2004 年 1 月 26 日 星期一 【晴】

《50男生要女生知道的心事》

０１）我「喊」，無論是否你的錯，你都一定要哄我。
０２）我都唔會每秒鐘都掛住你，大家咁話。
０３）我見到靚仔都會望，這也是天生的。
０４）我「哦」你都是因為我關心你和緊張你。
０５）你唔使係有錢仔，但最好都有比較遠大的目標和理想，在未來有成為一個有錢佬的可能。
０６）同我出街時，可唔可以梳番個頭同剃鬚？
０７）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
０８）當我剪了兩吋頭髮打了少少眼影穿了對新鞋時希望你會留意到。
０９）所有大時大節紀念日同生日，你必須全部都記得。
１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
１１）當你滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３）你臨訓前可唔可以刷牙？
１４）你唔需要好靚仔，但一定要乾淨。
１５）我 M 時係大哂，可以大條道理發脾氣，你最好一個月忍我幾日就哂我。
１６）我會假設你懂得操控及修理任何電器，包括電腦相機電視機錄影機及HI-FI等等。
１７）有很多事我並不是不懂得做，只是不想做就扮唔識。
１８）每日去任何地方時都要 CALL 話比我知你位置及同邊個一齊，比我清楚哂你的行蹤。
１９）同一個笑話同話題，可唔可以盡量唔講得多過廿次？
２０）我發脾氣CUT你線，其實係想你即刻打番電話來再哄我。
２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２）我唔介意你有少少肚腩，但盡量唔好太肥，亦唔好比我瘦。
２３）太大隻既肌肉型男人一D都唔MAN，係好驚。
２４）我會好介意你有一Ｄ有不良嗜好的「兄弟老友」，認為佢地一定會帶壞你。
２５）在我的朋友面前，我希望你可以表現得比平時更錫我同緊張我。
２６）我煮飯比你食時，你唔可以覺得係奉旨，一定要「話」好食。
２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
２８）你要欣賞我的工作。
２９）大男人唔等於霸道。
３０）溫柔唔等於無主見。
３１）瀟洒唔等於無交帶。
３２）不羈唔等於烏where。
３３）我鍾意你努力工作，但都要盡量抽時間陪我。
３４）唔好成日問你約會去邊度好都話「是旦」，咁唔叫就哂我只係表示你無心思。
３５）如果我有朱茵的身型，我唔介意穿得像個性感尤物。
３６）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得　　　囉。」
３７）我跟你說話的時候，唔知點解聲音會比平時嬌嗲同低Ｂ。
３８）CHECK你電話的來電顯示是我的嗜好之一。
３９）你最好唔好有任何女性朋友、紅顏知己或契姐契妹之類的物體。
４０）我有男性朋友係好正常。
４１）我希望你的女同事全部都是師奶呀嬸醜女或肥婆。
４２）我好有興趣去知道你同你舊女友的事，愈詳盡愈好。
４３）我有時都會掛住舊男朋友、以前暗戀過的男生、華dee梁朝偉同藤木直人。
４４）無論拍左拖幾耐，我都渴望你時不時比Ｄ驚喜我。
４５）你要時不時對我講「我愛你」，否則我會假設你唔愛我。
４６）大庭廣眾粗口爛舌唔係叫有型。
４７）你完全唔打扮同我去街我仲驚。
４８）發脾氣時要即時哄番，唔好比時間我冷靜下，其實我完全唔需要時間冷靜。
４９）雖然已經有左你，但如果有人追我都會沾沾自喜。
５０）購物是女人的天性，請不要阻止或對我的購物行動有甚麼意見，最好間唔中資助下我。

>>January 26, 2004 at 6:08:00 PM GMT+8

2004 年 1 月 26 日 星期一 【乍雨乍晴】

《50男生要女生知道的心事》from Cosmo Girl

０１）「喊」即是威脅我。
０２）我唔會每秒鐘都掛住你，你要接受這事實。
０３）我見到靚女一定會望，這是天生的。
０４）我係鍾意 SEX 和有性幻想的。
０５）不過胸太大或胸圍太硬都幾得人驚。
０６）我唔講野唔等於我唔愛你。
０７）你最好都有自己的目標和理想。
０８）你著乜都好睇，真的（因為我未必有留意）！
０９）唔好問我覺得你靚唔靚。
１０）我對你用甚麼化妝，護膚品無興趣。
１１）唔好迫我塗潤唇膏。
１２）唔好期望我會在返工或上堂時間 CALL 或 SMS 你。
１３）好多時答 YES 或 NO 就夠了。
１４）「唔知呀，你話啦！」唔係答案。
１５）如果你日日都因為 M 而情緒波動，唔該你去睇醫生。
１６）如果我講ｄ野令你覺得有兩個解釋，其中一個會令你好傷心，我地其實係想表達另一個意思。
１７）唔好無病呻吟，你最好相信《狼來了》的故事。
１８）你一係就話俾我知你想我幫你做咩，或者點樣可以完成。唔好又叫我幫你做又要教我點做。
１９）十二歲以下的女孩才有權扮 CUTIE。
２０）可以的話，自己換麥當勞送的公仔。
２１）手袋可唔可以唔掛「啷啷」，毛公仔？
２２）可唔可以唔同我討論電視劇同 HELLO KITTY？
２３）唔好叫我幫你挽手袋。
２４）唔好批評我的兄弟老友。
２５）大庭廣眾怕醜、唔出聲不叫斯文。
２６）唔好成日話「我ｄ friend話咁咁咁」，你d friend 點諗，關我咩事。
２７）盡量不要將我地拍拖的細節亳無保留地話俾你d friend 知。我都想有私隱權。
２８）除左我，你還有其他興趣或嗜好嗎？
２９）有無一樣運動你懂的呢？
３０）你可以唔識打機，不過最好俾我打。
３１）我唔使減肥，所以唔好阻止我食 JUNK FOOD。
３２）唔好要求我做道明寺。
３３）溫柔不等於依賴。
３４）爽朗不等於無禮貌。
３５）腌尖聲悶不等於高貴。
３６）無主見不等於尊重我。
３７）遲到不等於多人追。
３８）你打扮得太誇同我去街我會驚。
３９）不要偷偷在我的文件或功課上貼 CUTIE 貼紙。
４０）雖然我未必睇到，但內衣最好光鮮乾淨。
４１）最好不要日日作 OVERSIZE 的 HIP HOP 的打扮。
４２）無必要不用穿得太性感。
４３）是不是任何時候任何場合都需要化妝？
４４）唔好三句唔埋又話要減肥。
４５）不要在公眾場合怪叫或大驚小怪。
４６）不要 CHECK 我電話的來電顯示。
４７）我都會有女性朋友。
４８）我唔想知你同你舊男友的事。
４９）你都最好也不想知道我和我舊女友的事。
５０）我想講 I LOVE U 的時候自然會同你講。

>>January 26, 2004 at 5:57:31 PM GMT+8

2004 年 1 月 25 日 星期日 【晴】

感謝站長aDmIn幫我醫好左個日記 ^^
呵呵...呢幾日真係去左好多地方....
雖然拜左好多年 , 但係都唔係得好多錢呀....
遲陣子還有一筆好大的賬要清...
估計涉及金額有$ 200 多元呀....
仲有 , 要買一條波波橡筋....又要$100多元...
利是已經唔多....收入就更加冇...
但係支出就...............唉.......無奈 ~
好彩呢排有好多朱古力補番數姐 ~~~~

>>January 25, 2004 at 4:17:46 PM GMT+8

2004 年 1 月 18 日 星期日 【乍雨乍晴】

又再一次明白咩叫化骨龍喇....
唉....叫係D錢係咁去....
真係無奈.......
聽日又要去換番條褲...
睇黎又會有一次瘋狂熱潮...

"甘"句呀 : 要明白需要同想要既定義....

>>January 19, 2004 at 2:29:55 PM GMT+8

2004 年 1 月 17 日 星期六 【晴】

新年....要搶購番幾件新衫先......^^

>>January 18, 2004 at 7:03:15 AM GMT+8

2004 年 1 月 13 日 星期二 【晴】



我願我身邊的人都能快樂
希望你們都有強健的體魄
不要覺得我煩好嗎 ?
戒煙吧 ~ 酒也不要喝太多....

>>January 13, 2004 at 5:02:46 PM GMT+8

2004 年 1 月 13 日 星期二 【晴】

辛勞既一日 , 返學 . 補習 ....
樣樣都齊.....
有陣時真係好累...
累到想合上眼 , 咩都唔諗...
奈何 , 無D咁既時間......
好想過D清幽既生活....
但係抽唔出時間...
中七既生活 , 的確迫人......
也許是我懶吧 ~
今天再次喚起了我 ,
"要珍惜身邊的人" 這個信息 ^^
亦再次感受到自己是眼淺.......
以後還是避免走近傷感

在此敬祝她的爸爸早日康復 ~

>>January 13, 2004 at 4:34:35 PM GMT+8

2004 年 1 月 12 日 星期一 【晴】

Ai !!!! I am on the horns of dilemma ....
This is not question that my future is hang on myself .
I try to study hard ...
However , I have no time for doing homework , let alone studying .
I am so afraid that I will disappoint my parents ...
What our Mei Mei need most is not game , but time .........
MORE AND MORE TIME AR !!!!!!!!!!!!!!!!!!!!!!!!

>>January 13, 2004 at 9:38:29 AM GMT+8

2004 年 1 月 9 日 星期五 【晴】



通頂日子已經過去 ,
好辛苦好辛苦咁做左好多耐既閱讀報告
終於完成......太累太累喇....

~ 我的旋轉馬騮 ~

>>January 9, 2004 at 8:13:39 PM GMT+8

2004 年 1 月 8 日 星期四 【晴】

感想 :

7.28 -- 無疑是一個令人感到心酸的日子。當中 , 他表現了中國人的高尚傳統文化 , 卻又存在著一些人類的醜態。可是這個令二十多萬人死亡的日子卻又給予了我們一個思考的機會。究竟甚麼才算是成功的科技 ? 甚麼才是生存的應有態度 ?

成功的科技
揭開中國的科技歷史 , 早在東漢以前已有預測地震的「侯風地動儀」, 這無疑是史上一項重大的發明。隨著時代的轉變 , 縱然中國的科技遠遠地被外國逐步拋離 ,但文明的發展卻使到災害的危險不斷上升。雖知地震是不能把人殺死的 , 但它--只是一個導火線 , 最終的原因應該歸咎於人類文明。隨著城市經濟的發展 , 人口密度的劇增 , 是次地震中傷亡最慘重的工業地區 -- 唐山 , 那裡死亡的人大多是被困在由混凝土做成的「地」底 , 抑或被重物撞擊而死。相反在一些村落傷亡卻遠較唐山為少 , 原因也就是人類所謂的文明。唐山大地震也許不只是一場災難 , 它亦是大自然對人類 , 尤其是我們這些中國人所作出的警告。人類要是想預防地震 , 減少其傷亡數字 , 除了在所有的地區把建築物築至能抵受地震 , 因為不能知道地震在何處何地發生。所謂預防勝於治療 , 只有這樣 , 即使有更強大的地震 , 我們也能將傷亡減至最低。同時 , 亦應在研究上多加努力 , 不要只是以一些普通的知識、設施去預測 , 還要不斷研究出更精確的儀器。而所謂的儀器 , 就像作者所說 , 不是在於「力」的征服 , 而是在於學懂與自然和諧相處之道。所謂的和諧相處並不是要人類有所退縮 , 而是以人類認識自然的能力作基礎 , 盡量減少對自然界的傷害 , 以達至可持續發展的狀態 , 從而使我們的後代可以與我們有同等的機會去享受此等資源。很多時候 , 人類都會忽略了可持續發展這個概念 , 利用先進科技去解決問題 , 最後卻衍生了一些另外的問題。就以泛濫這個災害為例 , 早在十多年前 , 黃河下游是本是經常泛濫的 , 這是因為河床堆積物太多所致。雖然在泛濫時有可能把農作物浸死 , 但其泥土卻非常適合耕種 , 每每能為農夫帶來可觀收入。但自從發明了堤壩後 , 下游卻變成了乾旱區 , 農夫被迫遷走 , 而堤壩附近地方亦因被水淹沒 , 而使動物失去棲息處 , 嚴重地影響生態。由此可知 , 縱然現在的科技可改善人類生活 , 但它亦可使到人類受到更嚴重的傷害。只有跟大自然和諧相處的 , 才可算是成功的科技。

生存的應有態度
生活在這個物質富裕的社會 , 很多人的心靈都變得脆弱 , 尤以現代青少年更甚 。長期在父母的寵愛下 , 他們在面對困難時都變得很依賴。他們害怕面對困難 , 經不起挫折 , 而且更會以逃避的方式去「解決」, 最嚴重的莫過於是自殺了。對照在大地震後的那些渴生者 , 她們為了生命而作出的一切 , 為了在渺茫的生存機會中找尋一線希望而作出的很多很多努力。她們那份堅毅 , 那份決心 , 那份不服輸的精神是那麼值得現今青少年所敬佩及學習的。再者 , 在缺乏人生目標的同時 , 人們都變得空虛 , 而人與人之間像多了一層隔膜似的 , 是自己多疑 , 抑或是對方不可信 ? 怎樣也好 , 大家就是變得不信任人了 . 在地震後 , 一幕又一幕的醜態漸漸地在唐山的廢墟上出現。像「諾亞方州」, 起初在面對生死存亡之時 , 大家都攜手渡過了難關 , 大家都互相關懷 , 尊重每一個生命。當一個溫暖的家安定下來時 , 卻因人類的貪婪及私心而解體。也許人類本身就不是這樣的自私 , 只是在成長的過程中 , 大家都受到一些不好的所薰陶 。也許只有像那個被困了八天的渴生者一樣 , 懷著一顆天真的心 , 相信身邊的人 , 並把自己的喜怒哀樂都告訴別的 , 這樣才能把冷漠、虛偽的風氣掃走。其實很多時候 , 失去是很容易 , 但得到卻很難。就像唐山一樣 , 不消幾秒地震便把用了無數時間及建樹所建的成績都摧毀了。到了失去的那刻 , 人們才驚覺他們的重要性。對於唐山這個地方來說 , 縱然摧毀 , 也可以慢慢地重建 . 但面對一個已經逝去的人 , 失去了便是失去 , 那是無法彌補的。縱然失去 , 但也要像面對困難般 , 勇敢面對。

唐山的災難 ,令我明白 , 無論是對著人 , 抑或對著物 , 都要以一個珍惜的態度去面對。珍惜我們的生命 , 珍惜我們所擁有的。

>>January 8, 2004 at 10:42:44 PM GMT+8