2010 年 5 月 29 日 星期六 【雨】

「你永為人，使我知自己價值，並我在你心上珍寶位置。你的降世確實感動宇宙天地，千萬天使察看永遠希奇！」
近來十分喜歡這首詩歌！

>>May 30, 2010 at 12:34:28 PM GMT+8

2010 年 5 月 28 日 星期五 【陰】

唔知點解d飛滋仲未「姐」。跟住個口都唔知發生咩事，刷牙時個口會好「那」？係唔係口腔損左呢？又有少少血流出黎？點解會咁呢？

今日返學校，因學校畢業禮。唔好話學生啦，連老師都真係覺得幾悶呀！全場最轟動的，莫過於校長終於宣布她的接任人啦！真是想不到，四十幾歲就做校長，仲要做左兩年副校就做校長！不簡單！不過，最希望是他能做到凡事以神為首位就最好喇！

哈！話要等三年先見，今日都見到啦！

>>May 29, 2010 at 2:44:29 PM GMT+8

2010 年 5 月 27 日 星期四 【陰】

下午跟學生補課，傾下計！發覺自己在這一年的教學實在太少理會一班乖而且勤力的學生，反而重點放在另一類的學生。承諾跟他們穩定補課但又未做到，結果這樣就過了一年！好似有點兒對不起他們似的！幸好他們讀到中六，我還有下年整年時間跟他們溫習，希望他們考第一屆的文憑試好好睇睇啦！今日有一個感覺：我未必能令所有學生認真讀書，但如果我幫到一個、甚至一少部份的人對讀書態度有所改變的話，其實我已經好成功了！努力！

哈！又會突然間咁得閒？又會可以‥‥‥
被ex-家族長遇到，他的眼神好像有點說話跟我講，但又唔知係咩喎！唔知點解，我之前都有個感覺，應該會係新族的b/s最快遇到，結果竟然係家族長！

成日被人話講埋d好長遠的野！其實我係一個好鐘意planning的人，好鐘意plan定好遠的野！這樣的性格，當然有好有唔好啦！不過我都鐘意我呢種性格，做人當然要有planning架啦！

>>May 29, 2010 at 4:23:52 AM GMT+8

2010 年 5 月 26 日 星期三 【晴】

突然又想去學急救呀！(其實都係想下啫！)
學車、學急救、學烹飪，哪一樣行先呢？學車、學烹飪，有時間再學急救啦！

其實，由朝到放工，都想今晚做一件事！但又唔知點做好喎！一路由荃灣地鐡站行的時候，去到愉景新城，其實都係諗緊點做！最後，選擇了一個自己都覺得都有少少搞笑，但又合理的方法去做！哈！

>>May 28, 2010 at 7:07:58 AM GMT+8

2010 年 5 月 25 日 星期二 【晴】

今朝仲有點兒內疚，因我俾唔到人應有的反應，搞到人好似肩了嘴的樣子！
適當的聆聽，是我要學習的事情！
下次唔可以再容許這樣的事情發生呀！

>>May 26, 2010 at 3:53:46 AM GMT+8

2010 年 5 月 24 日 星期一 【晴】

近來真係超超超超超超超超超超超超超超超超超超唔想返工呀！唔知點解會有這種感覺，我曾經講過我會做好這份工，但竟然會有這樣的感覺！why why tell me why！

其實都知道原因的，皆因真的不是太想對住班中四！
今天我閙爆一位學生：
(之前還有一番對話)
我：「咁你返黎做咩架！」
他：「我返黎hea既！係咪返黎hea唔得啦！你阻唔到我返黎hea！」
我：「你hea既就唔該你向出面hea，唔好返黎學校hea！」
他：「我鐘意返黎學校hea呀！唔得咩！」
他的態度極差，過了一會：
我：「我話俾你知，有我做你班主任的一日，我都一定唔會俾你升班！」
事後回想：仲之補多一句：「你咁鐘意返黎hea，我就俾機會你hea多一年！」

每日都要面對這樣的學生，返工又怎會沒有壓力啦？

其實行得快的人，今次他並不是全程都行，他有跑的，跑到差不多又抖抖氣，目的是很想很想扮偶遇，想‥‥‥

>>May 26, 2010 at 2:45:22 AM GMT+8

2010 年 5 月 23 日 星期日 【晴】

還記得自己開始打日記時，目的都是在減壓和舒發情感，所以我是好「間唔中」先會打日記。但今非昔比，我KEEP住每日打日記，目的只有一個‥‥‥

剛才睇聖經時，突然想起我心目中的主次：
在我心中，最重要與較次要的：
1. 神
2.神家中的事奉
3.家庭
4.工作
工作排到最後，但其實我的工作都是事奉的一種(教書可以接觸好多人呀！)

又想起：昨天對某人的承諾，並說出違反承諾的後果！雖然我的選擇性記憶一定會記得，但白字黑字打出黎，都係好D既！

我的心願：影響千萬人回到主的心底和天父的心底中！

>>May 24, 2010 at 12:34:21 PM GMT+8

2010 年 5 月 23 日 星期日 【晴】

今朝成朝向度整marking！即係成朝向度計數呀！

lunch聽歌 <<樹陰>>：
風輕輕吹過　撲向我　使我極無助
苦追憶　從前如何過　太快樂　真的溫馨過
我的心　早已清楚　變數　總會是無奈
將一生 希望留給我 你 便悄悄離開
樹欲靜而風不息　我護蔭　這份愛　不再在懷內
多麼想你陪著我　再次燃亮我心
樹欲靜而風不息　我護蔭　這份愛　不再在懷內
多麼想你陪著我　看看我下半生　快樂過

孤單的一個　放棄　一切在呆坐
苦追憶　從前如何過　太快樂　問此刻怎過
我的心　早已清楚　振作　使盼望燃亮
甘心於　世上傳達愛　這份愛從沒放開
樹欲靜而風不息　我護蔭 這份愛 不再在懷內
多麼想你陪著我　再次燃亮我心
樹欲靜而風不息　我護蔭 這份愛 不再在懷內
多麼想你陪著我　看看我下半生 快樂過

* 樹欲靜而風不息　我願愛化做這首歌
傳頌你的溫馨使我可延續愛火
樹欲靜而風不息　我願意背負這首歌
一個　希望　這一生　堅強地過

Repeat *

一個　希望　這一生　堅強地過

終於出完試卷，現在還欠監考表！

>>May 24, 2010 at 8:53:50 AM GMT+8

2010 年 5 月 22 日 星期六 【陰】

今天跟成人家的B/S開會，真的大有點兒似在學校開家長會一樣。感受係：這是一個極重要，也有一定困難的事奉！成人家的B/S當然對他們的子女的心靈十分著緊啦，所以他們對我們有一定要求也合理的！不過，多得潮伯最後打圓場！
最後係：我要繼續為自己祈禱，希望自己真係能影響千萬人，回到主的心意中！

>>May 23, 2010 at 1:55:16 PM GMT+8

2010 年 5 月 21 日 星期五 【陰】

今天又去了做一件好重要的事情，表現比上一次好，但亦知道她非常嚴謹，一絲不苟，跟她做事一定會辛苦！最後她還問我可不可以說出你的三個個人特質，你是比其他人優越的：
1. 我教書第三年已是數學科的Assistant Panel.
2. 我後生，有活力，會好努力去工作，教導學生成材！永不放棄學生！
3. 我對學習數學和教數學都有熱情。
不過，她竟然要我請假去做第二件事，太harsh喇!

如此同時,我竟然遇見我實習時的mentor,他竟然跟我做同一事情。

下午去玩水堆沙!

>>May 23, 2010 at 10:19:30 AM GMT+8