2004 年 6 月 24 日 星期四 【綿綿細雨】

今日ge心情就同今日ge天氣一樣……傾盆大雨，眼淚好似倒水咁……

怎會如此？

睇足120mins，以為大難不死，點知……

要射12碼嗰時已經乃嘢，因為以往紀錄係輸晒ge，點知第1球……pls ban him to take penalties, 佢有無練射12碼ga，已經係連續射失第3球啦……近幾個月都唔知佢做咩，遊魂咁，成班皇馬肯定比人詛咒，Figo, Raul都係咁。連奧雲都射得入……佢今埸終於威番次啦，因為史力加傷咗，班人肯定有預謀要整傷史力加ga……唉！雖敗猶榮啦！可能呢啲係命運，大菲專黑艾歷臣……

睇完返去嗰時，張賽程表自己趺咗落嚟，可能佢已經知道我唔再需要佢……

瞓咗幾個鐘又起身lor，就算比你瞓多啲又點？你瞓得著咩？無心機執嘢，所以delate咗日先走，點知阿爸又話休息無車喎……我唔理有車定無車，有人幫我搬行李就得啦……

約咗Katherine食lunch，我同佢成5年無見啦，時間過得真係快……

Today is a despair day to me.

>>June 25, 2004 at 4:57:14 PM GMT+8

2004 年 6 月 23 日 星期三 【颱風】

哼！今日勁嬲呀！

O小姐突然同我講話佢要遲走喎，仲已經改埋機票添。本來話大家約埋share一架車ga嘛，依家就飛起我，得我一個人坐，你算點呀？早唔改到依家星期四至改，攪到人地想改都改唔切，不過我都係要改。我本來已經唔贊成「生死時速」ga啦，係L小姐同你都話要趕返屋企食飯我先肯搭，依家到最後一刻竟然飛起我？好嬲呀~

今晚為咗同英格蘭打氣而放棄咗日本buffet宵夜，唔知咁樣值唔值得呢？史力加你要加油呀……

>>June 24, 2004 at 5:41:14 PM GMT+8

2004 年 6 月 21 日 星期一 【雨】

Yeah！英格蘭掂呀！雖然碧咸缺態、奧雲入唔到波，不過仲有「史力加」（朗尼，不過因為英國啲報紙話佢似史力加，而我覺得又真係幾似，haha！）。史力加雖然同奧雲一樣都係細細粒，不過佢比奧雲大隻，唔怕同啲後衛撞，有啲似縮小版ge希斯基。不過其實奧雲都有功勞ge，佢負責set波比史力加嘛，如果唔係奧雲比啲波佢而唔自已射，史力加依家邊有咁紅呀，仲有咩神射手領先咩！但係佢個最年輕入波已經比瑞士個靚仔破咗lor……anyway，總之嬴咗就得啦。依家英格蘭就靠呢pair小矮人啦，佢地就好似當年ge double S咁，Sheringham set波，Shearer頂入網。依家呢pairdouble S(Small)唔知點呢？為咗睇下埸對葡萄牙，我放棄咗宵夜唱k直落呢……

今晚落去7-11買晚餐嗰時，比我見到阿kiu同Priscilla，佢地仲拎住成大袋pizzahut同KFC……原來Priscilla聽日就走，所以佢地諗住叫埋啲人今晚食餐勁ge，咁我咁啱行過佢地就叫埋我，呵！由食飯盒變咗食pizzahut，呢餐真係豐富lor，不過後遺症仲豐富——肥死！食咗2件pizza+3件雞，仲唔肥咩……

>>June 22, 2004 at 7:22:07 PM GMT+8

2004 年 6 月 20 日 星期日 【綿綿細雨】

日夜顛倒ge生活開始啦！點解？因為要考試……其實係睇波為實。雖然只係上網睇commentary，不過好過無啦。咁今朝睇睇吓嗰時有人add我，佢又話佢睇緊2隻牙喎，不過我好奇怪，乜場波唔好睇咩，點解咁唔專心要搵人傾計……今晚英格蘭啦，好緊張添，一定要和呀起碼，唔係就byebye ga la……

睇到Victoria個diary，佢話同佢老公（碧咸）講電話嗰時，佢老公話想帶2個仔去睇馬戲團，不過Victoria就話要make sure Brooklyn攪掂啲spelling先……嘩！好pro的媽媽呀！咁呢個時間我就諗起碧咸同個仔spelling？好攪笑呀！梗係教佢串E-n-g-l-a-n-d啦，haha……

原來今個禮拜無線做新劇喎，不過8點又係宣萱同馬德鐘lor，上次返去又係睇「烽火奇遇結良緣」，今次都幾似係續集呀，講2個人結咗婚之後，haha……

9點半就係陳慧珊同郭晉安，上年暑假就係睇佢同Joey套咩呢……死！唔記得咗個名添，淨係記得go!go!go!……係啦，係「美麗在望」。而陳慧珊今期就就同Vincent打對台……嗱！我連關係圖都畫埋出嚟啦，究竟TVB仲有咩人ga？S4呢？我想睇S4呀，幾時至有呀……

愛
只會得一個 , 他能使你全心奉獻 , 而且 ,
他的地垃是任何人都不能取替的!
你的思想 , 行為 , 喜好 都會受到他的影響,
他的喜怒哀樂也等於你的喜怒哀樂 .
每一分每一刻你都想與他一起 , 日思夜想的主角都是他 .
失去了他 , 會傷心得肝腸寸斷 , 痛徹心脾 , 整個人就像只剩下一個軀殼 .

喜歡
只會得三數個 , 他們都能牽動你的情緒 ,
不過卻不會對你造成太大的傷害.
你會十分欣賞這個人, 會留意他的一舉一動 , 在乎他對你的感覺 .
很多時候都會想起他 , 會想到他能否成為你的情人 .
若失去他 , 會感到幻得幻失 , 有隱隱作痛的感覺 .

鐘意
可以好多個人 , 你會被他們某一部份吸引 , 可以發展成知己或是情人 .
你會欣賞他某方面的才華或優點 , 就如鐘意任何一樣物品 , 如洋娃娃, 小飾物, 衣服等 .
你不會太常想起他 , 亦沒有一定想擁有他的念頭 ,
但會是個你鐘意和他傾談的人.
假如失去了他 , 會有點可惜的感覺 ...

好感
任何一個人都可以 , 這只是發展感情的首要因素 .
你對他不需要十分認識 , 他只是一個你不會討厭的人 ,
可以成為朋友的人 .
沒事的時候可能不會想起他 , 亦不會想到將來和他發展成怎樣的事情 ,
失去了也不會
有甚麼特別的感覺 ..

>>June 21, 2004 at 4:14:17 PM GMT+8

2004 年 6 月 19 日 星期六 【陰】

今晚去咗五舅母個妹係天母的屋企，我終於有親戚係台北啦叫做！去到勁多人，而且又唔識，有啲尷尬，好彩都係食餐飯，逗留得唔耐。不過最令我好奇ge就係佢個女！佢帶埋佢bf嚟，佢bf唔錯喎，幾高吓，起碼好過我學校嗰啲先。個女ge都ok啦，唔太瘦，又唔係叫好肥啦除咗大脾好似粗咗啲之外，佢仲著熱褲lor……

呢次應該係我係台北第一次坐私家車，來回接送，真好！我表姐後日返嚟，到時又要出去啦！估唔到考完試都咁忙……

>>June 20, 2004 at 3:56:43 PM GMT+8

2004 年 6 月 17 日 星期四 【陰】

哈哈！英格蘭真係攞瑞士嚟祭旗！真係開心，希望佢地星期二殺埋克羅地亞就大功告成進級八強……

我今日比porfessor玩lor！本來今日話要考試，不過去到之後無耐助教就嚟話rprofessor今日唔考試，改咗做report。嘩！我火都嚟埋呀！比人玩喎，好想殺咗佢呀！好彩係open-book，如果唔係我之前一定讀死……

晏晝去咗整負離子，一整就4個鐘啦……

夜晚就同阿luk提早慶祝生日，嘩！佢收到2件衫一條裙呢！今個暑假佢唔駛買衫啦！不過佢都無時間買啦，佢呢個暑假要實習呀！本來餐飯好好地，不過至衰有不速之客，同我上次系送舊一樣，仲要係同一個人添，佢點解咁即興ga？

>>June 19, 2004 at 10:37:09 AM GMT+8

2004 年 6 月 13 日 星期日 【陰】

嗚……鳴……

點解會咁ga？3分鐘內連輸2球，由嬴變輸，碧咸仲要射失12碼，英格蘭你真係去死啦，抵死添呀！阿叔講得啱，不枉我起身聽「雲妮鍾情」。克勤又會咁勁打到電話比你ge，哈哈哈……

講開克勤，今日佢成日都係廣播道，朝早係商台做2個節目，食完飯又去港台，嘩！真係忙呀，難得佢無比輸波心情影響……

>>June 14, 2004 at 4:16:04 PM GMT+8

2004 年 6 月 11 日 星期五 【晴】

今日係畢業禮呀，我晨咁早8點就要去搬花，今日又熱到死，好彩都影咗好多相，咁早起身都叫值得。黃凱洛仲突然過咗嚟，個個見到都嚇一跳。咁就攪咗成朝啦！

返去宿舍就即刻累底咗……

>>June 12, 2004 at 6:41:05 PM GMT+8

2004 年 6 月 10 日 星期四 【陰】

今日做咩鬼事呀！無人reply我ge...

第1個係mr A，係我add佢先，不過佢回咗句hello之後就無影啦……

第2個係mr N，佢add我，跟住問候完我又唔見咗人……

第3個係mr S，呢個稀客十年都唔chat一次，佢無端端add我，仲以前有咩事，但係問完我做緊咩之後就失蹤……

唉！今日啲boys攪咩呀，夾埋一齊嚟玩我咁話啦喎！但係無理由呀，佢地3個都唔識ge，咁為甚麼呢？我好想block人呀，勁嬲！

>>June 11, 2004 at 5:37:24 PM GMT+8

2004 年 6 月 5 日 星期六 【陰】

今日係魔鬼復活之日，果然勁邪！

首先今朝突然接到學姐電話要去家教，因為已經好趕，所以就打的去，點知我地上咗架「瘋狂的」。我地一上車就話趕時間，叫佢開快啲，個司機果然開得勁快，而且仲一邊聽歌又一邊同我地講嘢，勁恐怖！好驚會炒車。雖然無炒車，但係就因為佢咁唔專心揸車，結果就行錯路。雖然佢少收咗錢，但係我地又浪費咗啲時間……

咁delate法結果就累我約咗人都遲到，一路遲……

我同同學去行101，結果行太耐，又遲咗走，咁梗係又搭的啦。本來一路上還好，但係當佢搵位落客嗰時，意外就發生咗啦，佢同另外一部的high咗。咁我地就梗係即刻比錢走啦，唉！點解今日搭的咁黑……

夜晚係grad din，又delate lor！攪到我join唔到玲姐佢地，而且後來仲失去聯絡添！死啦！佢地會唔會因為我miss calls而嬲咗我，聽晚唔打電話比我ga……

講番grad din間餐廳，格局都ok，不過嘢食就唔係好夠，唔知係唔係因為佢太早收嘢ge關係？佢後尾播David Foster個concert，好正呀！好過睇佢地玩遊戲……

仲有其中發生一段小插曲：Mr T竟然係間餐廳度比星探搭上，而且佢聽日仲會去interview添。唔知佢呢齣「我要做model」做唔做得成呢？haha，好想知呀……

>>June 6, 2004 at 6:50:06 PM GMT+8