2003 年 2 月 9 日 星期日 【晴】

讓我今次認真的寫一篇十分日記的日記啦!
日期:2003年2月10日
天氣:加衣又好似有點熱,不加又會著涼的天氣~

放完假的第一天回校~唉~昨晚又在輾轉反側~痛苦極了~近來都不知道怎搞的!又失眠了…超辛苦…想睡不可睡簡直是…比死更難受!在床上輾轉反側,久久不能入睡的我已經想盡所有辦法,換盡所有睡姿…就是還未試站起來睡!是睡不了!想起床開燈看看書打發打發時間,可是一開燈把大家都吵醒~唉~天啊!
今天回到學校,竟然有同學問我要不要默書…我都給嚇到了~默書!?我可是連默那裡都不知道耶…結果…只是虛驚一場!如果我找到那個到處散播謠言,我會將她碎屍萬段!哈哈(說笑說笑,別怕啦)
回到學校,天發現好多人剪了頭髮,又蠢蠢欲動,好想去把頭髮剪頭,換換造型也不錯^^不過就是遲遲沒有行動,其實是有幾個原因的
第一 : 我不知道該剪個什麼髮型好
第二 : 每次去剪頭髮,理髮師都話頭髮剪太短不好看!他還要事先問我要剪幾短,我還比劃著叫他剪到膊頭上…結果…他最後用一個頭髮太短不好看就留下我一把過肩的頭髮…氣死我
第三 : 我同學被剪得怪模怪樣的樣子我也領教過…我沒有勇氣呢~哈哈
第四只是我不會再嘗試剪的髮型…就是那種超超短男生頭的樣子啦…我小時候剪過…我永遠不會忘記那一個下午…剪了個跟我兩個弟弟差不多髮型的我和兩個弟弟,媽媽一起等升降機。一個肥師奶走過來跟媽媽打招呼…然後她說了一句話…
『三個兒子嗎!?』肥師奶問。
我的下巴幾乎要掉到地下去了,三個兒子!!!!那我…我難道是男的嗎!?超瘀…超可憐呢~如果我有個剷子我一定立刻掘個洞跳進去…我兩個小分則在旁暗笑..還改叫我做哥哥呢!好白痴呢~所以,我不會再…再去剪超超短髮了啦~呵呵呵!
拉得太遠了,還是說說今天的事吧~
今天最後的那堂是class assembly,是班主任時間,那個黃熾sir叫我們把自己的目標寫在紙上,分別寫會考前同會考後的目標~不用說考前一定要努力讀書啦~我真的好想可以順利的升上去,不過不是易事啦~所以要加油呢!
至於會考後呢~我就好想和friends一起去去去旅行呢啊~我想一家好好好玩的~所以現在可能要開始儲錢了啊!我們會去那裡旅遊呢~現在想還是太早吧^^不過每次幻想都會好開心呀!~一班朋友嘻嘻哈哈的,自由的去旅行(雖然應該會迷路)
但一家會是一個超美好的回憶~可以肯定啊!好了~就讓這個旅行做我的目標好了!為著目標而努力~努力~

這個東西實在好可愛~哈哈
玩電腦玩太久了要運動一下，一起來吧！
●∕ ﹨● ● ●? ﹨●∕ ﹨●∕
<■ → ■> 〈■〉〈■〉 → ■ ■
〉 〉 〈 ＼ ∕﹨ ∕﹨ （（ ））
左三圈 右三圈 脖子扭扭 屁股扭扭

~vy~

>>April 16, 2003 at 10:26:17 AM GMT+8

2002 年 12 月 20 日 星期五 【晴】

嘩!今天好累呢!玩了一整天!今天是去海洋公園的日子!記得考試的過程超痛苦的!每天要背很多很多東西,唉~天天如是,少點毅力也熬不住!考完試去海洋公園就是我的推動力,今天終於可以去了,亦即是考試完畢!所以呢,心怖情就超輕鬆,好開心好開心!可能是太興奮呢!晚上竟睡得不大好…早上還做了一個惡夢…真是的><同學還笑說是不祥的預兆呢!
去到海洋公園,原來都有好多人~我地在集古村入口入場,就開始我地今日既激烈旅程啦!
首先去左玩熱身遊戲,玩左滑浪飛船,海盜船等,之後就挑戰難度,玩跳樓機啦!!!第一次玩o個陣寅係有d驚驚呢~不過見到玩完落黎d人個個都笑住,有d仲話要再玩,,所以我同Cindy就膽粗粗咁上左去lu^^
我同Cindy手拖手,堅持唔合上眼,去到最高等跌落去既時候,我地仲四圍望.,話原來自己身處既位置高過摩天輪勁多呢!等左一陣,我地都話要有心理準備隨時會跌,跌落去o個野個人成個升起左呢,個patpat都唔係貼住凳的!不過真係好好玩呢!我還玩了兩次呢!呵呵呵~我覺得Connie好棒呢!!!(佢竟然玩仲想再玩,哈)Yvonne都好勁!好佩服Jenny因為佢真係好驚架,我feel到^^Jenny好勇敢呢!
之後再玩埋過山車,都好好玩,我同Cindy仍然堅持無合眼呢!見住自己調轉左,哈哈~其實都不大恐怖呢~後來去了超動感影院~那個威威至激之旅也挺有趣啦!
充滿童真的大家一同去了兒童王國,玩了十年沒玩過的旋轉木馬,哈哈~大小孩!
也有去看安安佳佳,但那個死佳佳又不出來跟大家say個hi(哈哈)過份耶~

今次總括來說也玩得挺開心啦~不過因為時間的關係,玩不到越曠飛車,可惜呀!
和Cindy約定以後一齊去挑戰呢!呵呵呵!不過睇怕都要好耐之後啦~!點都好,今日係快樂既回憶呀!

>>April 16, 2003 at 4:25:56 PM GMT+8

2002 年 12 月 14 日 星期六 【晴】

唔….差不多整個月沒有上來寫日記了啦!因為近來要考試了~十分忙碌!!!

今天晚上看了很久以前上映的“Titanic”從前已經看過兩次(已經看過兩次人體素描的那一幕…今次看了第三次了啦)…但總是沒有把全部戲看完~每次也沒看到titanic撞冰山的那一幕,應該是最感人最好看的吧…
所
以今晚放棄了溫習!一口氣看完全整套戲!!!睇到夜晚12點半呢....

睇完之後…心情好低落好低落呀!因為自己的情緒都被影響了...不能忘記男主角怎樣一邊呵氣一邊支持女主角,自己明明比女主角更冷吧…最後竟然凍死了…好可憐…好可憐…『掉進冰水裏的感覺像萬箭穿心…』男主角當時大概也再次深深感受到!!!

唉~看完Titanic之後,完全溫唔到書呀!!令我想起那個驀然回首的白先勇經歷生離死別,又離開屋企出國之後完全不能寫作的那種滋味呀!!
溫溫下又諗返起班乘客凍死…溫溫下又覺得好無mood呢!唉~見到咁多人死左…點可以仲笑住咁呢~雖然係套戲…但我就可能太投入其中啦~成日睇戲都係咁…好次連卡通片都試過……..

死啦~好驚maths差呢!我是maths白痴呢…加上教我地既老師又比較…..算吧啦~
我已經努力唔諗架啦~不過溫溫下maths,睇緊條example又諗係o個位凍僵既先生…好恐怖……算啦~去睡啦!!!
這幾天都沒有好好的睡過覺~現在頭也有點痛!不過我估我可以熬過去呢~去海洋公園是我的推動力呀!好想同大家一齊開開心心咁玩呀!!!所以而家一定要努力加油呢!!!

>>December 21, 2002 at 2:00:54 AM GMT+8

2002 年 11 月 18 日 星期一 【陰】

好一陣子沒有寫日記了啦~!都是因為太忙吧~當不用測驗的時候又不想花力氣用腦筋去想怎樣寫日記!所以就沒怎樣更新啦(可以用更新這個字嗎?)
唉~~~今天….真是夠噁心的…><我竟在37個同學+miss Lee 面前哭….嗚嗚嗚…
出洋相呢~
近來壓力太大了吧…為了班衫的事…煩惱了很久很久…從設計開始,我已經提心吊膽了,怕大家會不接受,怕大家不喜歡自己的想法…十分幸運地,大家好像沒什麼意見,雖然沒有特別說好,應同,但我已經覺得十分安心了…
一直問著到底要訂多少件班衫…我一直打算送給老師的,因為怎樣說老師也會和我們共同奮鬥至到會考…雖然不是個個老師也盡人意…我自己也不是喜歡全部教我的老師…但我一直想,是一種禮貌吧…縱然有些老師可能不會穿上我們的班衫…但大家都好像不和我的想法一致,好像都不大想出錢…最後班會叫我做39件…
我在星期六和另外兩個同學(不要打她們呀)去做班衫…大家有了共識,就是都想敏給所有教我們的老師!這就是問題所在了吧.多做12件…每位同學最少要交多13元…知道價錢之後,已經十分煩惱…好辛苦…好怕班裡的同學會話我們多事…死也不肯給…最麻煩是怕連累到班會(我要在此作出聲明,這件事班會是毫不知情的!在星期一我將這個壞消息告訴他們的時候,他們都為我擔心呢!我唔想連累佢地比人罵)
我和和我去做班衫的同學商量過…如果大家真的不給$,我們要怎麼辦呢?最後就說唯有我們自己承擔啦~本來星期一就要把消息告訴大家…可是我沒有勇氣呀!!!班會同學說幫我宣佈…但我不過連累他們呢(平心而論,我真的覺得這班會超好的呀!!!勁盡責~)
拖到今天,我才鼓起勇氣跟大家說呢~!出到同學面前,幾十對眼望著…更覺恐怖…唉~死就死啦~最後便宣佈我們先斬後奏了~要多交13元…我記得我最段一句是”我好怕被你們罵呢!”之後眼淚便狂流出來,制止不了,可能要已經怕了好多天,我是由決定多做12件起一直擔心到現在…一下子爆發了吧><同學都給嚇壞了~都說為什麼會哭呢???我也不知道,不過我直的很怕很怕,,,我從沒有幫過班會做事…一直的班會事務我也不會過問,但今年一下子要我背起設計的責任,真有點吃不消呢!
不過我的同學都很好呢~~都安慰我別哭…
我覺得我今天超超超超樣衰呢><


>>April 16, 2003 at 10:36:46 AM GMT+8

2002 年 10 月 25 日 星期五 【晴】

好累呀…我拖住疲乏既身軀返到屋企,唉~又唔可以立即去睡覺!嗚嗚~我好睏!眼要掙不開了呢~而且仍然有d作嘔既感動…因為乘車既時候我在抄icq no……勁想嘔……!(引證左唔可以坐車睇書~)不過呢~縱然我返到屋企要開夜車溫我既econ,做我既文學,不過我都無後悔到用左呢兩日去camp!其實之前都有d唔想去ga!鬼叫d miss阿sir狂比功課同測驗…..o係唔想為老師帶黎麻煩既情況下堅持參加左!!!(miss chanchan你睇我對你幾好!)

o岩o岩去o個日唔知點解,大家雖然係黎自唔同既中學,不過大家好似好有默契咁,勁快就認識左大家,仲好friend 添!哈哈~未入營已經o係度玩數字球,比起其他組別,我地真係來得更團結,更有合作精神喎!
o係入面玩既遊戲同比賽,我地組都成日贏,第一個令我拍爛手掌既就係我地朦住眼咁砌圖案,我地只係用左3秒咋…超厲害呀!之後既唱團歌環節我地都唔怕『瘀』再加上成日都走過黎‘八卦’既導師既意見,我地演出成功,仲拎左合作獎,超級勁呀!!!不過不得不提既就係估唔到o個d野咁鬼難食,真係呀!又無水飲喎…
夜晚就搞到3點幾先訓,傾左好耐計,不過就乜書都無溫過~唉!~

第二日早上完難食既粥,就又去左玩遊戲啦~!有個比賽係用僅有既物資為一個組員扮成CYC宣傳大使,我地整得超靚呀!!!用報紙整左條公主裙,連導師都問我地點整ga!!!呵呵呵!最後緊係又拎獎啦!無計啦!我地o個組又醒又團結!之後要玩三個歷奇遊戲,第一個係傳乒乓球,我地組真係醒d,傳都傳得快過人,都唔知有幾難,哈哈!(好串串)~第二組少遜息啦!呵呵呵~之後玩o個個遊戲係我最鐘意ga!係兩個人拎住一支棍咁既野,之後排成一行,比組員行過,我拎住支棍,雖然受力勁重,不過我就拎得鬼死咁過癮,我隔離o個位人兄應該好想拎,成日話我地唔夠力~人家都唔想走耶…哈哈哈~最後成功到都好開心,不過成個過程好似比個導師影底左……><

今次真係一個好好既經驗呀^^臨走o個陣時同大家交換左icq no.
希望我地既友誼唔會因為個camp完左而中斷,以後可能唔會見面(其實今個星期六係會再見架)唔唔~一定要keep in touch呀!icq都得掛…^^

>>April 19, 2003 at 6:24:14 AM GMT+8

2002 年 10 月 24 日 星期四 【晴】

好感動呀…唔知點解,覺得今日既旅行係一個好好既經驗~雖然o係玩遊戲o個陣時我都有D微言…因為D遊戲實在好好好麻煩呀!><而且個海灘都幾荒蕪…無食店o係附近,得一間士多仔…d野又貴~(係因為demand多過supply—供不應求既關係,哈哈~係琴晚溫左dd economic),一支水8蚊呀!!!唔飲又唔得~唉!

o係去個灘之前,我地一行人去左軍人墳場,內面都係一d o係日本佔領香港(三年零八個月)戰死既烈士!唉~有d o係日軍進佔香港既第一日(1945年12月25日)就壯烈犧牲左啦!><佢地既精神永遠長存架!(魂魄毅兮為鬼雄!)

玩完d我唔係好想玩既遊戲之後,就係自由活動時間啦~我地唔理學校唔比玩水(miss超好人無阻止我地呢)除哂鞋,摺高褲腳衝落水,真係好舒服好舒服架~d浪一個一個咁衝過黎,縱使身上既衫褲都被大浪整濕~大家都唔肯輕易比大家過關,又拋人落水,又潑水!成身濕哂既我仍然覺得好開心…
突然覺得大家都融洽左…有團結既感覺(哈哈~)之後玩左好多遊戲,都係d比較放既遊戲,好似一組人大叫,再一齊衝咁~唔~我係d好容易感動既人掛…o係o個一剎那,我真係好輕鬆,大家可能屈得太耐啦!日日又係溫書同測驗~今日係將平日既怨氣爆發吧…記得中一定中二既聖誕聯歡,我地參加左個好似人地disco既野,o個度係禮堂黎既~不過熄哂燈,又開左d彩色射燈,播左d好快好激既音樂,我地幾十人搭膊頭,一齊衝黎衝去,途中有d唔識既人加入,我地一齊衝,一齊玩人浪…o個陣係唔係叫‘HIGH’呢~總言之,就係將d煩惱拋開哂!今日,我都有呢個同感呀!!!^^
後來我地玩左堆沙!我地堆左“4A”既字樣!大家好用心咁堆…之後拍照留念~

好好笑既係返到學校之後,我地請巴士司機幫我地將個路線number改做‘4A’好等我地映相留念,哈哈~個司機竟然肯喎…超搞笑!

不過今日比較慘既事就係我條褲因為玩水搞到濕哂...凍凍

>>April 19, 2003 at 10:27:55 AM GMT+8

2002 年 10 月 23 日 星期三 【晴】

今日上歷史堂,miss放左powerpoint比我地睇!係關於我地將會學既題目—First
World War。其實呢個WWI d野我o係中三o個陣都學過架啦~不過今年我諗係會深入d掛~雖然我平日唔係好鐘意個miss,但係…我覺得佢都教得唔差既…由其是今日個powerpoint…令人好感動呀!開始既時候,有幾隻大字寫住First World War...跟住係幽怨midi…不經人手控制既powerpoint,計準你睇字既時間…一句句咁彈出黎,背後既音樂不曾停過,一張張相關既圖片,以及一條條既問題…『究竟係唔係有必要打呢場戰爭?』『戰勝國又可以賺到d乜野?』呢d問題好發人發省!然後,隨住公佈死者既名單…呢場戰爭帶來800多萬人死亡…傷既更不計其數!聽住o個首midi,我地成班都不期然靜落黎…我覺得好可憐…個氣氛搞到我起”雞皮”!有時真係覺得歷史堂有感受過中史,中史唔係唔好~不過成幾千年.,個個都係做皇帝之後提出改革,或首叫人幫佢改革…之後就講改革既好壞處。到快滅亡o個陣就會話XX帝好大喜功,好逸惡勞,咩國庫空虛,苛捐雜稅,人物生活困苦,終於群起反抗,加速左XX朝既滅亡!雖然中史都唔係唔好,不過就住WWI呢個課題,我比較鐘意一d!~.~(咁就要比心機聽書啦)

聽日就要去旅行啦!唔~最高興既係我地會租城巴去,還挺有型的!不過要去赤柱…我實在諗唔到有咩可以行…明明係比遊客去既地方,賣埋d中國衫~仲見唔夠咩?

努力(其實係邊睇電視咁)溫econ!唉~本來都鐘意去camp既~不過星期一又要測驗又要交功課什麼的,實在不大想去,但唔去好像好差勁似的!當初又是自己要爭取去的,現在不去的話又要麻煩miss chanchan,算了吧…去就去,死就死啦!

>>April 19, 2003 at 10:31:17 AM GMT+8

2002 年 10 月 17 日 星期四 【晴】

好辛苦先溫完geog…都係之前溫左少少先咁快溫好咋!哈哈(其實誤會了測驗的時間…所以才預先準備了)
終於派作文卷,阿sir話有d同學成日都濫用省略號同感歎號,我心諗…一定有我份啦!我發現左我係經常用呢兩個符號架!果然真係…我有4個標點符號比佢改左…
又睇左一本書,內容係講奇聞架,我睇到有d驚…因為…有d野實在太巧合啦…所以,如果有人唔信你既巧合奇遇,你不妨講幾個呢d故事比佢聽…我諗佢會目瞪口呆…
驚人巧合之謎---美國有一個教堂,原定於1950年3月1日晚上7時15分,由15名詩歌班成員進行唱詩排練。但奇怪的是這15人當晚全部遲到。各人遲到的原因都不同:有的說服裝未熨好;有的說跟朋友聊天拖長了時間;有的說汽車發動不起來;還有其他原因。沒想到這些原因卻救了他們的命,因為7時25分的時候教堂突然爆炸,幸好這15名詩歌班成員還未到達,因此避免了一次慘案。像這樣15人同時全部遲到的離奇巧合,恐怕100萬次中才會遇到1次!

夢幻成真之謎---1912年,美國建成了當時世界上最超級豪華的巨型遊船『鐵達尼號』。當遊船第一次航行時,船票搶購一空,人們都以能第一次搭乘這艘船遠航為榮。有一個叫喬 . 奧庫納的青年也訂了兩張船票。上船的前一晚,他做了一個夢,夢見『鐵達尼號』沈沒了。一種不祥的預感,使他在船啟鐺之前退掉了船票。事實恰好證實了喬 . 奧庫納夢中的悲劇。『鐵達尼號』在大西洋航次時,竟出乎意外地與冰山相撞,和船上1503名乘客一起沈入海底。

又例如白痴天才之謎---法國有一位神經錯亂的盲人法拉利,從小被父母拋棄,由低能兒童院收養。在學習上,大多數科目成6都很差,但他的速算能力卻可跟電腦比試。有一次,他狂12位歐洲最有名望的學者和數學家面前回答這一個題目;有64個木箱,狂第一個木箱中放一粒小麥,後面的每一個木箱中放入比前一個木箱多兩倍的小麥,問最後一個木箱要放入多少粒小麥?法拉利只用了30秒就算出來了,它的答案是18,446,734,033,709,551,615粒。在場的學者和數學家一個個目瞪口呆,他們不了解,一個低能兒,會有這麼高超的數學天才!

其實仲有好多例子架!!!好似人體自焚呀!動物自殺,動物預測等等!都超級好睇!
不過我眕完都覺得有d打冷戰…怪恐怖的嘛….


>>October 17, 2002 at 4:04:07 PM GMT+8

2002 年 10 月 13 日 星期日 【晴】

終於有時間寫日記啦…近來測驗功課超多的,真係得閒死唔得閒病!終於有時間寫日記啦~
題材…咳咳…唔…就寫”鬥”呢樣野啦!
唔知大家有無發現,日常生活中,我地成日都要鬥個喎!
好似一有假期我地就會鬥功課多啦!『嘩!我今個禮拜要做勁多功課呀!下個星期又多test』一位手捧一疊課本的同學吐苦水『車,我地仲多啦,次次上堂都要問書,今個星期個阿sir都唔知發乜神經狂比功課呀…(下略1000字)』身邊有個抱住更大疊書既學生痛苦的道…唔知點解,我地總係會鬥多功課個喎,好似越多功課越叻咁…哈哈~乜唔係無功課好d咩?
第二個情形就係溫書既時間啦!好令人覺得匪夷所思既就係通常o係要交project同test既o個日,大家都會鬥溫書溫得晏架!『我琴晚溫到兩點幾呀,唉~呵欠~』跟住又會有個人話『好叻咩?我琴晚溫到5點呀,勁大個黑眼圈!』究竟點解大家要鬥溫書溫得耐呢!…但係如果人地問你溫哂未,你一定會答未溫完個喎…(唔見得光?)
除此之外,就係老師既問題啦,大家有無發覺,我地多數會彈miss阿sir多過讚既…每次放lunch,一班朋友聚埋一齊通常會鬥中d堂悶,鬥miss悶…『我頭先上完兩堂history呀,悶到發瘟』『你唔好嘈,我頭先係上兩堂geog,成班都訓哂覺咁呢』『我話比你知英文堂都唔好得去邊lor,個miss o係度催眠』好少會有人講上堂有幾精彩,獲益好多(…嘔)究竟係我地要求太高?定係根本無唔悶既堂…唔沈悶既老師呢???
又有一個境況就係派試卷o個陣鬥低分,哈哈,o係o個個時候大家已經唔mind自己拿幾分啦,將平日唔敢比人知既低分爆哂出黎『我得52分咋…』『我係50都無lor,我係得30幾分lor…』哈哈,其實都好容易知道人地幾分,人地會自爆架,哈哈哈!

大家有無以上既經歷呢?我樣樣都有(笑)都唔知點解,好似講到自己既經歷越差越好咁…係咩心理?歡迎大家留言講下感受架!



>>October 14, 2002 at 1:53:54 PM GMT+8

2002 年 9 月 7 日 星期六 【晴】

『唔係個個人都會有方向感架!』呢句說話o係我細個已經十分明白,天叫我一出生就是個方向白痴,由細至大都毫無進步,唉…真叫人傷心欲絕!由細都大一直都好糊塗…搭錯車,轉錯車,行錯路,唔見左人等等絕少發生o係大家身上既事,o係我身上就發生唔少…o係我細細個已經有唔少烏龍事,大概係由幼稚園開始…
有一日,我一家人一齊去九龍灣,大家一齊搭地鐵啦,天真活潑既我周圍衝,最後離棄左爸爸媽媽,帶領我兩個可愛的小弟弟,一齊衝入地鐵車箱,阿媽都望塵莫及呀!呢個時候,聰明伶俐既我彷彿都feel到有d唔對路,我顯現大家姐既本色,帶住無辜跟我受罪既弟弟一齊行渾全個車箱,終於比我發現,阿爸阿媽跟本就唔係車入面,唉…真係晴天霹靂!我同細佬講不如我地o係太子落車,之後再去搵多一次媽咪,因為我知爸媽都要o係o個度轉車…結果搵左好耐都係無,就o係我絕望,有d想喊o既時候,有個略胖的阿姨拖住我隻手,好親切咁問我係咪唔見左媽咪,之後就帶左我去間“屋仔”度!「郭淑怡o既家長…」呢句野隨即響起,我估呢句野應該都係每個車站都有廣播,真係非常樣衰.我諗在座各位同學二或許o係十多年前就已經聽過我個名……
第二次非常深刻好似o係二年班,o個日由鳳德搬左去東南西百北座,由於人生路不熟,我平日係搭校巴返學,而東南西北座又實在有太多出口,結果我就緊係唔識返啦(我阿媽o個日去左帶我兩小弟放學)我硬頭皮,好唔容易先走到落街,真係前路茫茫,好彩見到一個同我著同樣校服既學姐,一直跟全佢(幾驚佢係返屋企呀!)一直跟到佢返到學校,我覺得我好好運,如果唔係有佢,我都返唔到去呀(雖然我已經行過好多次)…放學o個陣,一見到阿媽,就喊左出黎啦!
第三次發生事年紀已經唔細啦,都form one lu~事件發生o係一個晚上,我要去尖沙咀文化中心聽音樂會,我搭地鐵o係尖沙咀落,一切都好順利,但係出左閘之後問題就出現啦,一開始我已經問過人,大家叫我向前直行就得架啦!我走呀走,走呀走,走左近10分鐘.又覺得唔係好對路,我既預感係對的!當我再行既時候,行下行下,我見到地鐵站,大大隻字『佐敦』,oh my god!原來我回歸左…唉…
結果我又要行返去,真係呀…



>>September 8, 2002 at 3:17:56 PM GMT+8

vyvy 廣告 讀者留言 |  路人留言   | 我都想學Spanish呀~有空可 >>September 22, 2006 at 6:23:04 PM GMT+8 痴線的, 係你先會陪佢癲... >>August 20, 2006 at 12:43:46 AM GMT+8 呵呵呵~~ <br>多謝你呀，讚 >>August 16, 2006 at 12:25:52 AM GMT+8 vyvy,我send了一封ema >>July 30, 2006 at 6:57:57 AM GMT+8 vyvy..我記得你話入大學電爆 >>July 5, 2006 at 12:34:05 PM GMT+8 你係咪真係電先.. >>April 27, 2006 at 1:08:13 PM GMT+8 好叻呀你~~ >>April 27, 2006 at 4:23:24 AM GMT+8 好呀! 電爆炸頭呀! <br>我 >>April 27, 2006 at 2:17:44 AM GMT+8 加油呀!!!! <br>盡左力就 >>April 10, 2006 at 1:29:42 PM GMT+8 叫左你用銀包嫁啦...傻豬... >>March 26, 2006 at 5:16:14 PM GMT+8 candidate A in y >>March 18, 2006 at 3:45:16 PM GMT+8 我係jemmy呀! <br> < >>March 7, 2006 at 1:50:29 AM GMT+8 <br> <br>surely >>March 7, 2006 at 1:34:31 AM GMT+8 噢!!!!! <br>how p >>March 7, 2006 at 1:33:22 AM GMT+8 努力呀!!! >>February 27, 2006 at 2:39:43 PM GMT+8 你好，我偶然在网上找到一&#20 >>February 13, 2006 at 7:31:51 AM GMT+8 呀... <br> <br>vy >>February 6, 2006 at 11:51:36 AM GMT+8 你唔做水瓶座既人真係浪費晒!! >>February 1, 2006 at 5:27:53 AM GMT+8 是否已攻陷呢??? <br>係都 >>January 22, 2006 at 4:36:58 PM GMT+8 不是攻陷嗎? >>January 22, 2006 at 4:24:39 PM GMT+8 甚麼叫攻陷夜中環？ <br>甚麼 >>January 22, 2006 at 2:48:32 PM GMT+8 不是鎮陷夜中環嗎~ >>January 22, 2006 at 9:20:22 AM GMT+8 i am the first t >>December 12, 2005 at 8:44:50 AM GMT+8 哈~有人將重點放錯了 >>October 24, 2005 at 11:10:00 AM GMT+8 你個頭唔大架~!哈哈哈~ <br >>October 15, 2005 at 4:44:18 PM GMT+8 不要兩口子兩口子地形容我地呢.. >>October 14, 2005 at 4:00:36 PM GMT+8 傷心呢..yvonne唔唔肯接受 >>October 13, 2005 at 8:53:06 AM GMT+8 你.....真奇怪 <br>訓得 >>October 11, 2005 at 4:18:18 PM GMT+8 下次真係要帶耳塞俾我用呢!!! >>October 11, 2005 at 6:06:22 AM GMT+8 低b妹~ <br> <br>我地 >>September 14, 2005 at 4:04:39 PM GMT+8 sorry! <br>我成日都唔 >>September 3, 2005 at 12:13:36 PM GMT+8 嘻嘻麗璇全靠我你先至想同人交換日 >>August 30, 2005 at 12:32:35 PM GMT+8 同我換丫~! >>August 29, 2005 at 4:14:22 PM GMT+8 好掛住你呀~~ <br>你好似失 >>July 20, 2005 at 12:53:10 PM GMT+8 i vy 妳最近好像很忙唷~ 我 >>July 9, 2005 at 11:01:00 PM GMT+8 你個日記gum耐都唔寫ge~?@ >>July 5, 2005 at 5:28:24 PM GMT+8 我岩岩開始返工2日~ <br>要 >>June 7, 2005 at 6:47:57 PM GMT+8 妳一晚唔郁得既次數多過我既一生 >>June 2, 2005 at 4:24:51 PM GMT+8 才不是小噴泉頭~>< <br>我 >>May 12, 2005 at 11:57:32 AM GMT+8 我都聽過係發夢甩臼齒就會有親人過 >>April 22, 2005 at 5:41:56 PM GMT+8 um... <br>依家諗番~ >>April 11, 2005 at 7:00:34 AM GMT+8 安安押~ ^^" 我今天一直在 >>April 9, 2005 at 4:26:11 PM GMT+8 謝謝vy~ >>April 4, 2005 at 3:19:34 AM GMT+8 我都夢見過一條大莽蛇~ <br> >>February 19, 2005 at 4:31:39 PM GMT+8 你地個社真係好大聲呀~~不過我地 >>January 7, 2005 at 4:22:53 PM GMT+8 我第一次發現你的icq icon >>December 29, 2004 at 5:56:29 AM GMT+8 Merry Christmas! >>December 25, 2004 at 4:24:22 PM GMT+8 YEAH^^ <br>個junn >>December 23, 2004 at 8:42:19 PM GMT+8 無見我兩個禮拜,唔怪得之今日見到 >>December 22, 2004 at 3:44:34 PM GMT+8 心情難過 想馬上找妳聊 馬上灌了 >>October 13, 2004 at 12:31:34 PM GMT+8

人氣: 26085

Design & Scripting by ShowHappy.Net