2003 年 12 月 4 日 星期四 【晴】


因為你說過不大會來我的日記,所以我要盡情的寫了
feel到你的沒精打采啦~
我知你陪我跳繩o個日係真係喊ge係咪?叫你別死撐了...
你夜晚又說無mood什麼的,加上你個info,嚇都嚇死
你又什麼都不肯說...估到你煩什麼...
我可以告訴你一些我的經歷ma...
自己屈左心內沒有好處,你有我們呀...
為什麼一個二個也會這樣...好可怕...
可以說出來吧,又不是什麼羞恥的事
見到你們隨時可以哭得出來的樣子...
我會覺得內疚的...
是因為我沒有主動去問你們發生什麼事嗎???是因為這樣你們才覺得沒有人傾訴嗎?
不是這樣的,真的
別喊死了好不好?你們要把我弄瘋嗎???
不可以輕易就說...
不可以呀...

>>December 6, 2003 at 3:17:00 PM GMT+8

2003 年 11 月 26 日 星期三 【晴】

星期四~

明天不用測eng呢~心情舒暢~今天整天都玩樂著,人家不想溫書耶!

看別人的日記(網上)後總是會有點點難過.因為會知道一d真相...見到大家寫日記ge時候表現he唔開心...自己心情跟住低落,總是會這樣...
大家都很在意別人對自己是否真心吧...好可怕的一個題目,一想到這個我就會有點點嘔心的感覺~如果一直被騙,自己卻蒙在鼓裏,這真是一件可悲的事。想到自己會受到這樣的對待嗎?!就會覺得毛骨悚然...

近來自己有點點發瘋了,是不是太煩人了~?

今天放學後跳大繩,很好笑的一班同學~要我特訓令我腰酸背痛呢~不過見到大家玩得這樣高興,都不枉我參加~

miu,你好叻呀^^22分ge history!你要繼續努力,知道不知道!
一起努力溫書吧!^^
今日本來又買左一小包朱古力,新出的蜜瓜味,本來打算帶回校和你一起食的,可是---------
被我忍不住吃掉了~hahahaha

>>November 27, 2003 at 3:39:01 PM GMT+8

2003 年 11 月 22 日 星期六 【晴】

這幾天不可以上網寫日記,有點覺得挺不自在~哈,是失去才會珍惜吧!

溫書進度緩慢,大概是因為有很多引誘~上星期在學校書展買了本書,去圖書館又會了幾本神話,名著等,之後去借了漫畫,又買了一本~實在有很多引誘,每次溫書溫到一半就會借口1休息去看書,結果一看就看完全本漫畫,溫書想快也挺難!

等待的時間真的好難過,好想快點知道自己的血型,但想了想又發現只是捐血後的第一星期,還要多等5-7星期呢~嗚嗚

下星期又測驗,轉眼之間現在已是11月尾了,會考又更迫近...好~緊~張~
現在都迫自己要溫書,但望住econ測驗卷,心都涼了半截~唉~果然是個白痴~

又調位了,今次調得頗前,對我來說是好事嗎?!connie坐在我前面,真開心呢!

覺得有點怕怕的感覺,原來一個人的表面和內心真是差很遠。表面不努力的人暗地裏會做些什麼?
不知道!畢竟要裝輕鬆也不是一件什麼難事~

希臘神話真是超好看的,我會努力在reading section看完,如果那天沒有測驗的話~
之前做ambassador,問d FORM1,2 同學對reading section ge感覺...答案有點兒"那個"~

Form1,2的同學真是太"誠實"了~~~~

>>November 23, 2003 at 8:27:43 AM GMT+8

2003 年 11 月 12 日 星期三 【晴】

好開心呀~今日去左捐血呢~超勇敢!

上到第二堂尾就落左hall,我地班有10幾個勇敢偉大ge同學。落到去首先就要填一份長而莫名奇妙的問卷,d問題真係太白痴啦~填完之後就等見d姑娘,之後就去左“督”手指(實在唔知道可以用咩字代替),聽人地話好痛架,等我仲驚左好耐,好彩其實唔係好痛,不過就唔係好高興佢狂“必”我d血出黎, “必”左成支,搞到我隻手指好痛呢~而最後佢竟然剩係用一滴睇下血妅素會唔會太低,all pass之後就去等捐血啦~

捐血之前心情超緊張的說,可能係心理作用啦~見到d捐血ge人都白哂,嚇死我!死就死啦!姑娘幫我量血壓,之後就問我打唔打麻醉針,雖然打麻醉針係好痛,但係我心信如果唔打,成個捐血過程都會好痛苦,所以一口答應!打麻醉針真係痛呢,不過只維持左幾秒,之後就見到個姑娘拎住支針口好粗ge針管…慢慢插落我隻右手度,有d痛,之後再插深d,再再插深d…見住唔痛都覺得幾恐怖…
捐血ge過程都幾快,不過之後就被迫躺著半小時…可能更多…

悶得制所以唔坐偷走左去搵下d同學,點知被姑娘發現左,問我做乜唔被佢扶先起身…人家都沒有這個需要耶…

去拿了杯熱飲和餅乾補充體力,之後周圍走和大家說一下捐血後的感覺,一直都沒發生什麼事…
可是當我拿起熱飲想呷一口的時候,突然一陣暈眩…是很可怕的感覺呢~眼見到的東西變色+雪花,聽的聲音也變得怪怪的,之後就是走路不穩,連走到椅子坐的短短幾步也不能做到呢~><可怕極了!姑娘超快的讓的躺著,說讓血流回頭部就會好一點。躺了不久就好了,沒有什麼不舒服,不過姑娘不讓我走…把同學嚇壞了吧~哈哈

其實也不是只有我一個有暈的感覺呀^^我們班的人身體可能不大好呢…出奇的多人不舒服~不過休息後都沒事了啦~

現在就要等6-8星期,就可以知道我是什麼血型了!期待呢!


>>November 14, 2003 at 1:05:56 AM GMT+8

2003 年 11 月 5 日 星期三 【晴】

CONNIE生日快樂!!!!


>>November 9, 2003 at 2:30:44 PM GMT+8

2003 年 11 月 3 日 星期一 【晴】

VICKY生日快樂!!!!!


>>November 9, 2003 at 2:25:11 PM GMT+8

2003 年 10 月 30 日 星期四 【晴】

今日打左防流感針~唔痛呀!好開心,事先都驚驚地,好彩唔係好痛咋~

勁黑仔呢,食糖o倘陣俾領袖生見到...嗚嗚~halloween 嘛~

貼d 圖圖先~



HAPPY HALLOWEEN!!!

>>October 31, 2003 at 9:57:46 AM GMT+8

2003 年 10 月 23 日 星期四 【晴】

好開心呀^^今日去左睇t.A.T.u呀~
晚上7時就出發啦~心情勁興奮呢~一路上都有唔少人係去睇維港巨星匯,跟住佢地行就唔會迷路啦~
去到好彩唔係山頂位咋~感動^^
去到等多一陣,8時半左右,twins就唱住歌咁出黎.不過走音走得頗厲害呢.唱左7首歌,最後.阿嬌說：「Don't leave, it's time for t.A.T.u.！」佢地就走左lu
之後就等我期待很久的 t.A.T.u出場,等左勁耐,差唔多半個鐘呀~突然聽到"ALL THE THINGS SHE SAID" 的音樂,就知道她們出場了,全場ge人都歡呼,氣氛好好~
Yulia和Lena都穿著白色背心和藍色牛仔褲,yulia戴了帽子,lena就沒有束頭髮~
t.A.T.u.唱的第一首歌是《All the things she said》，每個人都很興奮的站在椅子上，伴隨著t.A.T.u.的歌聲舞動。之後又唱《How soon is now》,觀眾情緒一直很高漲。
唱完兩首歌, t.A.T.u停左落黎,要台下所有人kiss先肯繼續唱呢~台下有d人好大膽呾o係t.A.T.u拎住ge攝影機下kiss,yulia不斷叫大家kiss,之後音樂再起,佢地唱左《Show me love》,《30 minutes》,《stars》,《simple moves》,yulia仲落台同觀眾握手呢~
唱完呢首歌《simple moves》之後,Yulia說：「I think here, so many gay boys. So here, song for us, song for you.」 之後就唱了《Malchik Gay》,氣氛好high~
然後t.A.T.u.唱了《Klouny》,yulia叫大家企起身,再唱左《Ne'ver, ne boisia》,在唱歌的中段，t.A.T.u.兩親吻起來。又唱了《Not gonna get us》.,又叫大家kiss。t.A.T.u.然後又唱了《Not gonna get us》的remix version,Lena說：「We want everybody to dance with us, and be grave to dance.」
後來t.A.T.u同我地台下觀眾一齊唱左all the things she said,好多人都識唱,厲害~t,.A.T.u狂叫super,super,uou all are crazy...
到最尾,yulia問我地想聽咩歌,話係the last song,問我地想聽 「《All the things she said》定《Ya soshla s uma》,我地同佢唱左頭一句,因為唔誻俄文所以都唱不下去了。佢地最後唱多次《All the things she said》的remix version。
唱完之後佢地就走左...
台下好多人大叫：「Encore encore encore！」
過了幾分鐘，音樂再度響起，t.A.T.u.出來了,又唱了《Not gonna get us》的remix version。
再kiss,再唱左一陣,就真的完結了~~~~~~~

真係勁好睇,氣氛好high~真係不枉此行呢~


>>November 3, 2003 at 3:08:32 PM GMT+8

2003 年 10 月 23 日 星期四 【晴】

今天是一個美好的日子呢~
不知不覺一年一度的學校旅行日又來到了,
今天的目的地是長洲---一個去之前還在煩惱可以玩什麼的地方。
7時半就去了地鐵站集合,8時半左加就到了碼頭,好開心呢~今日可以搭船!!!
又再等了一會,等齊人之後已經是9點啦~
乘船的過程有45分鐘呢,實在太好了!沒有暈船嘔吐的感覺,!在船尾站覺得很舒服呢~
我們在船上拍照,又吃又玩的~
到長洲後立即去了那裡的沙灘,好嘔心呢~見到好多垃圾,有點被嚇怕的說。立即想起中秋我們一班friend去石澳,那裡真是水清沙幼呢^^
玩班會遊戲時我地組大勝呢,超勁,士氣好到爆呢~班男生為了勝利,竟然出賣自己身體~哈哈哈
玩完成身濕哂,換衫之後去左食lunch,好難食的一餐飯....
食lunch之後去左踩單車呢,好開心呀,有成20幾30個人一齊踩。而且超抵,12元就可以踩兩小時啦~
我諗自從升上小二,三就無踩過兩輪單車啦~細個識踩架,不過就未試過大部o個d~好驚會唔遁得點踩呢,好彩超級順利的~!
今次最大得益是connie吧,學識踩單車了,多謝miu啦~
踩左1個半鐘就去左行下街之後就要回程啦~!
今日真係好好玩呀!中五有咁ge回憶都唔錯呀^^

>>October 31, 2003 at 9:41:19 AM GMT+8

2003 年 10 月 20 日 星期一 【晴】

好yeah~阿miu留言給我呢~我要第一時間reply!
TO MIU : 你別這樣做呢~!!!我說過要低調~^^~


今日跑九分鐘呢,好可憐,跑到痛到死...今年跑左千四米多d,好過上年啦~(進步~)
溫書溫到好慘呢~聽日有3個測驗.好辛苦...
但係...我要努力!!!

>>October 21, 2003 at 3:15:56 PM GMT+8

vyvy 廣告 讀者留言 |  路人留言   | 我都想學Spanish呀~有空可 >>September 22, 2006 at 6:23:04 PM GMT+8 痴線的, 係你先會陪佢癲... >>August 20, 2006 at 12:43:46 AM GMT+8 呵呵呵~~ <br>多謝你呀，讚 >>August 16, 2006 at 12:25:52 AM GMT+8 vyvy,我send了一封ema >>July 30, 2006 at 6:57:57 AM GMT+8 vyvy..我記得你話入大學電爆 >>July 5, 2006 at 12:34:05 PM GMT+8 你係咪真係電先.. >>April 27, 2006 at 1:08:13 PM GMT+8 好叻呀你~~ >>April 27, 2006 at 4:23:24 AM GMT+8 好呀! 電爆炸頭呀! <br>我 >>April 27, 2006 at 2:17:44 AM GMT+8 加油呀!!!! <br>盡左力就 >>April 10, 2006 at 1:29:42 PM GMT+8 叫左你用銀包嫁啦...傻豬... >>March 26, 2006 at 5:16:14 PM GMT+8 candidate A in y >>March 18, 2006 at 3:45:16 PM GMT+8 我係jemmy呀! <br> < >>March 7, 2006 at 1:50:29 AM GMT+8 <br> <br>surely >>March 7, 2006 at 1:34:31 AM GMT+8 噢!!!!! <br>how p >>March 7, 2006 at 1:33:22 AM GMT+8 努力呀!!! >>February 27, 2006 at 2:39:43 PM GMT+8 你好，我偶然在网上找到一&#20 >>February 13, 2006 at 7:31:51 AM GMT+8 呀... <br> <br>vy >>February 6, 2006 at 11:51:36 AM GMT+8 你唔做水瓶座既人真係浪費晒!! >>February 1, 2006 at 5:27:53 AM GMT+8 是否已攻陷呢??? <br>係都 >>January 22, 2006 at 4:36:58 PM GMT+8 不是攻陷嗎? >>January 22, 2006 at 4:24:39 PM GMT+8 甚麼叫攻陷夜中環？ <br>甚麼 >>January 22, 2006 at 2:48:32 PM GMT+8 不是鎮陷夜中環嗎~ >>January 22, 2006 at 9:20:22 AM GMT+8 i am the first t >>December 12, 2005 at 8:44:50 AM GMT+8 哈~有人將重點放錯了 >>October 24, 2005 at 11:10:00 AM GMT+8 你個頭唔大架~!哈哈哈~ <br >>October 15, 2005 at 4:44:18 PM GMT+8 不要兩口子兩口子地形容我地呢.. >>October 14, 2005 at 4:00:36 PM GMT+8 傷心呢..yvonne唔唔肯接受 >>October 13, 2005 at 8:53:06 AM GMT+8 你.....真奇怪 <br>訓得 >>October 11, 2005 at 4:18:18 PM GMT+8 下次真係要帶耳塞俾我用呢!!! >>October 11, 2005 at 6:06:22 AM GMT+8 低b妹~ <br> <br>我地 >>September 14, 2005 at 4:04:39 PM GMT+8 sorry! <br>我成日都唔 >>September 3, 2005 at 12:13:36 PM GMT+8 嘻嘻麗璇全靠我你先至想同人交換日 >>August 30, 2005 at 12:32:35 PM GMT+8 同我換丫~! >>August 29, 2005 at 4:14:22 PM GMT+8 好掛住你呀~~ <br>你好似失 >>July 20, 2005 at 12:53:10 PM GMT+8 i vy 妳最近好像很忙唷~ 我 >>July 9, 2005 at 11:01:00 PM GMT+8 你個日記gum耐都唔寫ge~?@ >>July 5, 2005 at 5:28:24 PM GMT+8 我岩岩開始返工2日~ <br>要 >>June 7, 2005 at 6:47:57 PM GMT+8 妳一晚唔郁得既次數多過我既一生 >>June 2, 2005 at 4:24:51 PM GMT+8 才不是小噴泉頭~>< <br>我 >>May 12, 2005 at 11:57:32 AM GMT+8 我都聽過係發夢甩臼齒就會有親人過 >>April 22, 2005 at 5:41:56 PM GMT+8 um... <br>依家諗番~ >>April 11, 2005 at 7:00:34 AM GMT+8 安安押~ ^^" 我今天一直在 >>April 9, 2005 at 4:26:11 PM GMT+8 謝謝vy~ >>April 4, 2005 at 3:19:34 AM GMT+8 我都夢見過一條大莽蛇~ <br> >>February 19, 2005 at 4:31:39 PM GMT+8 你地個社真係好大聲呀~~不過我地 >>January 7, 2005 at 4:22:53 PM GMT+8 我第一次發現你的icq icon >>December 29, 2004 at 5:56:29 AM GMT+8 Merry Christmas! >>December 25, 2004 at 4:24:22 PM GMT+8 YEAH^^ <br>個junn >>December 23, 2004 at 8:42:19 PM GMT+8 無見我兩個禮拜,唔怪得之今日見到 >>December 22, 2004 at 3:44:34 PM GMT+8 心情難過 想馬上找妳聊 馬上灌了 >>October 13, 2004 at 12:31:34 PM GMT+8

人氣: 26078

Design & Scripting by ShowHappy.Net