2007 年 12 月 13 日 星期四 【晴】

琴晚訓得好好...今朝訓到10點幾~~
約左杰杰食lunch~~ 仲有呀衡去仙跡岩
家下杰都加入埋仙跡岩既一份子lu~XD
食完就走佬~ 番自修室努力eng comm.
而家完全投入考試mood咁滯lu....
隔離屋打黎問我今日幫佢個女補習得唔得
我都溫得8899,就應承左~ 點知5點幾番到黎
佢話佢個女未番就改夜晚~ 我又繼續溫多陣
媽媽番黎食完飯, 8點開始過去補習
哈~ 教數...so easy~~ 時間過得真係快, 明天繼續
今日收到信了~ 終於肯grant$$比我...不過得部份jar~
原來又要交多次野先得.....真係有dd麻煩~~
晚上斌仔打過黎~ 謝謝關心.....
其實離開左教會咁耐~ 點解可以對我仲咁好?
聽日要早起考試><繼續加油子

這兩天好像特別好運, 總覺得遇到的都是好事
希望繼續順利......
希望最想等待的事情會降臨吧

>>December 14, 2007 at 3:16:24 PM GMT+8

2007 年 12 月 12 日 星期三 【晴】

同媽媽飲茶..作最後努力睇下econ~~
食飽去搵肥斌一齊番學...我地都要加油ya!!
臨考果陣有d驚, 一見到份卷就想笑XD
正呀~ 好淺呀~~~~~ 哈, 我有溫書姐....XDDDD
不過做人唔可以自視過高...還是等成績出左先開心吧!
哈...而家開心住一半先~^^還有4科, 要繼續努力喔
考完落旺角拎番部電話~ 之後回家去..今晚要努力!!

今日收到一個氣憤的來電, 痴線的!!
我真的不想理會~ 但大個了, 好像總要面對...

哈~ 今日有窩心的短訊...謝謝>v<

還有, 終於致了電給小荔老師約她下月吃飯~ 期待^^

>>December 13, 2007 at 11:34:32 AM GMT+8

2007 年 12 月 11 日 星期二 【晴】

hea溫...我驚我低估左d econ=.="哈
琴晚訓得麻麻~ 晏晝溫溫下諗住訓一陣....
點知訓訓下有人拍我玻璃~ 問我幫唔幫佢個女補習
=.=好樣衰tim佢見我訓緊教...其實我都無訓著~
哈~~ 不過又會自動有工搵我~ 真開心
下星期開始補個f.1仲要原來讀緊tpk~ 我連佢姓咩都唔記得@@
之前波波又打過黎果份做唔成~ 而家呢個好似仲好tim~~
個天都算待我不薄XD 希望有得keep住比我補落去la....
明天開始考試了...謝謝鼓勵我的人~ 我會盡力的!!
其實我仲有一個願望...等唔係辦法~ 或者我要學下付出

我忘了
要學習感恩
我要對自己有信心

>>December 12, 2007 at 9:40:11 AM GMT+8

2007 年 12 月 10 日 星期一 【晴】

今天, 又和媽媽飲茶去~ 然後去等肥斌
陪佢食完野去拎影印~ 我自家製的天書..econ+a/c
拿~ 高分過我要請食飯! 佢應該唔知我心中有呢個想法~ 哈!
然後我就去了自修室默默溫了2小時多的econ
然後接bella放學, 點知迎面行過都見唔到大家
終於約到bella今日一齊去仙跡岩續會~
雖然今年迫人買多一舊水~ 不過其實$320買左$380既現金劵
原來bella第4年, 我就第3年....我地真係fans lu~
食完野行左陣~ 搵唔到想要果隻扭蛋><有都壞機黎
唉-.-原來我呢排同bella既心情都好相似~ 真係同病相憐啦><
bella陪我等埋媽媽番黎先走...媽咪番黎一齊食吉野飯
仲叫左個鍋試下....其實我仲飽飽地~ 所以食完係飽上加飽
夜晚要再溫溫............唉

>>December 11, 2007 at 1:31:00 PM GMT+8

2007 年 12 月 9 日 星期日 【晴】

早上吃了自己弄的腿蛋治~ 仲有熱朱古力=P
溫書~ a/c睇左1條數+做左兩條數...差唔多la
係屋企溫左成日書...有d悶~~ 不過係咁ga la-.-
唔洗咁緊張既~ 哈~ 我都周不時比自己休息下
夜晚轉溫下BIS la....又好..悶...呀真係=.=嗚嗚

究竟,我擁有甚麼?
似乎有些東西不屬於我
但我進退兩難

好在仲有寶連, 寶連你都要記得仲有我呀
等你番黎一齊去勁食, 要開心果隻

>>December 10, 2007 at 1:00:46 PM GMT+8

2007 年 12 月 8 日 星期六 【晴】

今日推左無番工, 不過本來用黎番工既時間都用左黎偷懶
近來沒有同媽媽看電影, 今日終於有機會=.=仲要我請
去左銀座睇早場"東京鐵塔-我的母親父親"
這套戲很有味道~ 一切都表達得很細緻....感動有許多~
很好看...因為太感動吧?竟令我流了6次眼淚的電影
有點偷看了別人一生似的感覺.....很真實
到最後, 也教我們要珍惜家人...希望大家有機會都睇下
看完戲, 同媽媽想去仙跡岩, 原來銀座果間執左
就去新元中~ 哈...張優惠劵今日到期都比我用到
仲試下新野..薯溶芝士波?同埋又係芝士火腿吐司
陪媽媽到百佳買埋野就自己番來...5點=.=終於開始溫習了

又是百感交集
原來人可以這麼矛盾

>>December 9, 2007 at 9:04:04 AM GMT+8

2007 年 12 月 7 日 星期五 【晴】

似乎發左個好夢~ 不過醒左之後, 就知道其實都唔係咁好
今日起身之後食飽飽, 心血來潮拎番隻周杰倫演唱會出黎睇
買左番黎好似睇得兩次~ 已經無乜印象~~ 哈
晏d出去搵媽媽陪我出旺角整電話...始終都係媽媽好~=)
終於都拎番張卡~ 不過張卡已經微微彎起左=.=好在仲用到~
唉遲d又要出去拎番部電話~ 真係麻煩~~
睇黎一拎番部電話最好即刻trade左佢買第2部
不過到時我會唔會又唔捨得買過部呢=.=
唔通岩岩先出糧就要用晒佢???又唔想wo.....><
而家只好等中6合彩la~~ 哈=.=
唉...我今晚決定左唔會溫書ga la!!!! 飲勝!

>>December 8, 2007 at 12:31:01 PM GMT+8

2007 年 12 月 6 日 星期四 【晴】

今日番大棠既工作就係坐係度聽歌同唱k....
早上一個人都無~ 我就開多次周杰倫演唱會~
雖然周杰倫d歌都係得11首..又開下eason演唱會~
晏晝放飯時間去左睇陣報紙~ 番黎都有d小學生唱下
本來放4點, 不過3點半就叫我走...可能無人既關係la~
今日同崔崔同呀祥一齊行落山~ 原來佢兩個同一日生日

落山果陣, sd左兩個sms, 打左兩個電話之後~
一收線部電話就hand左, 又開唔番
之後...部電話既溫度開始上升~ 舊電開始發熱=.=
仲熱到辣手~ 嚇到我死=.=我又唔敢拆舊電
好似好無常識~ 但之前話LG機爆炸我都驚ga
開始快速回家, 將部電話掉左落地下=.=我而家應該點做?
舊電仲脹左少少....><真係好無助~ 其實應該無咁易爆炸?
打左去衛訊問, 佢叫我拎去等佢send去整
但係我仲未拎到張卡出黎wo......之後我拎左出去~
部電話開始無咁熱lu~~ 果度d人都拆唔到舊電出黎
最重要係張卡囉....佢話如果等佢sd去整要等兩星期
佢就叫我試下自己拎去....=.=本來諗過即刻出去整
不過我又無問媽媽借電話...身上無電話好無安全感~
我淨係記得3個電話號碼jar~~ 最後都係決定聽日出去la~

各位可以照打比我, 不過sms就唔好la....
唉~ 好驚張卡都溶埋=.=因為舊電好似熱到痴實左
晚上...用了數小時~ 可以話把淨餘的FS都溫完了~
除左某一課....我懷疑佢會唔出或者唔知可以點出=.="
因為我都唔知點溫呢課好~ 今日有咁既進度, 都有d意想不到~
今日既心情真係難以形容....................

等甚麼 時間已經不多
再下去 只能......

>>December 7, 2007 at 4:01:08 PM GMT+8

2007 年 12 月 5 日 星期三 【晴】

今朝溫埋果半課..終於都叫做溫完左1次econ la
之後同媽媽出去飲茶~ 自修室開始FS....
點解呢科咁悶.../.\溫到我呆晒~~~ 嗚嗚!
晚上又同媽媽去左三上食完先番~
而家最好睇既電視係"同事3分親"
打番琴日篇日記就又要溫書lu~ 唔好放棄???
何時忘記了這句承諾??係呀!! 我真係唔可以放棄ga!!!><
但今晚真係有d the皮....我仲未準備好,咁點算呀?
今天有一刻莫名其妙的想標眼淚

>>December 6, 2007 at 3:29:54 PM GMT+8

2007 年 12 月 4 日 星期二 【晴】

係屋企溫書溫到3點幾就換衫出去搵betsy~
旺角度等..哈~ 巧遇菁菁~~ 佢仲有時間就join埋一齊飲野
等恆man子黎.....又係仙跡岩見~~ 諗諗下食埋野算
大談菁菁既roomate, 同埋恆man新識果位cherry=.="
佢兩個同房就岩晒la......哈哈~~~
到咁上下, 我地就落去影相...以下4張很攪笑的XD


之後菁菁走左, 我地就去搭火車番紅磡~ 等埋恆man個fd仲有肥斌
我地就入去見周杰倫la....XDDD我地幾乎由頭企到尾
最攪笑係連佢彈琴果陣都要企晒起身....
雨豪同杰倫彈番鬥琴果幕好正呀....嘉賓係費玉清-.-
南拳媽媽唱歌果陣終於有得坐下~ 哈..
wow..最後周杰倫彈埋古爭tim! 唱到11點半先完....都ok丫
本來諗住走~ 不過佢地想等杰倫, 咁就等埋一份~
好on居咁樣企左半粒鐘=.="我最後淨係見到黑色既手..
然後我第1次見咁既情景~ d人衝晒出去上的士追=.="
真係....未見過~~ 哈...之後同betsy,肥斌番元朗lu~
好耐無擺過相上日記...擺多幾張先XD


很喜歡的"陽光宅男"XD
　
　

很難忘的一場演唱會...人人也很熱情!
不知為何很想聽的"最後的戰役"也唱了~ 很開心
最期待的"甜甜的"卻在握手時唱...d fans既尖叫聲入晒咪=.="
今晚最喜歡的是"麥芽糖"~~ 還有betsy回程時和我談了很多
還有回家路上又有芝心批的IQ題....白痴得很XD

>>December 6, 2007 at 1:31:39 PM GMT+8