2005 年 3 月 1 日 星期二 【晴】

今日有堂八半company law，唔開心，因為同大哥嘈，俾佢鬧o左幾句
我都知我自己冇用，成日受傷，之後又要人地照顧我，係我衰.......
今日上company law，又係狂o係度瞓覺，都冇心情上堂，係放break 之後打o左俾Regina
個人先開心番少少，上完堂去o左搵Mon 姐食飯，今朝阿Mon冇上company law
打俾佢先起身去食飯，今日個company law個miss又長氣，十一點半先捨得放學
又唔知佢講咩wor~灰爆，食完o野就去o左上Kelvin o既taxation
我心諗~今次都唔知點死，salaries tax都未溫哂~又要教profit tax......今次實死冇生啦
今堂都係唔知佢想講咩，頭一個鐘都仲聽得明o既~之後就......想聽都聽唔明
上完堂去o左食tea，有Tony、Regina同埋一個女仔~唔知咩名~sorry
食完o野，先拜別Tony同o個個女仔，咁我就搵o左張圓檯諗住幫家豪補習
搵到之後，Regina就落o左去library溫書，因為一陣間要interactive rehersal
一開始補，好似好o左少少，因為家豪學o左一陣自己都識得做喇
不過始終我都覺得要補底先至係重要o的o既~.......
補完都成六點半，之後搵Regina~隨便俾o的意見佢地個reenactment
其實都仲有好多o野要改，俾心機啦~大家~
排完戲去o左M記食晚飯，不過之前又hea o左一大輪~咁Regina就講起一樣好笑o野
Regina 話o的男人見到o的長頭髮o既女仔o係前面，通常都會行快o的諗住睇o下個女仔個樣
咁如果o的男人睇到個女仔係靚o既~固之然會繼續望，而如果唔靚o既話就會即刻行開~
又或者行番慢o的，而Regina仲話，如果真係靚o既女仔通常都會行得好快
除o左行得快之外仲會望住地下o黎行，因為怕俾其他人望住哂
而如果覺得靚而事實上又唔靚o既女仔就會o岩o岩相反，行得慢之餘仲會顎高頭~
咁我之後又問Regina自己又係點~.....Regina一開始冇應我
之後答我佢係停住o係度周圍望o個種~hehe~
食完飯番到屋企都好快瞓o左lu.....好攰呀









手術後o既第八日，已經可以行到好遠又唔攰
突然之間覺得個胸大o左~雖然我唔係女仔~唔應該太開心
不過~始終都係想瘦o的好......

>>March 5, 2005 at 3:23:08 AM GMT+8

2005 年 2 月 28 日 星期一 【乍雨乍晴】

星期二，番學上堂o既第二日，因為已經drop o左兩個ELC
所以都已經冇咩堂要上，而本身要上o既SI都因為唔夠人而冇得開班
都好o既~其實我自己宜家都負擔唔起咁多個courses同activities
今日都係十一點幾番到去，又係o係度溫taxation，都唔係幾尊心
今日約好o左三點半同interactive o既組完開會，開完會先至去上堂
咁Regina今日都冇去上company law~一來悶，二來要開會~又要prepare rehersal
所以叫o左Tony 幫忙點名就算lu~十一點九到Regina番o左o黎~先開o左EN
之後o係度諗o下interactive 個evaluation o的人有o的咩好寫
不過由十二點幾開始諗，諗到兩點鐘到都冇咩頭緒，咁就開始背o下o的台詞
我都係仲溫緊taxation o既salaries tax，話咁快又三點半，Eric、阿Paul同Kelly先後o黎到
原來要做自己個evaluation~所以都冇時間傾o的咩~入到班房，原來今日係教我地present o既技巧
所以都幾無聊，不過之後都開o左一陣會~傾o下reenactment o個日個run down~
開完會六點半~跟手同Regina一齊落o左去csc打evaluation，本身諗住唔駛好耐，點知攪o下攪o下
打到八點半先打完Regina 一齊打完佢o個個evaluation，咁我二哥都已經到o左.......好彩之前做o左少少
所以都要走lu~不過番到屋企都係冇咩好食.......食完打埋個evaluation 都好早就瞓~
聽日要好早呢~八半company law........









開心









手術後的一個星期，都仲係唔係好習慣少用一隻腳o既生活
平時成隻牛o既我......宜家只不過係一隻跛o左o既老虎........

>>March 5, 2005 at 4:10:56 AM GMT+8

2005 年 2 月 27 日 星期日 【乍雨乍晴】

今日係我手術後第一日番city 上堂，雖然好開心，但係就有少少緊張同驚
真係好驚我自己行唔到，又好驚自己適應唔到
一番到去o既時候已經係十一點半，打o左俾Regina~咁之後Matie 同佢就上o左o黎一齊食飯
食完o野hea o左一陣就落o左去上finance，行路o既困難都好似唔係好大咁
不過finacne o的o野就真係好困難喇~宜家諗番起~我都冇咩時間淨
琴日冇test 到taxation，計埋finace 同corp account，我有成三個mid-term tests
仲有一份company law 成五十分o既assignment，好多好多o野要做呀！
上完堂就o係blue zone 搵o左張圓檯同Regina 溫書，四點幾開始溫囉
不過五點半鐘到啦，Eric o黎o左~咁Regina同我都見「肚餓」，所以去o左食tea~
不過去到o既o時候都已經冇哂想食o既o野lu~之後~落o左去podium食cookies~
話說o的曲奇已經係上兩禮拜六買落~仲未食哂~不過有少少肚餓~so~好快食哂
好快就到o左六點半，阿Paul 上到o黎~咁就一齊上番去搵Eric~
佢地就開會~rehersal~之後我就留o左o係o個度~打o下電話~又溫o下書咁~
等到佢地開完會~又溫書~雖然成日都望住其他行過o既人~不過都好開心~~hehehe~
點知我二哥成十點幾先o黎到~等埋佢~我地就一齊走~
番到屋企都成十一點~而Regina就成十一點半先番到屋企~~i'm so sorry~
之後等o左一陣~問o左大佬攞部腦o黎用，因為要打evaluation~
好難打~聽日仲要deadline tim o架~.....點算~.......

>>March 5, 2005 at 5:07:14 AM GMT+8

2005 年 2 月 26 日 星期六 【乍雨乍晴】

因為今日約o左張太去佢屋企補習，所以一早就已經起o左身喇
打o左俾Regina 之後，我都差唔多起身，之後就開始換o下衫同準備出門口
因為琴晚沖o左我出院以來o既第一個涼，所以都精神過之前好多好多
十點零到啦，我就同二佬出o左門口，到o左city 之後，食過飯，又開始溫書
等埋佢地測完諗住見o下佢地~點知已經走哂lor~
兩點幾~都差唔多係時候過去補習~不過行o左好耐好耐~隻手又好痛wor~
所以好辛苦先至去到~到o左o既時候已經係三點兩個字lu~
一補就補到成五點鐘先至有得走囉......本身都諗住番city~因為隻左手痛都行唔到~
所以都冇番到~就直接番o左屋企，之後夜晚又嘈........為o左一對手套........唉

>>March 5, 2005 at 5:23:55 AM GMT+8

2005 年 2 月 25 日 星期五 【乍雨乍晴】

今日比平日晏o左起身，因為琴晚傾電話都傾到兩點幾先瞓
十點鐘到啦，起o左身，之後就洗面、食早餐、上網.......
之後又走o左入房瞓多o左一陣，瞓醒之後就要敷冰、跟住又食o左o的o野就開始溫書
今日開始都已經冇再食o的止痛藥，因為總係覺得成日食止痛藥對身體唔係幾好
溫書，邊溫邊hea，不過好替阿Yan 佢擔心，佢呢兩日先至開始溫taxation.......
今日o的progress都係唔係好得.....因為都唔鍾意o係屋企溫
一來好多引誘，二來好多人好煩，溫到咁上下，之後又o係度hea o下hea o下
睇電視、icq.......
不過到o左十二點到啦，見到Regina send o左個message o黎話Simba 聽日唔去補習
因為Simba 覺得o個個張太好難服侍wor......咁死死地氣啦
其實我都唔係好想去補，一來宜家咁o既樣，行又行唔得好wor
另外就係想留番多o的時間去溫taxation，溫定個make up class......
唉~勁唔開心.......

>>March 1, 2005 at 11:44:06 PM GMT+8

2005 年 2 月 24 日 星期四 【颳風】

今日都係好早起o左身，七點半到就起o左身lu~
但最唔同o既就係今次我唔係痛醒囉！好彩個傷口已經唔係話特別痛
仲feel到上晝比下晝o既痛楚係愈來愈少囉~~開心~^^
咁早起身唔代表我做過o既o野多......因為全日都係咁hea.....一o的tax 都冇溫過......
一早食過早餐之後就開始hea，敷冰、上網、icq、打日記、傾電話、幫人做功課、食o野......
不過今日晏晝「抄」o左舊相出o黎，大多數都係中六中七o既相，原來個人變o左好多
最大o既改變就係肥o左好多囉~估唔到我以前都算叫做fit 過一大輪
可能唔係個個人會信，我以前冇咁肥o架......>.<
其實點解咁肥都係因為自己衰o既，有時間都唔係做好多運動
所以o的體能都差o左好多好多.......宜家仲要受埋傷tim.......
晏晝睇過o既唔單只有相，仲有一張畢業相o既簽名card，好多好多o既祝福說話
好多好多o既回憶都已經走到好遠.......
到o左七點零八點鐘，又係如常咁睇電視，不過今晚我老爸又同老媽嘈
又要我勞氣囉.......有o的回憶真係唔係好想提，有o的偏偏又要提出o黎，攪到大家都好唔開心
其實佢兩個都冇直接嘈，只不過佢地兩個俾我係咁鬧，都過o左咁多年啦
唉........好唔開心！睇o下睇o下o的電視，發覺o左要搵番張太同佢講番換補習老師o個度o既問題
話說我o岩o岩搵到一份唔錯o既補習，之不過我宜家入o左醫院，行路又唔係幾方便
咁就唯有唔補住啦，咁我問o左Regina，Mavis、Simba呀、子敏佢地有邊個會方便幫我頂
好彩最後都搵o左Simba，如果唔係你叫我宜家去補個小朋友補account都幾大獲......
本身今晚諗住沖涼，不過阿Yan話唔好沖涼，一來唔駛出街，二來又唔會咁易整親
之不過我沖都沖唔到，因為我託細佬買o的膠紙，佢都冇買到，都包唔到隻腳~算把啦......
八點幾鐘同阿Yan傾電話，雖然我知佢想我好，但係突然間俾咁多事實我睇，令到我覺得好辛苦
不過，我有信心我會做到o既！之後睇完哂o的電視走o左入房傾電話
先同Rainbow傾o左個半鐘.......(好貴呀.....)之後打o左俾Regina~
原來我都算係一個「長舌男」我一日放o係傾電話o既時間真係唔少o架wor.........
最後傾極都唔肯收線，兩點三、四到先同Regina講完電話~
今日真係一o的o野都冇做過囉........勁頹.........









之前傾電話同Rainbow講起o岩o岩o個個星期日發o既一個怪夢
好攪笑

>>February 26, 2005 at 11:14:18 AM GMT+8

2005 年 2 月 23 日 星期三 【晴】

今朝好早就痛醒o左喇，六點半鐘就行o左出廳，琴晚成晚都唔係好瞓到
每個鐘都痛醒，瞓o既時間都真係唔係好多........食o左早餐同o的藥就敷冰，敷完又瞓多o左一陣
十點半到元哥就打o左o黎同我吹o左一陣水，開心，上莊o個度已經ok o左喇！
之後同Regina sms 一陣就起o左身，個人好攰，不過已經瞓到周身骨痛呢~
o係度溫tax，都唔係好溫到，個人冇咩精神，可能係食o左o的藥o既關係掛.......
一點幾鐘老爸番o左o黎，煲熱o左今朝食過o既o個o的粥，就開始食我o既lunch 喇
又係食o左一碗多o的o既粥，仲食o左o的肉同菜啦~其實個人都唔係好有胃口.......
之後就上o左陣網，打番早兩日o既日記啦、send e-mail 俾o的tutors 關於drop courses 同唔番tax o個個test
之後又o係度hea 多一陣~估唔到咁又五點幾........好快囉.......
過多陣Regina打o黎~傾o左半個鐘多o的啦，不過一係就冇人打，愈打就愈多人囉
前前後後都有四五個電話打過o黎~之後我又逐個逐個覆o的電話
先係阿Mon，之後Jurgen，,再之後就係Harry同阿Paul.......真係好多人關心我o架原來
之後o係度睇o下電視、傾緊電話......十一點到就去o左瞓 lu~
不過今日隻腳真係冇咁痛喇~希望可以快o的好番啦........

>>February 25, 2005 at 4:29:49 AM GMT+8

2005 年 2 月 22 日 星期二 【乍雨乍晴】

凌晨十二點到，二佬又o黎o左探我，仲買o左碗粥同一o的提子o黎
咁因為之前已經嘔到咁上o下，o的麻醉藥都已經嘔o左好多出o黎
所以都係時候食番o的o野補充o下體力喇！
不過o係食o野之前，腳左腳o既感覺都唔係好痛，只不過係覺得全身冇力
仲有o既就係隻左腳好重，好似郁極都郁唔到咁，情況就好似鎖住o左一樣.......
我一直都唔係好敢飲水，因為我唔係好想用「鴨仔」去vv，所以都冇乜飲水
淨係一味叫二佬洗o的提子餵我食，咁大個人都係第一次手都攞唔起要人餵
一路係咁食，個人好舒服，因為已經好耐冇飲水，又冇食o野，個人又好攰wor
咁一路係咁食，個人就feel 到o的皮膚開始好似有番多o的水，個胃都好似舒服番多少
不過二佬話叫我食o左碗粥o既時候我都唔係好敢食，因為我都係好驚一食o左落去又會嘔番出o黎
之後冇幾耐個護士就趕o左我二佬走，咁我又要一個人留番o係度
本身想打電話俾其他人，不過我又驚嘈驚人地......咁最後都係冇打到........之後又開始瞓過
到o左半夜三點鐘到，o的護士開始問我有冇vv去，但係我都冇飲水，都冇得去
之後護士就攞o左一壺水俾我，叫我係咁飲，飲到有vv 去wor~
咁我都唔知咩事啦，初頭都係求求奇奇咁飲o左兩杯水落去又再瞓過
一陣間個護士又過o黎拍醒我，又問我去o左vv未，我都係未好急，都係同佢講未有得去啦
之後個護士就同我講話我再去唔到，就要插喉放o左o的尿出o黎wor......
咁我一聽到就開始驚啦，三點半到啦，一路係咁飲水，前前後後都飲o左成七八杯水
係咁試係咁試，一想用力o既時候隻左腳又開始痛，都係去唔到.....
個護士之後又走埋o黎用心電圖部機幫我check 我宜家膀胱有幾多尿
佢又同我講話其實都唔係好多，又叫我係咁飲水......之後我一路係咁試，一路就係咁驚
到o左四點兩個字多o的，終於都有得去.....唉~我咁大個人都未試過去vv 去得咁辛苦
仲要去到咁驚o架！其實最唔習慣都係去o既時候有少少痛lor，仲要o係張床上面用鴨仔去.....
勁無奈啦我......去完之後，因為個人實在太攰，冇幾耐個人就朦朦朧朧咁瞓著o左喇.....
之後周圍o的阿伯唔係呢個叫就係o個個叫，都唔係瞓得幾好囉......七點幾鐘又醒過
先洗o左個面，食o左o的粥之後就o係度等見醫生問o下個手術做成點
八點鐘醫生就o黎到，同我講今日如果行得到就可以走，我心諗我o岩o岩做完手術真係可以走？
咁個醫生又開始同我講，問我知唔知做完手術同我講o左o的咩
咁我就答佢我仲有記憶o既o野啦，咁佢就講番我知佢冇幫我做韌帶個手術
之後仲係咁指住用內窺鏡影出o黎o既相同我講話我前十字韌帶已經完全斷哂
仲有就係講番個手術o係我個左膝度做o左o的咩，其實醫生俾o的相我睇都冇用
一來我唔識睇，二來o的相都係血肉模糊，都唔係好想睇住......講完之後個醫生又話幫我book期
問我想幾時做個韌帶手術，咁我就揀o左個今年九月o既當期，本身有一個係六月中o既
不過我住呢個summer 都係諗住去番internship，所以都係唔o係六月做好喇
之後同家姐一講電話，個人又係忍唔到囉，一聽見佢講我要堅強o的o既時候又落淚........
講真好彩唔係好多人手術後o黎過探我，如果唔係我就會俾佢地見到哂我最軟弱o既樣........
前前後後同家姐同Regina 講o左一大輪電話，十點零鐘就有o的護士o黎到幫我洗傷口
因為個傷口都仲係好痛，所以洗緊o個陣都仲係起唔到身，咁我全身都冇著住o的咩
咁佢地一邊洗，我又係一邊眼濕濕.........好辛苦，唔係因為痛，而係我覺得點解我以前唔珍惜身體呢
到o左宜家就要番o係醫院，要o的關心我同照顧我o既人辛苦同操心.......好後悔.........
洗完傷口，個人可能因為喊o左好耐，唔經唔覺都已經瞓著o左，之後一起身就同到阿Mon o黎探我
因為之前我o係醫院o既時候佢打過o黎，又問我駛唔駛o黎探我，所以佢就宜家o黎o左.......
講o左一陣，我就要開飯喇，之後冇幾耐二佬又o黎o左陪我食飯.......好開心呢~好多人呀.........
點幾鐘到，阿Mon同二佬都要走，要番去上堂，咁我就一個人瞓o下覺啦
到o左三點，又係例牌要做物理治療o既時候，著番哂o的衫褲之後，跟住推o左我去做物理治療
去到個醫生就話教o下我點樣可以o係隻傷腳唔掂地o既情況底o下行路wor
本身都好擔心o既.....之不過行o下行o下問題又唔係好大，敷埋冰同屈腳之後個醫生就俾我走喇
o係走之前仲約o左下個星期五番o黎做物理治療呢.......上番去病房o既時候都已經差唔多五點
之後又同Regina 傾o左一陣電話，又同二佬&家姐講o左宜家就可以o黎接我
咁六點三到啦，食埋個飯之後我就離開o左呢個傷心地呢........
之後番屋佐o既路途都唔係好辛苦，不過都仲未係好習慣其他人o既怪異目光..........
番到屋企差唔多七點到啦，睇o左一陣電視，八點幾鐘就走o左去瞓lu~唔知點解個人都仲係好攰呢
之後瞓低o左，隻左腳又開始係咁痛喇，食埋止痛藥、敷冰同傾o左一陣電話又去o左瞓喇........
瞓o既時候都已經係十點幾鐘喇..............

>>February 25, 2005 at 3:18:19 AM GMT+8

2005 年 2 月 21 日 星期一 【乍雨乍晴】

因為今日要一早去到醫院報到，六點鐘到我就起o左身沖涼、執o野
咁媽咪叫o左二佬陪我過去，所以都好早起o左身，攪掂哂o的o野我地就七點鐘度出門口
唔駛一陣就去到醫院，放低哂o的o野我就開始換衫........一路係咁悶
人地食o野時我又冇得食，因為麻醉師分咐落做手術前一日o既十二點後唔可以再飲水食o野
咁冇o野做我就唯有瞓o下覺啦~不過個人都係唔係幾relax到......好辛苦......好驚好無助.......
十點鐘到我就醒o左，冇幾耐Regina都o黎o左........我地一路係咁傾，傾到十二點到佢要番去上com law
咁我又得番一個人啦，咁我又開始瞓覺，好辛苦.......一瞓就諗起一陣個手術.........
兩點鐘，有個護士o黎叫我去換做手術o既衫......check o左一陣o野就上o左手術車........
個助護一路係咁推，我又一路驚.......之後去到一個好陌生o既地方，好乾淨，好光猛
入到手術室之前o既一度門，我仲記得有個醫生同我講叫我唔好咁驚
咁個醫生幫我打支鹽水針o既時候都搵o左好耐先至搵到我條血管，打o既時候好痛好辛苦
之後冇幾耐我就入o左去個手術室到，o的醫生又開始幫我插o下呢樣、插o下o個樣......
差唔多攪o左幾分鐘，有個醫生放o左個吸咀o係我個口前面叫我吸，因為我知道o係o的係麻醉氣體
咁我就一邊吸，一邊諗o野，又一邊去記低o個一種感覺，吸o左四五啖到啦，個人已經全身好痺
不過我個人都仲諗到o野，但係吸多兩三啖，個人都已經冇哂知覺，當我起身o既時候都已經係做完手術
我俾心推番出o黎o既時候，矇矇矓矓之間醫生好似講過冇幫我駁前十字韌帶......
之後再有知覺o既時候都已經係上番病房o既時間，打o左幾個電話啦~好似係二佬同Regina
其他人都唔係好記得喇......打完電話之後個人好想嘔......嘔到反哂胃囉
最慘就係冇o野嘔，連黃膽水都嘔埋出o黎.......想死~....嘔完之後又瞓過
唔知幾點到，二哥o黎過，問我好o的未，我都講唔到o野，淨係識得握住佢隻手係咁喊.......
之後阿爸o黎到，又係咁喊，唔知點解個人突然之間好無力，覺得自已好冇用咁
成世人都咁自負o既我，都唔可以否認，我o係呢一刻真係一o的自信都冇......
就係咁.....一日就過o左喇.........

>>February 24, 2005 at 11:20:06 AM GMT+8

2005 年 2 月 20 日 星期日 【乍雨乍晴】

計起上o黎，今日係我上次過年前入院後o既第三個禮拜一
之前約好o左今日番去做物理治療，做完之後寫埋個report俾我去覆診見醫生
咁我就如常去做物理治療啦，不過今日九點三開始做，一做就做o左成兩個幾鐘......
臨走之前個治療師先記得要幫我check o下條韌帶究竟有o的咩唔妥
check 完之後我俾個治療師呀Andy 哥串我乜都唔知~因為我帶到覆診card~......
去到覆診登記o個度o既時候都已經係十一點半，因為好想趕番去食lunch~所以個人好心急
覆診o個度其實都幾多人~不過都好快就排到我，十二點半到啦，我都可以入到去見醫生
不過醫生一見到我就同我講話個report 到寫，估計我條前十字韌帶都應該係斷哂
之後仲話我個半月板o既復完唔係幾理想，要即係做手術，如果唔做手術o既話就可能以後都伸唔直隻腳
咁我問佢可唔可以暑假先做，咁佢就答我話宜家我都唔敢包你做完可以伸番直隻腳
如果仲要遲o的做o既話，可以伸番直o既機會就愈細.........咁我先後打o左俾二佬、Jones同Regina
佢地個個都叫我做，咁唔做都唔得，咁大約一點兩個字到啦，醫生就寫好哂o的o野俾我入院
食埋飯兩點鐘到我入o左A3病房，量血壓、探熱、磅重，兩點半到，我就去o左義肢個department
因為我做完手術之後要帶住一個架個半月，之後仲去埋做物理治療o個度量o下我隻右腳o既力量
因為好番哂之後，我隻左腳要去到我宜家隻右腳力量o既八成先可以算叫做好番
攪完一大輪之後，我又上番去病房，上到去我見o左個麻醉科醫生，話o下聽日做手術時候o的o野
本身見埋呢個醫生我都應該可以攞home leave 番屋企先o既，但係我o的血壓又無啦啦好高
上壓成150.....咁之後又個護士叫o左我等埋個入科醫生幫我check 清楚先俾我走
唉~等o下等o下~由五點半等到八點半個醫生先至到，咁我之前約好o左番city 搵Regina食飯o架嘛
咁Regina 就八點零鐘都到o左醫院，又check o左一次血壓，同做o左一次心電圖我地先至有得走
不過我又要聽朝早七點半之前番到o黎~......-_-'''攞埋o的o野走之後就同o左Regina 落尖沙咀食飯
本身諗住落旺角o既~不過個司機又聽唔到我地講咩.....差唔多到o左我地先至發覺
之後阿yan 打o黎~話又要出o黎食飯~咁最後我地又出番去旺角食飯因為唔知尖沙咀有咩食........
去到旺角都十點鐘~諗住等阿yan 打o黎~點知我電話冇電，Regina 又fai o左條線落我度
咁阿yan 到o左又搵唔到我地，不過講你都唔信，我同Regina 行o下行o下見到阿yan......hahhaha
之後行o左去金聲戲院附近o既一間小食店到食，等埋冰冰o黎到我地先至開始叫o野
冰冰又係咁叫o的煎炸o野，咁阿yan又唔舒服，我同Regina又唔想食o的肥膩o野，咁就叫o左o的清清地o既o野食
食完之後我地又去o左搵阿Chris，因為佢o係附近唱緊k，搵埋佢一齊之後，唱o左一陣k
之後又要走lu.......一齊送埋Regina 之後我都走，因為我聽朝仲要一早起身呢！
之後番到屋企我上網係咁打日記，因為之後兩三日都要入院，都唔可以打日記......
打到咁上o下，想搵Regina，佢仲同Mavis 傾緊.....咁我就大約兩點鐘就走o左去瞓喇......
好驚，咁大個仔第一次做手術........好突然..........唔知點算好

>>February 24, 2005 at 9:14:41 AM GMT+8