2008 年 2 月 11 日 星期一 【晴】

死啦~ 無心向學呀.....今日hea左好耐都無溫到書
呢個假期裡面..唯一一日可以溫書, 我都浪費左=.="
食完飯訓左一粒鐘晏教~~ 3點去隔離屋補習
補左1粒鐘就教晒d唔識既功課~ 又D&T??
之後叫佢做篇練習屈多3個字當補完
點知佢都照計120~ 又有利是收wo....
返番屋企, 媽咪番左黎~ 佢話想睇多次saw3
=.=其實我真係無打算過睇....不過佢話想, 我咪一齊睇下囉
呀.......佢開腦呀~~~~~~~~~~~~~~~~~~><嗚嗚救命呀
不過我覺得第4集核突d~~@@睇完沖涼吃飯
食左好多冬菇.....又原來幾日無飲過湯~~ 食到好飽tim-.-
鼻敏感復發...打左廿個乞痴~ 喉嚨有些不舒適-.-

決定左又猶疑...再猶疑..然後再猶疑
真苦惱~ 感受到寶連既選擇恐懼症XD

琴日d相~~





>>February 12, 2008 at 5:30:33 PM GMT+8

2008 年 2 月 10 日 星期日 【晴】

又訓到10點幾11點...又陪媽咪飲茶~~
杰無端端話想出去行街~ 下次早d講丫嘛
不過今日都得閒~ 本來想番屋企溫書變左番黎換衫
出去陪杰吃野~ 我又飲杯胚芽珍珠...
kiki番左元朗~ 又一齊出去...行左陣云云都黎join
杰揀極都揀唔岩野....咦比我搵到樣應該幾好味既野
佢地居然叫我唔好買~~=.="不過我最後都買左~ 哈..
之後行多陣我就要走lu~~ 因為約左小學同學們

仲有時間去左bk場~ 劉曉又未番到,叫我去佢屋企幫佢拎野
係新元中等埋佢先..大家都到左"元朗人家"~我同劉曉遲黎
真係唔係講笑.....光明友有好多都好仔黎~~
盛曉好體貼呀~李家榮都幾照顧萬老師果邊同d女仔
我地又擺左李家榮同劉曉上檯~XD佢兩個慢慢玩陣先啦
食多陣佢地話玩十五二十~開頭得劉曉一個女仔玩
之後我陪下佢啦...點知我加入既第1鋪就輸左~ 不過盛曉頂左~
根住唔知玩咩....司徒b同巫家麒都唔玩~~
差唔多萬老師要走lu~ 影埋大合照就繼續玩...
又加左個唔知咩規矩....唔可以手指指??
我指住杯野jar wo...都要飲=.=?哈....仲有要講唔該多謝
11點散...陳偉恆佢地入hehe屋企~有d想去tim
不過劉曉番hall wo....最後都係唔啦~ 同kaman佢地吃糖水
好凍呀~ 最後送劉曉去西鐵站...再行番去千色搭車
行左勁耐wo....番屋企條路凍到痴線~><

too much?
好矛盾

>>February 12, 2008 at 4:00:14 AM GMT+8

2008 年 2 月 9 日 星期六 【晴】

今日又係訓到11點幾...媽咪整左d唔知咩咸湯圓
又煎蘿蔔糕同馬蹄糕食~ d馬蹄糕幾好食wo~
要特別鳴謝"呀B"同"呀B媽"啦~ 哈XD
安在家中睇saw2~ 仲差第3集未睇jar...都唔知睇唔睇好@@"
等到7點幾出去同恆man,betsy食飯~ 可以見wingwing一面
咦又係我地3個食"三上"wo....叫左好多野食wo~~
但係我食食下胃痛~@@"食左好多野都仲痛
之後我地又去碟鋪....恆manman要買eason~
又睇下有咩vcd~ 好多都想睇tim....好多都18蚊jar??
送完恆man搭車, betsy送我搭車~ 行番去總站~
我個胃仲好痛wo><不過番到屋企沖完涼就無乜野lu~~

致啤娜子：
新年快樂呀~ 祝學業猛進!! AL掂呀!!!
快d約我去仙跡岩~~~

>>February 10, 2008 at 4:19:14 PM GMT+8

2008 年 2 月 8 日 星期五 【晴】

訓到11點...中午同媽咪飲茶~ 飲完又行街
媽咪走左之後我行番去新元中買飛
打唔到比betsy~ 點知買完飛先知betsy唔睇wo
不過最後都好在戲院有得退飛...好好呀
無聊行下行下....同胡嘉豪吹左陣水~
芝心批黎左陪我吃一吃野~ 仙跡岩度飲杯薑柚蜜走薑~
之後又行下行下..去左冒險樂園玩~~~ 豪一豪先~ 哈
好lucky wo..掟彩虹好快就掟中左隻金魚~~ 勁呀
之後又中兩包小食+兩隻細公仔~~ 哈..倒錢落海咁
再玩其他都中左兩次jackpot~ 執人地玩到差少少就中果d
不過都好快就中wo....真係好好彩呀我地~ 最後有千張飛
之後驚趕唔切...是但食碗麵就去新元中搵肥斌同恆man
仙跡岩等佢地埋埋單就入場睇"功夫灌籃"
麻麻地...笑位無乜~ 淨係睇周杰倫囉~ 不過唔睇,係唔會死心
有d驚L都唔好睇tim....係天橋見到趙頒茹同周永恆wo~~
之後行左陣..係影碟鋪聽多兩首陳奕迅先走
送恆man搭車~ 芝心再送埋我搭車~~ 唔該晒

>>February 9, 2008 at 6:14:38 PM GMT+8

2008 年 2 月 7 日 星期四 【晴】

年初2,同媽媽睇早場11點7既"魔法奇緣"
gd呀...攪笑~ 又有意思......哈~ 天真都幾好~~~
之後同媽咪行左陣又坐陣...未到初3就嘈-.-
真係.....!! 之後等埋進有姨姨去"喜上加喜"飲茶
4點幾..betsy打黎原來佢係街~ 搵佢一陣
逛左陣, 坐左陣...betsy今日3番4次祝我同一樣野~=.=
仲幫我背左一樣我記極都記唔到既野......
6點幾去搵番媽咪~ 原來佢地食緊b仔~
我都食左d腸粉同鎦鏈布甸~ 好味wo..夜晚唔洗食lu
原來唔係唯一一個~ 有陰影tim=.=好黑暗呀

>>February 8, 2008 at 1:27:41 PM GMT+8

2008 年 2 月 6 日 星期三 【晴】

新年快樂!! 恭喜大家發財!!
哈~ 寶連陪我一齊踏入鼠年~~
相隔異地,都可以聽到佢把聲, 好開心~^^攪笑
咦~ 鼠年收到第1個sms同第1個電話~ 亦係唯一一個
又係同一個人wo~~ 係呀係呀....又係你呀~ 哈

第1封利是當然係媽咪比我啦~ 心想事成係最好既祝賀說話~ 哈
未試過年初一唔出去拜年WO....都幾free
同張龍食午飯~ "何明記"叫左個"年年好運"黎吃
臨走見到財神~ 有朱古力利是收....行去新元中
睇"魔街理髮師"...係呀我又睇多次~~
知道張龍對呢套戲都幾有興趣~ 加上今日難得可以搵佢
知佢咁累,都無恰過眼訓...哈...佢都覺得勁爆好睇wo!!
真係志同道合~~ 我睇第2次,仍然覺得幾正~~
凍冰冰...去仙跡岩飲杯熱野先~ 討論下套戲
佢仲睇到d我留意唔到既野wo......哈
見張龍個樣咁=.=佢傻ga...都係叫佢番屋企訓陣教~~~
我要等埋媽咪就hea陣~ 咦...睇到d應該唔可以睇既野tim~~
6點幾同媽咪食埋飯先番屋企~~~

新的一年
也許不能再靠運氣
我會繼續努力
繼續開心
沿途有你們
我甚麼都不怕
好好珍惜現在
學習不要再埋怨
要相信自己
我不再是失敗者
若有一天疲乏了
我會記得.."疲乏的,衪賜力量"
現在,力量還有來自其他的他和她

>>February 7, 2008 at 9:17:05 AM GMT+8

2008 年 2 月 5 日 星期二 【晴】

話咁快就年三十~ 早上同媽媽又去何明記食早餐
食完逛陣街~ 媽媽要回家抖抖, 我就去左仙跡岩
飲杯野兼吃個吐司~ 好在無遲到...準時3點2入場
"長江7號"~ 因為無特別期望~ 所以最後都覺得幾好睇
攪笑啦, 感動啦...有d感觸~ 睇完都幾滿足
其中有句對白, 好熟wo...咦-.-好似前兩日先講過黎~~
哈~~ 希望有人會唔記得啦....@@
睇完去行轉元朗個年宵~ 反而今日先行元朗呢個
同媽媽出荃灣~ 晚上於細舅父屋企吃團年飯~~
辛苦晒細舅父煮咁多野啦~ 又比左本econ書我=.=
姨姨同媽咪係度不停講野~ 我同大舅父對望然後暗笑
哈...佢地係咪飲大左?坐到9點幾走lu
其實每次黎呢d飯局...都會有奇怪的感受
不過聽媽咪講完, 都有點認同...其實咁樣已經好好
番到元朗...本來搵劉曉, 不過唔想上佢屋企...佢又唔肯出黎住
之後淨係知班男人會出黎, 我又搵唔到betsy~
-.-唔等lu...好凍喔..都係回家去~~~

>>February 6, 2008 at 5:36:14 PM GMT+8

2008 年 2 月 4 日 星期一 【晴】

今日番去上一堂tutor就走得~ 去搵芝心批
市中心吃午飯~ 呢間台灣野n年前黎過一次
唔知幾時開始鐘意左飲香芋珍珠~
然後行左陣屯門個年宵~ 勁細wo~ 哈,都未見過咁細既年宵~
時間尚早..我仲要hea多陣~ 多謝芝心繼續陪我wo
umum~ 最重要係..多謝芝心無怪我~@@幾驚落唔到台呀~ 哈
行多轉碼頭~ 佢買到得意野...史迪既鱷魚牙~ 好玩wo
臨走麻煩斟一斟水~ 之後就出發到銅鑼灣
等埋betsy同肥斌..最後仲撞到呀貓同林威
跟住等電梯果陣又撞到陳鎮鴻~ 食呢個"沙爹王"
鄭舜豪同呀潺到左~ 仲諗定叫咩~ gd..好快有得食
哈~ 梁國峰遲黎~ 不過我地幾好呀有留野比佢~ 兼再叫野食
食飽出發維園年宵....等埋菁姐~ 10人齊齊迫入去
再迫番出黎....過程得個迫字~ 同埋我幾乎咩都睇唔到~ 哈
不過見到個好靚好靚既snoopy, 咁貴~ 影左相就算啦~
有冰糖葫蘆食....士多啤梨,一人一粒~ 好味, 不過勁硬同勁凍
行完去食"滿屋糖水"...好凍呀~ 凍到我隻手好凍=.="哈
屎忽痕揀d特別野食~ 好似一般..不過菁菁個西米布甸好好食呀
最後, 有d人要番hall~ 其他人搭968走....男人們仲有下場
好凍好累wo...番屋企, 3點有得訓~~ d相後補
今日好開心~ 因為可以見到你地...同埋我做左想做既事~

>>February 6, 2008 at 4:20:02 PM GMT+8

2008 年 2 月 3 日 星期日 【晴】

=.=睇黎琴日真係食得太多布甸.....
今朝10點幾飲茶~ 約左betsy一齊番學~~~
上到3點幾都開始無乜心機~~ 其實唔想上marketing
但約左betsy, 就聽多陣書啦...點解佢好似教得差左咁?
5點3放~ 陪betsy去荃灣探江俊wing~ 離開city時撞到肥斌
肥斌話陪我地搭陣車..點知最後都係陪埋我地去
wingwing有份擺年宵~ 荃灣果度原來超細, 仲細過元朗果個
行左4個字我地就走~ 都係許留山吸引d.....同betsy share
食完走人~ 肥斌真係有十個好...陪我地番埋元朗
betsy好攪笑.....真係好鐘意betsy~ 嘻~~
oh~~ 今晚始終都同唔到杰佢地行花市tim....
番屋企食飯, 媽咪煲左靚湯~ 又成日話我凍=.=又問我食左藥未
真係好煩..不過永遠都係媽媽好~~~ 不過,最好唔好咁煩@@
看了友人的日記~ 才醒覺原來...能被愛已是一份賞賜~
一切還好~ 我還祈求甚麼?

三思而後行~ 本來三思左...但最後都係......

>>February 4, 2008 at 2:50:14 PM GMT+8

2008 年 2 月 2 日 星期六 【晴】

10點許同媽媽出左黎, 係"何明記"度食早餐
已經年廿七啦~ 同媽媽買左少少年貨....
仲未買花tim~ 好貴囉d花...仲要凍到初4??
去許留山拎芒果布甸同埋蘿蔔糕..先知芒果布甸食用期得兩日
本身仲要琴日拎~=.=今日拎就變左得番一日....點算呢
今日既午餐就係芒果布甸同蘿蔔糕~~
今晚既甜品又係芒果布甸.....><要食晒成兜~ 肥死啦~~~
媽咪又食得少, 真係唔識欣賞=.="如果有人同我一齊分享會開心d
真係丫~ 其實on居都好過自己食晒丫~~~~
魔街後遺症.."pretty women..pretty women~"同埋"Johanna..i feel u"唱不停
真係好想睇多次......最好有個識欣賞既人同我一齊分享啦
呢個人一定唔係劉曉囉!!=.= 劉曉話:"魔街勁唔好睇"
所以各位唔好比我誤導.....每個人觀點唔同~~~
今日有溫書~ 訓左兩粒鐘晏教...先知自己原來都有d唔夠訓~ 好舒服呀

寶連, 我將我所有既信心比晒你~
哈~ 至於我自己...無所謂啦~

自然的感覺真好
不過,也許很快便會劃上句號

>>February 3, 2008 at 4:17:47 PM GMT+8