使工作能順利完成
f. 飄忽型:會因時間的不同而改變吃飯的方式,這類型的人重視環境氣氛,性情易變,所以經常無法適應人群。在工作或私人生活上亦是如此,常因無法與他人合得來而遭人誤解

*阿ta今日冇番學,大家要小心呢~感冒菌盛行哦~

>>November 7, 2002 at 2:24:25 PM GMT+8

2002 年 11 月 3 日星期日【晴】

蔡sir暫定在星期六要回校補課,不是嘛,加上listening便要補三個鐘…星期六都要回校補課,真殘忍…
原來和佬懂得彈低音大提琴,而且已是六級,厲害!真羨慕呀,回想起來,自己好像一無事處…是時間要找點東西學學…他說我是個open的人,open?開放?他說的究竟是好那方面,還是指壞的?

>>November 7, 2002 at 2:23:23 PM GMT+8

2002 年 11 月 2 日星期六【晴】

今天是pauline的生日,生日快樂!
今早與”女麻”女麻”到利苑飲茶,等了約兩個小時才有位,可能是裝修的關係吧!算,”女麻女麻”喜歡,無計!(雖然那裡的點心款式少,但味道也不錯…)我主要想說的不是這個,而是我的麻煩”女麻女麻”…當每道點心來到她都要批評一下,排骨:”咁多肥糕架”,叉燒腸:”咁多豉油!”,茶心:”街市賣五蚊斤o乍!”,鮑汁鳳爪:”得個幾隻”,雞翼:”邊個叫架,炸咁熱氣!”,牛柏葉魷魚:”下面咁鬼多生菜架”,布甸:”凍冰冰!”,雷沙湯丸:”返屋企整俾你食都得啦”….唔係呀,又係佢話要去飲茶o既!出街食係咁架啦,佢想點?又唔係多野食喎,點乜都俾佢話,一句講晒:煩!
晚飯去左海澄軒海景酒店o既天澄閣食,馬鞍山新開o個間酒店呢,可能仲係新o既關係,d野麻麻,大家遲d去可能會好d。我由今日開始會寫低去個邊間食,好o既當然要推介啦!不過主要係記低我去過邊度食,因為我真係好冇記性呀!!!
補充:飲茶前由於太悶o既關係,一個人走左去行街,買左本雜誌,搭升降機o既時候,見到有個(約廿幾歲)男仔望住我,我見到有人望,梗係睇下識唔識架啦,點知我一望,佢就縮o係條柱後面(扮柱男?),哈哈,個情景好搞笑囉…

>>November 7, 2002 at 2:22:36 PM GMT+8

2002 年 11 月 1 日星期五【晴】

今日9:00am要回校上英文課,有很多人遲到,可能是天氣冷了的原因吧!個個都不願起床,不過我早就醒了,然後擔當鬧鐘的工作--->打電話喚醒pauline,then吃個靚靚早餐,便出門。當我去到巴士站再致電給pauline,噢,原來她還在睡覺,又叫我”喚醒”她,自己又繼續睡….上完沈悶的listening後,去了canteen跟程程,阿昆和鯉魚聊天,無他,不想回家,做個不回家的少女~最後買左個麥記set lunch回家吃。
剛看完一本叫”向愛情出發”的95年903廣播劇小說版,故事提材頗特別,結局有空間讓讀者自由發揮,不錯~
*被人說我寫的東西過份口語,so盡量改善,敬請原諒~

>>November 7, 2002 at 2:22:16 PM GMT+8