2005 年 3 月 31 日 星期四 【晴】

到o左四月喇~仲有四日我就可以唔再帶住個架出街lu~
其實唔經唔覺都已經手完手術個幾月o架喇
時候雖然好難過，成日都好唔開心，但係o的時間真係過得好快囉！
今日要上八點半o既finance，好攰囉個人，琴晚又攪到成兩點先瞓
今朝又一早六點半起o左身，所以，個人真係好好好好好好好好好辛苦！
一o的都唔想起身，不過因為要抄番o的notes~所以唔番都唔得........
六點半起身，沖涼、物理治療、換衫，時間唔經唔覺已經o黎到八點鐘lu~
因為搭地鐵又驚多人，所以都係搭的士番學囉.......又要用錢喇.........
番到city~上堂、聽書、抄notes~不過一直上堂都唔見阿Ben ，所以send sms 俾佢
到o左break 打俾阿Ben 佢先o岩o岩起身囉.....之後，咁就約好o左阿Ben 十二點到番到o黎食lunch
今日一個人上finance都幾好feel，聽都聽得幾明，有唔明就落番去問Joseph
好彩問佢o既o個陣佢係用中文o黎答遮，如果唔係o既話又係唔明咁走番上去囉！
上完finance，呢度hea o下、o個度hea o下，咁都已經差唔多時候lu~
之後打o左俾阿Ben 約o左o係又一城奇華度等，因為想買定o的o野食
買完o野，阿Ben 都已經到o左lu~之後一齊去o左food court 度食o左個strawberry o既烤雞飯
不過因為今日真係好肚餓，所以食完都唔係好夠..........食完o野，去o左Log On 買o野
今朝問過Candy 呢頭邊度有得買，好彩搵到遮~hehehe~買完o野，又未夠鐘
同阿Ben hea 多o左一陣先至去上堂，咁我地就坐o左o係podium 度等
咁Regina 番到o黎o既時候就打o左俾我，咁我就放低o左o的o野o係Regina 個locker~haha~
之後就去o左上堂lu~~問起琴晚Regina 幾點瞓，原來係成四點鐘先瞓囉.......
Regina又為o左o的公仔喊.......唉~.........真係冇你辦法囉......希望你今晚唔好再喊囉......
今日Sunny o個堂好多人，我同Regina 又係被流放o左去corner 位.....灰爆.......
不過Regina 今日上corp account 都好似唔係好尊心咁，成日游o左去第二度囉~
Sunny 講起個tax o既result，好驚呀~佢話我地班個mean 得57 out of 100.......
最低o個條provision 仲要係冇分囉....你話驚唔驚先.......今次實死都得啦！
之後同Regina 講話要鬥低分囉今次，我諗我今次都應該贏梗o架喇！！
上完一堂finance 已經好攰，仲要上埋corp account~個人都真係唔係好頂得順囉........
之後接住落仲有個meeting......想死.......開會之前去斟水，又俾我睇到人性o既真面目！哼！
之後開會，一開就開o左個半鐘，好彩有o的materials 都搵得番囉，如果唔係就有排煩......
開完會又去o左library 搵Regina 溫書，不過坐o左一陣都已經好肚餓
所以七點半未夠就上o左去canteen 食飯，我又係三寶啦~haha~Regina 就食o左個兩「食送」飯
食飯o個陣講起Regina 中學時候o既食飯情況，haha~食到咁高又咁健康都真係有原因o既~haha~
不過做埋運動就最好啦~hahaha~三層o既保溫飯壺都唔係真係個個人都食得哂！
食完o野落番去library 溫多o左一陣，搏鬥o左好耐o既profit tax 都已經攪掂埋
不過o個陣都已經係九點幾鐘，等埋Regina 睇多一陣，十點四o係library 度走
十一點一、二先番到屋企，做埋物理治療之後先至敢打俾Regina~因為Regina 上個月又爆o左分鐘
雖然唔係爆o左好多，不過罪魁禍首都係我........不過打俾Regina o個陣佢都已經搭完巴士咁滯lu~
之後打o左俾Oscar 諗住講o下聽日trainning camp o的o野o既~不過~講講o下就o黎一個鐘~
覺得唔對路~所以都係早少少收線，因為今朝要六點鐘起身囉~真係死俾你睇.......









唔該唔好講到搶搶聲咁難聽啦！
宜家當人地係人定係貨物呀！？
唔該你自己尊重o下人地啦！
你自己唔尊重你自己係你o既事，唔好講o野講到咁難聽！

>>April 2, 2005 at 1:46:35 PM GMT+8

2005 年 3 月 30 日 星期三 【晴】

今日九點幾起身，hea o下hea o下就成十二點先番到city
一落o左去library 坐，未夠半個鐘，阿葵就打o黎叫食飯
不過因為之前約好o左阿ShinG食tea，所以淨係上o左canteen 陪阿葵食
十二點半上到canteen 都冇咩位，所以買o左去羅馬廣場食.........
一路食，阿葵一路講佢o的經歷，有時有o的o野就係咁o架喇
你對佢好，佢未必知道、明白你對緊佢好~hahaha~阿葵真係廿四孝呢~
雖然把口成日口花花，不過大家都知佢係o的講得出做唔到o既人~hehhe~~
食完o野行緊podium o既時候撞到Regina ~haha~咁都撞到囉~
不過Regina 講o左冇幾句就要趕住走，因為要上CB o丫嘛~haha~
之後我同阿葵落番去library~都唔係o係度溫書o既~
我地兩個係咁o係度睇o的相簿囉~hahahaha~原來一年幾之前阿葵個樣係咁cute o架wor......
估都估唔到囉~haha~到o左兩點三到啦，上o左去department 問o下個mentor trainning camp 點
究竟駛唔駛幫手，不過，之後Oscar 打番o黎話會幫手，咁番工o既都幫手
我冇理由唔幫啦~好彩都有Oscar 陪o下~如果唔係就真係悶死我喇.....
去完department之後去o左同阿ShinG 食tea~不過大家都好肚餓
所以大家都食o左個三寶飯~係呀~又係三寶飯呀~hahahahaha~好飽呀~
之後就去o左攞張FESSC (First Year Student Support Centre) 張cert.
仲同阿豪講多o左幾句先至走~好耐都冇咁講o下o野lu~~hehe~
之後去o左上CB，個人有少少頭痛，好攰，好似想有少少病咁~好辛苦
所以一入到去冇幾耐就瞓o左，真係幾辛苦呢.........
不過瞓瞓o下肥V叫醒o左我囉，因為我瞓到o的notes 都就快要跌哂落地咁囉~hahah~
之後肥V仲同我講佢聽到我瞓o個陣有少少鼻「寒」.....嘈親其他人真係唔好意思........sorry
上完CB 之後同阿豪同小深講o左一陣，講o下個trainning camp o的o野~
又話聽日要開會lor~真係勁唔想開心呀！o岩o岩今日見到Debby 先講起聽日唔駛開會
皆因聽日開會好似好急咁囉，講起Debby 同Kelly都好似未搵哂o的資料咁
所以諗住下個week thursday 先至開會囉！不過今日同Debby開會講起佢識整甜品
之後仲講o左話Regina 想學o下整wor~haha~Debby 一口就應承o左囉~勁開心
仲話下次開會整定o的甜品俾我地食wor~hahahahahaa~多謝哂~
不過去到library~見到Regina 唔係幾開心囉~原來今日Regina 媽咪執o野
將Regina o的公仔清走哂......之後Regina 好唔開心，仲話唔想食o野tim lor....>.<
之後今晚都冇食飯，Regina 就淨係番o左屋企飲o左一碗湯囉
點之一點半到講o左一陣電話，Regina 話頭先o係洗面o個陣喊o左出o黎~......
講到我都冇心機，而且聽日仲要上finance~聽番o的重點話俾Regina 知
所以冇幾耐就收o左線........不過都仲係好擔心Regina............但係又冇計...........
公仔死不能復生，唯有折衷順變啦~........開心o的啦.......

>>April 2, 2005 at 12:27:47 PM GMT+8

2005 年 3 月 29 日 星期二 【晴】

唔經唔覺個Easter o既公假都已經放完喇
雖然係放o左兩日假，但係個人比起夜假之前仲要攰o的o架囉！
今日一早就起o左身番city，因為今日要開taxation 個會呀~
本身係琴日開，之後又改o左做今日開~仲要係十點半tim.......
今日八點鐘都已經起o左身，十點半未夠都已經番o左課室
不過攞房o既時候有一段小插曲，就係一去到課室o既時候已經有人用緊
咁我同Tony 同佢地講我地book o左間房，不過佢地話要上堂
咁我地又以為我地記錯，所以就出o左去check 一check 先囉
咁check 完冇錯，o個度o的人都好無奈咁走o左.......
之後仲有個應該係tutor o既女人同我地講可唔可以貼o的o野o係門口度
通之o的學生改o左房上堂，咁之後等埋Yonnie 就開始我地個會
不過開o個陣我都仲係未睇完個case，咁我睇o左一陣
我地就邊睇邊講，又邊講o下一o的無聊o野咁，一講就講o左兩個鐘
好彩，我地o係兩個鐘入面都已經分哂工，仲打埋俾隔離班問o下有o的咩要included
咁hea多o左一陣，打o左俾Regina一齊食飯，咁Tony、Regina同我就去o左KFC度食
食完o野，我同Regina 又番o左library溫書，不過，今日就真係黑仔到爆囉......
唔知點解我唔見o左張學生証同八達通囉~......灰爆......
呢排都已經冇咩錢淨o架啦，仲要唔見埋張學生証同八達通，又要補領
你知啦！補領又要俾錢......有冇攪錯呀！.......仲有唔夠一個禮拜仲要請食飯tim....
唉~我同Tony 之前仲去o左又一城買o左o的o野，又買o左二百蚊.......
本身諗住買o的o野可以開心o下啦，點知又唔見o野wor！
唉......呢期真係窮到燶......都唔知做咩事咁黑仔.............
之後溫書、開周家個人都冇咩心機，好彩有Regina o係度開解下.......
如果唔係實灰到死o左o係度囉......今日個人都真係冇咩心機.....
唔見o左o野之後，溫taxation都唔係溫得好多頁，睇o左廿頁到囉淨係........
四點幾上o左podium 陪Regina 飲咖啡，順便去保安室問o下有冇人執到
不過都係空手而回囉，諗起上一次搵得番張身份証都真係好開心，不過今次就......
今晚溫到十點鐘多o的啦，個人冇咩心機.....不過都開心o既~hahaha~
今日睇o左一個相簿，入面有Regina 之前year one o的相s~hahaha~cute 到爆！！
之後仲同Regina 玩o左幾個算命o既網頁，其實我o既命水都應該ok o架~hahaha~
Regina 都應該幾好o既~hahaha~不過都係要信自己先至有用！
真係幾唔想番學囉~咁就一個禮拜喇~........勁無奈.............
今晚都唔係傾o左好耐電話呢~~算啦~都冇咩心機......聽日又要番學喇~
講起算命，我不嬲都相信一命二運三風水四積陰德五讀書，人係可以改變命運o既
不過唔做傷天害理o既事，唔係因為怕會有報應，只不過，順心，自己唔喜歡睇到人地唔開心
就算我好憎一個人，我都唔會設計去害佢，反而見到o的自己唔鍾意o既人受苦
自己都會覺得好難受、唔開心，有時仲會去幫佢地，可能我個人太喜歡感情用事
自己又衰唔夠奸同唔夠狠，所以成日都好容易俾人地傷害到自己..........
不過我亦都相信，好人有好報，唔好o既人呢.......自己小心o的啦........

>>April 2, 2005 at 12:55:31 PM GMT+8

2005 年 3 月 28 日 星期一 【晴】

今日係一好平凡o既一日，今日都幾早起身啦，九點零
雖然係冇咩衝擊，但係平凡總比有風浪好..........
之後十一點幾出門口，番到city打俾Regina~因為今日Regina 同媽咪食早餐
所以未夠十二點都已經番o左去，之後去o左Tommy 度等
咁我地就去o左m記度食埋個lunch 先開始溫書
今日係咁溫，其實都唔係幾efficient，不過，開心過琴日囉haha
今日冇去食tea，只不過係中間Regina去o左搵Danny 買coffee 飲
之後番到o黎又係咁溫........
夜晚上o左canteen 食o野，又係三寶飯.......
其實唔係冇o野食，只不過係自己鍾意食三寶飯，雖然多選擇
但係食開o左又冇謂改，美其名就叫尊一，難聽o的就叫慣性
haha~食o野都咁多o野諗~點算呢.........?

>>April 1, 2005 at 11:25:36 PM GMT+8

2005 年 3 月 27 日 星期日 【晴】

嘩~今日好晏先番city ar~成一點半鐘先至番到~
不過今朝都好早就打o左俾Regina叫佢醒~
因為今日Regina十點半要番city 開cb o既會~咁所以就好早要叫佢醒喇~
咁我就八點三、八點半同九點九打o左俾Regina~
不過打完俾Regina....我就係咁瞓喇~最後我瞓到十點九個字
個人先至捨得起身......之後hea o下hea o下咁就成點半成番到city~
番到o左，打o左俾Tony ，又同佢吹o左陣水~hahaha~因為佢要開interactive
所以就去o左Tony 間房去搵佢喇~hahaha~
兩點鐘到啦，我先至落o左去library 溫書，不過o係library 門口見到阿Ben
咁就講o左幾句，之後先至捨得入去溫書...........hea 爆........
溫o左一陣~Regina就打o黎話去o左又一城食lunch~仲話陣間番o黎陪我食
因為今朝到宜家都未食過o野囉.....>.< 最後我都成三點鐘先同Regina 一齊去o左canteen 食
食o左一陣，Machee 過o左o黎搵我幫佢放o的o野o係locker~
擺完o的o野，Regina同我就落o左library又溫多o左一陣書
不過四點鐘到啦~Regina 又要上去開taxation group assignment 個會~
咁我就一個人番o係library la~.....-_-'''' 溫到五點幾，打o左俾冰冰問佢食唔食tea
點知原來冰冰已經食完，仲要今日係o係沙田番工呢~真係俾阿Yan 玩死囉......
之後仲打o左俾阿Ben一齊溫書，就係咁今晚就溫到十點半先至走~
頭先Regina 開完會之後打番俾我話唔o黎library la wor~hahaha
同阿Ben 一齊溫書真係好快lor~haha~因為阿Ben 都唔係好同我講o野
我坐o係佢隔離，好多時都係o係度聽mp3，所以我就可以o係一個晏晝就溫到四十頁
好耐都冇試過咁有efficiency~hheheehe~不過坐o係阿Ben 隔離都係有o的悶
所以都係同Regina 一齊坐好o的~hehehe~
番到屋企先至食飯，食完飯又傾o左一陣電話，咁又一日咯~
不過好好好開心呢，溫到咁多o野~頭先Tony 打o黎~話聽日唔開taxation la wor
要星期三先開~是但la~橫豎都未睇哂o的書~努力呀~！oush~！









記番就之前Regina講過o既一個 IQ 顯：(點都估唔到Regina 會問人IQ 題......)
有一日，咖啡杯同香檳杯一齊路馬路
突然間有一駕車駛埋o黎，咁咖啡杯就幸免於難
之但係香檳杯就避唔到駕車.......究竟點解呢~.....??
過兩日先打個答案出o黎啦~hahahaha~

>>April 1, 2005 at 10:43:56 AM GMT+8

2005 年 3 月 26 日 星期六 【綿綿細雨】

今日禮拜日~咁琴日行完一日，又hea o左成日，都係時候要用功讀書啦~hhee~
不過琴晚好夜先瞓，但係今朝阿Yan 七點幾就send message o黎叫我十一點半打俾佢叫佢起身
講真，雖然話就話琴晚三點幾鐘傾完電話走去瞓，之不過，瞓唔著囉我.....
個人o係張床度係咁「典」o黎「典」去，到o左五點鐘之後個人先瞓得著lor~
咁今日十二點番到city，先o黎同Regina o係M記食o左個午餐先
不過係我一個人食，因為Regina 朝早已經同o左媽咪食早餐喇~
咁食完o野，本身諗住去買戲飛，因為琴晚約o左今晚睇戲
不過阿Yan 話好攰，所以都係唔去睇wor~真係o丫~話要睇o既又係你，話唔睇o既又係你.....
咁之後Regina 同我就番o左去city 溫書啦，之不過個人唔係好舒服
又有少少肚痛，所以就去o左方一方便，之後先去番library 搵Regina佢地
之後開始溫書，個人都唔係好集中到囉，始終個人都係好攰
不過溫到咁上o下，個人都唔係好識得攰，因為我同Regina 係咁傾
都冇咩望過本書~hehehe~我地仲o係度係咁畫o的o野食o係張檯度tim~hehehe
咁五點幾鐘la~Regina 同我上o左去斟水，又攞o左o的o野食落o黎~
咁我就同阿Mon 吹o左一陣水先番落o黎~不過~番到落o黎冇幾耐啦~
七點半到啦，我地又去o左食飯lu~今日有阿Paul，仲有Macus 添呀~
雖然都冇咩人真係好想同Macus食，尤其係「我」，不過人地開到聲~好難推呢......
食完o野都八點半~hehehe~番到去library~諗起有o的o野想攞就搵埋Regina 陪我上去
順便俾o左琴日o係聯合買o左o既o個樣無聊o野俾Regina~hahaha~
攞完o野又落番library~不過溫多一陣都差唔多係時間要走......
本身諗住去join Ken少同家雄佢地o架~點知又落雨，咁我最後都係冇去到
雖然我都真係好想去唱k，不過~算啦~唔去lu~之後搭o左的士番屋企喇~
點之之後打俾Oscar 佢地，又係因為就唔到時間而約唔成聽日去唱k
算啦~都習慣哂o架喇我~之後睇多o左一陣電視，打o左俾Regina傾多o左一陣電話~
咁又一日lu~本身諗住食飯同睇戲，點之一樣o野都痛做過lor~~~~~..............>.<
算啦~~來日方長~大把時間去玩啦~hahahahaha~









生日快樂，祝心想事成，身體健康









101

>>March 31, 2005 at 2:32:51 AM GMT+8

2005 年 3 月 25 日 星期五 【晴】

今日好開心呀~今日終於都出o左去行街~
因為我終於都忍唔住喇~hahaha~
其實宜家隻腳都叫做好得七七八八，仲有一個禮拜多o的jar ma
話說今日一起身o既時候已經係十點鐘~雖然仲係想瞓多一陣
不過大哥o係屋企，佢又係一早就o係到開歌聽~攪到我冇覺好瞓......
咁因為今日大哥佢地要番大陸拜山，因為就o黎清明節la ma~
咁所以十二點幾鐘佢地走哂之後屋企就變得好冷清喇......
之後一鐘幾到啦~打o左俾Regina 傾o左一陣電話~其實大家今日都好hea~hehe~
其實我都唔想咁hea o架~，之不過都冇人番city，咁得我自己一個又費事番la~
咁Regina 就一早約好o左個friend 行街~haha~咁我都唔輸蝕~
我都打o左俾Jones約佢出旺角行街，五點鐘到，我同Jones 就出o左去太子
之後行o左一陣金魚街、聯合，之後仲食o左o的o野tim~
食完o野我地就去o左行旺角新世紀，嘩~勁多人~不過~真係好開心囉~
仲o係新世紀同聯合度買o左o的o野tim~hehe~之後打o左俾龍龍，因為佢又係行緊行
不過佢行緊銅鑼灣囉~就七點鐘到啦~我同Jones 去o左mak fa son 球場度睇人打波
諗住邊睇邊等o係銅鑼灣過緊o黎o既龍龍~不過因為Kason 約o左Jones~
咁佢就自已一個人走先，七點半多o的，龍爺都差唔多到o左lu~hehehe~
咁我地就去o左搵周元先生，吹o左一陣，元元又話要番屋企食飯，o個陣都已經成九點鐘o架喇
咁我同龍龍又要由油麻地折返番旺角搵o野食~同睇o下有冇o的o野o岩買
十點半到啦~我地先真係坐低食o野，可能係因為之前食o左o的o野啦
個人都冇咩胃口，仲feel 到有少少想嘔tim~.....-_-'''
食完o野，行緊去搭地鐵o既途中，見到Jones 個friend，又傾o左幾句
番到黃大仙都差唔多十二點，咁我就係都要留埋龍爺到十二點
因為佢三月廿七號生日o丫嘛~hehehe~咁之後佢o係我樓下吹o左陣水
不過周不時都有人打o黎同佢講生日快樂lor~唔知到我生日有冇咁多人打o黎同我講生日快樂呢....
吹完水，龍爺趕住去下一場，咁我就番o左上樓，又食o左o的o野
之後打o左俾Regina 傾o左一陣，中間又打o左俾阿Yan
好眼瞓呀~最後傾到成三點半多o的先收線~勁攰呀~.......zzzzz.......

>>March 29, 2005 at 3:56:18 AM GMT+8

2005 年 3 月 24 日 星期四 【暴雨】

琴晚早o左瞓，咁今日都比較早起身啦~
九點半~，放假都走去咁早起身，真辛苦！
一起身打o左俾Regina~，原來Regina已經起o左身......
咁我就一直係咁hea啦~hea到成十二點先出門口囉.......
因為約好o左今日一點半要開interactive，所以預先約好o左Regina食飯
點知番到去原來阿Paul都會一齊，咁咪一齊食囉.......>.<
食到咁上o下，阿葵都o黎o左湊o下熱鬧~haha~
不過因為阿葵o黎到o既時候都已經係一點三個字，咁所以佢都冇同我地一齊食飯
之後去o左開interactive~今日個efficiency都好高o下囉~唔似得平時咁hea
之前Andy send o左email reply 我地話topic two - travelling plan 好o的
所以今日一開始講o既時候都已經係用緊topic two去講囉~
其實今日都係諗o下個plan o既details~同埋分o下工咁o既遮，之後都冇咩o野傾
可能大家都好holiday mood lor~，都冇咩人係真係尊心開會o既......
不過今次Regina 好明顯講多o左o野，但係Eric 一樣都係冇咩contribution
阿Paul又掛住上網，Kelly 同Debby 又係咁講埋o的功課.......
其實呢個會應該可以再開得短o的o架~hehe~
開完會就同Regina落o左去library 溫書，今日都冇咩做，睇o下o的taxation 咁啦
本身阿Paul 都o係度o既~~不過佢過o左冇幾耐就走o左喇~
溫o左唔係幾耐~四點半就同Regina 上o左canteen 食tea lor~
食完tea~又落番library 搏殺過~今日其實都溫到唔少o既taxation
不過Regina就差少少喇~haha~因為七點幾Danny 落o左o黎library~
就係咁就夾走o左Regina~，咁我o個陣又唔係好攰~而且咁早番屋企又未有飯食~
再者Regina有Danny 送，咁我就選擇o左留o係library 啦~hehehe~
Danny 同Regina走o左冇耐，阿葵同Stephanie o黎o左呢邊，不過人都已經走哂lu~
咁我都同佢地講o左一陣la~，番o左埋位，又開始溫過.......
卒之九點七個字先o係city 走人，嘩~爽呀！今日都溫o左唔少taxation
雖然明就唔係好明o架喇，不過個心都好過o左好多~hahahaha~
我仲已經開始睇書tim la~hehe~俾心機~一定要俾多o的時間同effort呀！
之後番o左屋企食o下o野，傾o下電話都已經成三點鐘喇~
好彩呢排係假期，如果唔係都幾大獲囉.......>.<

>>March 27, 2005 at 2:51:40 AM GMT+8

2005 年 3 月 23 日 星期三 【晴】

大家好呀~今日係復活節假期o既第一日~hehe~
好開心呀~終於都有得抖o下喇~之前o個兩個禮拜都唔係人過o既.....
今日都唔係好晏起身，因為個人都唔係好瞓到~九點幾都起o左身lu~
琴晚有咩講到電話，所以十二點幾就已經瞓o左lu~
雖然Regina send 過個sms 俾我~不過都成三點幾，諗諗o下~
我唔瞓Regina都要瞓啦~haha~咁朝早都係成朝o係度死hea~
到o左晏晝個人都開始覺得攰，咁所以三點幾鐘又走o左去瞓~
不過之前同Regina 講o左陣電話，因為Regina 唔係幾開心
皆因今朝Regina一早就去o左剪頭髮，咁個師父幫Regina偷o左頭髮偷得太薄
所以就唔開心囉~.......講完電話~咁就走o左去瞓Zzzzzz.....
之後就瞓到成七點鐘我先至捨得起身囉~hahaha~因為有好多日記未打
今晚都冇咩點做過o野~，之後又係十二點幾一點到就去o左瞓喇~......
成日都好攰囉.......都唔知做過o的咩.........

>>March 26, 2005 at 5:16:40 AM GMT+8

2005 年 3 月 22 日 星期二 【乍寒還暖】

琴晚同taxation 搏殺o左好耐，好攰，今朝又一早就起o左身.........
話說今朝我八點鐘起o左身，之後就沖涼、做物治療、換衫出門口
番到city 都九點九，去到CSC差唔多十點，打o左俾Regina 叫佢起身
其實我都唔想咁殘忍，不過taxation 十二點半有堂.......好慘呀.........
之後我就係咁打，好彩之前都已經做o左三幾條，番到去打多四條到就已經ok
不過之前Brian話send第十四條俾我，不過最後都冇send 到
好彩我出門遇貴人，Candy 姐話搵到個answer~仲影印埋俾我tim~thanks~
打o左好耐，都仲未攪掂，最後成十二點九先入到課室，好攰又肚餓囉......
本身今朝番city 經過又一城o既時間，買o左o的o野諗住俾Regina 食
因為估Regina 會冇食o野就番o黎，所以就買定少少o野俾佢囉~
點知十二點幾打俾Regina唔通(之後先發覺我打o左去Regina 屋企.......sorry~ :p )
所以o的o野食就留住o左o係我個袋度.......到o左溫書o個陣先俾Regina食囉~
今日taxation 冇收功課lor~做得咁辛苦都唔知為咩......今日o的tax都聽得ok 明
好彩冇瞓到lor~估唔到瞓得o個兩個半鐘都頂得順~hehehe~^o^
上完堂又係我同Tony 食tea o既時間喇，今日好肚餓~皆因冇食lunch
所以就食o左個常餐~正~食完o野又吹多o左陣水先走，差唔多走o個陣就同o左Regina 落library
今日因為都已經冇咩做~所以都係諗住落o黎陪Regina溫書
咁我就打o下o的日記咁啦！不過Regina 就慘o的喇~臨時臨急Regina 個tutor 又話要交份功課
咁冇計所以就要今日做埋佢lor~份assignment 仲要deadline係聽朝o既十點~
俾心機呀~~~~~~！！！
到o左七點鐘，Regina都要走lu~因為Regina o既Daddy同媽咪o係澳門sweet 完番o黎~
不過今晚落好大雨呀~不過Regina唔要我把雨傘~咁我今晚冇計啦~要搭的士先搭
番到去，hea~食o野、打日記、icq、傾電話，本身諗住打俾Regina~不過都係唔好lu~
Regina要做功課~一點鐘到啦~做埋物理治療就瞓lu~Zzzzzzz..........

>>March 24, 2005 at 1:34:36 PM GMT+8