2008 年 5 月 1 日 星期四 【晴】

今日都有開電視睇陣轉聖火...同埋溫書囉
不過好難背呀><已經訓足, 但唔知做咩又覺得好累
累到真係要睡一睡...訓左個半鐘呀!! 我都唔想
4點幾又睇下聖火傳到邊, 想睇埋eason果度
賣完廣告番黎見到eason準備交棒~ 得果幾秒=.=
5點出門~ 搭車果陣已經有d緊張~ 我有一刻諗過唔去考
去到見到波波wo~ 可以傾下計, 無咁緊張~~
好在第1輪~ 我已經唔記得個人果part講幾耐, 到考先知
幾開心~ 題目係drug addicts..最緊要無字唔識讀, 篇野簡單
同組的人不太強~ 考完覺得應該ok~~ 希望啦!
好在波波都係第1輪考~ 一齊走, 叫埋佢一齊食飯~
番元朗搵betsy,恆man同豪~ 等位等左好耐
"三上"好似貴左wo~~ 不過真係好味~ 今餐飯好好笑
食完都散lu..不過最後我同恆man都係去逛陣
又去"許留山"食埋小丸子~ 好耐無食啦~~

承諾 又如何
傷心 又如何

仲有5日考試~ 精神!!!!!!!

>>May 2, 2008 at 5:22:10 PM GMT+8

2008 年 4 月 30 日 星期三 【晴】

今朝番大棠遲到...唉, 無的士呀~~ 最後都要行
行到山腳有的士就照上啦~ 結果都遲左10mins
譚生竟然無話我=.="今日多數留係office賣飛仔
中午有兩粒鐘去左會所~~ 都行左兩轉....
臨放工譚生要我做手工~ 果陣就最多人黎買爆谷=.=
番到屋企成個人謝晒咁...唔知點解會咁累
沖完涼就訓著左...訓到食飯先起身~
今晚有意大利麵吃~ d香檳都唔好飲既~~
抖抖今晚都溫書..不過只係溫到一陣~ 好累呀!!!!!!!
明晚要考oral...都未有心理準備~ 唉
點解我要咁嬲?但我真係好嬲 唉

>>May 1, 2008 at 2:05:27 PM GMT+8

2008 年 4 月 29 日 星期二 【晴】

丫真係好~ 今日同fung番左tpk拎張check~ gd!
之後去自修室~~ 本來想10點開始溫, 但最終都11點先黎到
阿潺同b倩都係度~ lunch一齊去安娜食~~
安娜最好味係羅送湯同洋蔥豬扒飯~ 你地唔知咩?XD
食完lunch~ 去銀行入check...之後我就走啦
番city考試~ ELC....兩份paper一齊考~~
真係幾易囉~ 作文都有得抄=.="

番黎岩岩好有得睇戲~ 同張龍去睇"六樓后座2"
睇完去左大排檔食晚飯~ 介紹佢食有炭燒生蠔果檔
初頭我地叫左3隻啦...試完佢都覺得好好食, 又再叫多3隻
不過因為中途調左檯~ 落單果度攪錯左
又比多左3隻=.="姐係我地總共食左9隻, 其中3隻唔洗$~XD
另加兩碟小菜~ 3支啤酒....當然起碼有兩支係佢飲
圈子已經大不同~ 最近呢年反而同張龍多左聯絡
猶如我的後盾~ 慶幸大家也認同做到好朋友是一種緣份
回到家~ 隔離屋幫佢補習果個f.1問我兩條數
兼話我知佢全班考第2...真係覺得好好呀~~~

>>April 30, 2008 at 3:34:35 PM GMT+8

2008 年 4 月 28 日 星期一 【晴】

今日溫左兩個鐘頭書就出左去同媽咪飲下午茶
好似都好耐無飲過茶~ 真係出一出黎食完野就番去
想繼續溫書啦...溫溫下好眼訓......開始集中唔到
訓陣=.=發左個驚險夢~ 輕鐵出軌,衝左出高速公路=0="
食完飯睇陣tv..今日溫得少><夜晚要努力番d!!
回一回味...今晚要聽"架勢堂"~~=D


我要講多d "丫真係好"~
丫真係好~ 收到電話下星期開始有新補習
丫真係好~ 郭小姐打黎, tpk人工有得拎啦!
丫真係好.........只要習慣~ 便不會再怕

期望得到解釋而已

>>April 29, 2008 at 2:09:56 PM GMT+8

2008 年 4 月 27 日 星期日 【晴】

訓8個鐘都係唔夠~~ 中午搵深出黎食lunch
原來今日天后誕~ 出黎有dd麻煩~~
去圖書館霸定位先再去搵深食生活知味
黎生活知味我又會諗起寶連~ 今次個焗飯幾好味wo~
突然間覺得深成個大人咁~ 講埋d都唔似廿歲仔會講既野~
成個過來人咁=.="哈..祝你好運兼成功啦!
食完lunch我就去自修室~ 果然幾efficient
兩個鐘多d就攪掂左兩課~ 原來5點3就趕人
今日晏晝都係溫得3粒鐘~~ 今晚要繼續努力!!!!! 加油

>>April 28, 2008 at 10:18:26 AM GMT+8

2008 年 4 月 26 日 星期六 【晴】

番大棠10-4...坐office~ 賣下飛仔同落去開卡拉ok比人
有時接電話~ 得番譚生果陣佢仲叫我覆營期??=0=
有時幾得閒, 佢地又唔想我無野做, 就要我做d無聊野
放工後去左生活知味tea~~ 火柴遊戲都可以咁難=.="
之後去九展見我的森美~ 哇哈哈...開心!!
The show must go wrong~ 個人覺得都幾好睇~~
幾乎笑到尾~ 不過要講番有咩攪笑野又唔太講得出=.=
中間有度佢live打電話叫pizza~ 點知係真ga wo
森美最後講番兩年前停職既事~ 原來低處不一定是壞事
唔通真係要等到患難先見到真情??
但我心目中最壞的事已經遇過了, 不想再遇上
睇完覺得..比預期好睇呀~~ 嘻!! 期待下次的森美小儀歌劇團

好掛住你呀寶連~~ 生日快樂!!!!!
回到家, 寶連打電話比我~ 傾左1粒鐘~ 開心爆>3<

當我不再關心
就是因為已經失望到覺得沒必要了
或許我不夠聰明
但起碼我會弄得清楚

>>April 28, 2008 at 3:51:46 AM GMT+8

2008 年 4 月 25 日 星期五 【晴】

又一個大忙人生日~~
鄭舜豪生日快樂!!

溫左1粒鐘書...之後出街食lunch~
睇左"功夫之王"..麻麻地~ 主要因為個故事~=.=
今天很情緒化~ 個心痛到想跌出黎
6點半補習~~ 晚上再溫一溫書\./我要爆4

最親的人, 消失了
最愛的人, 消失了
最好的人, 消失了

寶寶豬~ 明天等你電話ya!

>>April 26, 2008 at 12:12:54 PM GMT+8

2008 年 4 月 24 日 星期四 【晴】

諗住早半粒鐘番學捐血...好多人~ 唯有上堂先
ELC堂派一派卷~ reading practice...4點就走得
真係無聊~~ 跟住想去捐血啦...勁多人=.="唉!
今日番學既唯一意義都無左~ 同wanique去print野
又一城行陣~ 我5點就走lu~ 因為諗住番黎補習
點知搭搭下車收到電話, 佢又話聽日先補=.="

好野!! 唔洗番學lu!! 要考好final~~
咁就一年啦....我得到d咩,失去d咩?
算係感受到大學既生活~ 亦睇到多d唔同既人
可能因為唔想接觸佢地..就做左半個摺人=.="
成績..今個sem會好多d ga la!
其實我唔係想要呢d野.....有點害怕明年會怎樣

點解要咁做呢
shit
係咪衰呢
仲要傻仔左
有d驚
點算

森美開show啦~ 4日都要gd show~ 哈! 期待

>>April 25, 2008 at 4:08:12 PM GMT+8

2008 年 4 月 23 日 星期三 【晴】

好累...最後一堂QAB,教d野好迷茫
mkt present~ 我比較緊張=.=好在我果part唔多野
Q&A sectoin..有個女仔問左我地兩條問題都幾咩咁..
=.="話見過我地組有人去sit第2個lecture
果個lecturer成日講fancl, 仲問我地點解仲用fancl....
好在horatio都幫我地~~ 不過得69, 差少少就7字頭
不過第2次present我地都係最高分ga la...算係咁啦
之後發生左d事...carman有個fd係出面等緊佢
好驚囉, 好惡咁樣問carman做咩唔話佢知用左"道地"
原來岩岩問問題果個女仔係佢個fd~ 姐係頭先都係特登
講到好似抄佢咁@@" 真係慘~ 攪到carman喊....
真係現實~ 最慘係carman佢今次present出左好多力
結果係69分..同埋機本上少左個fd~~ 大學的人真奇怪
尤其讀商科就要social, 但係...好假=.=唔鐘意

之後上mkt lecture, 有肥仔係隔離..有番d真正熟既人,感覺好d
上左一粒鐘就走得啦~ 好在打一打比betsy~~ 哈
我地去左9樓食35蚊既tea buffet~ 都好多野食
主要都係甜品同埋小食~ 食到超級飽囉....
有得自己整格仔餅..不過太飽我淨係食得一啖
真開心~ 終於都試左呢度既tea buffet~ 真係好抵!!!!!
食完同betsy落左深水涉..買番隻手指lu~ 同之前果隻一樣款
之後betsy陪我行去南昌站~ 我陪埋佢等巴士先走

忙到今日好一點~ present手尾..仲差1個report姐~~
番埋聽日等exam.....yr1就此完結~~~ 聽日記得捐血!

>>April 24, 2008 at 2:36:16 PM GMT+8

2008 年 4 月 22 日 星期二 【晴】

發夢夢見寶連仔與betsy仔~ 開心仔
今天留了時間給予自己休息一會~ su落左元朗搵我
落雨關係, 都係食餐飯算~ 帶佢去"千之壽"試試
見左su媽一會~ 晏晝去左睇"一個好爸爸"
真失望=.=比一般更差~~ 不過唔睇..係唔會心適
晚上比隻4腳蛇嚇一嚇............><佢跌落我個頭度呀!!!!!!!!!!!
今晚為present作最後努力~~ 最後的4人會議=.=
想死.......................兩點.....始終有得訓! 嗚

>>April 23, 2008 at 6:07:15 PM GMT+8