2003 年 2 月 14 日 星期五 【晴】

今朝去"彩天"打波,唉~開頭得我、綿羊、康& 6-9,2打2,唉~打左兩場已經開始[支力]喇,點解會咁既?
後尾人齊,打全場100分,4打5,開頭嘉哥未黎之前我地都領先緊,點知後尾5個打佢地4個反而輸,96比100,得勝率由100%跌到落75%喇！打4場輸1場,不過我今日有d不在狀態,好易[支力],臨尾快攻果陣仲"o彭"一聲則身撞左埋條籃球柱度添,嘩！爆痛！聽日都唔知起唔起到身添呀><"
打到差唔多點幾兩點先走,上完條條屋企拎帶之後就同傻仔、肥汶搭地鐵,我陪肥汶去AP日本城&百佳買整蛋糕既野,佢要整比佢"阿妹"食喎~~希望佢成功啦^^
番到屋企都成3點半,無聊啊~.~

今晚比Dinner姐玩死......佢亦令我為之氣頂！
佢講d野,野野釘住晒,我問佢野又唔答我,淨係叫我答番佢問既問題,大姐呀~~唔係唔答你呀,而係之前我已經不斷又不斷咁同你解釋過,但係你仲唔明,硬係要囉呢樣野黎講&開玩笑！我再講落去都無謂囉......

>>February 15, 2003 at 2:52:45 PM GMT+8

2003 年 2 月 13 日 星期四 【晴】

今日蔡sir無返,唔駛做waiter,Miss話佢係5年黎第一次請假,嘩！厲害！
今日又係情人節,嘻嘻,好開心呀！因為收到好多野(對我黎講算係多架喇...),多謝阿妹、阿吉尋日既朱古力同珍寶珠、秘書既朱古力、Dinner姐親手整既朱古力,仲有叻叻既糖同埋佢親手整既"戀愛恆星"(謝霆鋒做果套呢~~),班入面得我有咋^^
哈！小息果陣Hay~Hay~送左d野比叻叻,嘩,幾掂架！之前果日又話唔會送喎,哈哈！不過都估到喇,之後果堂叻叻勁整塊咭比Hay~Hay~,好多人圍住一齊傾偈,好好玩^^

"上"完第四堂之後,綿羊同蕭公子兩個落黎搵我,原來綿羊放早一堂,蕭公子個miss無番,所以我地三個就落Billy食,我要綿羊本小說呀~~~

放學同"拿Hand"、馬騮仔、叻叻、秘書、阿吉留到兩點半到,之後......我自己返屋企,無奈~.~

今日係情人節,唔多唔少都有d感慨,經過今日之後,我好肯定我而家係無任何目標,因為本應有既都令我心灰or失望or知難而退,就當我高攀唔起啦^^

總結:而家條條、蕭公子、差婆等都係第一年有朱古力,希望其他人(包括我)都快d有朱古力啦！男仔方面尤其係肥汶、monkey、傻仔同綿羊啦！女仔呢就係阿妹、粉絲同豬頭！希望佢地可以守得雲開見月明啦^^

唉~~見到維維、蕃薯、豬頭同豬尾都有工做,搞到我都好想搵番份工做添！不過...有無d工係淨係做兩個半月架? 5月要去Train(雖然我驚無得Train),我又唔想呢兩個月o係度"hae"喎,唉~~點算好呀！

我的精神年齡31歲 與我實際年齡差14歲
幼稚度32％
成熟度61％
老化度31％

>>February 14, 2003 at 2:10:12 PM GMT+8

2003 年 2 月 12 日 星期三 【晴】

唔......尋晚發左個兩個夢,兩個都令我訓醒,第一個超恐怖,有d血腥......
第二個都係令我驚醒,我夢到少少關於情人節既野,唉~~白痴！

今朝7點就起身,因為約左阿妹,佢幫我做野,嘩！估唔到,好意外驚喜,收到我第一份既情人節禮物,多謝呀><"
跟住就去番九龍灣,唔該晒呀傻仔,感激流涕*.*
但o係我出門口落Lift果陣,我整喊左個妹B,好無奈~.~

唔......呢兩日過得都唔知點咁......

放左學同叻叻&阿吉留左o係度整poster,唔,都唔錯丫^^

之後就同叻叻去左深水捗買U,拎野拎到好[支力]呀~~~~不過好開心^^

>>February 13, 2003 at 1:45:41 PM GMT+8

2003 年 2 月 11 日 星期二 【晴】

今日番到學校就要勁摺星星,哈！我d技術唔差架^^
小息至lunch之間果3堂好開心、好好笑,因為成8、9個人圍住o係度勁傾偈&講笑,有時佢地d女仔講埋d野都好好笑,唔會避忌~~~
加油呀！豬頭,支持你！

Lunch又同蕭公子食,哈哈！你越黎越有知名度喎~~~

放學自己一個返屋企......

今晚星球叔黎我屋企坐&回禮,哈！好羨慕佢兩公婆,老夫老妻都仲咁恩愛&尊重~~~~

噢~~知道豬頭今日無去,聽日再去啦！起碼知道個答案,都算了左件心事丫！

今晚爆忙呀！要搵人幫手,呼！差d唔成事！一額汗~.~

>>February 13, 2003 at 1:50:28 PM GMT+8

2003 年 2 月 10 日 星期一 【晴】

嘩！今朝起身好似比人打完一身咁呀><"

今日又講左幾科既分數,雖然係比尋日果d好,但係......都唔滿意><"
今日係我正式識摺星星既日子,幾好玩,又唔駛上堂喎^^
今日黎左個專教"Case Study",唔......好有忠直feel呀~~~都好既^^
之後我地摺星果陣又同佢講左一陣,好搞笑^^

哈哈！Robert同豬腳...仲有佢講果句"Cutting girl"呀,笑死我喇:P


放學同八妹、"K & T"、科科去唱K,好好玩^^
噢~~變左人肉沙包.....我條頸椎差d比人扭斷、肋骨差d折斷、鼻骨差d爆裂、左邊面就發福左少少......
哈哈！"太太好韌力"呀,笑死我喇^^

同科科一齊搭車,我知你唔會咁易放棄架！以你既能力,絕對唔駛向d小人低頭架！
我亦相信你好快就會遇到你既"伯樂",咪當放大假囉！不過放埋14號就好喇^^
加油！

>>February 14, 2003 at 10:03:10 AM GMT+8

2003 年 2 月 9 日 星期日 【晴】

今日係叻叻生日,祝佢有個好好既18+1啦、仲有成日都咁開心啦^^
好野！有杏仁餅食^^

今日又係放完假後第一日番學,唉~~陸續知道d成績,亦feel到陸續既失望......
Lunch同蕭公子食飯,其實係佢陪我,因為佢今日早放......唔.......講既野唔算多,主要都係圍繞住果個主題,另外既就係學業上既問題,唔......我勸你都係過埋final睇下點先啦~~~

放學同d同學仔去瑞和街市打羽毛球,嘩！阿吉幾勁呀~~~粉絲嘛,強勁既抽擊,秘書都打得唔錯,叻叻呢~~都唔肯跳既,Dinner姐就成日犯左d不必要既錯誤、又比秘書扑頭,哈哈:P
我呢就......唉~~~成年無打,失晒水準><"

之後豬腳又陪我行番去,哈哈~~你發夢同我講咩姐?記得話番比我知喎^^
嘩！行石春路,睇黎我好唔健康咁喎......

番到屋企即刻睇番今朝特登錄既"明星賽"啦！我年年都有捧架！
MJ o係第一節OT射入果球招牌波真係超靚,連出名彈力好既馬利安飛到盡都揩唔到波皮,絕！
Yeah~~~~I Love KG！其實我自從4、5年前已經勁Like佢喇,而家終於囉到個MVP,開心死我喇^^

>>February 11, 2003 at 2:59:45 PM GMT+8

2003 年 2 月 8 日 星期六 【晴】

今朝番彩天打波,打左三個鐘到,好好玩,我都打得特別落力,因為好耐無打,同埋好想發洩......
雖然好[支力],不過好開心、好舒服^^
晏晝食完野睇左豬手借比我既"首部曲",好好睇,係開頭悶左少少姐^^
6點零叻叻打比我,唉,笑死我喇就黎~~~

流星2終於大結局喇,好野！其實自中段開始我就鍾意睇青和同美作果兩part,好好睇~~

哈！呢兩日都有同阿旗icq,雖然講d野勁白痴,不過好開心^^

P.S.唔好迫我講啦><"
P.S.2 今晚同另一個fd icq,唔......小心d好、小心d好......

>>February 9, 2003 at 3:06:36 PM GMT+8

2003 年 2 月 7 日 星期五 【晴】

今朝一早就去左又一城陪阿天去"i.t."排隊等買Mickey Boxset,唉~~~早之唔駛咁早到啦,佢排第二個,有41個配額~~阿天7點幾到,而我就差唔多9點先到,間野成12點先開,呀~~~度"秒"如年呀！
不過都係一個經驗黎既,有幾可丫！
至搞野既係大約10點過少少果時,見到中學Miss---Miss Hau,噢~~點解要係呢個時候見到佢架?差d比佢誤會添呀><"
都幾難忘既今次~~

之後就番屋企lu~~晏晝舅父同未來舅母上左黎......

唔......唔送都送左啦,唔通要你囉番去比你呀媽著咩?
而且,禮物唔係睇價錢架！

>>February 9, 2003 at 2:36:32 PM GMT+8

2003 年 2 月 6 日 星期四 【晴】

今日係人日,祝大家生日快樂^^
今朝訓到12點到,跟住又係例牌節目----飲茶,本來都以為今日會過得好沉悶,點知原來都幾忙架！
首先飲飲下阿妹打黎,問我晏晝得唔得閒陪佢去旺角津理,由於當時未知會點,所以我話晏d搵番佢喇！之後無耐叻叻打黎,啊！黎左淘大呀佢,咁我見坐左咁耐都好悶咪落去同佢行左陣咁囉~~順便要去圖書館果邊囉Book場飛~~嘻！我去左成半個鐘有多至番去酒樓,比人鵝左陣添:P
上番屋企,差唔多五點,條條約我去"又一城",因為要"執野"比人,"執"比邊個?因咩事要去"執"?嘻嘻,心裡明白就夠了^^我見無野做咪應承囉~~本來唸住同佢食埋飯既,點知佢要番屋企食,無所謂啦,咁我就約左我阿妹喇,"橫掂"我都唸住去銅鑼灣既......唉~~本來都唸住搵埋Dinner姐既,不過佢話落雨,所以唔黎喎,但係......好好天喎@_@
同條條行Log-On,揀左好耐,唔唔...佢個樣都好認真下咁喎,應該既應該既:P
之後無聊去左"反斗城"打個轉,哈！玩左陣X-Box既足球,勁搞笑喎~~~對我地呢兩個新手黎講算玩得叻架喇！
就係呢個時候開始,阿天就不停咁打比我講講聽日既大計,我應承過你我實黎既,爭在時間問題既姐:P
Sorry呀妹~~遲左少少添><"
我去完Queen's之後,我既任務其實已經大公告成,不過我無理由要阿妹白行一躺嘛~~所以我地兩個就行銅鑼灣喇,佢收鑊都幾豐富架！不過...唔肉痛架咩?
我地行到10:45pm就走lu~~

秘書、Dinner姐都有打比我,話聽日燒野食,不過後尾都搞唔成,因為人數都算少同埋好飄忽,唔......有好有唔好既,對我呢d病緊既人咪好囉~~~

好[支力]喇我,無乜點坐過呀今日,聽朝重要晨咁早起身,仲早過平時番學添呀><"

嘩！個流星Message整得好靚呀~o~

>>February 8, 2003 at 8:11:18 AM GMT+8

2003 年 2 月 5 日 星期三 【陰】

今日成日都留係屋企,訓到成12點先起身,傷風,無心情出街......
晏晝食蒸馬蹄糕,跟住2點鐘就開始上網,上到10點到,跟住睇左"流星2"......
我突然間覺得我有d似"青和",唔好講係咪有"咪咪"既出現,"青和"其實係鍾意"杉菜",但係就從未向佢表白過,只係靜靜地不斷幫"杉菜"、協助佢,但係當佢知道"杉菜"鍾意"道明寺"既時候都會替佢地高興、並默默咁祝福佢地......
噢！我又開始白痴喇......

>>February 15, 2003 at 2:44:59 PM GMT+8