2010 年 8 月 22 日 星期日 【晴】

今天回學校開會，果然新校長新氣候，好多政策跟住年不同了！感覺暫時頗好！
不過，開了成朝會，下午又要聽講座，跟住聽完又有另外一個會要開，所以我其實係由8:30聽嘢聽到4:30(除了午飯時間)！跟住仲要幫個同事做少少嘢，5點先走！
好趕時間，通常都係我等人，好唔想要人等！但在巴十站等了一陣都未有巴士，手頭上得返$30，究竟搭唔搭的士好呢？有驚唔夠錢喎！但係最後忍無可忍，我要搭的士喇！
我：請問去黃金海岸要幾錢？
司機：廿多元左右啦！
於是我毫不猶豫地上了車！誰不知，唔知點解我感覺個錶跳得特別快，去到黃金海岸要$35，於是我又厚住面皮：
我：司機，唔好意思呀！我唔記得「禁」錢呀！我得三十蚊咋！
司機：唔緊要‥
我：唔好意思！唔好意思！
我今次真係好厚面皮呀！
去了黃金海岸影了啲相，完成一個使命，回家了！
回家竟然聽到新聞，有香港人在馬尼拉被持，好慘呀！

>>August 23, 2010 at 1:42:53 PM GMT+8

2010 年 8 月 21 日 星期六 【晴】

返聚會，一早就好爭扎，究竟陪小六弟弟好啦，定係陪新來的弟兄擘餅好呢？結果去了擘餅，但個心又咯咯LU喎，好似陪弟弟好啲，結果整個擘餅聚會都心不在焉！
去到初信聚會陪弟弟，幾個星期都感覺好攰，入去聚會就好眼訓，唔知係咪仇敵攻擊！
下午，家長會，又係超級攰、攰、攰！
完了家長會，上返南光樓玩層層疊，點知輸了，要做60吓掌上壓！嘩，做完手都震！跟住又玩橋牌，又做多20吓掌上壓！噢‥‥‥
晚上食晚，同星期五一樣，又係唔係好識啲弟兄姊妹，所以真係有少少悶！不過，大家都係主內一家人！結果他們食飽後，我9:30就走了！他們仍在吹水中！
成晚都好攰同好頭痛呀！

>>August 23, 2010 at 1:31:34 PM GMT+8

2010 年 8 月 20 日 星期五 【晴】

最後一天的興趣班終於完了！
晚上吃飯，同隔離家族坐附近，好搞笑！都好飽呀！
時間尚早，趕得切睇港男，其實我唔鐘意睇呢啲，但話說有個弟兄參選，我咪睇睇咯，又好搞笑！

>>August 23, 2010 at 1:13:22 PM GMT+8

2010 年 8 月 19 日 星期四 【晴】

今日係最後一日假期，我要好好珍惜呀！
晚上教師相聚，好多b/s唔識，感覺好怪怪的，不過咪嘗試識啲b/s咯！但係感覺都係怪怪的！不過信息好好，成為我來年教學的一些提醒！
分埋組，成9:45先完！返到屋企都接近11:00喇！好攰！

>>August 23, 2010 at 12:15:51 AM GMT+8

2010 年 8 月 18 日 星期三 【晴】

返了學校搞中六迎新的嘢！
但唔知係咪太耐無全日返工，真係有點兒唔習慣，加上教員室油完油之後陣味我都係un頂able，所以有點兒唔舒服！
4:00走人，去屯市搵太陽帽，不過無功而還！真係好難搵呀！

>>August 19, 2010 at 2:40:56 PM GMT+8

2010 年 8 月 17 日 星期二 【晴】

早上一起身即刻去屯市買嘢，但係太早，好多鋪頭未開，所以坐低歎歎早餐！
跟住左夫撲右撲，終放買了大部份的嘢，但係還欠一樣，唯有明天再去過！
回家休息一會，跟住同SIMON去黃金海岸，親近主和食TEA！
太熱，入了酒店歎冷氣，見到好多thomas！
去食HIGH TEA，$50，好貴，不過難得一次咁"SOFT"。
最後終於講了出來，放下心頭大石喇！
返到屋企，又好忙喇！整嘢食，結果覺得未算理想，燒焦了少少，但我相信應該好味道的？？？
這是第二次！
晚上扲嘢俾人！

>>August 18, 2010 at 2:36:49 PM GMT+8

2010 年 8 月 16 日 星期一 【晴】

唔帶日記‥‥講笑啫！
早上TEAM，跟住回家！
今日晚上去了吃粥，唔飽又唔餓咯！
晚上聚會好早完，好多人拍手掌！哈哈！早完聚會仲開心過平時敬拜？
好多人一起行，好似好多說話都有內容的？!

>>August 18, 2010 at 2:20:39 PM GMT+8

2010 年 8 月 15 日 星期日 【晴】

今日返學校開了半個鐘頭會，傾下學生分班的野！
估唔到，神真係好奇妙！
第一年，我教到一班我唔識處理的班，好辛苦！
第二年，個班學生超乖，我勁鐘意佢地！
第三年，我又教另一班超惡劣的班
第四年(來年)，我又有一啲乖的學生入了我個班，我個班變左第二精英班！
唔通我的教學生涯係梅花間中的，差、好、差、好、差、好‥‥‥？？？

>>August 16, 2010 at 8:15:44 AM GMT+8

2010 年 8 月 15 日 星期日 【晴】

減腰方法

運動或借助外力減肥法

跳蠅減肥法 每日跳繩一千下 每天可減少0.5公斤，三日則1公斤半。

保持24腰法 只要躺在地上伸直雙腳然後提升，然後放回，勿接觸地面，每天3-4次每次重覆做15次 每天就有收腹、減肚腩的效果。

仰臥起坐(sit up) 一天20次每日增2次一直到66次 每天／可減6公斤，且肚子就不見了。 如果想達至減腰效果，起來時一定要轉腰。

減小腹的方法 挺直脊背端坐或站立，收縮腹部，持續20秒左右，然後放鬆，自然呼吸，每天做16次 每天／即可減肥縮腹，保持身裁健美 。

游泳減肥法 每天早晚去游泳一次 一個月／減2-4公斤。

走路減肥法 要走5千步以上的快走2-3個月 每天／減輕1至2公斤，腰圍可縮小2至3公分。

瘦身運動 ----- 纖腰

運動 1: 扭呼拉圈是一種很有效的修腰收腹運動
首先將呼拉圈以水平位置拿著放在腰間；然後前後扭動腰部，令呼拉圈維持在腰間旋轉。

運動 2 : 雙腳張開，伸直，彎腰。左手伸直觸碰 右腳尖。站直，然後右手伸直掂左腳尖。輪流交替做十次。對減腰有幫助。

運動 3 : 雙腳張開與肩同寬，站直，手持一條長毛巾，拉直放於兩肩上。然後利用腰力，左右扭動上身，但下身不可移動，做三十次，可扭出纖腰。

======================================================
消除肚腩８大要素
1)每天至少喝5杯水
2)睡覺前不喝茶或含咖啡因飲料
3)睡覺前不要吃東西
4)多吃新鮮蔬菜和水果
5)少吃脂肪含量較高的肉類，不吃油炸食品。
6)一定要吃早餐，並少吃多餐。
7)每星期健身三次
8)保持大便暢通，每日一次。

最快減肚腩秘方

1)要改變飲食習慣，吃完飯後不要立即坐下或趴睡，最好能保持站立的形式，可以選擇散散步或整理一些東西，如此除了減少脂肪堆積外，還能幫助消化，因為飯後30分鐘內，如果保持不動的狀態，最容易形成腹部脂肪。

2)走姿和坐姿要正確，走路時要抬頭挺胸、擺動手臂，常環抱手臂在胸前，腹肌沒有出力，容易突起，而且擺動手臂走路。而坐下時，背要伸直，不要彎腰或挺腹，如此才能訓練腹肌，使腹肌有力而不易鬆垮。

3)要配合運動，搖搖呼拉圈 或隨時做一做仰臥起坐、伸伸懶腰，都能逐漸消除腹部脂肪，且使腹肌日益結實而不易再堆積脂肪。

瘦身運動 ---- 收小肚腩

運動 1 : 躺在地上，雙腿彎曲，腳板貼地；然後雙手交叉胸前，用腰力將上半身向上提升，再躺下；做 10 次。可收小肚腩。

運動 2 :躺在地上，雙腿彎曲，腳板貼地；雙手平放身體兩側；然後，固定下身，左手疊向右手，再將右手疊 向左手，做 10 次。

運動 3 : 平躺於地面，雙腳伸直，雙手伸直平放於身體兩側。吸氣，將兩腿慢慢提升至四十五度角才呼氣， 保持動作5秒，再慢慢放下雙腳，做十五次，可收緊腹部及大腿。

運動 4 : 平躺地上，雙手放平；2. 下腹部用力，把上半身抬起做 20 次，可收小肚腩。

>>August 16, 2010 at 4:47:12 AM GMT+8

2010 年 8 月 14 日 星期六 【晴】

8時40分起身，9畤準時出門口！今日都算勁，20分鐘就可以出到門口！
其實諗深一層，點解我要咁趕呢？10時鐘先聚會！除了因為我平時都係9時鐘出門口返聚會之餘，我仲知道MISSS A今日會好早就去到，所以想早啲搵下佢！其實都係估估下，不過我的推斷真係無錯！
見到少萍姐，志光哥哥想約一班在屯門南區任教的老師食飯，即係我有份啦！嘩，超級緊張呀！我信主咁耐都未試過長老約我食飯，通常我地做細的，都係做細架啦！總之，緊張啦！
見到兆良哥哥，佢叫我「黃sir早晨」，長老叫我做黃sir超唔慣呀！其實b/s叫我做「阿sir」我都唔係好慣！
下午負責聖經問答比賽，b/s玩得好開心！雖然人唔算多，但見到佢地咁開心，我都好開心！最開心莫過於玩完遊戲最後又有雪糕雪條食啦！最緊要大家開心！

=================================================================
其實我超唔鐘意呢種感覺！咁點算好呢？V.V

>>August 15, 2010 at 11:27:43 AM GMT+8