2003 年 1 月 15 日 星期三 【晴】

今日考完Cost Control,哈！都算易啦！
可能我咁岩識計啦^^

考完就補左Catering,哈！d"貼士"?睇下點......

之後就留低溫Housekeeping,比尋日仲多人呢！
有鼠鼠、Hannah、寶兒、GiGi、叻叻、秘書、馬騮仔、Dinner姐同我~~~
唔......Lunch食得耐左少少姐......

唔好咁講啦！其實同你背既時候我都有份溫埋一份架嘛~~~
而且我又唔係勁喎,只係比你地較多無聊時間嘛~~

做咩改人地個名叫旺旺喎><"(雖然幾得意:P)

>>January 18, 2003 at 2:31:13 PM GMT+8

2003 年 1 月 14 日 星期二 【晴】

聽日就考試喇~~
所以今日好忙,係咁做數,眼都矇呀真係*.*
嘻嘻^^原來都唔係好難姐好似~~
不過我驚到時會調亂晒黎做咋......

放學留低溫書,哈！估唔到叻叻、秘書同馬騮仔都留埋係度一齊溫,都好過自己一個既^^
哈！食Lunch最搞笑！我地落左Locker食,因為學校唔可以有發泡膠既出現,所以我地食飯盒果陣比平時食得重快！聽到d腳步聲又有d驚喎,哈！食唔到餐安落茶飯添:P
好在最後都無事姐^^

係"圖書館"溫到五點就走喇！去到地鐵站我地四個都好似傻左咁係度勁講笑,勁好玩呀^^

希望考試可以順順利利啦！

>>January 15, 2003 at 10:03:14 AM GMT+8

2003 年 1 月 13 日 星期一 【晴】

今日係老Van既生日,Happy Birthday^^
今日係"皮蛋黃"既Last堂,雖然佢唔係咩特別好既阿sir,但都有d唔捨得佢,難以忘記佢叫我出黎示範......
Account有speed test,麻麻啦！得44/48,叻叻好犀利呀！Full呀佢*o*

放學同Dinner姐、燕窩、粉絲留低溫書,哈！都無乜點溫過,因為中途要影相啦、唱生日歌啦......

噢！原來係"Freeman",唔係"Feeman"呀......

嘻嘻^^好開心,影相、影相、影相......

>>January 14, 2003 at 9:18:38 AM GMT+8

2003 年 1 月 12 日 星期日 【晴】

唉~今朝勁無精神,本來唸住尋日溫書點知又無溫到......
唔得！我唔可以咁落去架！
燕窩話我Listening應該幾高分, I hope so......

今日Lunch,終於可以我地三個一齊食喇！起碼兩個月無試過喇差唔多！

唉~~電腦堂,有d無奈......

我覺得我呢排好似有d問題,好多野我都唔出聲,呢d係忍耐?定怕事?我唔知！一半一半咁啦~~
因為我知道有d野如果我一出聲,會搞到好嚴重,我都係抱住多一事不如無件事既心態,但係我發覺咁做既話自己會好辛苦,但我又唔想身邊既人擔心,唉......

>>January 13, 2003 at 9:25:47 AM GMT+8

2003 年 1 月 11 日 星期六 【晴】

今日無咩特別,係晏晝陪阿媽去新城市買野,順便睇埋衫
買左兩條褲同一件T ^^
落"皇后"買野果陣順便行去A1睇下叻叻係唔係度,哈！一望入去就見到佢喇,不過入面好暗,唔係咁清楚,佢有同我打招呼呀^^見佢好似好辛苦咁......你要加油呀！

好[支力]呀><"

>>January 13, 2003 at 9:18:29 AM GMT+8

2003 年 1 月 10 日 星期五 【晴】

今朝番彩天打波,由於尋晚太[支力],所以今日我遲左成個鐘先到:P
第二次打100分全場,勁好玩！我同條條、肥汶、活力(康)一隊,對楊咩霖、6-9、廚師&浩南,開波無耐就比佢地勁拋18分！好在到中段我地開始發力,慢慢收復失地,係休息前反超前4分^^
到後尾廚師勁入3分,之後我地仍然領先少少,尾段更一度領先12分,點知比佢地勁追,99平手,跟住打左接近10分鐘都無入波既dead time,最後由條條射入,我地不其然咁嗌左出黎,因為真係好難打、好辛苦！
不過果種feel真係好正^^

之後番到屋企都好無聊,睇電視、上網,唉~~我都好想搵番份工呀......

>>January 12, 2003 at 3:49:16 AM GMT+8

2003 年 1 月 9 日 星期四 【晴】

今日阿sir勁好玩呀,講句"轉眼間"都講左幾分鐘,勁好笑！
廚房堂幾好丫,係後尾要勁洗野,洗到傻、洗到散晒~.~

放左學係課室訓左一陣,粉絲叫醒我果陣我成隻手都係口水......證明我真係好[支力]呀......

番左屋企無耐,秘書打比我話上我屋企,哦！
Dinner姐打黎,話佢同粉絲係我樓下間仙跡岩度,嘩！Surpise！
之後我地四個就一齊去"九地恆"等埋巫婆一齊去環球嘉年華喇！
仲有燕窩、叻叻、kenneth！
好好玩呀！哼！巫婆撩我玩G Force,點知到最後都無玩到......
唉~~我想去多一次,至好有人陪我玩啦......
一路影左好多相*.~

哈！Dinner姐同我跑步,好耐未跑過喇:P

巫婆、叻叻、燕窩同秘書四個係今晚都係傻既:P
不過......咁先好玩丫嘛^^

後尾去"合成"食糖水,都係"八記"好d......

後尾我就同叻叻一齊去搭巴士,我同佢講左d野,佢都比番d意見我,我會盡力既！

臨到樓下,我send左個短訊,哈,估唔到你會打番比我,好開心,因為有人care自己係一種欣賜！
之後仲收到一個短訊,好開心^^
其實我都想將件事係和平既情況下囉出黎講,但係......我做到,佢做唔到......

>>January 12, 2003 at 3:31:29 AM GMT+8

2003 年 1 月 8 日 星期三 【晴】

今日放早,之後同叻叻&秘書去左旺角既始創中心入面食lunch,之後一齊行街,咩都行,後尾見到叻叻個fd。嘻嘻^^叻叻真係好得意、仲好搞笑添！
無耐我地就分手喇,其實都唔係好悶姐,我又唔係d唔悶得既人黎既,我動靜皆宜啊^o^

之後同秘書搭車番九龍灣,原來佢未黎過淘大架！
今日約左d同學仔一齊睇戲,開場去到得我地同燕窩咋......好在我先前比左飛佢地自己黎姐^^不過佢地都唔係遲好耐~~
原來有咁多人未睇HP2架喎,哈！好好睇！係開頭有少少悶姐~.~

睇完戲燕窩要番屋企食飯,所以走先,我、秘書、阿佬、泰利、阿佬個fd、dinner姐&kenneth就一齊去左"世華"食Dinner喇~~噢！我家姐張相呀......
之後dinner姐話要買野送比阿吉,所以我地就一齊行商場睇野,哈！學Kenneth話齋,我地男仔係籃、足球場上既移動&速度係好高,但一行街既話就會減低,女仔就調番轉,哈！唸起都覺得好笑^^

之後Dinner姐同秘書入左三樓一間精品店揀野,我同kenneth、阿佬佢地三個,就各自行其他野,哈！當我同kenneth入去精品店到會佢地兩個之後,阿佬打比秘書問我地既位置,kenneth同秘書講我地係三聯書局隔離果間精品店,點知秘書聽錯,講左"三田",噢~佢又有新花名咯:P
後尾我地去影貼紙相,佢地無端端叫我做"三田老總"喎,喂！關我咩事呀又><"
哈！影得幾靚呀d相！秘書火遮眼果張最好笑^^

今日都算開心啦^.^

>>January 12, 2003 at 2:40:15 AM GMT+8

2003 年 1 月 7 日 星期二 【晴】

今日傾同d同學仔聽日去睇戲既事,哈！果d似字又唔係字既野,好搞笑:P
唔......我禮拜五未必去......近排無mood......

今晚無心情online......

買左飛飛喇^^
囉番$$

番到屋企,又同"道明楓"講起尋日既問題,我......忍得好辛苦,本星座書講得好岩！

>>January 8, 2003 at 2:21:23 PM GMT+8

2003 年 1 月 6 日 星期一 【晴】

今朝成個人勁混淆......
粉絲病左,希望佢快d好番啦^^

今日叻叻送番份boxing既禮物比我,好鍾意^^

今日放學要Housekeeping,哈！又幾好玩架喎^^
番到課室,哈！要度身整uniform,唔唔......好在姐:P

死人蕭公子丫！你你你......(暈左)><"

哈！今日係極度偶然、難以解釋既情況下同阿A,仲有阿媽三個飲茶,唔......呢個組合好似有d怪......
之後仲一齊去左旺角買衫添......總之......就係怪啦！不過......都幾得意丫^^

唉~~~都唔明d大人點唸野架！太小心眼,仲有！我唔鍾意你地批評人地既心意,有好多野根本唔同你地以前！我覺得好多好多野,無錯！我本來就唔應該有！但,有咪當Bonus囉~~我唔mind,甚至會好開心添！但你地仲覺得我有係應該咁囉！果樣野既背後意義,係意義！你地根本唔會明！你咁樣做會令我覺得內疚,因為你係污染緊我同d fd之間既友誼！我......我唔想你係"道明楓"呀,你明唔明?

>>January 8, 2003 at 2:02:34 PM GMT+8