2003 年 3 月 6 日 星期四 【陰】

今日要勁布置美食節d野呀, 好忙呀~.~
多謝阿van同比高幫我整個頭, 佢地個個都話好睇喎, 都算係我o既新嘗試, 我都覺得幾好睇, 不過我唔會除眼鏡喇, 因為我個黑眼圈真係好大、好大><”

阿Tray比左份Adidas o既三人籃球申請表比我, 我好想參加呀~~~~
不過每隊4人、要交$500報名費(抽到先比), 我好想報呀！不過又無人肯喎(我估), 入到每人有兩件T架, 除番開每人先百幾蚊, 當買兩件波衫都底啦！唉~~算
啦……

Lunch前同公主去禁機, 點知陪機壞左, 要走到勁遠至有喎, 又Book左HCB抬, 佢地做泰國,Dinner姐、肥B、秘書同粉絲入去先, 我同公主遲到……
哈！算你好彩, 如果唔係我實玩謝你呀, 哈哈:P
佢地個泰拳表演唔錯~~~

嘩！o係model rest. 掛布都掛到手軟呀~~
我、Dinner姐、肥B同蕃薯5點零6點先走……

今日係第三日, 恐怖o既事終於發生喇！就係放工果陣我、肥B同個M位一齊搭車, 我同肥B自顧自咁傾偈, 而佢就自己睇“忽周”, 之後我同M位一齊出閘&番屋企, 都係講埋晒d行野……算係咁啦……

>>March 11, 2003 at 1:35:53 PM GMT+8

2003 年 3 月 5 日 星期三 【雨】

今日都無乜野發生......
玩紙仔Killer囉~~
嘩！死咸濕妹！整到我條頸好痛呀~~~~~

之後去打羽毛球囉~~
有猛話驚[支力]o既肥B、謝斐、Dinner姐、我、唔舒服o既秘書、馬騮仔、唔方便o既粉絲、吉將軍、Taka、咸濕妹同埋打得最後果三個字o既叻叻公主~~~~~
哈哈！我今日狀態好好呀！雙打又贏、連續兩場一抽二都贏^^

Dinner姐！你要學忍耐、學包容、學大方......

唔唔......近排鍾意成日講笑,雖然有時自己都覺得自己好無聊,但係我鍾意見到你地笑,就算拎自己做笑炳都無所謂(一時時咋！),當我見到我成功令人開心果陣、自己都好開心架^^

>>March 6, 2003 at 3:09:13 PM GMT+8

2003 年 3 月 4 日 星期二 【雨】

嘩！今朝有芒果布甸食呀^^
不過......如果果個moment我拎住o既係其他野o既話我諗我真係會一野車埋去呀！
我真係好嬲呀><"

Lunch終於同到蕭公子食喇！好開心呀^^

番到去做左陣就走喇......
走之前成班人去睇HCB個攤位,我就走入去睇下,哈！一見到"羊胃"我竟然勁大聲"嘩"左一野,真係好搞笑呀~~~~~

我、豬4、比高、阿吉、粉絲同蕃薯去Pizza Hut,我無叫野食呀,因為已經食左......
好搞笑呀,勁同豬尾互窒:P
豬腳、比高、阿吉、蕃薯勁講佢地同男朋友仔d野,哈！算啦！當吸收經驗啦~~~

終於幫耳環買左喇,做緊特價呀！我自己都買番d呀,哈哈^^

公主聽日唔去打波,唉......

>>March 5, 2003 at 2:04:52 PM GMT+8

2003 年 3 月 3 日 星期一 【晴】

今日番學發生左好多事.......
有玩層層疊比miss鬧啦、靜靜雞玩Killer啦.......

今日放學同謝斐、蕃薯 & 肥B去食M記,超搞笑:P
我今日有訓晏覺呀！訓4-7pm,不過好似都係唔夠咁......
夜晚玩icq,同耳環o既對話好搞笑......

去camp嘛......我都唔知呀！好煩呀！
蕃薯o既理由我都有d認同......

噢......阿天o既Model夢應該無喇......

點解你唔可以比d信心比你個女朋友架?

>>March 5, 2003 at 2:06:51 PM GMT+8

2003 年 3 月 2 日 星期日 【晴】

今個禮拜成個星期唔駛上堂,因為要整美食節d野......
放點半呀！無得同蕭公子食飯呀><"
放學同豬4、阿招、Dinner姐&謝斐去唱k,我同公主殿後,佢地開房先,點知去到巴士站果陣發生左d好恐怖既事呀！果一刻我真係好驚、好驚,但係又要o係度扮老定喎......死低B！
幾好玩呀^^
謝斐又有新名喇！"Bu Bi Bu Bi"呀,哈哈:P

嘩！公主send比我個心理測驗都幾準下喎！

>>March 4, 2003 at 3:29:35 PM GMT+8

2003 年 3 月 1 日 星期六 【晴】

今日晏晝同屋企人去新世紀飲茶,d waiter服務好差呀><"
見到啤梨、E-kids同方力申.......
之後自己番左屋企抖抖,因為今日要去將軍澳勞碌......

今晚我覺得我做得比尋日好好多架喇^^
不過嘛......欲加之罪,何患無詞呢......
哈！走果陣我終於明白平日落場時間肥B o既苦況喇,原來蕃薯真係唔願走架,哈哈！
點知就黎行到落地鐵站果陣,蕃薯竟然漏左部電話o係果度,咁咪陪佢番去拎番囉,點知......佢話個M要同我一齊走喎,我梗係唔信啦！就算真係我都扮唔知啦,死人架><"
嘩！又傳?咪玩我啦,受唔起呀！人地有蕭正楠架嘛^^

見到肥B家姐,真係有種型格架喎~~
不過呢！型同靚又係兩回事黎o既:P

>>March 4, 2003 at 3:15:13 PM GMT+8

2003 年 2 月 28 日 星期五 【晴】

今朝好悶~.~
晏晝開電腦,同阿旗傾左陣,哈哈！低B旗:P

無得同佢地去"肥B"食野呀><"

今日係第一日,梗係唔可以遲到啦！
我6點就番到去,但係個M整唔見左我張form,要填過......
整呢樣整果樣,咁我就野都無食就正式黎料喇~~
嘩！蕃薯同肥B差d遲到呀~~
都唔係好辛苦姐~~
不過中途就曾經發生d事令我唔係咁愉快......
嘩！黎左個怪女人！超搞笑,個M又走左喎,好在最後都無事姐~.~
同肥B一齊搭地鐵......

如果有得揀,其實我鍾意KC多d......算啦^^
加油、努力~^o^~

>>March 2, 2003 at 9:32:55 AM GMT+8

2003 年 2 月 27 日 星期四 【陰】

今日上餐樓前o係課室幫手Cut字仔,哈哈！好好玩......Yo~~Come on 肥B,哈哈:P
Lunch果陣,維維佢地有d事......好在最後都無咩事姐^^
做waiter,本來都無乜野o既,點知就愈做愈滾,係乜事我就唔講喇,因為都算係積積埋埋o既......
討論完之後,一出黎就見到"羊胃",哼！你走著看！

番到課室,訓到3點就走喇,臨走前去教員室問Miss拎野,仲見到嘉比奧、Bryan同肥Joe o係度同Miss傾偈添~~之後我走之前Miss問左我一個問題,哈！我都唔知點答至好~.~
之後自己一個行......

綿羊叫我打聽朝打波,不過我聽朝可能要番工呀,你地見我就見啦^^
之後兩個傾左陣,嘻嘻~~禮拜一你記住帶d書比我呀~~

從前有個橙,一日,佢流落荒島,比佢撞到個鍾意欺善怕惡o既肥大毒蘋果(簡稱"肥蘋"),佢被迫要同肥蘋拍住碌,本來一路上阿橙都忍得住肥蘋o既丟蠻,但係有一次肥蘋因為掛住周圍碌而令到阿橙極之不滿,終於都忍唔住,不過阿橙係一個明白事理o既橙,所以佢最後揀左自己硬食谷左好耐o既氣,終於比佢變左一杯非常可口o既芬達橙汁,而肥蘋由於成日掛住周圍亂咁碌,所以佢最後就比巫婆比高拎左去餚湯,比人榨乾榨淨......
個結局雖然有d牽強,不過好有寓意架！

>>March 1, 2003 at 8:24:53 AM GMT+8

2003 年 2 月 26 日 星期三 【晴】

今日o既小息有d小風波......
Lunch同阿招、粉絲、Dinner姐 & 肥B去許留山食,哈哈！好多燕窩o既野呀:P
車車~~咩身份證Number優惠,呃秤o既~.~
之後就去左打羽毛球,除左第一場同Dinner姐Part果場輸左之外(大家都未熱好身嘛~.~),之後場場都贏呀~~一對二又贏,part 叻叻、肥B & 馬騮仔都贏^^
不過呢~~我無諗過咁出力打架,因為之後仲要趕去打3鬥3,點知......比人激起左我o既鬥心,所以打得都幾落力......
我同肥B一齊早走(不過都唔算早架喇,成3點正先走呀),我以為會遲到,所以拋低左肥B自己行先,走之前仲要佢幫我拎住件褸添！但點知我趕到去跟本都未齊人,肥B行到黎都未,搞到我有d唔好意思添><"
第一場,我、阿Tray同Ronald本來都無諗過會贏,因為對手係Byran、阿德同Peter！我係抱住輸少當贏o既心態去打,可能就因為咁,我地都打得無乜壓力,不過完左半場我地都係輸8分,我o係上半場入左球我認為幾靚o既波,就係o係佢地面前連跳兩次搶贏籃版再自己補籃入波^^
下半場,唔知幾時開始,我地就慢慢追左上黎,最後更加憑阿Tray同Ronald o既三分波反超前一分,跟住佢地錯失左個反贏機會,就咁樣就比我地爆冷以27比26贏左喇！
雖然第二場以18比23輸比隔離班,出唔到線,但係我都覺得已經贏左,因為Bryan佢地對隔離班果隊係輸雙位數o既,而且佢地都幾矛下,最致命o既,都怪我之前去打羽毛球果陣太興奮,搞到打完第一場已經好[支力],不過算啦^^
估唔到我地班都有咁多人黎睇呀~.~

番到屋企已經勁[支力]喇~~
我驚聽朝起唔到身呀><"

今晚傾左好耐電話,有d覺得自己似個中間人,被夾左o係中間,我又唔想見到兩邊都有咁大o既誤會喎......
我諗過多排會無事o既！

>>February 28, 2003 at 11:11:04 AM GMT+8

2003 年 2 月 25 日 星期二 【晴】

今日無乜特別野呀~
只係呢......聽日又要打羽毛球, 打到一半要即刻仆番去打3on3比賽><"
Lunch同蕭公子去左"萬好"拎野,好熱呀~~
終於見到"明期"o既真面目喇！

今日去肥B同蕃薯做野果度見工,個經理竟然同我住埋同一座樓,噢, 糟糕了......
噢~好白痴呀我！
諗住打比公主,點知比人玩呀,瘀爆><"

>>February 28, 2003 at 10:18:16 AM GMT+8