2007 年 12 月 23 日 星期日 【晴】

咳變傷風, 不過休息左陣好似好快好多! 好野~
不過上晝淨係食左碗粥...媽咪真係好, 次次病都咁照顧我
下午3點半補完習我已經餓個胃痛痛地~~@@
出去搵媽咪陪我吃個tea~ 然後去搵pauline!
好掛住好掛住好掛住pauline!!>3<要擁抱一下~ 然後大笑
哈...陪佢睇野揀衫揀鞋仔~ betsy佢補完習都過左黎搵我地
3個女人好開心~ 但係都仲差一個肥人~ 哈
行到大約8點, 我就同betsy走先啦~ betsy去食飯,我就去街街
今晚都係無同pauline過><不過如果bbq我會死ga..
雖然未完全好番, 不過已經好得8899ga la~ 開心
今晚我參與左十大聖誕最無聊既項目之一既活動
就係倒數~ 哈哈哈~ 但係第1次出出面倒數, 就唔覺無聊囉
仲有成3粒鐘~ 但原來好快就過..行下行下就過左~
淨係可以係個台既背面=.=跟住數lu...爆埋d煙花~ "聖誕快樂"
都唔係好迫姐...想搵k16行左好耐~ 雖然搵到個站不過都封埋
不過無理由ga wo??明明寫住果個站係開..不過是但la~
行行下~ 行左去好遠~ 最後都係搭地鐵算
番到元朗食"有益"~ d蘿蔔糕無之前咁好食ja~ 食飽飽搭車番去
原來今日我一次過實現左3個願望~ 好開心呀

好遲鈍=.=
其實係又唔知又唔明
呃住先
心裡有一個限期
寶連,借d米黎~ 哈

>>December 25, 2007 at 2:37:44 AM GMT+8

2007 年 12 月 22 日 星期六 【晴】

今日係屋企食埋d意粉同士多啤梨, 哈~
之後去工展會~ 無端端媽咪話有vip飛, 不過無諗住去就比左我
其實vip飛既意思只係免費加唔洗排隊....哈
不停試食.....哈~ 見到人人都拎住杯雪糕, 點忍得口呀
阿波羅雪糕, 好耐無食過~XD 之後又行行行
最後買左波子汽水~ 咦..真係無爆出黎wo..哈
估唔到行左咁耐~ 對上一次係幾年前黎過, 果次好快行晒
之後去左sogo行~ 第1次?XD比我搵到snoopy既野
行完去左荃灣~ 用盡張全日通~~ 哈
之前杰提議既"普洱"~ d野飲果然真係好好飲
不過我病病地=.=要飲熱野....之後搭車~ "10蚊魚皮"XDDD
b仔都係留番下次先...終於落雨~ 真麻煩~ 好在有帶"姐"
咳咳咳...-.-快d好番唔該~~ 我岩岩先開始玩咋

考試過後, 連續3天都keep住很好很好的心情
繼續開心好開心

可以懷疑, 但是不用擔心
我不明白, 但我知道的

>>December 23, 2007 at 4:56:57 PM GMT+8

2007 年 12 月 21 日 星期五 【晴】

琴晚似乎冷親dd~ 喉嚨痛, 仲有生左粒蒼><點算
今早再度同恆man,betsy仔睇戲~ "破事兒", 不好看
其實預左~ 不過都比想像中好d~
都係因為想見多陣恆man先睇jar~ 當然仲有betsy
之後食仙跡岩~ 交流下d iq題~ 之後行左陣就番去
一來恆man要補眠, 二來我要番去補習
個學生個媽媽又比左盒士多啤梨我, 原來附近有得摘ga
之後睇左李連杰集志雲飯局, 幾ok~~ 咁就一日
今日做冬?無乜特別..不過晚上吃媽咪整既意大利麵同芝士青口~ 正

繼續快樂很快樂

>>December 22, 2007 at 11:49:45 AM GMT+8

2007 年 12 月 20 日 星期四 【晴】

早場"魔間傳奇",果然係韋史密夫的獨腳戲
不過整體都ok~ 同恆man betsy睇完就去食椰林閣
betsy有功課未做完, 所以要快d番屋企~ 我同恆man行陣
之後4點等埋幾個人一齊行過去~ 有d人已經去到啦
今日係光明既聯歡會~ 本來又話有for舊生開既
點知無左~ 我地今次都有11人番左黎~ 最後就參觀下間新校
又大又靚真羨慕~ 同萬老師傾下計..仲有佢仔仔都係度~^^
d男仔好似悶悶地, 就去打陣波~ 5點幾6點就走
去左pizza hut吃晚飯~ 司徒嘉暉d口音真係笑死我地~XDD
今次係幾難得來自遠方既司徒同盧鏗番左黎有得見
甜品有4個雪糕球~ 猜輸要一口食晒佢
我,何蚊,盛曉, 劉曉都要食~ 勁攪笑~=0=
哈~ 食完去左cafe~ 原來盛曉唔知7級豬點玩~ 無童年ga你?
於是就玩下...5級就要罰...........um..我諗得我一個接受唔到?
哈~ 第1鋪係盛曉同司徒輸~ 個鼻好多油??XD
之後又係盛曉...今次何蚊, 慘慘~ 最後一鋪講左罰咩之後..
我既反應都幾爆笑:"我唔識ga wo"...佢地就話哥哥教你~
哈哈...呢個遊戲真係超刺激law~ 又係盛曉輸左先
之後大家都好緊張...有4個人已經中左4級~ 盛曉不停暸人應佢
本來玩得好地地~ 盛曉拎住隻牛仔話要同隻牛鍚
我叫佢唔好呀,好dirty=.="大家就歡呼了.........
救命呀-.-最後有人幫我頂~ 多謝司徒嘉暉, 都要多謝盛曉
辛苦佢兩個啦~ 呵....咁先無事~~ 玩多陣之後有d人走
最後得番5個人傾下計~ 聽hehe同盛曉談心底話~ 少有
盛曉原來係好仔黎~~ 原來好女仔可能係少過好男仔
哈~ 傾到1點2先走~ 今晚見到你地真係好開心



>>December 22, 2007 at 4:45:55 PM GMT+8

2007 年 12 月 19 日 星期三 【晴】

又飲茶, 飲到唔想飲~~=.=
溫陣書番去考~ 真係好.......易!!! yeahyeah
雖然串錯左dd字~ 不過考完都覺得ok
落了旺角走左轉朗豪坊~~ 番元朗搵媽媽食飯
試下間新台灣野, 勁難食! 番屋企都8點, 補習lu
乜而家f.1就要學生殖作用?電腦學d野又難左
好多功課...d問題書無答案既?今日主要教番d功課
明天繼續吧......哈~ 明天開始要塞爆個schedule

考試完結了~ 必須多謝李日朗~~XD
大大粒既士多啤梨, 下次預埋你

3,2,1...看來還是趕不及實現願望

>>December 20, 2007 at 4:05:26 PM GMT+8

2007 年 12 月 18 日 星期二 【晴】

仲以為自己死梗...=.=BIS有兩題完全唔識呀><吹錯晒
不過其他都....死唔晒既~~ 我諗都唔會太差掛??
唉...=.=都要怪自己無乜理呢科la~~ 我唔理la..聽日要考好d補番!
考完試番元朗搵kiki食千之壽~ 要多謝kiki特登出黎陪我la
d lunch雖然平不過勁難食=.=食完好唔滿足.....
就去左食雪糕=P 之後都番屋企...不過訓左陣晏教
最後的FS...................我唔會放棄!!! 我就捱埋呢24小時!!!!><

懷著信心 向前走

>>December 19, 2007 at 12:37:46 PM GMT+8

2007 年 12 月 17 日 星期一 【晴】

食完野去左自修室溫左個半鐘先番學
我想要個gag, 比左條iq題我=.=
今日考a/c~ 唔係好難不過真係好煩
哈...一開考唔夠十分鐘就舉手加紙嚇下人?邊得閒丫..
做得好趕...很一般~ 應該可以吧??
考完la, 一眼都唔會望番轉頭!! 唔理la!! 自己有盡力就夠了~
仲有兩科!! 我真係好想偷懶....不過無咁易=.=
聖誕金多寶..發下夢先~~~~XD

>>December 18, 2007 at 10:51:01 AM GMT+8

2007 年 12 月 16 日 星期日 【晴】

真係夢境如電影...琴晚夢見自己差d高空跌落黎
又竟然夢見陳鎮鴻~ 菁姐唔好誤會..只係夢見班德社人姐
其他唔記得la~ 一教又係訓到十點幾~~ 爽
終於k.o.左琴日唔識既mc~ yeahyeah~~~
家中努力溫書, 溫到累, 訓左半粒鐘~
不過今日電話響不停....=.=平日又唔見咁多電話搵我
平常心面對聽日la...有你地既支持, 我當然有信心!
倒數3日就考完試兼放假啦!!! yoyoyo...>v<

>>December 17, 2007 at 11:58:41 AM GMT+8

2007 年 12 月 15 日 星期六 【晴】

今日首先緊係要特別嗚謝jerry肯代上班~
事關billy琴晚打黎叫我番多兩粒鐘, 我即時勁想唔番
考緊試已經唔想番,仲要番耐d?呢兩日又累, 真係要訓耐d
又訓到10點...同媽媽飲茶之後睇"投名狀"~
同預期中一樣好睇~~ 係時候溫習..去左mc cafe
平時a/c做long Q就識...一對住d mc就有d驚~~
=.=有d仲無從入手...錯左好多tim><
jerry放工過左黎陪陣我...仲有吃左shake shake~ 哈
之後搵番媽咪, 影印野比肥斌~ 肥斌遲到=.=
所以我同媽咪出荃灣都遲左......岩岩起筷姐~
同大細咦仲有大細舅父食飯, 仲有表弟
之後~~ 上左舅父新屋度坐一坐..睇左集蘇文峰
番屋企, 今晚都係溫唔到書ga la.....明天作最後努力
趕得切12點前破紀錄, 是日過百呀~~ yeah

好鐘意呢句:甜到入芝心XD

>>December 16, 2007 at 5:04:36 PM GMT+8

2007 年 12 月 14 日 星期五 【晴】

痴左線-.-唔知係咪琴日杯珍珠奶茶.....
1點半訓, 但4點半都仲未訓著~ 想死@@"
訓得3粒鐘就番去考試~ 出d野都唔大路既...
唉~ 中中亭亭><早知我都早走la....唔早走要遲好耐先放人
等劉曉所以做陣a/c~ 相約太子站等一齊番元朗
與麥麗欣見一見面~ 之後劉曉我同就去食千之壽
d三文魚真係好好味......條友又要我陪行去搭車=.=
哈~ 之後番屋企, 又去隔離屋補習~ 又有$$又進脹了..嘻
今晚決定頂多做一題a/c就訓~ 都唔知訓幾多先補得番><

我個snoopy筆袋渣都無得淨><鳴
最重要係個筆袋係生日禮物黎, 個snoopy扣又係x'mas禮物黎><
對唔住><

角力賽, 好玩咩?

>>December 15, 2007 at 10:35:21 AM GMT+8