2004 年 7 月 18 日 星期日 【雨】

去深圳第一日

今天一早7時半左右就起行了,可能是星期一的關係,人不大多呢~竟然一家人都有座位坐(在九廣鐵路列車),好感動呢~~~
原本以為過關會十分順暢,天知道從那裡走出來的好多人,竟然要實施人潮管制?!我還不幸的排中了一條只可以供老人家排的隊伍,又要再排過...可憐的人生
過關之後發現羅湖的道路改動了很多,兜了超大個圈才找到小巴站,累死人
中途還有很多人走過來問你要不要幫忙你拖行李,其實自從羅湖有了扶手電梯之後,他們也少了裊多生意~我當然不用他們的"幫忙"啦~
今次乘的小巴是可以直接去到目的地---坂田的,可以省一點轉車的時間~~
到達坂田時已經差不多11點了~
我踏著滿地泥濘,好不容易才回到家~聽舅父說,我們家的門鎖被人企圖爆開玥進屋偷東西。一看之下,門鎖真的被弄壞了,開不了門~真是超想打爆那個小偷的死人頭!!!門鎖最後被媽媽用一字批一下子就弄開了,即是如果那個小偷肯堅持一下,基本上就可以入屋。這算是不幸中的大幸吧
看見滿佈灰塵的傢私,又要捲起衫袖來個大掃除,因為這裡比香港的家要大得多,所以足足花了我們將近兩小時才打掃完畢,筋疲力盡了。
午餐是去了屋企旁的大商場買的,一個飯盒才$5,超便宜~還多得吃不完呢~
晚飯則去了茶樓飲茶,之後再去商場買了點東西,一天就這樣過去。

>>August 6, 2004 at 11:22:20 AM GMT+8

2004 年 7 月 17 日 星期六 【晴】

明天要返去深圳了啦~要離別大家一陣子啦~~今日將會去買很多零食明天在路途上食~
我是挺喜歡坐車的人啦,雖然真的好累,但比起到達目的地我會更享受去到目的地前的旅程~哈哈,有夠變態的,是嗎?
原來Eylse Sewell沒有放棄到做醫生呢,還以為她會繼續做model...超靚ge醫生....
就這樣啦,回來再見~~

>>July 18, 2004 at 4:00:16 AM GMT+8

2004 年 7 月 12 日 星期一 【陰】

今天一早就去喝早茶,真開心呢~^^吃了很多點心,真叫人滿足!

之後我還吃了7-11的雪糕呢,是士多啤梨味的,很漂亮的粉紅色呢,味道還可以啦~~

超級黑的一天,我穿的夾腳鞋斷了帶子...你知道啦,夾腳鞋斷帶子就超難走路的。我好不容易才一跛一跛的走回家,我回家換了另一對夾腳拖鞋,然後打算去黃大仙中心走走~估唔到行到半路,竟然被一灘水吨滑到,然後悲劇再次發生,我對夾腳鞋帶又...唉~我都唔知今日搞什麼東西,竟然可以係半個鐘之內整爛左兩對拖鞋...又要跛跛下咁行返屋企,中間仲要受唔少途人奇異ge目光...超無奈~~~

在大眾買了一本$15的甜品書,好想試整黎食呢,一定會好好味ge,呵呵呵呵呵~

我最喜歡的那個醫生model EYLSE Sewell 黎左香港,真係超級想去睇下佢呢~~如果可以同佢影相就好啦~聽講佢而家成日會去中央圖書館,好想去撞下佢呢~真係好靚女>3<

這個夏天過得有點白痴呢..我諗好可能會一次水都未游過就完結~本來仲諗住可能會奔向海灘呢~真可惜,可是我不想曬黑,哈哈,一白遮三醜嘛~~~唉~想當年就是因為整個夏天都去游泳搞到我被人叫個非洲黑人...我唔會再犯同樣ge錯誤架啦!!!不過如果大家想去游水都可以叫下我,玩下都唔緊要~~~夏天嘛

>>July 13, 2004 at 4:47:44 AM GMT+8

2004 年 7 月 9 日 星期五 【晴】

今天是---------->黑暗的日子...
莫名奇妙的被媽媽痛罵了~~><真叫人咀喪...我真的不大明白為什麼早餐不喝奶而吃餅乾有什麼問題......無奈,太無奈了~之後又為鬧鐘壞了的事被罵...好可憐的我....
算了~~~算~了~吧~
突然之間好想學煮野食,去大眾睇到有好靚靚ge甜品書,係講用士多啤梨整ge甜品,買but貴到死...><不過有好多甜品都唔會做到,因為屋企都無焗爐~睇comic見到日本ge小朋友上ge家政堂會整蛋糕,真係超級羨慕!!!~~~唉~好懷念我中三前有得上ge HE堂...
我遲D又返深圳啦,聽舅舅講我地間屋又俾人爆鎖想入去偷野,唉~俾人發現左我地唔係成日住O係o個度tim~真是有夠危險的感覺!上次已經俾人偷左電水煲啦,電飯煲,火煱爐啦,收音機啦...搞到我地一返到去就要買過哂d野~今次...都唔知會唔會成間屋d野無哂...唔好啦,,,唔好偷左我部電視!!!
今天見到我平日買開的雜誌出版了,原本還以為要20號左右才有,我還在想在返大陸那天買,然後可以一路上看來解悶呢~~買完之後,我的$25又就這樣飛走了,褲袋多左包送getemple紙巾...
今期講好多減肥的事呢...邊看邊笑...是因為她們用的方法超白痴~~~其中一個用最快速的速度衝刺去便利商店,真是...我諗呢個要好耐先會見到效果...邊有得成日跑去便利商店~~日本人是不是滿腦子都裝著這樣奇怪的想法?!
此外,雜誌中我最喜愛的model生小孩去了,以後就引退,真是太可惜了呢~~不過應該祝佢永遠幸福快樂啦~佢個bb一定要好似佢咁靚~~^^

>>July 10, 2004 at 7:53:33 AM GMT+8

2004 年 7 月 8 日 星期四 【晴】

終於看完本<24個比利>了,好好睇呀^^睇到手不釋卷~這本書在我會未前已經借過黎睇lu~不過未睇已經有人預約左...跟住就還左..
熱烈推介------->24個比利
我覺得比利ge下場好慘,如果有好d ge治療,以佢的IQ(佢其中一個分裂GE人格有130 IQ)其實係不可多得ge聰明人~~~~~><

真是多謝翠儀讚我個日記靚左呀^^因為而家太空閒,所以可以努力做下呢d野~夏天到左,唔可以再黑黑沉沉啦~~~~現在見到個日記都好想食...
好開心呀~有豆腐花食~有豆腐花食~有豆腐花食~有豆腐花食~
我好想食蛋糕,我要食
奇哈基的藍梅起司
達羅瓦的咖啡蛋糕
泰邦羅浮的巧克力蛋糕
普魯梅的第戎蛋糕
卡菲瑪達的水果總匯
特洛瓦非的榛子巧克力蛋糕
雷莎威爾的白雪水果筒
普羅特的千層糕
西瑪之家的巧克力塔
基爾菲波的紅色水果塔
諾里耶特的慕斯奶油夾心蛋糕
斯里傑的蜂蜜蛋糕
法米耶的海綿蛋糕
阿妮巴沙里的起司蛋糕
迪梅爾的莎哈塔

我明白大家又會話我痴線了.......哈哈

~~~my family~~~
大弟弟昨日回家話拎左個進步獎,由40幾變成20名...彈跳力驚人...
昨晚跟小弟吵架,討厭死了....真是生在福中不知福的傢伙!!!
今天的日記超級白痴的~~

>>July 10, 2004 at 6:41:08 AM GMT+8

2004 年 7 月 2 日 星期五 【晴】

呵呵呵~今天去了借漫畫了呢,借了4本,才用了$8,抵抵抵~要多點借漫畫消磨時間啊
~又看了一次最遊記,我可愛的八戒仍然那麼可愛,在網上見到一些cosplay,真是...
八戒真是超難扮得好看...

借完漫畫一出新蒲崗就見到老遠有個白痴笑嘻嘻的,在想是不是miu(因為人家現在
的近視好像挺嚴重),定眼看一看,原來真是OO,真是太巧了~一見面就說我長得像MY
弟弟是什麼意思呀?!真是的...明明就不似...><

昨晚3時多被大雨吵醒,終於也下雨了,真是太好了~下雨就不會那麼熱了!!!我還特
地起床把落雨的時間記在日記簿內呢,我知道這是很瑣碎的事啦~

一邊打日記一邊吃著綠豆糖水,好好味^^消暑良品~~

哈哈哈~被王OO說我瘦了,真是令人感動的說話~>3<

好久都沒有睡不著的經驗呢,今晚算是放假之後的第一次吧,在夜晚兩點左加的時間
坐在電腦前online,好久沒試過了,感覺真好~

昨天做了個莫名奇妙的夢呢~真是超級白痴的一個夢,我一醒來就立即把夢記下來了
,記在我前天買的專門用來記錄夢境的簿簿,有時真是覺得自己有夠白痴的,看來這
世界上應該沒有很多人會像我一樣,明明想睡到死,仍不顧一切的在床上跑起來記載
夢境~有時會因為太累,寫字時眼都瞇住,結果字寫得太醜無法辨認,白費工夫了

日記變了樣,最近超愛上網找甜品的圖片,看著看著,愈來愈想食...

>>July 6, 2004 at 4:50:04 AM GMT+8

2004 年 7 月 1 日 星期四 【晴】

唔經唔覺考完會考都成個月,玩左都成個月,真係玩都有d悶~
放棄了找工作,因為7月中後我要返大陸lu,距離現在只有20日,都唔會有人肯請啦~加上自己又唔係真係咁等$$使,有緊係好la,我都有好多野想買,不過可以由第二d野節省落黎ge.覺得而家生活得都ok呀,做自己想做ge野,睇自己想睇ge書~優哉悠哉,逍遙自在~
好熱呀,這幾天都不知道搞什麼東西?!熱到死死下,在家不斷的食著雪條,感覺超幸福的!
不知從何時開始,我都沒有認真的寫過日記(是在家用筆寫落紙的那本啦~),那本東西跟本不可以叫做日記了吧,現在都只用來記下我做過的夢,變質了的日記~~~~~><
在家什麼都可以做,我竟然自己拿了本新簿,然後拎寺支筆,自問自答起來~有點不正常的感覺...不過呢,是攤好玩的事啦~
例如我會在簿上寫:1.對你來說,最好的讚美詞是什麼?
然後我會寫 : 當然是被人讚"頭腦很好" "很聰明"之類的讚美詞啦~
2.有被說過長得像那個人嗎?
小時候常被別人說長得像我兩個弟弟......
3.有入院的紀錄嗎?
小六時因為被坐在我前面的男同學傳染到肺炎,結果他住了9天醫院,我住了3天醫院...

在看我的日記的人們一定會覺得我在發痴線了...請別見怪~但我真的覺得好好玩,不是嗎?

好想食這種雪糕做夾心的餅乾~~~


>>July 2, 2004 at 10:44:51 AM GMT+8

2004 年 6 月 14 日 星期一 【晴】

剪頭髮,剪頭髮,剪頭髮
把三千煩惱絲都剪剪剪,看著自己過厚的頭髮不斷被剪落,心裏竟然有一陣快感?!
哈哈!我沒有剃光頭啦,放心放心~~
現在是不長不短的頭髮,開心~不知道為什麼自己偏好中長髮,反而不喜歡長頭髮,自己明明留過...
現在在家好無聊,找不到工做,努力的跑圖書日館借書看,不過沒找到什麼好書。看來要把放在我床頭的紅樓夢再拿出來認真看一遍了。上年為了交讀書報告看到第80回,看得好辛苦,因為書在深圳買,雖然超便宜,但簡體字看得我頭昏腦脹...今次可以慢慢看,應該會好一點,也許會領略到點什麼
這三天已經看了7本書了呢,要繼續努力!!!
好後悔呢,為什麼的會讓我的耳洞埋口的呢?在小一就穿耳洞的我真是超有型的,呵呵呵,比很多女孩還早吧~無奈早就因為沒有戴耳環所以,在不知不覺間就給埋口了...嗚嗚,超唔抵呢...見到d耳環好靚,好想戴。但現在長大了顧慮多了,又怕發炎又怕會好痛,又要自己出$$呢,小時候是媽媽帶我去穿耳的嘛(笑),所以都有點點放棄了。
就快grad. din,都唔知著咩衫好,又唔准人家穿牛仔褲,無奈...除左校裙之外,我都唔知幾耐無穿過裙子,my god~~~(苦叫中)又要買衫,又要用$$$$$$
人家現在窮得要命,有時真的不大喜歡放假,一放假就沒有收入...無奈無奈
近來又無聊都拎返哂d日記簿出來睇自己發過的夢,之後發現,夢見過的明星創新高...79個耶...
嘩~發現了yahoo的郵箱竟然變了有100mb的容量,勁勁勁
現在可以儲好多好多email,大家要努力的send e-mail給我呢~~~

>>June 16, 2004 at 5:00:35 AM GMT+8

2004 年 5 月 24 日 星期一 【乍寒還暖】

好開心呀,辛苦左咁耐都係等今日咋,今日係會考完畢ge日子,可喜可賀‧
呢個月經歷左好多野,自放假開始就係咁溫書,日溫夜溫,差唔多無睇過電視,關在房中用功...
係一段好痛苦ge日子,明明唔想溫,但係一諗到會考會影響將來,就迫住溫~一路溫一路諗,呢題會唔會出,想放棄唔溫又驚會咁唔好彩出左,愈溫愈多野要溫,愈溫愈溫唔哂~~~困擾

考完等我寫返呢二十日考試的小記啦~

5月4日
聽日就考中史,我其實已經溫左好多日架啦,今日只係將溫過ge野重溫一次就可以,但係不幸ge事發生左,當我拎起本書,我發覺我全部都唔記得哂...o個種緊張真係好難去形容,我只記得我由早上7點坐到夜晚凌晨2點,都係不斷咁溫書,一路溫,之後一路不期然咁驚,一路驚就勁流眼淚...我真係勁驚我一旦溫唔中,就真係乜都做唔到,尤其係個死人乙部~我唔係想喊架,不過d眼淚自己係咁流,控制唔到,心情惡劣。第一次對考試有咁恐懼ge感覺,學校mock exam無科溫得完都無咁驚....

5月5日
早上5點半左右起身又溫過,愈來愈驚。媽媽一早就起身,沖左花旗蔘水俾我飲,又安慰我唔好驚,令我好感動好感動...
tracy打電話叫我加油,我之前都曾經諗過要咁樣勉勵friends,但係我搞成咁,都無咩心情.tracy一個電話感動到我喊左~~~愛死你啦
好奇怪咁,當我入左試場個hall,我平靜左,已經唔再驚~~
做第一份卷,我隔離個男仔就訓左啦,之後仲走埋tim...真係豪
今日考試的結果是-------半死了

5月6日
昨日考中史雖然考得唔係好,但係唔會死得好慘我已經十分安慰。可能係昨天驚得太緊要,搞到我今日開始就唔再驚,中文得返昨日溫,又溫到好夜,早上又起得好早,好眼訓,不過都堅持住~
中文做第一篇閱讀理解做左成35分鐘,一睇錶都嚇左一跳,結果兩篇文做左我45分鐘,而o個4題讀本做得1個鐘多少少,寫到我手跛,好彩做得切。

5月7日
今日考英文,琴晚努力咁背vocab,希望可以用得著,點知今次paper1,都唔知作乜好...死左~~><
開心ge係唔知點解paper2好易~
易過mock exam好多...呢份都有d信心~

5月8日
今日一起身見到好大雨,心諗係咪掛黃色暴雨,
點知一開電視先知掛左紅色,之後仲掛埋黑色。
listhening考試推到29號考,呢幾日全力溫maths

5月10日
考maths我隔離個女仔成日"旭"黎"旭"去,俾佢煩死
結果maths徹底死亡了....
mc好像題題都撞答案...好唔開心
努力咁唔俾自己諗d負面野,阻止唔到~~

5月13日
呢幾日分左d時間溫geog,其餘就努力溫今日要考ge econ
唔知呀~~我都唔知自己做得係對定錯
econ真係估佢唔到...

5月15日
geog勁多野溫,昨晚抽左少少時間向弟弟請教地圖ge野(真謙虛)去惡補一下
點知今日o個10題地圖,我題題都唔識,無奈~~~

5月18日
文學溫得好辛苦,昨夜訓得2個幾鐘...
見到份卷都火滾~~夠膽死問關漢卿......

5月25日(今日)
呢個星期特別難過,好長時間,堅持努力溫~~~
今日考...essay寫得唔好~><
唔高興~~DBQ又做得唔好...
不過算啦,最後一科,考完啦~~
喜悅ge心情勝過哂所有~

考完同大佬,兩個alan,阿嬋,join埋阿ser,him lam,jireh同小lun佢地一齊去食飯打機,
見返佢地真係好開心呀
以後要多d再約出黎玩呀~~


考會考令我真係感受到咩叫壓力,好似你寫ge每粒字都會影響到你ge未來,討厭ge重擔~
媽媽好好,佢買左條手?俾我,又成日安慰我,好感動
多謝媽媽
好悶話俾我d friends知,我會支持佢地,希望佢地努力,但係因為自己ge心情都無做到...真sorry,考完試la~有咩事真係可以搵下我,一齊傾(無事都搵得),唔好自己揹住個重擔,會好辛苦...

>>May 25, 2004 at 5:48:23 PM GMT+8

2004 年 3 月 25 日 星期四 【晴】

考完mock了~yeahyeahyeah
經過兩星期的痛苦日子,今天終於可以鬆一鬆,可以睡覺,可以看電視,可以玩電腦...
太高興了
經驗中四的考試,我就已經明白到,要一天來溫完一年的書是不可能的事,何況是兩年的,所以今年都改用tip題方式~唉~結果當然也是溫不完一半就去考試~(三分一都無呀中史~~)
同學們都說今次不是會考,不用太用功~
但是呢,我想用這次機會嘗試把課文大概的溫一次ma...不過都是不成功啦。
今次溫書溫到我超頹廢,因為已經不是單純的溫習了,還要花費不少精神跟老師玩心理戰,tip她/他出什麼題目,真是既痛苦又疲倦的事...
每天溫天溫到超級晚,睡覺的時間大概只有3小時,鐵人呢~
弟弟借給我的 cold warnotes令我答到data based question 的 CUBA MISSILE CRISIS,真是令人太感動了><
吃LUNCH之後一睡就睡了差不多5小時,真是超級滿足的睡眠~~~
可以堂堂正正的online,看電視,yeahyeah!

好了,玩幾天之後又要開始努力應付5月的會考,要加油呢

>>March 29, 2004 at 6:29:53 AM GMT+8

vyvy 廣告 讀者留言 |  路人留言   | 我都想學Spanish呀~有空可 >>September 22, 2006 at 6:23:04 PM GMT+8 痴線的, 係你先會陪佢癲... >>August 20, 2006 at 12:43:46 AM GMT+8 呵呵呵~~ <br>多謝你呀，讚 >>August 16, 2006 at 12:25:52 AM GMT+8 vyvy,我send了一封ema >>July 30, 2006 at 6:57:57 AM GMT+8 vyvy..我記得你話入大學電爆 >>July 5, 2006 at 12:34:05 PM GMT+8 你係咪真係電先.. >>April 27, 2006 at 1:08:13 PM GMT+8 好叻呀你~~ >>April 27, 2006 at 4:23:24 AM GMT+8 好呀! 電爆炸頭呀! <br>我 >>April 27, 2006 at 2:17:44 AM GMT+8 加油呀!!!! <br>盡左力就 >>April 10, 2006 at 1:29:42 PM GMT+8 叫左你用銀包嫁啦...傻豬... >>March 26, 2006 at 5:16:14 PM GMT+8 candidate A in y >>March 18, 2006 at 3:45:16 PM GMT+8 我係jemmy呀! <br> < >>March 7, 2006 at 1:50:29 AM GMT+8 <br> <br>surely >>March 7, 2006 at 1:34:31 AM GMT+8 噢!!!!! <br>how p >>March 7, 2006 at 1:33:22 AM GMT+8 努力呀!!! >>February 27, 2006 at 2:39:43 PM GMT+8 你好，我偶然在网上找到一&#20 >>February 13, 2006 at 7:31:51 AM GMT+8 呀... <br> <br>vy >>February 6, 2006 at 11:51:36 AM GMT+8 你唔做水瓶座既人真係浪費晒!! >>February 1, 2006 at 5:27:53 AM GMT+8 是否已攻陷呢??? <br>係都 >>January 22, 2006 at 4:36:58 PM GMT+8 不是攻陷嗎? >>January 22, 2006 at 4:24:39 PM GMT+8 甚麼叫攻陷夜中環？ <br>甚麼 >>January 22, 2006 at 2:48:32 PM GMT+8 不是鎮陷夜中環嗎~ >>January 22, 2006 at 9:20:22 AM GMT+8 i am the first t >>December 12, 2005 at 8:44:50 AM GMT+8 哈~有人將重點放錯了 >>October 24, 2005 at 11:10:00 AM GMT+8 你個頭唔大架~!哈哈哈~ <br >>October 15, 2005 at 4:44:18 PM GMT+8 不要兩口子兩口子地形容我地呢.. >>October 14, 2005 at 4:00:36 PM GMT+8 傷心呢..yvonne唔唔肯接受 >>October 13, 2005 at 8:53:06 AM GMT+8 你.....真奇怪 <br>訓得 >>October 11, 2005 at 4:18:18 PM GMT+8 下次真係要帶耳塞俾我用呢!!! >>October 11, 2005 at 6:06:22 AM GMT+8 低b妹~ <br> <br>我地 >>September 14, 2005 at 4:04:39 PM GMT+8 sorry! <br>我成日都唔 >>September 3, 2005 at 12:13:36 PM GMT+8 嘻嘻麗璇全靠我你先至想同人交換日 >>August 30, 2005 at 12:32:35 PM GMT+8 同我換丫~! >>August 29, 2005 at 4:14:22 PM GMT+8 好掛住你呀~~ <br>你好似失 >>July 20, 2005 at 12:53:10 PM GMT+8 i vy 妳最近好像很忙唷~ 我 >>July 9, 2005 at 11:01:00 PM GMT+8 你個日記gum耐都唔寫ge~?@ >>July 5, 2005 at 5:28:24 PM GMT+8 我岩岩開始返工2日~ <br>要 >>June 7, 2005 at 6:47:57 PM GMT+8 妳一晚唔郁得既次數多過我既一生 >>June 2, 2005 at 4:24:51 PM GMT+8 才不是小噴泉頭~>< <br>我 >>May 12, 2005 at 11:57:32 AM GMT+8 我都聽過係發夢甩臼齒就會有親人過 >>April 22, 2005 at 5:41:56 PM GMT+8 um... <br>依家諗番~ >>April 11, 2005 at 7:00:34 AM GMT+8 安安押~ ^^" 我今天一直在 >>April 9, 2005 at 4:26:11 PM GMT+8 謝謝vy~ >>April 4, 2005 at 3:19:34 AM GMT+8 我都夢見過一條大莽蛇~ <br> >>February 19, 2005 at 4:31:39 PM GMT+8 你地個社真係好大聲呀~~不過我地 >>January 7, 2005 at 4:22:53 PM GMT+8 我第一次發現你的icq icon >>December 29, 2004 at 5:56:29 AM GMT+8 Merry Christmas! >>December 25, 2004 at 4:24:22 PM GMT+8 YEAH^^ <br>個junn >>December 23, 2004 at 8:42:19 PM GMT+8 無見我兩個禮拜,唔怪得之今日見到 >>December 22, 2004 at 3:44:34 PM GMT+8 心情難過 想馬上找妳聊 馬上灌了 >>October 13, 2004 at 12:31:34 PM GMT+8

人氣: 26078

Design & Scripting by ShowHappy.Net