2005 年 7 月 21 日 星期四 【乍寒還暖】

因為我地係外宿既關係~而且要擔起買早餐比導師既關係~~我地6點已經要起身la~~
琴晚成2點先訓覺~咁早起身的確好累~~不過冇辦法了~而且我地定左8點前一定要返到去~
搞掂哂之後就去左7-11買三文治早餐~結果買左3大袋野~買完就去左搭馬鐵~~
人生第一次搭~成日都話想去試~~結果終於係呢個情況嘗試我既第一次~
其實都冇咩特別........咪又係火車一架~係d景唔同咋ma.........去到馬鞍山廣場......
不幸既竟然係落大雨~~我地個個拎住咁多野已經好唔方便~~更不幸既係~~四位男生~
竟然沒有一人帶備雨具.......我地唯有冒雨跑返去...結果8點準時返到去...但卻成身濕哂.......
食完早餐~有一段時間係靈修~~呢個時間緊係dickson哥哥既時間la~haha~因為我都未有
資格帶呢~ha~~靈修過後第二日既活動正式開始la~~~

首個活動係愛情既環節~由Terry帶領~Terry好好ar~佢特登請假入黎幫手~~~
首先佢帶領營友玩幾個遊戲~~其中包括由聽覺,視覺,味覺,觸覺等幾方面去講解愛情~
仲有一part 係播早熟呢套電影~~我自己都係第一次睇~唔知係咪套戲真係好悶~
定係大家都係累既關係....睇既時間都訓著咁滯~~包括我自己................
係呢個環節~~我自己都認識左咩叫 FEEL ~
F --- Friendship 由朋友開始
E --- s E lf understand 要自我認識
E --- Each for the other,both for the lord 相方屬於大家, 大家屬於神
L --- Love 愛

完左呢個環節~就有一個鍾比營友休息~~而導師就要留係禮堂為下一環節去預備~~
下一環節係信仰--人生大拍賣~~因為遊戲內容太複雜~而且好多細節~所以講解都要一後時間~
連食飯時間都唔係太多~~食完碗麵就返去預備lu.....今次到營友去聽game briefing~~
出奇地佢地好留心去聽~~~一聽就聽左半個鍾....真係嚇人~briefing都要半個鍾.......
我負責藝術運動方面....初頭真係冇人黎....到中期終於有人黎做下掌上壓咁~佢地傻架~~
係咁係到做~haha~~好在都有人黎學結他~~仲要係女仔添~佢真係想學架~好開心~haha~~~
仲有一個小朋友住係到畫畫~~嘩...佢畫得都幾靚喎~~佩服佩服ar~~~玩左大約有7個回合之後~
就完結左個環節~~之後就係自由時間....有兩個小時咁多..有人去左打波~~不過就唔多~~
大概大家都太累~回房睡了吧~~!!!!! 而我就留係大禮堂同michelle,pal 係到玩~佢地彈琴~
我就彈結他~我地係到夾band~haha~原來個琴好好玩~~有好多節奏~~除左之外~
亦為今晚既佈道會去練習.....期間同左dckson,力傅出去左買飯~~今日唔係食白飯~~
而係食有餸飯a~haha~~所以非常的豐富~~不怕餓著去工佢......

食完飯~就係我地既重要環節----佈道會
佈道會分成三部份~ 第一係詩歌敬拜~第二係見證分享~第三是牧師講道~詩歌部份由熙慧帶領~
佢帶得好好~而且有我地既音樂帶動下~好多營友都感動落淚~~之後見證分享既時間由一位從
其他機構請來既姊妹負責~~最後就是牧師講道既部份~~講題與營會既主題相同《歧路、奇路》~
縱使冇人舉手願意相信主~不過我覺得佢地係唔敢或者係有d問題阻住~先冇舉手~
講道後~~大家有分組討論時間~ 智豪同blue都特登放工到黎支持~真係要感謝佢地ar~~

分組之後就完左今日所有既活動~~大家都返左房休息~~而我就為跟進佈導會既野~~
去左男仔房~~搵左阿毫傾左陣計~原來佢都係想識多d聖經既野先決志信主~有前途~haha~
之後就同其他男仔玩~識到一個魔術師~~ha~~帶左好多魔術野黎玩~我都識左一兩個~~
真係估不到~一條鏈一個圈就可以成為一個好魔術~~大家都為左佢諗好耐~haha~~
熱鬧過後~~就諗住去開會檢討~~不過因為大禮堂要關閉~所以最後決定返男仔房開會~~
不過今日開會時間略長~~十二點半先結束~~我地又要出去住宿~所以開完會就跑出營~~
但因為太遲離營~~而慘被看更訓了一頓.......

返到琴日既單位~~因為實在太累~~大家都沖完涼就訓lu~~連睇電視既氣力都冇.........

>>August 3, 2005 at 11:44:47 AM GMT+8

2005 年 7 月 20 日 星期三 【乍寒還暖】

今日係奇待而久既教會歧路奇路福音營.......
一早就起左身執拾行李~就返左教會執埋教會所需既物資~~
原來執下執下都幾多野要帶去~做總務也不易呢~~!!!!!!
跟住大家一齊為陪談作準備~~首先聽華山講今次既陪談同平時有咩唔同~~
同埋陪談既既技巧之後就大家分組練習~我同小敏一組~大家竟然講到有講有笑~haha~
之後大家就去左龍門食飯~~今次既營刊非常之好~感謝嘉誠同dickson既艱苦la~
食完飯就返和興~~一開門~嘩.....咁多人既....好多都唔識~我仲記得初頭好驚唔夠人添~
真係要感謝神~~報名人數竟比預期多ar~~點齊人數之後大家就合力將物資擺上車~
開開心心就出發去烏溪沙lu~~係車我同焦姑娘一齊坐~期間都傾左好多野~
原來讀神學院都幾慘~好似軍訓咁.......真係替小敏同寶儀佢地擔心~~

準時4時入到營~~首先係開營禮~唱營歌讀營訓~分組認識大家......
因為時間關係~與學業部份的環節合併~~由嘉誠去帶領~一切大致順利~~
之後玩左幾個不同既遊戲~~感覺營友比預期中聰明~haha~~
完左學業部分就分房大家休息~食飯..原本係BBQ時間~不過天氣關係取消左....
所以係外面買左20個飯盒...係20個.....呆左.ha~返黎比營友食~餸就係本來拎黎BBQ既野~
亦因為人數太多~我地幾個導師去左隔離既CANTEEN食...
食飯過後就係我同惠光帶既友情瓖節~~基本上呢個係CHECK POINT遊戲~
每組都要以最快時間玩哂咁多關既遊戲~~我負責既關卡就係猜迷語~~
猜唔中就要帶一位組員離開~其他人就要按指示去搵返佢~感覺好好~可惜自己冇得玩~HAHA~
完左之後就以友共情一曲作今日既完結~~
一日的勞動之後~營友們都帶輕鬆既離去~~但係導師們仲要留下~檢討今天既工作情況~
各人都感到疲累~~應付一天既工作實唔容易~我已經累到一上床就訓得著AR~!
因為唔夠位既關係.......我,榮,力傳同嘉誠4個要出去訓.....可供我們借宿一宵的地方~
係嘉誠同學既屋企~係愉翠苑~~我都係第一次黎呢個屋村~原本都真係幾大~~
上到去~~大家都排隊沖涼~~食下野咁~~就去訓覺lu~~好在天氣不太熱~~
因為我地唔好意思開冷氣~終於係人地屋企ma~~我就係最舒服既梳化訓左四個鍾.....

>>August 3, 2005 at 9:38:06 AM GMT+8

2005 年 7 月 19 日 星期二 【晴】

今日出左旺角.....目的係買notebook~係福音營既禮物~~~不過因為塞車既關係~~
遲左出去~~約左阿榮係和興等~諗住執埋聽日去福音營既物資~
所以諗住買完即刻搭車返粉嶺~~點知又等左好耐都冇車~~今日勁之唔順利..........
終於等到車~~不過返到去~~足足遲左個幾鍾~~真係唔好意思呀榮.......
跟住同佢過左ymca執野....原來勁多野執.....聖經,projecter,notebook.....仲有琴...........
好在有架車仔....不過已經重死人.....最後物資終於都齊哂~~工作完成~~
之後同左江雄同阿榮去茶餐廳食野.......原來聽日就入camp lu~~
真係有d緊張~~始終都係第一次去福音營~仲要做導師~~唔知班靚仔聽唔聽話呢~~~
而且晚上仲要下大雨~真係有點擔心~不過神會安掛~~交托牠吧~~!!

>>July 28, 2005 at 4:07:07 PM GMT+8

2005 年 7 月 16 日 星期六 【晴】

琴晚去完澳門返黎~~已經累到想死..........
今朝仲要出隊帶敬拜...本來6:45要起身~~點知因為太累....
成7:15先起到身~~搞到成7:40先出到門口~~~
返到去都成8點........返到去俾明話........不過又真係我既問題既.....
之後問左神~~佢比到平安我~~最後都有得出隊....
感謝神吧.....~!!!!!

>>August 3, 2005 at 9:45:35 AM GMT+8

2005 年 7 月 15 日 星期五 【晴】

繼續馬交混戰團...........

今早大約10點起身~~~ 一起身Ryan話我知我地琴晚中左招~~我地既美腿比d女人.....
劃花哂.........沖涼沖左勁耐先洗得甩~個度有沐浴露同洗頭水提供~不過唔同一般既酒店~
個度既設計好靚~~~

搞掂哂就睇下電視咁...12點到就check out......
都係搭的士.....今次可以話係的士團....搭返去議事亭前地...見到有d人排緊隊~~
原來係澳門有d建築物成為文化遺產~所以有明信片比市民記念~見唔駛錢~~
我地每人都拎左兩張寄返去~~仲要大家簽哂名~阿woon既生日日期~好有記念價值架~haha~
之後去左黃枝記食蝦子麵~~呢到既麵好出名...有成百年歷史架~味道真係唔錯~


食完lunch ~~就去左我地既重點--大三巴.....個到真係好多人~又要露天~成30幾度~~~
真係熱死人ar ~~~係咁影左幾張相~就去左後面既博物館睇野~~都係天主教博物館~~

">

之後我地去左買野飲~~我叫左波霸奶茶~~仲以為係d咩~有幾波霸~~點知就係我地平時係
香港飲個d ~~至於普通既珍珠奶茶~D珍珠真係好珍珠~~細細粒...........
之後諗住去主教山~~點知變左探險....行下行下唔知去左邊...天氣又熱..大汗搭細汗咁.....
所以去左附近既圖書館休息......呢到都幾多人黎~不過咁o岩隔離有地盤打椿~勁嘈..........
休息左一排之後~諗住舒舒服服去搭攬車~~~點知...........................去到公園...
睇到個牌寫住.....維修中...............真係呆左.......點解會咁..............
最後唯有行上山la......不過原來上山既路都好多野睇~~有孔雀,Adam(馬騮ar...hahaha~~)等等~
最令我地意外既係~見到彩虹...........真係好靚好靚~~令我地咩熱氣都冇哂............

不過行到半路......因為""火山爆發""既關係....大家決定放棄行上去~~
行返轉頭諗住搭的士..點知截極都截唔到....唯有行前d la~~點知一行就行左好遠~~~~
完全係迷路lor....最後見到M記~~入左去休息~買左d雪糕同汽水....一路食一路睇地圖~~~~
最後終於識返去la~~~返到大三巴買手信....大家都買左好多..我都買左兩盒蛋卷同豬肉乾~~
係門口比兩個咩澳門旅遊局既年青人叫我地申請張卡~話可以係指定鋪頭買野有得平~~
我地見唔駛錢又有野送所以申請左.....

之後諗住去食葡撻~~點知行左勁耐都搵唔到間鋪~仲好可能執左添~~
我又唔記得我上次去個間係邊....行行下去到葡京~所以決定入去拎贈品就算.....
拎左兩個籌碼走~~ ^^ 諗住玩兩鋪老虎機...點知搵極都搵唔到....行下行下唔知去左邊.....
搵到出口條路la~但係個到有好多deep V既女人出現~真係好多~唔係講笑~仲要個個都
身材好正~不過樣就麻麻~又會帶住笑容對住你既.......仲唔係.........妓女..真係一生人第一次見...
拎完贈品~諗住去食飯~~~但係又唔知邊到有野食~所以就咁行...係咁行~~再次既迷路~~~
以為好快到八佰伴~~點知行極都未到~~ 一睇地圖原來仲有好長既路程.............
最後都係去金沙賭場搭的士返碼頭~搭9:30船...就完左我地澳門之旅la~~

街頭其中一條小卷~~好多手信買架....

澳門乙水仔大橋~

返到香港~~聽留言信箱~~有個叫"阿鋒"既人搵我~仲以為係趙榮鋒~聽把聲都有d似~~
咁我打去搵佢la~佢話搵adam~問我拎佢電話~~同佢傾左一陣~~佢好似知我地好多野咁~
咁我以為佢真係阿鋒~所以比左佢~點知諗下諗下有唔妥~而且有疑點........
ryan同kayla係呢個時間搭車走~~我同daisy,woon就去左食野~~一路食就覺得唔妥~
打比adam傾~~最後發現原來個個人係我地大家都唔識既~~但係點解佢會知我地咁多野......
真係一個迷......不過唔緊要~大家都冇損傷~~~由他吧~~!!!!!!!!!


我地唯一既合照~

>>July 29, 2005 at 1:19:15 AM GMT+8

2005 年 7 月 14 日 星期四 【晴】

因為woon生日~~所以今日約左ryan,kaylai,daisy同woon過澳門玩兩日同佢慶祝~~
其實之前去過~不過今次去既人唔同左~~開心好多~~
可能係我懶既關係~~澳門悠閒既生活好o岩我~而且呢到d女仔靚好多~
比起香港~呢到d女仔好樸素好簡單~所以我一直都好響往係個度生活~
今次黎好似返屋企咁....一落船就行左去八伯伴行街...點知一見到第一間鋪...
竟然係...Levis......我諗都係澳門小有既名裨lu....因為大家都肚餓~所以決定搵左野食先...


之後搭的士..係呢個時候大家就發現澳門既下午街頭係冇咩人既~~~
的士司機話大家都入哂睹場,我呆左.....唔係只有遊客同賭鬼先入賭場既咩??
連澳門人也不能幸免?? ........還是已經沒有土生土長的澳門人居住在澳門?
之後就到左我地食lunch既地方--坤記.....其實都係一間茶餐廳~但係就好出名...
叫左馬介休球同牛尾再加碟炒飯~味道都幾好....


後來我地入左普京賭場~咁大個仔第一次入賭場~上次黎都係係門口~因為唔夠秤入.....
入去之前要擺低哂所有行李~~我地係門口玩老虎機~個個擺兩蚊入去都輸...至於我..
就趺返4蚊出黎~haha~~得我贏錢....不過最後都比kayla輸哂.........then...我地就入去大場...
呢個時候我先明白發生咩事~的士司機既意思......連年輕力壯、美麗的、漂亮既年青人
都入左呢個烏煙瘴氣的地方做野,難道賭場真係成為澳門標誌????

之後都去左好多名勝~不過都幾辛苦~~又囇又熱~~令我最深感受既係去左一個
天主教既教堂參觀~雖然佢係天主教~不過大家相信既都係同一個神~~
看見主耶穌被釘在十架上既痛苦樣子~~再次激發起我內心既罪惡感~~
神真係好好好偉大~佢真係為左我地~幫我地食左個咁大既死貓~仲要忍受萬般既痛苦~
目的就係為洗淨我地既罪~所以我地一定要相信佢係我地既救主~凡事依靠佢ar~~^^


因為大家都拎住大大既行李~所以決定返左酒店先...駿景酒店~~ 一間四星級酒店~~
因為book左一間房既關係~所以上到去我地要分開行...費事比個行李員見到我地咁多人一齊....
休息左一段時間.....就去左官也街~行路過去~離酒店唔係好遠者~20分鐘到~
去到就係一間好出名既甜品店買野食喇--木糠蛋糕超正....至於佢地個d 榴連雪糕就........臭.....
佢地仲話食左一口就好似已經成個榴槤食落口咁......臭臭臭.........食完行左去土生葡人博物館~
個到都幾靚~~好多荷花...係水面....先記得荷花係澳門市花.......

haha~~係到扮型...拍寫真...雖然真係幾型................


晚上去左一間蟹粥店食蟹粥~~真係好正好味~~而且個度有個女仔好吸引我.....好回味.......


食完去左百佳掃貨~~買我地既宵夜~~包括一支所謂既紅酒...其實可能係利賓納..hahaha......
返到酒店睇尋秦記,危險人物.......之後玩UNO~~第一鋪就輸左..比WOON畫面......
之後就係我既世界....連贏最少8 局....個個都比我畫過..除左Kayla.........
之後我同RYAN因為累得滯~所以訓左先....我地兩個一張床~~佢地3個女人就一張.....
咁就完左馬交混戰團既第一日lu ~~~hahahaha

>>July 27, 2005 at 8:04:03 AM GMT+8

2005 年 7 月 12 日 星期二 【晴】

今日下午約左Design班同學去BBQ~為既係同UNO慶祝生日~~
我約左cindy係荷里活廣場等~諗住買埋野食入去~~
點知最後決定入到去先買~所以就去左打機等埋Tinny同Candy佢地黎....
之後就一齊搭巴士入去西貢~去到西貢街市同百佳買完野就轉搭小巴入北譚涌~~
去左一個""傷健樂園""到 BBQ~ha~~起爐既時候~見到一隻流浪狗~~
佢好細隻..好cute~~不過就好污穢不堪~~~比D水佢飲~飲完個碗可以好多泥LOR~真係可憐~~
之後終於起到爐燒野食LA~~係呢個時候又多一隻狗仔走出黎~可能佢地係兄弟..........
仲見到一隻被喻為係佢地既爸爸既............牛 ~~ ><
之後就同UNO切蛋糕~~同埋玩蛋糕.....整到周身都係cream....haha~~~

入夜la......除左馬路既街燈之外~~咩光都冇.....我地唯有靠電話既燈做光源.........................
冇幾耐~Nesta就入到黎~仲買左d 蠟燭入黎....好浪漫喔~!!!!!!!
不過就有d唔開心既事......個個傻妹.成日做d令我地擔心既事.......
我地完左就出返西貢食甜品~~阿妃呢個時間join我地...uno就返屋企.......
搞笑~我地大家都好似一pair pair咁~除左我同tinny.....有阿威同阿蚊..有阿恆同candy~
當然唔少得我地既誹聞男女~~Nesta同阿妃la~hha~~發覺佢地其實都真係幾襯~~
笑容好一致添~haha~~佢地冇一齊都幾可惜.....
阿蚊同阿威
阿恆同candy
誹聞男女Nesta同阿妃

之後大家搭小巴出旺角搭車~~我,nesta,妃同阿威就去左旺中neway唱通宵K ~~~
大約6點先返屋企.....嘩..原來唱一晚都唔係咁好受~HAHAHA

>>July 29, 2005 at 1:18:40 AM GMT+8

2005 年 7 月 12 日 星期二 【乍寒還暖】

呢排發覺自己愛上左頭文字 D ~~其實一直都鍾意賽車~
不過真係睇完套戲先進一步喜愛~不過我都係鍾意漫畫多d~~

藤原拓海

AE 86

藤原文太

茂木夏樹

高橋涼介

須藤京一用既戰車~亦係我既最愛~~
Lancer Evolution 3


>>July 25, 2005 at 3:38:05 PM GMT+8

2005 年 7 月 11 日 星期一 【晴】

佈道會第二天~

今日第一班黎既係中二~我一直都覺得中二係中學最壞既時間~~~
而且經歷左琴日中一個班...中一已經係咁.....中二應該唔好得去邊......
點知黎到~~都係呆左.....唔係因為佢地曳得滯~~而係比我想像中乖好多.....
雖然佢地都唔係好多人聽~不過感覺上冇咁嘈......
之後中四同中六既學生都算幾乖~~不過又真係乖得滯~~~完全冇反應.............
中六個part~有ringo表演魔術~後來先知佢開班架....遲下要搵佢請救~~~
總括黎講~~我地都好成功...佢地聽唔聽到係另一回事...大家都盡左力....
完左去碧湖樓下既新茶樓lunch.....之後返和興睇回應表.....唉~~佢地既回應多數都係求其...
不過都感恩~~有10分中都有一分係正經答~仲有兩個中一既話去福音營添~~~
總算冇白費~

>>July 28, 2005 at 3:46:22 PM GMT+8

2005 年 7 月 10 日 星期日 【晴】

這兩天幫教會手去粉官開佈道會~~感覺上好耐冇返過中學~~
見到佢地早會企起到聽野~真係有d懷念.....

第一天~

因為我做司他~所以可以係台上面坐~~嘩...真係有點令我驚訝.....
第一班黎既係中一 ~~當講員開始講野既時候~~我諗真係有聽既五隻手指數得哂~~
其他既真係人有人講~佢有佢玩....其中最過分既係~有兩位同學打架~~
咁老師就叫其中一個同學出去問佢咩事.....點知個位同學竟然用粗暴的語言問侯
那位老師的媽媽....聽到真係呆左.....佢只不過係中一................
我心諗呢班學生真係冇得救~我以前覺得粉官都應該幾ok既學校la~~點知.....原來係咁.......
不過都真係要感恩感恩~~神係呢個時候又比我地睇到佢既神蹟...
當講員話祈禱既時候~大家真係靜哂~比頭先聽既人多左~~即使唔係祈既~都乖乖坐係到..
原來有時當我地放棄既時候~神已經默默做緊野架~在人不可能的~~神凡事都能~~^^
完左大家去龍門飲茶~~檢討下今日大家做既野......雖然冇咩做過野~不過感覺幫到人好開心~

>>July 28, 2005 at 3:18:59 PM GMT+8