2004 年 9 月 9 日 星期四 【晴】

今日終於可以休息下啦~~

>>September 10, 2004 at 2:12:39 PM GMT+8

2004 年 8 月 24 日 星期二 【晴】

又有好多日無打日記la~,覺得自己變懶左呢~呵呵
前幾日返左學校,去o個個咩英語銜接課程,真是很無聊~仲迫我地參加活動,不過算啦~當係pratice英文的機會la~~~
昨晚睇奧運,有我最愛ge女排睇,睇古巴vs意大利,唔知點解意大利勁左咁多~最後都係古巴win左~唔係咁高興~因為覺得如果意大利對中國ge話,中國會有大win的機會~anyway,中國要加油呀!!!
昨天去旺角,好想買個袋袋~但係又唔想花咁多$$,因為開學要買好多野,買書包啦,筆袋啦等等~我都唔知點解d文具係考完會考之後唔見哂,d原子筆又無哂墨!!!要用好多$$買過哂....嗚嗚嗚嗚
去左漢榮書局買書,超多人排隊,變態的~~~去到問我最忌買到ge econ書,都係無,有無搞錯???!!都唔知去邊度買先有,又白行一趟~本來仲諗全預先睇下d econ內容~~~無lu~~~><

仲有幾日就返學la~,俾自己放肆埋8月,9月開學就要更加努力了~~呵呵呵呵呵呵
唔知點解好期待中秋節的來臨~~哈

>>August 25, 2004 at 3:36:39 PM GMT+8

2004 年 8 月 15 日 星期日 【晴】

自從8月11日之後,到今日先叫做真係可以休息返下...

今年o係返大陸之前就逃避放榜,完全唔想諗放榜ge事,返到大陸因為無電腦又無資料,所以奉旨唔理放榜ge事,雖然每日訓教前都唔覺意會煩惱下,但係總算逃避問題到8月5日返香港~8月6日返協和聽升學就業講座,拎左好多資料,見d同學都好似prepare得七七八八,自己就開始寒~好驚呀!個個都話要走,搞到我手足無措...
睇住d學校資料,開始驚自己唔夠14分之後ge路向,呢晚訓得好差,醒左10幾次,發左10幾個關於會考放榜ge夢...

係咁又過左幾日我仲係半逃避狀態,見d同學諗哂去搵學校ge次序同埋路線圖,就變得超級緊張...無計,屋企無人幫到我,做大ge真係可憐,屋企人又唔係好清楚呢d事...之後心情就超低落的說,係唔知點解會驚到喊~大家都同我講我一定升到,但係愈係咁講我愈擔心~我都唔知如果我無14分可以點做~
14分,突然變得好難得到...我計住計住,計到我可能會有機會14分ge時候個心就會放鬆一d,但一諗到考試成績呢d野真係好難講,加上後來見到一個repeat生話自己原來預計自己會有11分之後放榜成績竟然係0分...又覺得可能會好似佢咁估計錯誤...之後又緊係驚到喊~~
真係好多謝哂安慰過ge人,多謝你地ge關心,我都明白其實呢個時候人人都擔心緊,但係就要去壓抑自己安慰我,真係唔好意思~~><多謝jenny,多謝翠儀,多謝錦c,多謝june.......

可能係8月9日驚得太厲害,搞到8月10 <---放榜前夕,我反而沒有什麼覺得可怕的事,媽媽從大陸回來陪我放榜令我安心超多...媽媽成日同我講叫我唔好擔心,話就算我無14分都唔會怪我,媽媽真好!!!
已經預備好哂所有野,仲叫埋didi幫我去文理同培敦排定隊,今日出奇地快訓著~~~可能因為昨晚哭累了~~聽著dido 的thank you,入面有句"it 's not so bad,it 's not so bad~~~"如果我個成績係咁就好lu~

8月11日放榜當日,約左jenny,yvonne,connie,cindy,tracy等吃早餐,心情頗為平復~之後跟左佢地返hall度一齊祈禱,係唱詩o個陣唔知點解我又開始驚,最後因為見到yvonne受tracy 喊左,我都忍唔住喊左出黎上到4A課室,見到個個都坐正係度好似等判刑咁...之林sir,熾明sir同miss hou上左黎,之後就遂個遂個出去拎成績表...
我未拎到成績表jenny已經拍左手恭喜我啦,我先敢睇分數,係一個我意想不到ge分數!!我好開心,但好快咁,我見到好多我d friend都喊哂...

我衝落樓同媽媽講結果,媽媽都好開心...之後我就衝返上去睇connie,connie已經唔見左,超擔心,但係都係要同jenny落左hall先~
見jenny咁高分都無走,所以我都決定左留低~剩係落黎就係煩讀邊科,我本來好like文學,但係今次考得唔好,加上文學AL好似好鬼難,所以我放棄左,最後同jenny一齊choose左3個AL---GEOG,HIST,ECON~都唔知點解收原校生都要INTERVIEW,麻煩到死,D人肯留低都要偷笑啦,仲扮哂野wor...
見到理科d人超級勁,30個位爆滿,我地文科的人卻寥寥無幾,真是...yvonne同cindy都好叻叻,考得咁高分~恭喜哂呢~~
有dd野唔係幾高興ge係文學先考得個D,搞到我好似對唔住林SIR咁,嗚嗚...收到成績表O個弭仲以為自己將文學同中史的分給混亂了,結果當然不是...

搞掂哂自己d野之後就即刻去睇下tracy,connie,cheese等點...見到tracy準備出去撲學校,自己幫唔到d乜,只好叫佢加油~~好好彩,最後都可以搵到學校~tracy,你要加油呢!!
好想入去睇下connie點,因為之前見到connie o個個不可置信ge樣我好驚...大受打擊的樣子,我怕我現在去找她她會更難過...所以只好讓她自己冷靜...聽到connie喊左都算有發泄過先無咁擔心...
而cheese你喊完走左之後就唔見左人..打過電話俾你又唔無係屋企,最後先留msg俾你...

8月12日返左學校支持下connie,見到connie已經好返好多,振作返真係好~cheese都o係度,見到個人完整無缺都安心d~~今日大唔到d乜~不過connie聽日會去培敦試下~~今日返到去,見到肥禧,穎怡,小麟,candy都中入到中六啦呀^^恭喜恭喜~~~以後是好同學啦

8月13日真係累死我深深咁明白要撲學校ge同學身體係會點樣ge疲乏,佢地好明顯會搞到身心都好疲累~~
我7點幾去到培敦唔見佢地,好恐怖呀,見到7點幾就已經有幾十人排緊隊,就快d幫connie佢地排住先~後來先發現佢同daisy係可以直入interview,哈哈~超大面子呢~
好開心呀,connie同daisy最後都成功左,可以入到培敦讀中六,真係可喜可賀!!!以後要多點上來一起食飯呀!!!我們幾個落去食都得ge~
見到daisy速速去幫王oo撲學校,connie同我都超緊張,成日打電話問情況,但係都得唔到好消息,我同connie決定返學校睇下中六學位剩返幾多個。d人都痴線架,有咩理由全部都係零...最後叫左daisy佢地去試下地利亞修女紀念學校,我同connie諗住去支持下大家,去到o個度,見到眼紅紅又很絕望的樣子的miu(王oo),見到佢咁真係心痛..connie仲因而喊左tim ar><我都唔知點解我地最後去左基道,去到o個度問repeat,個阿sir個樣勁似林約瑟,仲見到阿ser佢地~
之後阿miu黎左interview,幾驚佢唔得,好彩最後都成功左,鬆一口氣~~個基道阿sir好似睇死我地成績唔好咁,當我地白痴咁講左一連串廢話,問我地搵唔搵到學校,阿ser叫我講個分出黎嚇一嚇佢~傻啦~
基道件冷衫靚到好似出街衫咁,白底有黑間條,個logo仲好似個KISS字咁,超想買去著~~><
阿miu都搞掂,剩返cheese~~~~~
yvonne^^我會記得我地ge承諾!!!謝謝你啦~~

8月14日又返到學校,我地幾個都諗住同cheese打氣,但係又驚佢會有好大壓力,所有搞到我都唔敢入班房,出琊好鬼熱架其實。好彩最後都成功入左~~
cheese,可能呢條路唔係你最想choose ge,但係既然路已經揀左,就要各住目標不顧一切咁前進,唔好偷懶啦~~我地好多個人都支持你,唔好覺得孤君作戰!!!我地會督促你架la~你無機會偷懶gela~~哈哈哈哈哈哈哈哈哈(奸笑中)最緊要係唔好衰俾個衰人睇!!(明唔明?!)
junejune都成功repeat,以後要一起努力呀!!^^
下午返左協和堂,tracy你不用擔心我會悶呀,我一點都不覺得。你說我很好真是超令我慚愧了,tracy你也很好呀,雖然以後我們不能謙同一暑學校,不能一起去吃lunch和放學,但是我們平日可以見面ar!我們可以改掉平日不大出街,的習慣,多點出來見面呀!!學業方面也要一起加油la!!

晚上同一個將會係我同學ge保一生傾icq,佢叫ruby呀~~聽日去camp可以見到啦~~做好同學啦!!!
昨晚4點幾還沒有睡在看中國女排,中國vs美國,可憐的趙蕊蕊又受傷了><好彩最後都win了~太好啦,因為我可以睡了!!

今日需要在家休息~~~~~~~~補充體力

放榜又令我體會到friend真係好重要,見到好多人幫朋友晨早4,5點就去排隊,又陪人撲來撲去,真係勁感動~~friend真係好重要,所以我會更加珍惜你地~~~多謝哂你地ge照顧!!!以後要一起加油呀!

>>August 15, 2004 at 10:59:18 PM GMT+8

2004 年 8 月 14 日 星期六 【晴】

總算個個都有著落,鬆一口氣

>>August 15, 2004 at 3:00:41 AM GMT+8

2004 年 8 月 6 日 星期五 【晴】

驚驚驚驚驚
不安不安不安..........

>>August 7, 2004 at 2:28:26 PM GMT+8

2004 年 8 月 2 日 星期一 【晴】

Cheese 生日快樂~^^呵呵呵

>>August 7, 2004 at 4:03:59 AM GMT+8

2004 年 7 月 26 日 星期一 【晴】

快回來了~

>>July 27, 2004 at 2:03:40 AM GMT+8

2004 年 7 月 22 日 星期四 【酷熱】

坂田之旅第5天

昨晚竟然睡不著呢,到了3點多才入睡,可憐的很~入睡之後就做了個惡夢...無奈
夢境忘了啦,只記得看見很多兇惡的貓之後就給嚇醒了,哈哈哈(真是丟臉)
早上又去喝茶了,二舅父也是好茶之人。吃完後搭車去華僑城外公外婆家,去到三舅父舅母都在,還有他們的孫子。那個小朋友超怕生,我一走近他就把頭貼在地面去了,我怎樣跟他說話他都不理會我,只是獨自像自閉一樣玩他的小火車.....嗚嗚,難道我真是很討厭?!(笑)不過後來他竟然自己撩我玩呢,真令人感到十分安慰^^
在那裏叮了中午飯,有腸粉吃,超感人~
意想不到的是表妹來了,還以為她回加拿大了~本來想和她一起去東門逛街,可惜最後因為時間太緊迫放棄了,都不知要多久才會再見~~希望可以收到她寄來的信啦~~
離開外公外婆家後去了WAL MART逛街,買了一個排球,很好的收穫~
原來在這裡乳酪yogurt既不是叫乳酪,又不是叫做優架,是叫做酸奶......天呀,這是什麼名字,嘔心死了~如果不是印了英文yogurt 我真的估不到酸奶=乳酪......這裡買比香港平一半有多,而乳酪又很有益所以決定要去買黎食~~

>>August 6, 2004 at 12:20:49 PM GMT+8

2004 年 7 月 21 日 星期三 【晴】


旅程的第4天

今天二舅父等人由四川回來了,立即就叫了弟弟去跟他下象棋…我很佩服他的體力~他們回來就好了,會比較熱鬧^^
決定了明天跟媽媽和二舅父去探外公外婆,可以順道去WAL MART走走,看看有沒有氨基酸飲料買,如果有就好了~~~
電視終於調較到可以看到翡翠台,很開心呢,雖然不很清晰啦~不過不用聽嘔心的普通話配音已經很好了!
昨晚被蚊咬得好慘…應該不會感染到登革熱和日本腦炎(笑),為了安全,今晚要睡在蚊帳裡了~~~

>>August 6, 2004 at 12:21:15 PM GMT+8

2004 年 7 月 19 日 星期一 【乍寒還暖】

深圳(坂田)之旅第二天

今天一早又去了飲茶,來這裡喝茶真是超抵,大中小特頂點都是一律$3.8,可以叫超多野食真是太幸福了~~~
吃飽飽後弟弟們和媽媽去剪頭髮了,我就坐在一邊呆等。他們三個人竟只花了$30就可以剪髮洗頭再享受按摩呢~勁抵
在小店買了一個$18的呼啦圈,最後被媽媽講價成功以$15成交…個呼啦圈好鬼重…一路轉一路痛~
媽媽說在市場裏有網吧,還只要$2就可以玩一小時,對我和弟弟來說可是一個天大的喜訊啊!however,原來係上唔到香港ge網頁架,睇唔到d字(變哂亂碼)唉~真無奈,希望幻滅!刺仔仲打算可以上網check check email,打下日記咁tim~
因為部電視收唔到香港台,所以唯有睇住深圳台先,深圳二台的滿天星劇場(我知道這個名好嘔心)播翡翠台拍左未睇到ge牛郎織女,之後仲有郭晉安做傻仔o個套劇tim~不過d對白係用普通話…so覺得唔係咁好睇
媽媽買左個‘起沙’西瓜,真係好味道!!!超愛西瓜~~消暑良品
見到電視有氨基酸飲品的廣告,好想買呢~

>>August 6, 2004 at 11:46:01 AM GMT+8

vyvy 廣告 讀者留言 |  路人留言   | 我都想學Spanish呀~有空可 >>September 22, 2006 at 6:23:04 PM GMT+8 痴線的, 係你先會陪佢癲... >>August 20, 2006 at 12:43:46 AM GMT+8 呵呵呵~~ <br>多謝你呀，讚 >>August 16, 2006 at 12:25:52 AM GMT+8 vyvy,我send了一封ema >>July 30, 2006 at 6:57:57 AM GMT+8 vyvy..我記得你話入大學電爆 >>July 5, 2006 at 12:34:05 PM GMT+8 你係咪真係電先.. >>April 27, 2006 at 1:08:13 PM GMT+8 好叻呀你~~ >>April 27, 2006 at 4:23:24 AM GMT+8 好呀! 電爆炸頭呀! <br>我 >>April 27, 2006 at 2:17:44 AM GMT+8 加油呀!!!! <br>盡左力就 >>April 10, 2006 at 1:29:42 PM GMT+8 叫左你用銀包嫁啦...傻豬... >>March 26, 2006 at 5:16:14 PM GMT+8 candidate A in y >>March 18, 2006 at 3:45:16 PM GMT+8 我係jemmy呀! <br> < >>March 7, 2006 at 1:50:29 AM GMT+8 <br> <br>surely >>March 7, 2006 at 1:34:31 AM GMT+8 噢!!!!! <br>how p >>March 7, 2006 at 1:33:22 AM GMT+8 努力呀!!! >>February 27, 2006 at 2:39:43 PM GMT+8 你好，我偶然在网上找到一&#20 >>February 13, 2006 at 7:31:51 AM GMT+8 呀... <br> <br>vy >>February 6, 2006 at 11:51:36 AM GMT+8 你唔做水瓶座既人真係浪費晒!! >>February 1, 2006 at 5:27:53 AM GMT+8 是否已攻陷呢??? <br>係都 >>January 22, 2006 at 4:36:58 PM GMT+8 不是攻陷嗎? >>January 22, 2006 at 4:24:39 PM GMT+8 甚麼叫攻陷夜中環？ <br>甚麼 >>January 22, 2006 at 2:48:32 PM GMT+8 不是鎮陷夜中環嗎~ >>January 22, 2006 at 9:20:22 AM GMT+8 i am the first t >>December 12, 2005 at 8:44:50 AM GMT+8 哈~有人將重點放錯了 >>October 24, 2005 at 11:10:00 AM GMT+8 你個頭唔大架~!哈哈哈~ <br >>October 15, 2005 at 4:44:18 PM GMT+8 不要兩口子兩口子地形容我地呢.. >>October 14, 2005 at 4:00:36 PM GMT+8 傷心呢..yvonne唔唔肯接受 >>October 13, 2005 at 8:53:06 AM GMT+8 你.....真奇怪 <br>訓得 >>October 11, 2005 at 4:18:18 PM GMT+8 下次真係要帶耳塞俾我用呢!!! >>October 11, 2005 at 6:06:22 AM GMT+8 低b妹~ <br> <br>我地 >>September 14, 2005 at 4:04:39 PM GMT+8 sorry! <br>我成日都唔 >>September 3, 2005 at 12:13:36 PM GMT+8 嘻嘻麗璇全靠我你先至想同人交換日 >>August 30, 2005 at 12:32:35 PM GMT+8 同我換丫~! >>August 29, 2005 at 4:14:22 PM GMT+8 好掛住你呀~~ <br>你好似失 >>July 20, 2005 at 12:53:10 PM GMT+8 i vy 妳最近好像很忙唷~ 我 >>July 9, 2005 at 11:01:00 PM GMT+8 你個日記gum耐都唔寫ge~?@ >>July 5, 2005 at 5:28:24 PM GMT+8 我岩岩開始返工2日~ <br>要 >>June 7, 2005 at 6:47:57 PM GMT+8 妳一晚唔郁得既次數多過我既一生 >>June 2, 2005 at 4:24:51 PM GMT+8 才不是小噴泉頭~>< <br>我 >>May 12, 2005 at 11:57:32 AM GMT+8 我都聽過係發夢甩臼齒就會有親人過 >>April 22, 2005 at 5:41:56 PM GMT+8 um... <br>依家諗番~ >>April 11, 2005 at 7:00:34 AM GMT+8 安安押~ ^^" 我今天一直在 >>April 9, 2005 at 4:26:11 PM GMT+8 謝謝vy~ >>April 4, 2005 at 3:19:34 AM GMT+8 我都夢見過一條大莽蛇~ <br> >>February 19, 2005 at 4:31:39 PM GMT+8 你地個社真係好大聲呀~~不過我地 >>January 7, 2005 at 4:22:53 PM GMT+8 我第一次發現你的icq icon >>December 29, 2004 at 5:56:29 AM GMT+8 Merry Christmas! >>December 25, 2004 at 4:24:22 PM GMT+8 YEAH^^ <br>個junn >>December 23, 2004 at 8:42:19 PM GMT+8 無見我兩個禮拜,唔怪得之今日見到 >>December 22, 2004 at 3:44:34 PM GMT+8 心情難過 想馬上找妳聊 馬上灌了 >>October 13, 2004 at 12:31:34 PM GMT+8

人氣: 26083

Design & Scripting by ShowHappy.Net