2005 年 8 月 19 日 星期五 【雨】

今日早上幫daisy爸爸那間公司打工....不過好在地點好近...
就係我條村..原來今日既工作係清潔大廈既防火門....
本來打算做到12點就走人..因為我約左阿倫~ryan又要返工.....
就係咁 才未 呀 才未 .....就 才未 左一棟大廈既所有防火門...時間亦o岩o岩12 點.......
本來以為可以放工la...點知佢地去左美心食野~~上到去美心.....
daisy 爸爸就叫我地坐抵食野.....仲叫我地繼續 才未 另一座..2點先收工la...
咁我地又唔好意思話要走.....又有飯食.......結果都係繼續 才未 ~2點完工即走人.....
返去沖完涼就跑落去搭車去阿倫屋企.....最後成4點先入到去........
因為今晚係教會既聚餐日子.....所以要早d走...結果係入到去join佢地搭車返入粉嶺..........
返到去不斷不斷既為樂泉今晚既表演去綵排~~雖然綵排時間唔係好多...
不過最後都總算順利~感謝神吧~!!! 今日難得既係叫左媽媽一齊黎食飯~~
雖然佢最後都係未有興趣信主~不過希望有一日佢會信吧~~!!!!!


樂泉表演
我和媽媽

>>September 14, 2005 at 10:42:29 AM GMT+8

2005 年 8 月 14 日 星期日 【乍寒還暖】

最近真係好少打日記......究竟係人懶定係唔想去寫....唔知.....
記得o岩o岩開個時...好想日日都去寫...
即使個日冇咩特別野.....都會寫一兩句........
自徙部電腦壞左之後~~呢個習慣已經斷左lu......
好多好多既記憶再一次既冇哂....究竟係好事定壞事?? 唔知......
係一個新開始~忘記以前既野......定係真係忘記哂D開心既事呢....唔知.......


今晚返左和興練歌....隊長有家事...冇黎到......
出隊前最後一次練習~雖然冇咩特別野...不過我感受好深~~
音樂真係可以減壓~~夾band真係幫我減左好多既壓力~我越來越愛音樂啦~!!
當然不可以忘記既係神比我既野la~~比左幾首好聽既詩歌我地....

>>September 1, 2005 at 7:20:38 PM GMT+8

2005 年 8 月 13 日 星期六 【晴】

今早返教會.....覺得個天好玩野...
好幾個星期前~我地一班弟兄姊妹約好左今日去沙灘玩.....
點知突然前一兩日落大雨.....最後昨晚決定取消左.......
點知今早既天氣竟然係........陽光譜照...仲熱到想死個隻......
有冇搞錯...奇待左咁耐~~取消左都冇辦法.....竟然仲要係出太陽........
最後我地一班人去左油麻地唱K...估不到連阿倫都咁好歌喉....
一班既讚美隊成員~~果然係浪不虚名....ahhaha~~
結果我地一唱就唱到6點~完左同嘉誠去左深水埗黃金抄WE save....
之後就搭巴士返大埔 ~~約左一班小學同學見面....佢地o岩o岩食完飯.....
我幫佢地食埋食唔哂既野.....結果唔駛比錢~~佢地請我地食....haha~~~~
之後我地成班就去左海濱公園飲酒吹水....好耐冇試過飲酒la~~~
一飲就飲左兩支半.....走個時仲落雨.....感覺好正....同瑩,偉健打的返屋企.....
忙碌得黎好享受既一天 ......

>>September 1, 2005 at 7:10:33 PM GMT+8

2005 年 8 月 12 日 星期五 【乍寒還暖】

今日約左daisy同kayla去apm.....目的本來係做功課...
本來約左佢地食野...不過原來爸爸今日放假~所以陪左佢飲茶先...
之後先自己搭車入去....今次係我第一次去apm...所以都唔係好知係邊.....
我仲早左一個站落車~~係創紀之城第一期迷了路~~正當我不知如何是好既情況下...
竟然比我見到一個地圖......真係要感謝主......原來我早左兩條街落車...
最後無驚無險下終於去到apm la~~~原來都真係幾大架.....好多商鋪~~
係food court join埋佢地就一齊行街....""唔好唔記得...去既目的係做功課架...."" haha~
不過其實入面都冇咩特別野....得幾條電梯~又勁多名牌....都唔係好o岩我地行....
行左一段時間~~又hea左一段時間之後..就諗住離開呢個地方.....
但當我地諗住走個時....見到 I love you boy"z係到做緊show~~原來係nokia game...
鬥快打message....今日佢地係用DJ 身份~所以冇d 爆炸頭祰d野睇....
講返個game!~~~d人變態架~~幾十秒就打完一個頗長既message.....
最後台主衛冕成功~~計埋上次既三萬~~佢已經有八萬既獎金la~~~厲害厲害~~!!!!!!
原來我地企係到睇~一企就企左成個幾鍾.....個show完左~~我地就做追星一族~ha~~
等i love you boy'z出黎...點知donald出黎先~~冇人同佢影相~好慘咁企埋一邊....
所以我地就同佢影左一兩張相~到少爺占行出黎~~成班妹妹仔圍住佢....
我地都冇謂同妹妹仔爭了......之後去左吉野家食飯....
食完就同d 巴西女郎影下相咁~~就各自搭車歸家.........



>>September 11, 2005 at 3:41:35 PM GMT+8

2005 年 8 月 11 日 星期四 【晴】

下午去左剪頭髮.....今次Amy剪得我好滿意~~
不愧為我自己御用既髮型師~~haha~~
晚上回穗禾學魔術......今日學穿銀紙同啤牌~!!!!!

>>September 1, 2005 at 7:23:16 PM GMT+8

2005 年 8 月 9 日 星期二 【晴】

今日係會考放榜日......

琴晚玩到太夜.....今朝遲左起身....立即梳洗完就跑去搭車~~~
返到粉嶺中心飲茶.....可惜遲左去到....食完小小野就要走~~
同張永,熙慧搭火車返太和~~我陪張永去放榜~~一個人等原來都有d悶~~
不過為左弟兄~冇辦法了....最後佢拎到12分...厲害.....不過都係報IVE~ha~~
之後又幫阿媽去做野.....係學校門口擺counter...派下水,宣傳單張咁.....
就係咁又一日.............

>>September 1, 2005 at 8:20:57 AM GMT+8

2005 年 8 月 8 日 星期一 【晴】

下午去左睇醫生~~~其實都係覆診~之前隻眼發炎~~痛.....
一路等一路為今晚祈禱會分享作準備~諗返起以前好多野...
原來不知不覺已經中五畢業左2年la~~~時間過得真係快...
晚上..返教會...首先係2號練左陣歌~~練習時間都唔係太夠~所以有d緊張~
趁呢段時間去作最後既準備~其間牧師返左黎~仲同我一齊唱歌添~~
仲要冇lala做左人地既祈禱伙伴.....haha~~真係搞笑~!!
之後過左46 ~~set 樂器~~唔知點解~呢個時候大家突然緊張起黎......氣氛好沉默.....
到開始...過程都好順利...大家有講有笑咁....不錯吧~~
經過祈禱會~~又同一d弟兄熟左....得著都不少吧~~!!!!!

最後同嘉誠一齊走~~原來佢又去佢個同學屋企訓......
我見聽日又要出黎....屋企又有we打~~所以就決定同佢一齊去訓....
點知上到去.....好多game都玩唔到....手制又要壞既.......掃興..........

>>September 1, 2005 at 8:11:43 AM GMT+8

2005 年 8 月 7 日 星期日 【晴】

今日下午相約左阿榮~幫佢搞搞個結他~~
首先同佢去左買結他線~~之後去左食午餐~~食完就返和興~
返到去見到阿明~~佢已經開始為劇本思考~~
之後整個下午~~阿榮同佢就繼續為我地既劇本而努力~~~
我就幫阿榮整好個結他.....
期間我同阿明都有為聽晚既祈禱會去練歌~~
仲有無聊既時候~~仲同佢開始作起歌黎~ha~~~不過都係劣作.......
六點半到就同嘉誠,michelle,明,榮去左禾穗子食飯~~
食完飯就再返和興練歌~~整日就活在音樂當中~hahaa

>>August 26, 2005 at 8:39:20 AM GMT+8

2005 年 8 月 6 日 星期六 【晴】

今日係教會標竿人生慶典~~所以崇拜地點改左去烏溪沙YMCA青年新村~~
本來約左弟兄姊妹搭火車一齊去~我去到火車站~見到阿榮已經坐左係到~~咁就等埋其他人la~~
點知突然收到電話..." 你地係邊ar~我地係火車,過左太和la~ e....見到你地la喎~haha~"
到左又唔落車....都唔知想點.....也許是誤會吧~原以為在第六卡集合的我們~
最後才知道其他朋友在第八卡集合了......最後等埋溢允大小姐就一齊搭車過去~
期間搭小巴個時~見到一個好好既司機ar~見到乘客漏左銀包係車到~即刻落車跑去那位先生~
呢d先係香港人架ma~~難得見到咁好既小巴司機......

今日幾百人一齊崇拜~一齊唱歌~~感覺好溫暖~好正~~真係要感謝神ar......
崇拜完~~就一齊去左canteen食飯~雖然都係差不多既餸~
不過經過福音營之後~~今次就好好珍惜....一般既飯餸都好好味.......
食完飯~就同樂泉一班弟兄姊妹傾福音聚餐當中既表演節目~
雖然冇咩特別既野傾左~~不過當中既歡樂已經得著好多...ha~~
之後參加左退修會~第一次參加這類型既節目~有一段默想既時間~不過諗得唔係太多野~
可能係太累吧~~~之後有分組分享既時間~~我地分享左過去一年既事奉同將來既計劃.....
完左就一齊搭火車返屋企......

>>August 26, 2005 at 7:45:06 AM GMT+8

2005 年 8 月 5 日 星期五 【晴】

昨晚雖累~~不過今早依然晨早起身~~因為今日活力既活動係參觀中文大學~~
一早返到和興~都未有團友返到黎~~就同惠光夾下歌先~~
等到咁上下~~團友都返哂黎~雖然唔好多人~不過都感謝神叫到佢地返黎~~
首先惠光就同佢地熱身..玩彈彈波~~表面好易~但其實好考技巧既game~~~
到10點幾~~我地就一同既出發去火車站搭火車~~期間都有講有笑~
不過我就辛苦d~~要揹埋個結他去.....到達大學站.....大家都係便利店買野食同買野飲~
補充完就沿住山路出發~~首先見到個非常靚既荷花池~真係靚到好似返到古代咁~
一D都唔似大學既.....之後上左樓梯既路~起初都唔算辛苦.....不過上左樓梯之後就開始辛苦~
天氣又熱.......仲要有個結他係到....熱到想死.....沿途都有建霆帶路~~~
之後行行下又好似入左森林咁~~行過都係山路~有溪水個D~再強調~忘記左自己入左大學...
行到咁上下~終於有個冷氣地方休息下.......之後都行過好多地方~~又影下相咁.....
終於到食飯時間.....去到canteen~對住個泳池~正~唔識游水都好想跳落去ar~ha~~~
D野食都係一般~又貴......比起IVE都係差唔多~~~D員工態度仲要差到死......
休息過後~~繼續行程~~去到宿舍範圍停下~~首先玩左數過遊戲~之後就係唱詩分享~~
之後就搭返校巴落火車站~~我同阿榮就返左和興村~佢練結他~我練琴~~
都係HEA左一陣~~就各自回家......我就繼續係屋企昏迷.........................
男人魅
我同惠光帶詩

百萬大道,唔係行左好有錢,唔係用左一百萬去起~
而係佢條走廊足以容納成個學校既學生~~有成百萬咁多人~~

>>August 25, 2005 at 7:19:54 PM GMT+8