2005 年 3 月 11 日 星期五 【乍雨乍晴】

今日唔經唔覺已經係星期六喇，原來唔開心o既心情都已經延續o左咁耐
講真，有時有o的o野真係唔到我地去control，你可以做o既就係積極o的去面對
信相自己會走出呢一個谷底，任何o野都會有轉機........
呢兩三日將會好凍，凍到得番十度jar~真係要小心o的，尤其呢排咁多assignment 同mid-term
好好保養o下個人，我唔想我自己o既成績唔好，而令到我達唔到我o既目標
今日都好晏先起身，九點起身，出門口o既時間，又落雨wor，等埋我二哥幫我
我先至出得門口，番到city o既時候都已經係成十二點lu~
咁我就一個人溫住書先啦，Regina 又未番到o黎~，仲有美艷動人o既Flora 姐都番到o黎~
所以我就一個人溫住o的悶書先啦，到o左十二點半，我都走o左出o黎
因為約好o左一陣周家國術開會，所以「有書溫不得」，但係點知到，約好o左一點鐘開o既會
一點半都仲係得四個人，唉~無奈到暈o左o係度lor~之後元哥係咁打俾其他人問o下番唔番wor
最後都改o左星期三先開.......食埋飯hea 到三點，諗住Regina 同Flora 應該食完飯啦
點知打俾佢地o既時候先至o岩o岩o係m記開始食o野，咁我行埋過去hea 多一陣
咁我地先至番library 溫書，不過真係估都估唔到，o係library 度原來Matie 都o黎o左
之後仲有阿Ben 添呀~!!!!!Flora 姐真係勁到爆呀~~~~~~估都估唔到會有咁多人一齊囉~正~~!!
雖然佢地大多數都係溫到七點就走，不過都好耐未試過同一大班人一齊溫書喇~hehehe~
點到九點到啦~Regina 同我一齊行出紅門要走o個陣，咁o岩又見到阿Shing wor~
佢話宜家先番o黎溫書wor~o下~~唔係嘛......九點幾鐘喇wor~.......仲番o黎~
番到屋企又係食飯同講電話，講到兩點到啦~又走o左去瞓lu~~

>>March 14, 2005 at 2:25:06 AM GMT+8

2005 年 3 月 10 日 星期四 【颳風】

大家小心o的喇~今晚開始就開始凍喇~~星期日仲會係得番八、九度tim ar~
記住著多件衫先出街喇~話說今日又係一早番到city~不過都唔係好早
都成十點先番到，一番到就去o左library 搵位溫書，都係「老地方」
十一點到啦，上o左department 攪o的o野，好麻煩，之後同Kelvin 講o左兩句
問o左佢關於make up test o既o野~佢話唔知wor~要再去追問Richardson 先知
咁我都係落番library 溫o下書好過啦，之後hea o左一陣~又溫過
一點零鐘到啦，Regina 同Mavis o係南山食完飯番o黎，想轉過個位，咁就冇o係老地方到溫啦
溫多o左一陣，阿Paul o黎o左~同四點幾啦，阿Paul 去o左開會，我就去o左補習
好攪笑，Mavis 走o個陣同Regina 講，話後面有個男仔係咁望住佢wor~haha~
起初我都唔信，點知真係lor~，Regina 同我就開始傳紙o係度寫o下個男仔
點知寫o下寫o下話o左我o係個男仔個target......-_-'''' 成日o係度質疑我o既取向.....灰爆
補完習溫多陣，到o左八點半，我地去o左foodcourt食o野，又係金泰河度食~都冇咩食
食完又番o左city 溫多一陣~十點九到走，番到屋企又係咁打電話~Regina~Rainbow~......
好夜先瞓~三點....好攰

>>March 13, 2005 at 1:59:01 AM GMT+8

2005 年 3 月 9 日 星期三 【炎熱】

終於都要開始面對下個星期o既功課同測驗，宜家o既我就只有無奈同焦急........
今日朝頭早去o左QE做物理治療，今日個治療師開始要我隻腳鬆到九十度
而且仲要我隻左腳開始踩力，一開始都好辛苦，話哂咁耐都冇乜屈過
屈起o既時候真係有o的痛o架~！之後踩力都踩到留哂汗......好熱~.....
咁我之後當然係番o左去city，琴晚趕起o左o既o個份cb仲未print
所以我就落o左去csc 喇~，咁我一番到去o既時候都已經成十一點鐘
print 完cb 同com law o既notes 都已經十二點幾，之後Regina 番到o黎打o左俾我~
咁我就順手幫埋Rergina print 份cb notes~print完都成一點~咁因為Regina要上堂
咁我地呢o的大hea 友就等埋佢上堂之後就周圍係咁hea~咁我先上department
再去o左canteen食o野，最後就去番blue zone個study area度坐同瞓.......
我琴晚都係瞓得o個四個鐘唔夠jar~俾o下面啦~......>.<
hea 到三點半就去o左上CB，今日好彩都冇咁悶~如果唔係就真係死俾你睇~.......
咁上cb o個陣要傾定我地個project做o的咩topic~本身諗住做「CEPA對中國的影響」
之但係CEPA實在太過香港，而且好難搵料，咁之後就轉o左做中國的旅遊業
其實都好開心，好耐都未試過有咁多人接納我o既意見喇~hehehe~
講真~今個sem o的o野真係搵唔到我o既自信番o黎，major 唔駛講~咁多人都讀過哂~
追得到都偷笑，而我o係interactive group meeting 入面提出o既意見都冇咩邊次有人接納
唉~真係冇咩信心，又要受o左傷呢~個人好頹廢囉
咁上完CB就諗住搵Regina 溫書，原來Regina 同阿Paul o係library溫緊
咁我又唔係咁方便wor~咁咪o係study area 溫住等囉~
七點鐘鬆o的啦~先至見到Regina o既蹤影，咁Regina 就o係度溫3320，我就溫com law
好多o野做~今日都係睇得o個十頁lor~好少呀~點算呀~!
九點鐘到Mon 姐打o黎話俾番o的notes我~，仲講jor陣先走~不過因為Regina要番屋企食飯~
所以我同Mon 姐吹緊水o既時候Regina就走先~不過我九點半到都o係city 走o左lu~
番到屋企又係食飯同傾電話，好攰，不過我要堅持！
就算全世界對我講話我唔得，我都要堅持！









仲有成三個幾禮拜，好難捱呀~~~~~

>>March 13, 2005 at 1:45:46 AM GMT+8

2005 年 3 月 8 日 星期二 【炎熱】

今日一早上company law，八點四個字就已經番到去city，去埋個toilet 就開始上堂
好勁呀~今日com law冇瞓過呀我~不過仍舊係聽唔明佢講咩......
放break o既時候打過俾Regina，我聽錯o左Regina會番o黎city食o野~點知唔係~
咁放o左com law 之後行o左過去library再打俾Regina先發覺自己聽錯........>.<
咁我唯有一個人上去canteen 買o野食啦，因為今日阿Mon 又冇番com law
得我自己一個人，好辛苦，要自己斟水、買o野食，最麻煩都仲係要揸住兩支拐杖
都攞唔穩o的o野食.....跌o左落地......，食完o野仲有時間，所以落o左去csc print o野
打俾Tony 同Regina 問o下佢地要唔要notes~，Tony 話要，但係Regina 就feel唔到有震~所以冇接到電話....-_-''
print 完o野上番去，俾埋本company law Terry，開始上taxation，又係好似上一堂咁
一開始都聽得明Kelvin 講咩o既~不過到o左後面interest expense o個度就唔係好明~
好辛苦咁又捱過o左三個鐘~我諗我Easter 真係要番o黎惡補o下o的taxation喇
上完堂同Tony 去o左食tea~咁因為Regina 要同一個生日o既friend 去食tea 慶祝
所以今日冇join 我地，咁我同Tony 食完o野~去o左搵地方補習
今日幫家豪補provision for depreciation，佢唔係好掂.....開始有o的擔心佢個exam
補完習去o左搵Regina 溫書，原來阿Paul 都o係度，所以我就坐o左o係佢地後面
今日唔係溫o左好多，不過，搵o左o的CB o既資料，都應該夠我用
九點鐘到啦，Regina 要番屋企，一齊出o左library 之後，我就一個人上o左去五樓o的圓檯度hea
係咁傾電話，又係咁同jones 吹水，十點鐘到啦，我都要番屋企食飯.......
番到去屋企，又係咁打俾人幫阿Yan問o下有冇taxation 本書
不過問o左好耐都冇........所以最後都係要麻煩Regina 帶番o黎~..........
今晚講完電話都已經係一點，之後仲要打埋份CB o既 assignment
最後成三點先瞓lor~......做埋呢份功課~仲有好多o野要做呢........唉.......









心情唔好，個人唔係幾開心................好想發脾氣..............但係~咪又係咁~
放鬆o的啦.............

>>March 11, 2005 at 4:02:53 AM GMT+8

2005 年 3 月 7 日 星期一 【炎熱】

呢幾日個天氣開始溫番好o的，都有成十八、九度左右，不過對我o黎講唔係一件咩好事
因為天氣暖o左，隨之而來o既係濕滑o既地面，宜家我行路又唔係咁方便，所以我寧願凍o的
今日係我地interactive present reenactment o既大日子，所以今日都瞓到好晏先出門口
十一點鐘度，我先番到city，本身諗一番o黎就去print o野，因為我張學生証放o左o係Regina度
我又問極都問唔到o的人借，所以都要等埋Regina番到o黎先至去o左csc print o野
十一點九到啦，Regina 番到o黎，點知Regina 同o的friend 傾o左一陣再行過o黎囉.....-_-''''
因為Regina 要上company law，我就自己一個人落o左去csc，其實我都唔明
print o的interactive o既transcript、written report同vocab list 竟然要個傷o左o既人去做.....都冇解o既
不過今日真係好黑仔，一o黎已經搵唔到人借學生証o架啦，點知攪o左成個鐘o既written report
竟然因為han所以要重新砌過......灰爆.......本身諗住一點半一定print 得哂
點知要攪到兩點三先攪得掂囉！咁本身Regina 要上company law，但係因為好辛苦
上o左一個鐘就o係break o既時候走o左，入o左library o既時候先係一點半，到o左兩點半我又要上SI
所以最後都係上完SI 先至去買tea食，食完tea，番o左去preparation o既o個間房，re o左一次
咁因為阿Paul 有事唔得閒，得我地五個人，又所以要搵Debby 幫o下手做阿Paul 個角色
好攪笑，Debby 叫Eric 唔好「oh」佢，因為我地有一幕要打交，所以Debby 就叫定Eric唔好當佢係阿Paul
present o既時候都真係幾緊張o架，大家今日都發揮得好好....除o左我之外.......
present 完，到o左我地睇人地組present，估到估唔到Tony 個friend 阿康可以咁攪笑.....
仲有Effect 先生Peter 簡直就係一絕.......笑到肚都痛.......
之後六點半鐘去o左上sunny o既corporate accounting，好多人，最少有六十人囉，迫到暈咁滯
本身都好好地，因為有Mavis 幫Regina 同我擺位，但係因為個projector 唔生性
所以攪o左一次大逃亡......好慘~因為我搬唔到，所以入唔到去另一間房.....
點知，不來間房o既o個部projector 又開得番，而我又冇入到另一間房wor，所以最後都可以有位坐
仲可以幫埋阿Yan 同Regina 擺位tim，上完堂，去埋locker，我地去o左又一城o既一間o野到食飯
食就幾好食，不過都貴o左少少啦，都好o既~因為都幾飽o下~hehehe~
番到屋企打俾阿Yan、Regina，不過~今晚想早o的瞓，因為聽日八半上company law
所以傾到十二點到就去o左瞓lu~~.............

>>March 11, 2005 at 3:41:46 AM GMT+8

2005 年 3 月 6 日 星期日 【微冷】

今日一早就去做物理治療，之後又見埋個醫生，排o左期四月四號拆架還拐杖
即係話我四月四號就可以好番哂，不過自己都係冇咩信心o係呢短短o既四個星期好番哂
好似好快，不過原來做手術已經兩個星期，宜家隻腳唔駛吊住吊住已經好好
因為覆診等o左好耐，所以成一點三先入到去doctor room，講o左兩個字唔夠就走番出o黎
先前仲等o左成兩個鐘..........>.<.....咁我之後一點九到番到city，同二哥食o左o的o野
等finance 放break 入去，中途o係podium 見到好多人，又好多人問我咩事
其實大家都唔駛大驚小怪，最辛苦o既時間都已經過o左.....宜家見到o既我已經好番o左好多
之後去o左上finance，好悶，都唔知學o左o的咩，好彩我入o黎之前教o既係學過o既遮
落o左堂同Regina 一齊去o左買tea 食，食到咁上o下，Kelly到o左，佢之後買o左個飯o黎食
見到個飯都覺得飽........食完o野，hea 多一陣，去o左B5-309 到睇o下o的音響
去到o左一陣Eric都到埋，set 好o左o的o野之後，又可以諗o下rehersal，不過途中大家諗起
原來聽日要交一個written report，所以，Kelly 同我就一齊係咁做、係咁諗.......
點知做到九點幾都唔係做o左好多wor........六點半到啦，阿Paul都o黎o左，咁又開始rehersal
不過今日o既阿Paul 有o的怪，一o黎到o既時候黑哂面lor~......唔知邊個得罪佢呢.......
希望唔係我啦.......因為要打o個個written report，Kelly 就落o左csc 幫我借o左部notebook
我就負責到住report先，其他人就o係度排o下套戲同埋成個run down
因為想更加似聽日o既presentation，我地九點半就去o左搵blue zone o個o的房
搵o左好耐，唔係o的房有人呢，就係間房部電腦有問題，攪o左好耐
十點鐘先至搵到房，其實大家都辛苦，因為由四點幾五點排到十點幾......個個都歸心似箭....../
十點三個字一re完，個個都趕住走，咁我地呢o的傷殘人仕就唯有慢慢行啦~......
番到去又係食飯、傾電話同瞓覺啦~......早抖~









期待四月四號的來臨^^

>>March 11, 2005 at 3:13:35 AM GMT+8

2005 年 3 月 5 日 星期六 【乍雨乍晴】

今日番o左city 排interactive，十一點未夠都已經番到
又攞住份property tax o係度溫，好彩o係排之前都已經溫哂
唔知幾時先會補測，所以都係快o的溫熟o左有著數
一點三到啦，阿Mon o黎問我攞corp account notes，仲問我食唔食飯
Mon 姐真係o黎得唔o岩時候，最後攪到我係最遲入去o個個tim
食完o野都已經係兩點，o的groupmates都已經o黎齊哂tim 喇
咁就開始排o下戲，諗定聽日o個個rundown
為o左唔想同Tony o個組撞Oscar，所以局住要「度」過.......
好彩都諗到用casting囉~hehe~其實到o左四點幾o既時候都已經傾到冇o野傾
只不過係o的人又唔走，o係度死hea......成班友o係度上網睇yahoo友緣人.......
hea o下hea o下都成六點半先開完，阿Paul要番屋企，而Regina 就因為冇帶notes番o黎
所以都要走先，阿Paul 就六點九走，而Regina 就陪我陪到七點先走
先前見到佢唔係好講o野，原來Regina 唔舒服頭痛，所以冇乜講過o野
Regina 走埋之後，我一個人o係podium 度坐，o係度hea......
hea 到咁上下，想溫company law，又見到Tony wor，大家都唔係幾開心
係咁傾、係咁傾，七點傾到九點半先走，中間見到阿King、阿Kit同Ben Ben
原來我同Tony大家都係同一樣o既諗法，真係估唔到.........
番到屋企，食飯-->傾電話-->瞓覺........點半瞓........
好攰呀.........









手術後第十三日，已經好o左好多，又適應o左唔少.......
聽日又要覆診喇......唔係好想去呀......仲要做物理治療tim ar~又要六點幾起身lor









o的螢光筆好靚呀~多謝哂.........

>>March 11, 2005 at 1:06:07 AM GMT+8

2005 年 3 月 4 日 星期五 【乍雨乍晴】

因為前幾日都有好多o野忙，日日都唔係瞓得好夠，所以今日瞓o左好多
雖然我大哥今朝一起身番工就播歌，攪到我八點幾鐘就醒o左
不過我之後晏晝又瞓番，點半鐘瞓到六點鐘呢........
係中間同Regina傾電話傾o左大半個鐘~個人先至叫做醒番多少
可以係呢幾日番學，個人唔係好適應啦！今朝起o左身之後食o左o的o野
跟住就o係度打番哂之前未打o既日記，一打就打o左我幾個鐘~
咁我又hea o下hea o下咁wor~所以又打得慢~又打得少囉
我諗呢掛個日記都唔會再得咁多o野o架喇~因為都已經o黎到mid-term 同assignments o既高峰期
所以多o野寫極有限啦......宜家都係時候要俾多o的心機落去溫書喇
六點鐘起o左身~又hea 多一陣~就開始溫property tax~
有少少唔明~不過都應該係o的minor o既o野
如無意外，聽日都應該會溫得哂o的property tax o架喇~
咁我下個week 就可以work on company law assignment 同finance revision
今晚睇o左獅子王，幾touching，好多寄意，好多meanings
之後一直玩icq，到宜家.....好似冇做過o的咩，個人又好攰wor
不過今日真係比前幾日開心o左，可能係搵多o左人傾，宜家個人冇咁自卑......
手術後o既第十一日，已經係recovery period o既四分之一
希望可以再快o的好番，俾我去多謝每一個o係呢段日子照顧過我o既人
「得人因果千年記，得人花帶萬年香」，對我最好o既人，我一定會用最好o黎對佢！

>>March 5, 2005 at 4:41:22 PM GMT+8

2005 年 3 月 3 日 星期四 【乍雨乍晴】

今日約好o左番去做物理治療，一早又要六點起身，勁辛苦囉......
攪o左一大輪，又沖涼、又換衫之後，八點三已經出o左門口
去到醫院做o左一大輪之後，差唔多成十點鐘個治療師先俾我走.....
番到去city o既時候都已經十點四、五，咁因為Regina未番，咁我就自己一個人溫住書先
十二點三個字到啦，Regina番到o黎lu~之後去o左canteen 食飯
番到去圓檯，Regina去o左搵Mavis吹水，咁我就一個人留o左o係度抄番上個week ca o的notes
冇幾耐Regina番o左o黎~都差唔多要上ca，點知一入到去原來已經冇位淨.....灰-_-'''''
咁都冇計，所以就坐o左o係最後o係排，跟住Sunny就開始講書，講employment benefit
原來上一堂都已經講哂short term benefit，今日一開始就已經係long term benefit
所以唔係好知佢講緊咩，一邊上一邊想快o的落堂囉，而我隔離o既Regina都相差無幾......
好辛苦咁上完三個鐘o既一堂，Regina要去搵房排戲
咁我跟住上o左去department 攪SI payroll o的o野，攪完落o左o黎搵元少簽名
本身要補四點半，不過今日補五點半.......所以就去o左陪Regina佢地排戲
到o左五點半，家豪o黎到，開始補習，唉~個半鐘，做o既o野真係唔多
家豪又不求甚解，o的concept又唔清，都唔知宜家可以點樣幫佢.......
補到七點到啦，去o左搵Regina 溫書，阿Paul 都o係度.........
o黎o左一陣阿Paul 就去o左搵friend 食飯，而我二哥八點零鐘o黎o左我都要走.....
咁就淨番Regina 一個人o係度傾電話啦......番到屋企o既時候都九點鐘
原來今晚打邊爐，都冇o野食.......十點鐘已經食完，跟住就係咁打俾人
不過o係食o野之前都已經打o左俾阿Yan，講就講o左好耐，不過係冰冰同我講囉！>.<
食完o野之後係咁講電話，十點講到一點三......先先後後Rainbow、Paul、Mon、Regina同Jones
講o左好多o野，但係仲有好多o野想講，番學o既呢一個禮拜，其實我好唔開心
因為自己每一日都有個包袱就係唔想帶負累俾其他人
雖然我好嬲我大哥講過一句，不過o個一句真係好o岩，就係「個個人都係對等o既，冇人有責任服侍你o架！」
個人由出院o個一刻到宜家為止，我都係有一種好強烈o既自卑心......
我驚自己o既朋友唔理我，我可以承受一些陌生人歧視我、嫌棄我
但我真係承受唔起我o既朋友唔支持我......









手術後o既第十日，一切都安好，只不過自己都仲未可以克服









吃X..........>.<

>>March 5, 2005 at 2:01:51 AM GMT+8

2005 年 3 月 2 日 星期三 【晴】

今日又係如常咁等我二哥送我番學，不過今日3800 要interview
咁我都早o左少少起身prepare o左一o的o野，不過都冇乜用
十一點鐘去到interview，都好似冇咩o野講咁囉，我諗五分鐘到就in 完~
個interviewer 問我個career path，咁我就講入big four、考牌、做partner同second
雖然自己冇mark 到o的時間，但係都in 得好快，可能係因為聽到其他人講
話interview 只不過係用o黎auto screen out o的gpa 低o既學生wor
食完飯之後hea o下hea o下咁溫taxation，都差唔多溫哂salaries tax
之後阿Yan 打o黎話取消今晚同冰冰慶祝個飯局，咁就打o左Matie 同Ben 哥
點知上完CB 之後又話一齊食wor~之後又要打番俾佢打~Regina 最慘~
佢打俾Matie o既時候，Matie怪佢又話食又話唔食.......冇人想o架........算吧啦~
今日堂CB 睇碟，個人係咁瞓，好無聊囉！上完堂同Regina 溫o左一陣書
之後就搵埋Ben 哥去又一城意粉屋度join 番阿Yan佢地
今晚有主角冰冰啦、Ben Ben、Matie、阿Yan、Regina、我，仲有個好耐冇見o既Flora姐tim
七點半開始食，食到九點幾，之後番屋企lu~
本身點o野之前都有問過佢地係唔係有cheeze，不過佢地唔為意就算啦......
之後又係o係度傾電話，今晚同Regina傾o左一陣，又同Rainbow 講o左一陣
個人好空虛，好想搵人陪我講o下o野咁.......









手術後o既第九日，平凡得o黎又好開心
今日名句來自Flora姐o既o個個句：「女仔要人迫o既，唔好樣樣o野都問，做o左先算
個女仔雖然個口話唔鍾意，但係個心不知幾想你咁做。」
可能我真係冇咩慧根，成日都驚hurt 到人，成日都諗埋人地o個份.......
人與人之間相處在乎坦誠、尊重，我唔喜歡講大話，又唔想傷害其他人.........

>>March 5, 2005 at 2:33:05 AM GMT+8