2004 年 6 月 26 日 星期六 【晴】

今日同曉曉佢地去聽歌劇 ,
係一個關於摩西既歌劇...又有聖詩聽 ~
Ｆｒａｎｋｉｅ :
你有你要照顧既人 ,
我都有等住要我照顧既人...........
我唔可以陪你行以後既路......

每個人都有自己要照顧既人............
每個人都有自己要實現既夢想............
就算小時有多不濟 , 但長大後總有自己既用處.............
呢個劇好好睇 , 首歌好好聽 ,
但總覺得俾人要諗既野太少.....
我只係知道每個成功既人士背後總有好多辛酸......
我知道人要成功 , 係要好多既努力......
佢地好強調 " 自由 "...
我諗為自由去努力係佢地既主旨....
好開心可以睇到咁有趣既劇......
多謝阿曉 , 還要感謝 祂 ~


自由的夢
看那老遠的村莊 ，有個理想封閉啊!
別問你那一天到訪；

何時再聽得到，是你坦率的對話，
為你我作個自由夢。

那一些是風聲的呼喊？ 那一天在草地裡奔跑？
風吹過 搖動夢中的歌，
百萬人期待，讓勇敢 遙望著遠山
你在揮手，握緊每對手，
夢想 尋獲自由!

看那幼小的孩童，沒有天真的記號，
路過說你已長大很高；

何時再接觸到，是你簡單的笑容，
為你我作個自由夢。

那一些是風聲的呼喊？ 那一天在草地裡奔跑？
風吹過 搖動夢中的歌，
百萬人期待，讓勇敢 遙望著遠山
你在揮手，握緊每對手，
夢想 尋獲自由！

>>June 26, 2004 at 6:50:21 PM GMT+8

2004 年 6 月 20 日 星期日 【晴】

在這個空間中 , 我游來游去....
看到就只有一片白濛濛 , 間中跟我像樣的同伴在附近盤旋......
有吃的 , 便吃 ; 有喝的 , 便喝..
沒有辦法去改變甚麼的事....
人們在外面看進來 , 一切都像很美似的....
但當中有幾多的辛酸 , 誰又真的會明白?
我所做的 , 人們總不會明白....
說真一點 , 其實我也不是太難明吧?!

>>June 20, 2004 at 4:41:39 PM GMT+8

2004 年 6 月 18 日 星期五 【晴】

終於都到左ｇｒａｄ　ｄｉｎ的日子 ,
尋晚１２點幾 , 阿史上左黎我屋企幫我ｓｅｔ頭 ,
之後同媽咪傾左陣計 , 無無聊聊 , 好快就天光....
無乜訓過 , 因為１０點幾要去覆診........
醫院真係超多人呀....排左勁耐.........
係等候既過程 , 仲要俾個精神病患者撩.....
嚇死我媽咪呀..... ~
入到去見醫生 , 仲驚嚇既事原來岩岩先來臨呀.......
醫生話我個子宮既位置唔正喎......
聽到之後 , 我同媽咪都頓時呆哂囉.......
我地從來都未試過咁踴躍去發問..........
" 咁會唔會有咩問題架? "
" 咁有冇咩要特別注意架? "
" 咁對將來有咩影響架? "
答案一概如是 , 係 "冇" 既....
冇問題 , 冇特別野要注意 , 冇咩影響.....
因為而家有唔少既人都會有咁既問題 ~
講多幾講 , 我諗我接受左我呢個問題喇......
突然.........
醫生話 :
"唔好意思 , 我睇錯.........原來你冇事.........."
頓時吹漲 , 玩野麼...................?
總括來說 , 驗左等同無驗.....
一樣唔知發生咩事.......
因為佢話我 " 身體健康 ".....................................

ｐ.ｓ同媽咪講話要買野送俾爸爸............

下晝開始係重頭戲.....
因為工作人員四點半就要去到會場打點........
所以兩點我就已經開始準備喇........
換衫 , 整返起個頭 , 噴返少少金粉 , 掃ｂａｓｅ, ｍａｓｃａｒａ, 同埋媽咪指定要掃既眼影.......
好手足無措呀.......
根本唔知做邊樣先.......
最後 , 我決定先換衫 , 後整頭 , 再化妝 , 最後先記得.......帶ｃｏｎ呀 !!!!!!!!!
唔鐘意掃眼影 , 但媽咪叫到 , 唔好意思話ｎｏ.....
咩都係咁意掃一掃 , 淡淡地咁......
勝在夠自然嘛 ~~~~
都搞左好耐呀....整黎整去 , 女仔就係咁姿整架喇.....
差唔多四點先出得門口.........
仲左一袋 , 右一袋....左公仔 , 右公仔咁.....
好多野要拎..............
去到時 , 得奶媽係度.....
我地好快好快咁忙左好耐..........
同學們七點到就陸續咁到達喇.........
可能係因為耐冇見既關係 ,
大家都雞啄唔斷咁傾計..........
感覺好正 , 好微妙呀 ~
大家都著得好靚 , 尤其是係我地班既女仔....
好多都盛裝打扮架 ~ 好正呀 ~~~~~~~
玩左一輪遊戲 , 抽左一輪獎 , 食左一輪野....
就好快咁完左喇 ....................
大家開始又圍埋一齊 ,
打交道 , 影相 , 寒暄..............................
時間維持左好耐好耐.............
但 , 它總有它完結既時候 ......
那刻 , 有點不捨得.......
為何快樂的時光總過得特別快?!
大家就咁係酒店門外分道揚鑣......
有些人歸家 , 有些人繼續行動.......
而我 , 當然繼續啦..........
一行十多人去左ｎｅｗｗａｙ度唱ｋ
開左兩間房, 一間專ｆｏｒ睇波 , 一間ｆｏｒ唱Ｋ...
一去到就嗌左杯ｆｏｏｄ　ｐｕｎｃｈ....好好味呀 ~
去到兩點幾 , 輝輝 , 華華同曉曉就話要走喇...
因為佢地第日要返工喎......
剩低我 , 成成 , ｅｓｓｉｅ同江仔.....
一開始大家都好似無無聊聊咁....
皆因佢地都唱得好累喇 , 又喉嚨痛喎 ~
之後ｅｓｓｉｅ同江仔就開始唱英文歌....
氣氛就節節上升呀 ~ 好正....
之後我地仲玩埋Ｄ無聊既ＧＡＭＥ.....
江仔仲接受左好多次既大懲罰呀 ~
時間過得好快.....係第二場開波既時間...
我地四個都睇得好緊張....尤其是我.......
臨尾果野真係好靚.......呵呵..........
不過 , 我一開始仲以為意大利多靚仔....
真係呃哂呀 ~
之後又聽左陣歌 , 玩左陣ｇａｍｅ...
一個人飲左四五杯野..........
個肚又開始唔舒服............
到左五點半就ｊｏｉｎ埋另一間房既人一齊走...
一出到去 , 有皇氣 , 我諗係查牌啦....
因為隔離有間Ｄ係度......
本來成班諗住去搭巴士架 , 可以直達我的家嘛
點知七點先有第一班...唔通齋企等佢黎咩
唯有去搭地鐵轉火車 ~
落到去地鐵站 , 一個人都冇....
真係好似拍緊喪屍片咁呀...!!!!!
等等等 , 等左幾個字 , 都未見有地鐵......
超級無奈呀 ~
用左個半鐘到就返到去大埔喇 ~
大家都好似好累.....
但係 , 我+成成+Ｅｓｓｉｅ+江仔繼續...
諗住去輝輝間野度食埋個早餐先歸...
點知佢返八點呀 ~
我地唯有去第二度食啦....
本來猜包鎚話要去Ｍ記.....
但係.........好似好肥咁.........
大家就我 , 所以就去左食 "好好" 喇 ~
食到好美味既唔知咩雞......總之係米既一種啦....
好滿足 , 好耐都未試過食咁肥既野喇 ~~~
為左去Ｇｒａｄ　ｄｉｎ , 我唔敢食得太多肥膩野.....
而家既我 , 終於都自由喇 ~
呵呵 ~ 太開心 , 為左獎勵自己.....
今日返到屋企我食左好多野呀....
朱古力蛋卷 , 沙荊蛋糕 , 朱古力甜筒......全部都係我最鐘意食既野 ^.^
太滿足 , 太幸福喇.......

雖然ｇｒａｄ　ｄｉｎ果度既野食唔係咁好 ,
勝在有成班同學係度 , 算抵返哂掛....
而且仲有青Ｂ蟲送左盒好大好大既朱古力俾我......
呵呵 ~ 這個ｇｒａｄ　ｄｉｎ都算唔差啦 ~~~

>>June 20, 2004 at 8:09:39 AM GMT+8

2004 年 6 月 16 日 星期三 【晴】

明天就是Ｇｒａｄ　ｄｉｎ了.....
可能是人生第一次 , 又或者是最後一次去的晚會
買了一條黑色既ｏｎｅ-ｐｉｅｃｅ吊帶裙 , 一對高跟鞋 , 跟一個很美的既袋 ~
用了很多很多的錢...有一個月的零用錢呀 ~
很喜歡漂亮的衣服 ,
很喜歡去美麗的晚會 ,
更喜歡的就是穿上漂亮的衣服去美麗的晚會........

我不會幻想自己是富家子弟 ,
我不會渴望自己是名門貴族 ,
我只希望我是我自己人生中的主角....
我只盼望我能成為我愛人心目中的小公主 ~
間中的想想我 , 那已經很足夠....~

>>June 17, 2004 at 1:01:11 PM GMT+8

2004 年 6 月 15 日 星期二 【晴】

睇左篇散文話一個人最可貴的地方就是生而為人
人生有遺憾是好的 , 有些遺憾往往迫使我們發奮圖強.....

究竟人其實應唔應該為左人地既快樂而放棄自己既快樂呢 ?
每次問人 , 得到的答案都不一樣.....
但很多人都會覺得人應該要自私點....
不應為了別人的快樂而犧牲自己的......
又有人會認為人應該只為了自己重要的人才去放棄自己既快樂....
快樂是虛無的 , 快樂是縹緲的
它只是一種感覺.......
不曾感覺過傷心 , 又怎會感受到快樂....
人生起跌變幻無常 ,
跌得愈痛 , 明白的道理也愈多....
傷得愈深 , 將來的快樂也愈大........
傷心總有它背後的道理......
細心觀察 , 仔細的想 ,
也許你會發覺人生並不是你所想般那樣的苦......
既然能使人快樂 , 少少的犧牲又有何所謂呢???

>>June 15, 2004 at 7:05:46 PM GMT+8

2004 年 6 月 14 日 星期一 【晴】

唔.......冇去到ｐｏｌｙ　ｉｎｔｅｒｖｉｅｗ.........
我諗呢樣野真係唔適合我囉 ~
Ｌｏｇｉｓｔｉｃ.........?????
我諗我鐘意讀ｃｌｉｍａｔｅ或者其他野多ｄ啦.......
近排識多左好多野....
因為聽左唔同既人講左好多唔同既道理......
係時候大個 ? 係時候要諗野 ?
我唔想呀..............
太依賴人喇..........
好似唔係太好咁...........
唔........可能真係.......要改變下..............

>>June 15, 2004 at 7:54:24 AM GMT+8

2004 年 6 月 8 日 星期二 【晴】

今日終於剪左頭髮呀.....去我個ｆｄ度整......
超ｈｉｇｈ....果度ｈｉｇｈｌｉｇｈｔ要成$８００
去到果陣真係勁淆底.........要咁多錢 , 都唔知點算
之後個ｆｄ幫我整左紅色同啡色ｈｉｇｈｌｉｇｈｔ.....
可能驚我屋企唔俾 , 所以整得唔係好勁....
不過剪得好好睇 , 我都好滿意........
所以呢個ＢＲＡ買得過啦........
之後去左睇衫 , 睇中左架喇........
價錢都仲算係ａｆｆｏｒｄ到既.....
不過今日用左好多銀呀.........
又買左支ｍａｓｃａｒａ........
唉 ~ 大開銷呀.................
夜晚又去左飲野......
之後返到屋企仲同媽咪傾計傾到四點..........
太變態喇 ~~~

尋日整左水晶甲.....呵呵 ~
好正呀 ~ 好鐘意......不過好唔方便 .....
而家要做一陣淑女 ｕｎｔｉｌ　ｇｒａｄ　ｄｉｎ後......
睇黎都係要搵返份工......... 屋企就黎養唔到我喇.....唉 ~
買雪糕都唔錯丫 ~~~~~~

收到 ｐｏｌｙ　ｉｎｔｅｒｖｉｅｗ既野.......
好驚.......唔知要做乜呢 ~

>>June 10, 2004 at 8:50:56 AM GMT+8

2004 年 6 月 6 日 星期日 【晴】

今日陪你個成出去剪頭髮.....
又要嗌一輪交先出得去......
嗌交題目係 : 去Ｊｉｍｍｙ度剪定去我個ｆｄ度剪...
最終 , 各自去剪...佢有佢去Ｊｉｍｍｙ度
我有我去自己個ｆｄ度剪.......
Ｊｉｍｍｙ勁大牌.....等左勁耐先有得剪...
好彩係等既同時 , 俾我買到勁想買果件衫....
雖然貴左少少 , 但至在粉紅色....Ｉ　ｌｉｋｅ　ｉｔ.......
之後陪佢去剪頭髮.....Ｊｉｍｍｙ勁ｍａｎ呀......
我星期三先去剪 , 我個ｆｄ都好ｍａｎ架又型.....
本來想睇下有冇Ｇｒａｄ　ｄｉｎ衫買..........
搵唔到....去左買ＢＲＩＫＥＮＳＴＯＣＫ...........
我睇岩架喇.......不過你個成無心水...........
所以 , 都係等埋先一齊買......
反正買既鞋款都一樣..........差ｄ色姐.......

聽日陪媽咪爸Ｂ上大陸輕鬆輕鬆.......
順便整埋咩咩咩囉.......正............
肚仔仲有ｄ痛.......
唔知幾時先好得返呢...?
不過好返 , 又要去搵工.......
唔係冇錢用...............
冇錢既人生 , 仲慘過食柑.....

>>June 7, 2004 at 5:56:44 PM GMT+8

2004 年 6 月 4 日 星期五 【晴】

今日同媽咪兩個人用左十分鐘都唔駛 ,
係上水火車站行到去北區醫院....
原來好易 , 好易.....
只要懂得走 , 路原來係很易行.....
十點到走去到病房拎完紙....
搞搞搞 , 搞到一點幾先照完超音波......
唉......好煩..............飲左勁多水......
之後同媽咪去食許留山既燕窩 ( 媽咪自己提議 )
食完行左陣街 , 諗住去睇下有冇衫買..
點知想去果間又冇開.......超無奈 ~

一病未平一病又起.......
都唔知幾時先好得返哂 ~

>>June 4, 2004 at 4:44:11 PM GMT+8

2004 年 5 月 31 日 星期一 【晴】

今天的心情很重要 , 務必記下 :

５月３０　剛發病的第一天...
耳朵疼痛 , 晚上有點發冷發熱...
跟以往發燒的情況一樣.....

５月３１　因早上發瘋 , 狂喊亂叫 ,
爸爸帶了我上醫院 , 是那打素醫院 , 不是青山的唷 !!!!
因為未夠九時 , 藥房未開 , 爸爸要等到開時才幫我拿藥....
之後 , 便要趕著返工........
我一整天都躺著 , 沒怎吃東西 , 也沒怎做過甚麼.....

６月１　　很早便起床 , 是被吵醒的? 還是痛醒? 我不知道........
只知道爸爸車完弟弟回校 , 又急著要去車麻麻 , 因她的腳弄傷了......
濛濛瀧瀧中 , 看看掛鐘 , 只是八時半 , 家裡靜得要命 , 媽媽出去了麼 ?
九時四十五分 , 媽媽買菜回來 , 我起身了 , 她要我吃藥 .....
這幾天 , 我像真的變成了廢人.........
水是人拿的 , 藥是人遞的 , 做甚麼也是別人的......很舒適......但卻又很痛苦
媽媽整天都在我附近 ..... 探熱 , 陪我看ｖｃｄ , 幫我滴藥水......

不知怎的 , 竟錄下了健力士世界大全的一部份來看........
那裡介紹了一種恐怖 , 又沒法醫治的病菌 ----- 是吃肉的....
一個男人 , 因為撞到了桌子邊 , 就感染了.......
幸好 , 發現得早 , 只是沒有了一條腿................
它們每一小時便能吃掉一吋範圍的肉....
唔唔.......人生 , 多麼脆弱.....
只是撞一撞 , 只是碰一碰 , 也就能使我們失去一條腿....
還有幾多的細菌 , 是我們還未知道的呢 ?
我很怕 , 真的很怕 .......
活下去是需要一定的勇氣 ,
我不想感受到痛苦 , 也不想看到自己少了甚麼........
我有丁點兒 , 很怕再活下去.....
一個月兩個不同的病 , 已把我折磨得要死......
我真的不知道我的人生 , 還有多少個像這樣的一個月...
我很孤單 , 我很害怕.......
我真的不想活下去 , 再受折磨......
只用一邊的耳朵聽話 , 真的很辛苦....
為什麼我的人生就要嘗兩次這樣的苦 ?
往後的日子 , 還有多少個苦 , 等著我 ?

晚上 , 終於忍不住哭了.....
是自去醫院那幾天及看醫生那天後 , 再在爸爸媽媽面前哭了.....
很大聲很大聲的哭......我想 , 他們擔心了........
我又使他們擔心了...............
但我也很怕 , 我也很痛........
已經靜靜的哭了幾天 , 那又怎樣 ?
唉 !!!! 結果還不是在爸媽面前哭......
他們忙著逗我 , 也忙著陪我...
爸爸教我厲害魔術 , 媽媽陪我看電視直至半夜四點.....
因為太痛的緣故 , 我整天都吵著我睡不到 , 我要吃安眠藥 !!!!!!!!
當然 , 媽媽就是不肯讓我吃啦 ~

每個人的身邊總需有珍惜的人.......
對我好的 , 也就是我會珍惜的
愛爸爸 , 也愛媽媽

>>June 1, 2004 at 8:53:38 PM GMT+8