2010 年 7 月 11 日 星期日 【晴】

終於到了今學年最後的一天了！心情大好！無驚無險教書又教了三年，將踏入第四個年頭了！

早上結葉禮好悶，接著開會，講下non-chinese students的特質，好采我不用教中一啫，唔係都真係有排要適應！

下午去了藍地季季紅吃飯，同事介紹！真的不錯呀！有一位同事將會離開，而另一位同事問她怎樣可以作出這樣的決定？是不是一個困難的決定？她認為若所有東西都ready好先作決定的話，這樣不是叫信心！對神的信心就是未必所有嘢都ready而又作出一個重要的改變和決定，這正是神所要的信心！I totally agree with her

下午執野，執野後去做住家男！去街市買餸！雖然今晚想煮的餸都比較簡單，但第一次，就簡單啲啦，希望開心啫！不過今日好熱，著住裇衫西褲去買餸真係別有一番風味！返屋企就準備今晚的材料，點知俾人發現，好采佢無問啲咩，唔係我就真係好難解釋！

今次的晚餐，不過不失啦！不過有一樣餸就失敗了！下次會再努力煮好那樣的餸喇！
睇黎我以後都要學做一個入得廚房，出得大場面的男人了！

>>July 13, 2010 at 1:58:09 AM GMT+8

2010 年 7 月 10 日 星期六 【晴】

哈！終於有一次是真偶遇了！不過，今早做了兩次「不可為而為知」的事，有少少內疚！

1. 無諯諯嚇到一個人彈了起身，心臟差點都掉下來！對不起，下次我會好有禮貌地say hi！不會再這樣了！
2. 我經常問人點解，影相這樣普通的事，不需要問得太多，結果問得太多，人感覺蚊憎！所以有些情況下都是不好問這樣多了！

我會努力學習的！

今早聚會那間房實在太焗，令到我好攰！領完詩之後就狂釣魚！想起下午要返工，就更痛苦！

返到學校，好攰呀！

>>July 11, 2010 at 5:50:20 AM GMT+8

2010 年 7 月 9 日 星期五 【晴】

耶路撒冷的眾女子阿，我指著羚羊、或田野的母鹿， 囑咐你們，不要驚動，不要叫醒我所親愛的，等他自己情願。

今日分享好短的信息，開始聚會時感受好大壓制，但之後開始感受主的同在與帶領，開始好少少喇！

第一次教吉他，教得嘛嘛，啲弟妹好似無咩心機學！不過繼續努力！返到屋企，頭好痛，又分享，又教吉他，所以講左好多野呀！

請人食蝦條，原本係因為佢唔開心！不過想講唔開心一定有蝦條食，但係開心的時候有無呢？當然都有啦！
希望佢成日都咁開心啦！

>>July 10, 2010 at 1:48:46 PM GMT+8

2010 年 7 月 8 日 星期四 【晴】

唱詩敬拜，好熱！

>>July 10, 2010 at 3:34:21 AM GMT+8

2010 年 7 月 7 日 星期三 【晴】

今日彩虹天地開放日，沒甚麼特別的事情幹！又好眼訓喎，結果等等等等到5點鐘，走人！
星期六要興趣班和負責信息，同副校請假，都估到了，他必定擺出他那副副校的樣子勺難我啦，而我唯有在他面前扮「死狗」啦，「係的」、「明白」、「我知道」、「唔好意思」、「唔該哂」‥‥‥

>>July 8, 2010 at 11:59:18 PM GMT+8

2010 年 7 月 6 日 星期二 【晴】

早上在禮堂唱詩，好投入地唱！之後中四有性教育課，個d姑娘問d問題我都唔識答，點樣要求學生識答呀！
12:00本來可以去食飯，點知個head叫了d學生來幫我手做decoration，不過個阿head居然走去食飯！咩都俾哂我做，自己又唔做，可惡也！我好憎呢位姓黃的男人，影衰哂我地d炎「黃」子孫！
跟住食食下飯又俾人叫了去開會，吃飯都沒有時間！
開完會又要去補課，12個學生望住個老師食埋未食完的飯盒！
補完課已經好攰喇！

我開始明白點解有時我講野會辞不達意，好難令人明白我講咩！因為我補課用腦，而且勁講野，用哂所有精力去講野，所以之後講野就亂哂了！不過，好采有人聽得明呀！

去了食咖哩，唔錯唔錯！之後在平台逗留了一會，最後都要回家！

>>July 8, 2010 at 12:12:33 AM GMT+8

2010 年 7 月 5 日 星期一 【晴】

下年confirm 要教電腦了！

>>July 6, 2010 at 2:50:40 AM GMT+8

2010 年 7 月 4 日 星期日 【晴】

今天心情極不好，聽到學生少少嘈吵而忍不住駡他們！心情極度低落，主要原因有三個。幸好今日回校只是全程在禮堂，不需要教書，更不用需要面對學生！還記得談情說案中professor kings 好希望有一部時光機，回到過去，將痛苦的記憶刪除。而這是違反科學和聖經的！根據廣義相對倫，只有物體快過光速才會有機會回到過去，但沒有任何物質可以快過光速。根據聖經的教導，我們要「忘記背後，努力面前」，竟然要忘記，就不要再想回到過去要求改變未來啦！
所以經過一早的求問與祈禱，我決定塑造自己的未來！所以我決定去市中心做我從來未做過的事，而有所行動！

我定義今天為P DAY，是promise day！

>>July 6, 2010 at 2:17:06 AM GMT+8

2010 年 7 月 1 日 星期四 【晴】

返到學校勁攰，因為琴晚好夜訓。不過琴晚夜訓都是值得的。
早上無咩特別，下午補課，因為太攰的關係，所以發覺教教下都有點語無倫齒，不過最後大部份的野佢地都明！

買禮物俾學生和人地！我最驚見到的場面琴晚不是見到，是聽到！決定買一份禮物，並跟自己說這個場面以後都不會再見到！從今天起，結解不明唔緊要，但每天仍可以過著「拋物線」的日子。

記住每天要過著「拋物線」的日子呀！(a >0)

>>July 3, 2010 at 2:28:58 PM GMT+8

2010 年 6 月 30 日 星期三 【晴】

2010年又過了一半喇，時間過得真係快，轉眼又要講bye bye！
以往家族年年七月一日都去南灣遊水，要早起身！今年的七一終於可以訓晏D，向屋企休休閒閒咁安靜下了！

都叫左媽早d去睇醫生架啦，拖完又拖，結果我要由屯門醫院送她回家！想起幾年前她陪我到屯門醫院睇醫生，幾年後輪到我陪她了！最希望她快點信主啦！

下午祈禱，之後出了奧海城，竟然巴士在公路上壞車，我企了在公路上等下一架車，這是我第二次站在公路上呀！

傾多了，明白多一點點！

>>July 2, 2010 at 2:09:58 AM GMT+8