2005 年 1 月 30 日 星期日 【乍雨乍晴】

今日係好黑仔o既一日，但亦都好感動o既一日
今朝一早起o左身，就o係諗住出門口番city 開interactive 之際，發生o左一件意外
勢估唔到，就o係一o下向後行，我隻左就係咁整親...........之後仲行唔到.........>.<
之後我就打俾Regina 同阿paul 佢地，同佢地講我番唔到去開會
點知原來最後係得兩個人開會囉~haha~其中一個仲係Regina 添！
我through icq send o左套movie 俾佢地，而我隻左腳就愈o黎愈痛.........
等到四點幾我細佬番到o黎o既時候，佢會陪我去醫院，點知，haha，仲唔理我，亦都唔送我
咁我就一個人call 白車入醫院，我仲記得我四點半鐘打電話，架白車五點三個字先o黎到
如果我真係o係呢九個字入面有事，都唔知點算........
上o左車，個救護員話我血壓好高，可能係個人好緊張，隻腳又好痛，所以有o的誤差
去到醫院，個救護員哥哥好好人，幫我手登記，又叫我自已小心o的........
等o左唔係好耐，個零鐘左右我就見到個醫生，我一心諗住入o黎check o下，應該會冇事就走
點知照完x 光之後等o左好耐都未得，而Jones 同Karson 就o係我照完x 光之後o黎到
我仲記得我係七點五個字照完，我地之後三個人一直係咁等，等到成九點幾個醫師先走埋o黎
同我講話要我留院觀察，嘩，我心諗：「死啦，我都冇諗住會咁大獲要住院o架......」
咁我就同醫生講我唔想入院，因為我仲要番學，但係個醫生一講完一句話：「你諗o下先啦.......」
佢咁就走o左喇.......之後等o左個幾鐘，成十一點o既時候個醫生先再出現，仲見我講
：「你宜家行都行唔到，番屋企都唔得啦，仲諗住番學？咪玩啦......」
聽完佢呢句，我都冇說話好講，咁我就唯有死死地氣留院la........
入到病房，同o的醫生講o左一陣，阿yan 就到o左喇，仲買o左o的o野食上o黎
雖然係一支水同兩包餅乾，但係我都已經好感動..........
因為o岩o岩阿yan 成十點幾先收工，o黎到o既時候已然係成十一點幾...........出面仲要好大風........
雖然整親隻腳係好唔開心，但係............之後我大哥攞o左o的毛巾、牙刷、牙膏
咁阿yan 就走o左lu~之後同大佬講o左一陣o野，咁佢都番o左屋企喇~
全部人走哂之後，我就o係度傾電話，一來有好多人瞓o左，兩來佢地又要番工
咁講o左一陣我都冇講落去lu.......就係咁過o左我出世之後第一次入醫院過夜o既第一個晚上.......









雖然成晚都係痛到瞓唔著，但係都係好開心o既.............

>>February 2, 2005 at 11:41:01 AM GMT+8

2005 年 1 月 29 日 星期六 【乍雨乍晴】

今日八點起o左身，咁早起身唔係因為我唔想瞓，而係我已經瞓o左大多喇
因為我琴晚八點鐘就走o左去瞓覺lu.......
起o左身食埋o野我就番o左city 睇o下cb 個present o的資料
不過睇o左一陣都冇咩心機睇，因為有答案o既原固lor...........
之後同vivian、crystal、leo同yonnie 傾cb
不過唔係傾o左好耐就傾完lu~
之後同jones 吹o左一陣水~
佢就開心啦~咁我之後就去o左俾番本書regina，俾完佢之後，又同regina 吹o左一陣先走
所以，到走o既時候都已經成四點鐘lu~
番到屋企o既時候，原來都冇咩有做過，唉~
一執就由五點執到成十一點，最慘o既係仲有好多o野未攪掂o丫嘛...........
十一點幾先食飯，沖完涼都成十二點幾......唉~又成一點鐘成瞓喇我............

>>January 31, 2005 at 4:29:50 AM GMT+8

2005 年 1 月 28 日 星期五 【雷雨】

因為琴晚成四點先瞓，而今朝又七點先o左身o既關係，今日全日都係頭昏昏欲睡
今朝一早就起o左身去Ken 少公司攞電鑽，攞完o野我地就去o左m記食早餐
之後我就番o左屋企放低個電鑽同hea o左一陣，hea 完就走o左去剪頭髮
去到o個度好多人，好彩我唔駛揀師父，唔駛一個鐘就攪掂走得人
跟住就同家雄去o左唱k，仲有偉爵爺同龍哥tim！
不過邊唱k，我就邊瞓覺，因為太過攰喇.............
唱完k諗住番屋企o既時候，打俾jones，咁o岩我又o係九龍塘地鐵站
所以我就上o左去又一城去搵佢
點不知佢又係買o野俾christie ...........唉.......值得咩？算啦，最緊要都係你地兩個都開心遮！
之後我地一直吹水吹到七點幾，jones 就走o左去食飯，而我就番o左屋企度瞓覺









唉......今日完全失哂預算囉！本身都冇諗住出街玩，星期六日都應該要留o係city 溫o下書
點知............一定唔可以再有下一次呀！>.<

>>January 30, 2005 at 1:30:55 AM GMT+8

2005 年 1 月 27 日 星期四 【暴雨】

今日成日都係處於一個好眼瞓o既狀態
一朝早六點半已經起o左身，沖o左個涼之後，打電話叫阿yan 起身
之後就換衫同hea，番到city o既時候都已經搭正八點半
上o左一陣finance，就邊玩sms 邊上堂，所以都冇瞓過
上完堂就同o左阿Ben 去又一城間EXP 度食lunch，阿jones 又話同我地一齊食
點知佢到阿ben 差唔多上堂先o黎到囉，所以坐o左一陣就走o左lu
之後番o左city 搵Regina，吹o左一陣水，好眼瞓，瞓著o左囉............-_-''
瞓醒就走o左去上sunny 堂，今堂去得好快，好辛苦，有o的o野都miss o左
上完堂去o左食tea，又係邊食邊吹水，本身jones 都話o黎o架
佢又話要去攞回鄉証，不過佢o黎到o既時候都已經係四點八個字.........
雖然我地三個前後講o左唔夠廿句o野，jones 就咁就去o左攞o野
到o左五點半，終於都開interactive skill 個會喇，不過全程大家都好似未warm up咁
所以，星期一又要一早番去開會..........>.<
開完會又落o左library ，本身諗住溫書，但係掛住傾，都唔知時間約o左偉大少
卒之九點四個字先到旺角會合，之後去o左食打冷，好飽~~~~^^
食完o野行o左好耐去搵電話，不過唔o岩budget，所以都冇買到
等到咁上o下，阿yan 同chris 同冰冰去睇戲，都差唔多時間，所以最後都一齊睇o左「恐懼鬥室」
嘩~~個結局都真係估你唔到囉！原來一開始死o左o既o個個人先係幕後黑手........點估好呀！？
不過阿yan 睇睇o下話頭暈，原來佢見到血係會頭暈o架wor....真係估都估唔到
佢今日o的咳仲勁過早幾日囉！都唔知佢有冇食到藥o架！
睇完戲去o左食糖水，不過間o野都就o黎收，所以坐o左一陣間就走o左lu，而且大家都好攰喇.......
番到屋企又係打埋呢篇日記先瞓囉.........早抖喇~good night









是時候決定困局的去留

>>January 28, 2005 at 11:46:49 PM GMT+8

2005 年 1 月 26 日 星期三 【晴】

唔經唔覺都已經係一月o既廿七號，原來sem break 到宜家經已有個幾月
但係成個人都仲係好holiday mood，點算~!?
今日一早就換好衫，之後去o左問家雄攞o野，攞完o野就番city
番到city prepare 個interview，點知都好似冇咩用添.......
因為個interview out of my expectation，所以，好無奈咁死o左............
interview 完o左就落o左csc print o下o野，攪o下阿yan 份taxation 功課
攪掂之後去o左睇jones 佢地打波，好熱~行到成身都係汗
之後上cb 係咁瞓，皆因好攰，唔係好想問問題
上完之後，去o左library 同regina 睇vcd，睇o下有邊隻o岩個interactive skill
不過睇極都唔o岩心水，之後阿paul 又o黎o左，大家都仲係冇咩共悉
睇到八點幾，好悶，所以決定o左要走，走之前去o左tax o個班hea o左一陣
hea 完就去o左行又一城，行到去老麥，regina 食o左個新地，而我就食o左個雪糕
食完o野就吹住水等阿yan 放工，點知等得佢o黎去到南山都已經成十點~
之後食o野食到十一點半先埋單lor........好眼瞓喇........
早抖啦大家

>>January 27, 2005 at 4:46:55 PM GMT+8

2005 年 1 月 26 日 星期三 【晴】

唔經唔覺都已經係一月o既廿七號，原來sem break 到宜家經已有個幾月
但係成個人都仲係好holiday mood，點算~!?
今日一早就換好衫，之後去o左問家雄攞o野，攞完o野就番city
番到city prepare 個interview，點知都好似冇咩用添.......
因為個interview out of my expectation，所以，好無奈咁死o左............
interview 完o左就落o左csc print o下o野，攪o下阿yan 份taxation 功課
攪掂之後去o左睇jones 佢地打波，好熱~行到成身都係汗
之後上cb 係咁瞓，皆因好攰，唔係好想問問題
上完之後，去o左library 同regina 睇vcd，睇o下有邊隻o岩個interactive skill
不過睇極都唔o岩心水，之後阿paul 又o黎o左，大家都仲係冇咩共悉
睇到八點幾，好悶，所以決定o左要走，走之前去o左tax o個班hea o左一陣
hea 完就去o左行又一城，行到去老麥，regina 食o左個新地，而我就食o左個雪糕
食完o野就吹住水等阿yan 放工，點知等得佢o黎去到南山都已經成十點~
之後食o野食到十一點半先埋單lor........好眼瞓喇........
早抖啦大家

>>January 27, 2005 at 4:46:55 PM GMT+8

2005 年 1 月 25 日 星期二 【晴】

今日上八半o既company law，阿mon 終於都有番喇~
點不知一上堂個miss就叫我唔好食香口膠lor..........都唔知自己做錯o的咩
上完law 同阿mon 去o左食lunch，本來諗住食完lunch 去搵chris 攞鎖匙
點知chris又早放，而chris 上緊o黎搵我o既時候又見到regina，咁我呢隻信鴿就可以休息o下la~
之後去o左上taxation，都仲係教得好慢，而且仲要唔係好識tim，都係時候俾多o的心機溫書喇！
上完taxation 走o左去同tony 食tea、睇醫生，原來我唔係有病，而係有鼻敏感
食完藥個人都真係好o左好多lor~之後就同regina都搵interactive o既movie~唉~搵極都搵唔到lor
灰到暈呀~~~之後留低o左打埋份tax assignment，打o左好耐，因為之前做o既時候漏o左好多o野.....-_-"
打o下tax 又同regina 吹o下水，點知打到成八點幾先起到貨~.............
regina走o左之後，攪埋cb o的手尾，我都同阿jones 一齊走喇..............大家都係好灰o既男人.........
番到屋企打o左俾阿yan、又打o左俾rainbow，宜家玩住icq 打日記
都差唔多喇~係時候要瞓lu~聽日仲要interview，攞vcds，攞notes........好多o野做呀~........

>>January 26, 2005 at 4:07:00 PM GMT+8

2005 年 1 月 24 日 星期一 【晴】

呢幾日o的天氣都唔係好熱，所以我都唔係著得好多衫jar
今日八點半就番o左city 搵資料上elc 個academic essay
搵o左一陣，阿man 就打o黎話要攞番條key，咁就十點兩個半字出o左去
見到阿man 之後同o左佢吹o左一陣水囉，大家都係好灰o架喇.......唉~
之後上番去上elc ，點知kenneth 調o左o黎我o個班lor！真係開心，本身o個班都冇人識o既，宜家就唔同lu~hehe
上完elc 去o左同阿豆、kenneth、chris、polly 同angel 食飯，食完o野我就走o左去csc 攪埋份preparation
攪掂份o野之後都差唔多時間，搵o左元元食tea 之後就上interactive......咁又兩個鐘.......
不過真係好好彩lor~可以同阿paul 同regina一組，真係開心死我喇~hahhahahahahahahahahaha^^
上完interactive 同regina 落o左library坐o左一陣~因為都唔係好想溫書，所以都係上o左podium hea
hea 完就走o左去上elc current issues........又hea 又悶.......好辛苦lor
上完之後就出o左去旺角同regina&阿yan 食飯，我諗呢個moment都可以算係全日之中比較冇咁辛苦o既時間
我地由十點食到十一點........都眼瞓lu~就走la~，其實女仔堅強唔係唔好
不過小鳥伊人真係會更討人歡心o既........但我又唔覺得一個女仔吸唔吸引又唔係淨係睇呢樣o野o既~
勁o既男仔，講真，又點會介意個女仔勁o丫！只要個男仔有足夠o既信心咪得囉！









I don't wanna miss the bus again..............

>>January 25, 2005 at 5:14:43 PM GMT+8

2005 年 1 月 23 日 星期日 【晴】

今日八點起身，諗住早少少番city 攪掂taxationo的o野la~
點之o岩o岩出門口o既時候，jones就打o黎~就係咁，我又陪o左佢成日
大家一開始都講o左話會放得好低，講就梗係易la~，做就真係好難o架.........
俾著我~?我都未必有可能做得到，人就係咁o架喇.....
陪完jones 上fm，走o左去sit 3320，都冇聽過佢講書咁滯lor，都唔知佢想講o的咩~
咁我就同jones 做完個quiz 就走o左..........無聊都嘔lor~
上堂3320 同Regina&阿葵去食tea，當然宜家介緊口o既我就冇咩o野可以食啦~~.........
食完o野就落o左去library 打埋份taxation，其實都唔係好想做，因為實在太多喇，唉！
打完taxation 份o野，Regina 就走先，而我就一直hea 到 Oscar 落堂就去o左食飯.........咁就又一日........

>>January 24, 2005 at 11:29:55 PM GMT+8

2005 年 1 月 22 日 星期六 【晴】

今日一早起o左身lor~ken 少又話call我食早餐......之後又冇o左聲氣......妖........
之後番o左city......唉~都冇乜mood 溫書lor......成日都傻o下傻o下咁............
今日同jones 傾o左好耐，俾佢估到哂我宜家個心諗緊o的咩lor~，真失敗
食tea o個陣搵埋阿ben，雖然大家應該係敵對，但我對佢o既態度一o的都唔似........
之但係我仲係唔可以將呢種態度對阿shing，可能俾多o的時間我，我可以接受番佢
食完tea ，都唔係溫o左好耐，都好似冇咩心情.........唉~
份tax assignment 做唔到一半就要print notes............
算啦~都係咁o架la~print 完notes 之後同kason and jones吹水
吹完水就去o左jones 屋企攞o野.......之後又傾o左一陣電話
之但係，真係要改o下la，o的分鐘真係唔係好夠用.............

>>January 23, 2005 at 4:30:43 PM GMT+8