2003 年 2 月 4 日 星期二 【晴】

今日匆匆忙忙下食完一大碗"雙丸河"就走去樂富約左豬手去九龍城"執野",至於"執"乜喇喎~~嘻嘻,秘密*.*
我呀~差d唔記得點行落去呀,好在都勉強記得咁啦！我地影左咭、落過KC(淨係見到阿姐同Willie,Willie講左句野令我好想笑......)、行過"PK"買撻上M記......
之後我見差唔多時候,就搭車去尖咀,我地5:20pm到左恆生,等到搭半到豬尾黎埋,我仲估佢黎唔到添(我地成班後尾勁笑佢尋日係大陸落黎:P),謝斐、阿吉同TAKA都黎晒,係Dinner姐同Kenneth遲到......豬腳真係黎唔到,希望佢快d休息多d,早日康復啦！豬頭又好似人間蒸發咁喎......哈！之後成晚都好似好正常咁呀,G4無左對左右手,有d唔慣、唔慣......
我地去文化中心睇匯演,唔......麻麻地啦~~
唸住去"和民"食Dinner,點知太多人喇......後尾唸住行去"肥B"既時候,經過"寶勒黨"時見到"五十嵐",於是就順便囉位,嘩！超快有位囉！後尾Terry黎Join我地......D野食都OK既,不過d三文魚就......
哈哈！謝斐支可樂,起碼嗌左4次至黎~~哈！周街都係佢d親戚,笑死我:P
豬尾差唔多成晚都比Terry同Kenneth笑佢係大陸比人"收皮"既事,好好笑^^
食完野之後,佢地本來唸住食糖水架,我、謝斐、豬尾同豬手走先,後尾佢地都無去到,除左Dinner姐同Kenneth之外,我地齊齊搭地鐵,豬尾係咁望錶,趕住番屋企睇電視,我地沿途係咁講笑,好好玩^^
而阿吉就唔知係咪係度玩偷拍......
後尾我落車無耐,肥B打比我,哈！無帶鎖匙呀~~笑死我:P
不過遲d都有得睇啦！到時一次過睇番晒咪重好,麗音都唔駛較添啦,係咪^^

我而家感冒呀,勁打哈嚏,希望而家同我一樣病緊既朋友仔都快d好番啦！

>>February 6, 2003 at 8:09:55 AM GMT+8

2003 年 2 月 3 日 星期一 【晴】

今日係羊咩霖既生日,我祝佢有朝一日佢真係等到佢想等既人^,無論結果係點都好,都想佢有個答案^^
晏晝同屋企人去飲茶,唉~~~我都唔明,兩邊都有親戚,但係點解要咁小心眼?點解要分你定我?點解要對另一邊咁唔公平?
之後無耐我同阿媽去聯合探阿公,順便約埋傻仔去打波,睇黎阿公出院果度有d問題喇......
叻叻番黎果陣打比我,知道佢去三日就病足三日,希望佢快d無事啦！仲要同我地去尖咀架！
之後同傻仔打波,由6點打到差唔多9點半,打到隻手拉親都唔知呀><"
之後一齊去食"麥"野~~~~~好好玩、好好笑^^

>>February 5, 2003 at 4:41:44 AM GMT+8

2003 年 2 月 2 日 星期日 【晴】

今日係初三,我今日非常地覆行"早睡早起"既好習慣,我"朝早"1am訓覺,5am起身睇"火箭對帝王",好在我咁早起身係無白廢到,姚明好野！
跟住睇完波就上網,得3個人,仲要全部都係N/A,無奈~.~
晏晝係屋企食蘿蔔糕&馬蹄糕,之後一路食一路睇"阿Bu&毛毛",都幾好睇架！
之後就執書櫃,執左好耐,都係執得一個(Total四個)......
夜晚同Dinner姐駁3 lines約人星期三去尖咀,勁好笑^^
咦！Yvonne又有個新花名喎~~
最搞笑都係vicky同Dinner姐既對答,真係好好笑^^

>>February 5, 2003 at 4:23:25 AM GMT+8

2003 年 2 月 1 日 星期六 【晴】

今日係年初二,恭喜恭喜^^
朝早番阿婆度拜年,成日都好好玩,好耐無玩WE6喇,玩番全部都只係小勝一球......
未來舅母既打字速度好快,不過係唔識打附加鍵果d掣姐^^
夜晚同屋企人去尖咀睇煙花,今次好明顯靚過上次添馬鑑多多聲,款式都同以往有多少唔同,而且d煙花同風都好大,睇得勁清楚,不過呢......點解次次睇親煙花都好似差咁d野咁既呢?

>>February 3, 2003 at 1:25:39 AM GMT+8

2003 年 1 月 31 日 星期五 【晴】

今朝4點半先訓,唔好以為我去左維園,其實我只不過係屋企Hae,睇電視......
今日係年初一,係度祝大家新年快樂、新年進步、過"肥"年！(尤其係條條:P)

晏晝去阿嬤度拜年,睇電視直播丹麥對伊朗,年初四真係有d衝動去大球場睇波,因為香港波好少咁有氣氛同團結~~~睇左狐忍第十五期,爆正！係家姐部腦度開ICQ,同叻叻&秘書chat左陣,嘩！你咪話,果10個points唸得唔易架！

>>February 3, 2003 at 1:11:47 AM GMT+8

2003 年 1 月 30 日 星期四 【晴】

今日約左Gary姨同好耐無見既表弟阿祖飲茶,哈！衰仔,高左好多喎~~~下次要搵埋你黎打波至得^^
之後一齊上去聯合探阿公,阿公既精神都唔錯,不過呢個新年就要係醫院度過......百無禁忌既！

突然有d惆悵,因為好似同彩天班朋友仔既距離越黎越遠,我都唔想架><"
我應該點做至好呀~~~~~~~~~~~~~~

>>February 1, 2003 at 11:00:51 AM GMT+8

2003 年 1 月 29 日 星期三 【晴】

今日晏晝同家姐&阿媽落樓下"好好"食野,我當然梗係叫我既例菜---牛腩麵啦！
之後家姐要補習,我就同阿媽行左陣喇~~

無聊的下午......

夜晚全家去左德福食Pizza,好好味^^
約左Gary姨同阿祖聽朝見-.<

夜晚約左d同學仔去維園行年宵,約左9:30銅地恆等,我9點過d就到左,於是就行左去世貿,嘩！無去一排d野又唔同晒喎~~我仲有三十幾個未玩架！
落到地鐵站,豬手、豬腳、Dinner姐、Kenneth已經黎左,之後豬頭同謝斐都黎埋,哈！謝斐個新Look真係好搞笑！比豬頭話係爆炸狗&伊麵頭,笑死我:P拿Hand同佢男朋友仔都黎埋,最遲係燕窩...哈！
叻叻個頭嘛......唔......之前好睇d咁囉~~~
拿Hand一企埋佢男朋友仔隔離即刻靜晒呀,哈哈！(不過只係維持左無幾耐咋:P)
唔...氣氛都唔錯,豬頭仲一路行一路撩擺擋賣野果d男仔,哈哈！笑死我喇^^
Kenneth買左支火箭仔送比Dinner姐,可惜無幾耐就比豬頭......唔知係咪咁,豬頭眼有淚光......
拿Hand買左隻公仔抓,係度周圍朴,好痛架都><"
其實開始我就已經有d野,不過都無事既,點知後尾去左"小甜甜"食糖水,豬手肚痛要走先之後......
我就送左佢去搭車喇,希望佢無事啦！
豬手上左車之後,我本來唸住自己一個番屋企,因為我認得係邊度有車搭同想一個人靜下,點知都撞到佢地,之後陪叻叻去搭車,有d替佢擔心,因為佢講到好似幾恐怖咁......
謝斐、豬頭同豬尾就陪我搭巴士,係巴士度最嘈係我地四個,真係好搞笑,我地係度互踩,真係笑到我肚痛,其實我想要既玩笑,就係呢d類型^^
後尾佢地三個先落車,得番我一個,我就打比豬腳,點知佢先至岩岩到旺角,仲比個司機老昆,或者你講得岩,我唔應該咁介懷既~~不過,其實唔係今次先搞成咁,而係積積埋埋架！我真係忍唔住,但係我都一定唔會係你地面前發老憫,因為我慣左,我唔想搞到個環境咁彊......

其實我唔係話特別要嬲邊個,ok！送人去搭車係好應該,尤其係女仔添！邊個我都會！但係！我向某幾位人士之前都表達過,唔好再咁樣講野,就算係都要點到即止,但係佢地根本講開有隱,講真！我出門口果刻真係好嬲好嬲！首先！我唔係咁熟呢頭既路,第二！你地既"笑容",我有d頂唔順囉！
你地可能話我小器、唔玩得,我想講！我唔係唔玩得,因為我成日都口若懸河,得罪人多稱呼人少,我知道！但係！容忍真係有個限度！
我只不過想用文字發洩一下,因為我真係唔識用把口黎表達......

我其實唔係想講乜,過左今晚之後,我唸我會無事架喇,係搭巴士果陣都已經開始無事,因為你地真係好搞笑,我都唔捨得嬲你地喇！希望你地下次唔好再係咁喇^^

>>January 31, 2003 at 1:58:44 PM GMT+8

2003 年 1 月 28 日 星期二 【晴】

今朝阿媽陪家姐去醫院睇醫生,又要排期驗血,希望無事啦！
晏畫阿媽同我入阿嬤度囉蘿蔔糕,無搵到你呀~~因為好快就走,我有唸過架！不過唔想你咁忙之嘛^^
今晚個電話有d問題......
本來唸住聽朝打波,但係......都係"下年"先再打過啦！

死喇！我唔記得搵阿妹呀><"

>>January 30, 2003 at 9:07:01 AM GMT+8

2003 年 1 月 27 日 星期一 【晴】

嘩！今日終於都考完個試喇！雖然唔知個result會係點,不過......我唸都唔會差得去邊掛:P
今朝撞到蕭公子,唸住同佢講d野既,不過途中我同佢都撞到人,而且路程甚短,所以......遲d先傾啦^^
本來都驚考完時間太早唔知去邊好,點知同佢地傾下一陣、講下又一陣,咁就夠鐘出發去唱K喇^^
阿吉話要去"寶勒黨"喎~~咁一行八人就直踩尖咀喇~~
嘩！都算耐啦！十一點零唱到差唔多四點喎！好好玩^^尤其係G4:Vicky(隊長)---豬頭、Amy---豬手、Neko---豬腳、Yvonne---豬尾,佢地好搞野呀！
叻叻、秘書、阿吉走先,我、Kenneth、Dinner姐、豬頭同豬尾就行左陣尖咀,仲影左貼紙相添！
果部貼紙機令我明白到時間就是金錢既道理:P

今晚聽左KTVTC合唱版既"朋友仔",你地兩個把聲底都好好,係夾唔岩時間同忍唔住笑姐！
練多d實掂呀！

唉~你地幾時先明架?叻叻同豬頭我估佢明dd啦！

>>January 29, 2003 at 7:08:26 AM GMT+8

2003 年 1 月 26 日 星期日 【晴】

今日既F&B嘛~~~我估我會唔合格......d procedure全部都係老作,最後比圖講名同functions果part就更加傷亡慘重......
之後又同d同學仔去休息室溫書,大家都好似當左考晒試咁,無心機溫書,我都唔例外,唔唔......金菇牛柳卷果然名不虛傳呀下......
後尾有幾個要早走,點知一個跟一個話去旺角行街,我本來唸住番屋企,但係係屋企我又唔會訓覺同咁早溫書,所以嘛......我都跟埋去:P
點知我地去到地鐵站,有把聲話黃大仙有人墮軌喎,咁架車去到九龍灣又停左好耐喎,咁我同叻叻就浮起左出閂搭車同佢地鬥快到旺角既念頭喇,點知......我地輸左......不過都好開心,哈！我都好耐無追過巴士喇^^
行左好耐,比我係旺角撞到中學教我倫理既勁好Miss---Miss Ho,同佢傾左一陣咁啦,我以為佢地會行先,點知阿吉係度等我喎,有d唔好意思添:P
哈！睇住馬騮仔佢地四個過馬路真係好好笑呀^^
Yeah~~~我地又叫B3,今次秘書、拿hand都有叫,好正~.~
後尾馬騮仔、叻叻走先,之後我地就去左影則紙相喇！唉~~至衰第一部機short左啦！好好架果部影得......不過第二部都唔係好差^^
番到屋企好[支力]呀,不過聽日係最後一科,要努力、加油！
不過......我個心飛左去電視度呀！因為"九五之尊"好好笑！
之前謝斐同域奇打比我,哈！次次佢地打黎我都好開心,因為佢地d對話真係好爆笑^^果套劇叫"九五之尊",唔係叫"九龍皇帝"呀^o^

我阿公發燒呀,雖然係低燒,但係唔退呀！希望佢快d無事啦><"

>>January 29, 2003 at 6:29:51 AM GMT+8