2004 年 5 月 13 日 星期四 【晴】

呵呵呵...........超開心.............
今日買左兩件Ａｐｅ既衫呀 !!!!!!!!!!
超正....有新衫著喇 ~~~
最衰買唔到青山限定果件啦.....
因為同媽咪講 , 佢一定唔鐘意Ｄ咁既衫架....
佢一定話 " eeeeee............核突到死.........."
不過都算啦.......兩件已經好貴.......
夠我用個幾月喇........~~~~~
見到Ｉｚｚｕｅ有個膠既透明袋........
平平地 , 仲好鐘意呀!!!!!!!!!!!!
不過媽咪話唔好...........
仲話寧願加多幾佰蚊買個靚Ｄ既...
但係我覺得呢個袋已經好靚喇喎................ >.<

>>May 14, 2004 at 11:13:04 AM GMT+8

2004 年 5 月 12 日 星期三 【清涼】

今朝早爸爸要驗血
所以晨早叫醒左我同佢地飲茶...
本來諗住我請 , 點知媽咪同我爭....
唉.......算............第時我賺到錢再請......
之後同媽咪去買菜 , 仲買左花......
係茉莉花 , 不過我覺得冇白蘭花咁香姐 ~
聽日自己去買多少少返黎擺先 ...
今日好熱 , 熱到唔想出街 , 要留家避"鼠"呀 !!!!!!!!

岩岩執櫃 , 見到以前一篇作文 ,
題目係 -------------- 第二題.............
題目名 -------------- 唔記得左喇......
不過....呢篇文真係.......我最引以為傲既一篇黎架.....
因為我俾阿ｓｉｒ點名叫我落去同佢傾下篇文.....
雖然佢講左我篇文既缺點 , 但係我反而覺得因為咁...所以令我好驕傲喎......
呵呵呵 ~~~~

>>May 13, 2004 at 6:15:30 AM GMT+8

2004 年 5 月 7 日 星期五 【晴】

因為岩岩住院 , 又仲未好既關係....
日日都係係屋企 ~
睇電視 , 食野 , 訓覺 , 行 , 玩電腦 , 睇漫畫............
好鐘意睇果套"下一站---彩虹" ~~
可能係因為個師父好型啦 , 又有得睇下衫咁..
個師父真係好正 , 又ｍａｎ喎........
簡直同ｍａｎ　ｍａｎ有得揮......
但係現實果個ｍａｎ　ｍａｎ已經有女朋友....仲好靚呀!!!!!
戲中個"女豬腳"係靠佢爺爺幫手入到而家間公司架...
唔....好羨慕.......好想好似佢咁.........
有爺爺幫 , 有爺爺錫 , 有爺爺偏袒 , 有爺爺照顧..........
不過......可惜............一出世已經冇爺爺...........
爺爺係點樣架呢 ? 就我所見到既---- 係好靚仔架 !!!!
唔....不過佢對人係點呢?!
真係唔知....少少都唔知.........
見都未見過.....對都未對過........
如果 , 我有一個爺爺....................
佢究竟會點對我 ??
一定會好錫我姐..............................我諗................................

>>May 8, 2004 at 3:38:43 PM GMT+8

2004 年 5 月 5 日 星期三 【晴】

終於配左con喇.........
睇野頓時清楚哂呀 !!!!!!
今日為慶祝母親節 ,
我地成班人 , 廿多個啦...
去到大埔迎喜度食野呀....^^
好多野食 , 仲好肥膩呀!!!!!!!!!!!!!
都係每樣食少少就算喇 ~
個肚仲周時係度痛.....
唉 ~ 媽咪問左醫院話八月先覆診
都唔知點做野架.....咩醫院黎架 \_/

>>May 7, 2004 at 7:50:26 AM GMT+8

2004 年 5 月 4 日 星期二 【晴】

尋日急住出院既原因係因為媽咪生日
諗住我出院同佢慶祝 , 佢會開心.....
晨早醫生黎左 , 就話俾我出院...
打俾爸爸 , 細佬 , 過五關斬六將......
終於俾我係醫院走到出黎.....
去大埔買埋蛋糕....
之後同爸爸夾計 , 打返屋企話俾媽咪知......
我出得院喇 !!!!!!!!!!!!
媽咪好緊張咁話要搵埋爸爸車我....
p.s 因為媽媽生日 , 全世界放假呀 !!!!!! 爸爸請假 , 細佬都請假....
爸爸話俾媽咪知佢係大中呀 ~ 的確果刻我地架車真係係大中喎.......
之後.......返到屋企門口 , 感慨良多呀 !!!!!!
爸爸開門......我突然彈出.........
媽咪.......................開始起勢.............鬧................
做乜唔早Ｄ講話出呀......
等佢執咁多野.....
都話左唔駛買蛋糕...又唔食得.............
等等........................
特登返黎陪佢.................
竟然換得咁既收場................................
=.= =.=

不過我都送左張咭俾佢

>>May 4, 2004 at 4:38:13 PM GMT+8

2004 年 5 月 2 日 星期日 【晴】

等左好多好多日......
吊左幾日鹽水......
雖然而家都仲痛緊.....
不過醫生已經俾我出得院.......
醫生暫時仲未知我有咩事....
剩係俾左少少止痛藥我....
唔....多災多難 , 都唔知身體幾時先會好.......
不過....住醫院 , 的確別有一番風味......
學到既野亦多左好多.....

我所住既係二等病房 , 姐係兩個人住果隻...
有獨立廁所 , 有無敵景致.....綠草如欣 ~
其他既多數都係八人房 ,
整個外科部都係以婆婆為主 ,
最年青的莫過於係我喇 ~
婆婆當中有Ｄ好靜既 , 有Ｄ好活躍既 , 有Ｄ好自大既....
而我最熟既通常都係Ｄ活躍Ｄ既婆婆.....
尤其是梁婆婆 , 同我隔離床果個太太.........
隔離床果個太太好似我麻麻咁 ,
訓覺幫我蓋被 , 我去廁所提我帶廁紙 , 好多好多野.......
我同佢咩都傾下 , 無無聊聊又一日咁...
不過....佢而家仲一個人係醫院 .
第二個就係梁婆婆 , 佢就好似我個婆婆咁....
老當益壯 , 又靚 , 又勁 , 不過佢仲擁有一對藍眼睛呀!!!!!
我走之前仲拎埋佢電話呀 ~
我地三個每逢食完飯之後就會聚埋一齊傾計 ,
當然有時更會多過三個啦 , 因為仲有其他既婆婆......
呢Ｄ就係所謂既阿婆會議喇 ~~~~~~ 呵呵 !!!
而且我仲識左好多護士姑娘 ,
有一個好ｉｎ既 , 同我好傾得埋既仲拎埋我個"衣貓"呀 ~~
雖然冇電視 , 但係同Ｄ婆婆傾計都好正呀 ~

住院數天 , 日與夜既感覺真係好唔同 ~
每逢有太陽既時間 ,
我都會好開心咁同Ｄ婆婆傾計......
但係夜晚訓覺既時間 ,
心裡面總係有點兒那個.......
唉........唔係屋企既感覺.....有Ｄ唔知點咁 ~
遲Ｄ仲要返去照超聲波.........
希望........可以快Ｄ好返 ~

>>May 4, 2004 at 11:28:27 AM GMT+8

2004 年 4 月 30 日 星期五 【晴】

尋晚發高燒，有成38.2度，嘩!熱到喊，
一開始果陣，又凍又熱，唔知想點咁，後尾發覺愈來愈唔妥，
最終去左急症室呀！
上到急症室都１２點，搞呢樣搞果樣，見醫生，驗下個肚！
好似係盲腸炎，醫生話要留院．一早都估到要，
係估唔到竟然要去北區醫院ｏ者！
我仲要照肺先入得院！照肺照肺．不過，好威！我係搭白車去架，
ｄ醫護人員入到黎仲諗住抬我出去，但係我自己識行喎．
第１次坐白車好新奇呀！四圍望，又同媽咪傾下計，又望下，爸爸架車點追住我地，
好快又到左喇！去到北區，做緊小寶呀，不過要上房，冇得睇，
上到去，又要探熱，又要量血壓，搞下搞下，都點幾鐘，之後．．．．
有不好的消息，要抽血呀！仲要吊鹽水，＞．＜．
好怕怕，好痛，拮第一針，係抽血呀，抽左好耐，
突然，個護士同我講：你ｄ血管太細，我抽唔到．頂！玩到謝！
之後再拮多兩針，痛到飛起！
爸ｂ媽咪冇耐就走左，剩低我一個，好彩我帶左公仔，ｍｐ３，收音機．
如果唔係實悶死，因為呢度冇電視．
醫生話可能唔係盲腸炎，要觀察多幾日先得，嚴重ｄ要用內窺鏡先得，＞．＜
姐係要做手術．而家仲要冇得食野，冇野飲，侍左一日！

Hong 代筆~

>>May 2, 2004 at 3:06:27 AM GMT+8

2004 年 4 月 27 日 星期二 【晴】

爆痛........被迫係夜晚去左急症室.......
唉.......由爸爸Ｄｒｉｖｅ　ｃａｒ.....
但係都唔係咁想上去.....因為唔想行呀 !!!!!!!!!!!!
上到去 , 好快就見到醫生......
雖然個醫生唔靚仔 , 不過超ｎｉｃｅ......
同佢係度傾呢樣傾果樣........呢Ｄ先係醫生架嘛......
好似果個咩張"厚""唇"咁呀......問佢咩事......
佢竟然答我 : "我怎麼知道呀 , 你以為我是算命的嗎 ?!" ( 仲要用我最憎既普通話講.... )
本來好快走得架................不過.....要等去朱朱呀...................
個唔靚仔既醫生話要驗左先准走............
仲叫我慢慢 , 佢唔急喎.....
頂.........我都唔急呀.........點去姐...... !!!!!!!!!!!!!!!!!!!!
九點上 , 十點幾就返到屋企................
係等咩之嘛........等去廁所囉 ~~~~~~~
不過醫生話驗到我白血球呈陽性反應....姐係所謂既 + 號呀........
唔駛留院........不過要驗多次.....................
哎呀..........真係好鬼慘......
考完試先黎搞Ｄ咁既野......
搞到我出街都冇哂ｍｏｏｄ.........
想買Ｄ野......都要就住就住........
唔係就住個銀包.....係就住個肚呀 !!!!!!!!!!
唔係 ........ 係就住條腸先岩....................
唔知條腸係香腸定係孖潤腸呢.......!?
呵......有Ｄ令我諗起係澳洲既朋友...............
一諗到ｘｘ腸 , 就諗起佢身邊既卓卓......
呵呵........卓卓呀 !!!!!!!!!! 前幾日同佢傾完電話.......
搞笑呀 !!!!!!!!!! 有Ｄ野你知我知啦........
唔知其他人知唔知呢 ?!
所以話丫 , 早婚冇好野 , 遲婚咪會肚瀉囉 ( 好似我咁 )
真係舍利子識畢異胸呀 !!!!!!!!!!!!!!!!!!
日日都係屋企毛毛撩 (無無聊 ) ,
想搵返埋工呀.......如果....賴ｂａｄ尿痕....唔請我既話......
睇下陽具朋友果度請唔請......
求其搵Ｄ野打磨下時間姐..............
冇理由日日係屋企打機架........頂..........
不過諗深一層都有理由既........
會考果陣都係咁架啦.....打足咁多個月......
唉唉唉....唔好諗唔好諗...........
好難先脫離度果種咁頹既生活.......
真係唔可以重道覆切......
冇讀一個月書姐 , Ｄ中文差左咁多既........
嚇死自己呀...~~~~

ｓｈｏｗｈａｐｐｙ成日都ｓｈｏｗ唔到ｈａｐｐｙ......
次次都話要ＶＩＰ先入得.......
仲搞到我次次ｈａｐｐｙ時都變左ｕｎｈａｐｐｙ呀！

３０號同媽媽去做ｔｒｅａｔｍｅｎｔ......
係我做緊既期間.......文學人 , 你地要加油呀........!!!!!!!!!!!!
希望份文學卷好深好深..............!!!!!!!!!!!!!!!!!!!!!!!

還掂你地都應該溫唔切架啦.....
攬住一齊死總好過自己一個死嘛.......
不過你個城實唔死........
因為佢係一堆雜到唔雜既雜草............................................
阿門 ~

>>April 29, 2004 at 4:20:43 PM GMT+8

2004 年 4 月 26 日 星期一 【晴】

唔舒服...........勁唔舒服呀 !!!!!!!!!!!!
個肚係度勁痛 ,
睇完醫生 , 食完藥都冇用.........
睇黎要入急症室先得.......
就黎痛死...........
日日都好無聊 ,
冇野做 , 食飽就訓 ,
仲要係食粥飽....
午餐係粥 , 晚餐又係粥........全粥宴
間唔中一塊方包 , 齋有牛奶.......
清到死呀 !!!!!!!!!!!!!

>>April 27, 2004 at 5:07:57 AM GMT+8

2004 年 4 月 23 日 星期五 【晴】

剛剛遇著岩岩 , 岩岩又遇著剛剛......
你打俾我喇....... ^.^
# 有了你頓覺增加風趣
# 我每日每天都想見你
# 那懼風與雨
# 那懼怕行雷
# 見少一秒都空虛
傾左好耐 , 傾左好多野 ........
以往既 , 今日既 , 將來既
一一都係我地既話題中.....
好似你從來都冇離開過我咁 ,
好似我地仲係一齊咁 ,
好似係最開心既一對咁 ,
真係考完試喇......
原來我都真係有壓力架 ~
我肚子痛 , 我累 , 我發燒........好多好多.......
不過...很多都已經過去了.....
過去了就是過去了........
不應再回頭望 , 不應再回頭看.......

>>April 24, 2004 at 3:08:12 PM GMT+8