2005 年 5 月 13 日 星期五 【酷熱】

下午同左爸爸媽媽去左飲荼~~都冇咩特別~不過就好enjoy個種感覺~haha~~
飲完自己返屋企~~完左一個咁辛苦既星期~~係時候休息一番~wakakakaka~~~
就係咁係屋企打機hea左半日~~之後6點到出左去圖書館搵d 恐龍既research~~~
仲比小朋友話我借哂佢d恐龍書~~haaha~~真係唔好意思呀~~!!!!!!!
之後一個人係街行左陣~~感覺好舒服~~自己一個既感覺有時都幾好~幾enjoy~~~
之後返屋企再hea~~cad既功課明日再算~hahahahaa

>>May 14, 2005 at 5:18:34 PM GMT+8

2005 年 5 月 12 日 星期四 【酷熱】

經過幾日唔開心既野之後~今日都過得不錯~~~
首先早上8點幾起第做ds~~又係未做過野/~乜靈魂都冇~都唔知點算~~
諗黎諗去都諗唔到~最後都係畫左6個之前諗到既野~~
返到去仲係戰戰兢兢咁~好驚比佢話~~到我比佢crit 既時候~
奇蹟出現了~ha~~佢冇話我之餘仲話d 野好得意~~
最後都揀左兩個比佢~~雖然都知d sketch好少~develop分可能好低~~不過唔緊要~
諗住product都唔係我既目標~~3:30 就過左去聽talk~一開始好有心機去聽~雖然係product先~
點知到最尾悶到訓著咁.....聽完之後令我心郁郁想揀 product 添~
反而入黎最想讀既inter......我對佢死左心~~因為比我預期既複雜好多~~都係揀graphic算la~~
放學就去學理lu~~今堂大部分既野都識既~~不過知道個基礎都不錯~~~
今日搞笑既係miss mary 幫我tone音~因為我唱歌個key唔o岩~~後尾先發現自己係男高音.....
呆左la~~~佢仲話我把聲靚~都唔知係咪真~~hahaa~之後同左bonnie行左陣朗豪坊~~就回家lu~~

>>May 14, 2005 at 5:13:22 PM GMT+8

2005 年 5 月 11 日 星期三 【晴】

今朝6點起身做cs既ppt~~~因為今日要present~琴晚真係好累好累~不知不覺訓左~~~
最後都準時完成~仲好早返到去添~~
不過因為技術問題~我地唔係第一組present~~點知人地present得勁好~~
我地用呢個ppt只會同人比下去..而且我地準備唔夠~所以決定都係下星期先present.........
之後英文補堂..........勁悶~~個個訓哂咁~我個心一心去踢波~都冇乜點聽~~死得~
下星期又要present~都未知做咩添.....慘~唔理住~都係踢左波先算~~~
落堂跑去換衫諗住踢波~點知去到球場話冇得踢~比人取消資格~~有冇搞錯~~~~~
不知所謂學生會~都唔知佢地識唔識搞活動架~都唔明點解佢地會贏到做學生會架~~
投佢地票既人係盲架~都係收左好處呀~~!!!!!! 我決定今年唔會再參加任何學生會搞既活動~
明明係你地冇人打黎叫我地做球証~而家話我地唔黎做~仲話自己有打左黎~拎張咁既紙黎
就話自己打左~喂~你冇打都可以拎張紙話打左架者~跟本冇人知~~你覺得我地會唔會咁無聊
唔黎做球証仲要黎同你嗌我地要踢呀~~死肥仔~~我實認得你架~~唔好有機會比我報仇呀~~~
唉~之後帶住氣滖滾又無奈既心情搭車返屋企..........
夜晚出左銅鑼灣~去左一間美容公司學做美容同按摩~~雖然好悶~不過去到就學啦~~~~~
自己興趣不在此~不過佢地又講得o岩~學多一門手藝都好既~未必係呢行發展~
不過識都唔係一件壤事....約左遲幾日要返去學其他野~~

>>May 14, 2005 at 4:57:40 PM GMT+8

2005 年 5 月 10 日 星期二 【晴】

今朝一早起左身~因為我舅公要出殯呀~~!!!!! ><
去到靈堂~因為佢地用基督教儀式舉行~所以感覺同返崇拜一樣~~~
都係唱下詩歌~仲有詩歌班獻唱添~~不過氣氛就完全唔一樣~~
初頭大家都仲係好平伏~~一去到追思分享~大家就忍不住掉下淚水~~~
我亦係個part正正式式認識我既舅公~原來佢都係事業好成功既人士~~~雖然家庭方面.............
我突然好想同佢傾計~~問佢d意見~不過可惜已經冇咁既機會~
最尾瞻仰遺容個part~~我見到佢個樣真係唔同哂~瘦哂~~睇黎佢真係病得好辛苦~~~
大家都哭成淚人la~~尤其係我婆婆~~~見到佢喊成咁~都有心痛.................
之後大家去火葬場~~我就因為要表演~返左學校....................
返到去心情都唔上唔落咁....搞到表演都有少少失準~不過睇返大家既表現~已經好好架la~~
完左就同sam,雪canteen食野~~傾下計咁....因為冇做野既關係~唔想上堂~諗住走~
點知阿red叫我出去做cs~~反正有時間就答應左~~同red同肥冼去左沙田中央公園拍片~~~
拍左d好噁心既片~hahah~~不過為左功課~~~image冇左都唔緊要la~~hehehee~~
5:30 又要趕返返學~出席跳躍明天既畢業禮~~真係話快就過左5個月~
記起當初我唔係好想一個人去學添~好在最後都冇咁決定..唔係點會識到呢班朋友仔~~~
拎左cert就走得la~~之後就返屋企....今日都幾忙~走黎走去咁~~由唔開心到開心既變化~~~
個人好累la~~~好想睡一覺好既~~~~仲要感謝神比我睇到咁多野..........感謝主~~!!!!!!!!

沙律~~好好好多謝你ar~~~首先多謝你既支持~我已經凡事倚靠神架la~不過多謝你既提醒~~
我地小組咁開心~都係因為大家既投入~大家有得投入都係因為你開既小組~再多謝你~~
你令我改變好多睇法~~唔係你~我可能已經唔係呢到讀~全靠你令我凡事倚靠神~
~令我更加經歷佢既神恩~~好多謝你~~亦好感謝神比我識到你~~~^^ 多謝沙律多謝神~~


>>June 8, 2005 at 3:57:23 PM GMT+8

2005 年 5 月 9 日 星期一 【乍寒還暖】

早上返10:30 ~~~不過又遲到~hahaha~~~
photoshop再次既跟不上..都唔知點算~~我會努力去追返~~ ><
因為落雨~唔駛踢波既關係~~落左堂可以出席團契~好野€~~
今日我地都傾得好開心~~本來話想快d完~去做功課~~
但最後都傾左好耐~~完左一齊去canteen食飯~~都係食得好開心~發覺呢班其實幾好玩~
不過遺憾我地見得太少la~~我發覺我地好似好陌生咁~一星期先見個一日~不過冇計la........
之後上photo~~今日預期既快~~整好左counter print之後~
做左一張相~不過唔記得校大個光圈~用左2.8~點知錯有錯著~仲好過5.6個張.......
另外個張都做左一半...就落堂~做快左感覺開心左~haha~~~
放學出左大圍~上寶福山~~今日係我舅公既守夜日~佢地用左基督教儀式~~
感覺上好平和~今晚雖然係喪禮~不過大家都好平靜~仲見有講有笑~~
似乎大家都接受呢個係事實~唔開心都冇用~~真係要感謝主~今日好多野既發生~~
都出乎我所料~我昨天祈既禱佢真係有聽~比神蹟我睇~感謝主~~~
係靈堂坐左好幾個鍾就回家~諗住做功課~~點知敵不過周公既call.....睡著了.........

>>May 11, 2005 at 4:03:48 PM GMT+8

2005 年 5 月 8 日 星期日 【乍寒還暖】

呢幾日都幾忙~~唔得閒打日記~~
而家先打返~真係唔好意思~~阿red~我而家打la~ha~~~~

講返星期一早上~返8:30 ~~又遲左好多~冇計la~~
個人咁累~點起到身ar~況且係英文堂......上到去都唔知做過咩.......
之後落堂去左canteen食飯~叉叉電~真係好enjoy坐canteen~~
不過因為又要做ds ~所以坐左一個鍾又要去library做野lu.........
一咪係咁畫係咁畫~畫到上堂都仲係到畫..成堂就係到畫~~不過今次係上色~有d難度~~
畫下畫下就落堂~之後就去左粉嶺等歐明放工~我自己一個人係粉嶺周圍行~~
行黎行去都搵唔到靈感做我個holder~好快就過左半個鍾~歐明終於放工la~~
之後同左佢去大快活食野~期間傾左好多野~~知多左好多野~~~
食完就諗住lala聲跑去和興練歌~點知個大頭蝦歐明漏左野~返左去搵~~~
好在終於搵得返~~不過就遲大到...hahha.......我越來越enjoy返去練歌~~好鍾意個種感覺~~
不過完左就要一個人行返去火車站....................唉~累死我la........

>>May 11, 2005 at 3:31:29 PM GMT+8

2005 年 5 月 7 日 星期六 【颱風】

今天是媽媽日~~happy mothday's day~~~~~~~~
今早早左起身返教會~好似好耐冇試過咁早返~~~~
不過今朝落好大雨~~好唔鍾意落雨既感覺 ~ 一來唔方便~~
二來比人既感覺係好憂鬱~~所以唔鍾意~~
今日既講道對我得少少既教導~不過都好留心聽~因為係梁牧師既關係~令我專心~~~
完左同阿榮行去火車站~~期間傾左好多關於火車既問題~ha~~~
之後lunch~同阿爸家姐飲茶~以為阿媽會黎~點知佢唔得閒.........
唯有夜晚我地先成家去左食飯............有家人真係好開心~好溫暖~~
我愛我既家人~~我愛我既神~~因為佢比左好多野我~~~~~~~~~

>>May 8, 2005 at 4:14:20 PM GMT+8

2005 年 5 月 6 日 星期五 【晴】

今朝一早就起左身~準備去馬鞍山做義工~~
我而家先知原來文具鋪係咁晏先開門~事關我要買長波波既~~
但係我琴日又唔得閒買喎~諗住今朝早少少去買~點知d文具鋪全部都未開門~~~~
仲諗緊點算既時候~~阿雪已經係麥當奴"濫用職權"咁幫我借左~haha~真係要感謝阿雪~~~
之後終於到幼稚園la~~嘩嘩嘩~~d小朋友好得意ar~好想抱住佢地~hahahaha~~~~
表演個時有少少出錯~不過小朋友好乖~~冇出聲~
之後玩左3個遊戲~佢地真係好得意~成日摸我~haha~有個影相仲要跟住我出黎~hahha~~
好快就個半鍾lu~~好唔捨得咁就離開~~我地係門口影左幾張相就一齊去大家樂食飯同玩啤牌~
之後就各自走人~返屋企lu~~~~~~~



>>June 8, 2005 at 3:55:49 PM GMT+8

2005 年 5 月 5 日 星期四 【颳風】

琴晚一訓就訓到今朝7點幾起身~又發覺自己冇做過功課~~~
之後搵左圖就返左學校~~返到去冇人~勁開心以為冇人爭printer用~
點知壞左都未整返~~~仲話今日唔會整~~嘩.....炆到我ar........
雖然我都未整好.....一整就整到11點~~之後print黑白,諗住交住先~~
到12點半~打印室開門就啦啦聲跑上去等print~點知已經勁多人~~€
一路等一路畫sketch~~好快就點半lu~~
之後3點上返去問佢得未~~點知仲print緊.....慢成咁~
好心學校咁有錢就買d新野la........唉~~~咩都壤既~~~~~
放學又要即刻去旺角學樂理~~ha~個mary miss教得不錯~好識搞氣氛~~
d野又唔係難~有d野都識既~ha~~~不錯不錯~hehe~~
今日係個度見到兩個音樂勁人~一個係葉錫安先生~~另一個係聖樂大師楊柏倫先生~ha~~
真係覺得間野唔錯~叫司琴培訓中心~he~~
完左又要立刻趕返太和食飯~~今日係美心搞母親節活動~同阿婆佢地食飯~~~
期間好多太太走出去跳舞~~場面搞笑~~成為我地唯一既娛樂~haha~~
大約11點返到屋企............點解又係11點????????ha~

Cindy恭喜你~你加入左敬拜隊~有機會事奉神多d親近佢多d~~
希望藉住呢個機會~你會更加經歷主~更加對自己有信心~~向著標竿進發~
之前因為好少同你相處~係我腦海又好少關於你既大事發生~
所以咪冇你名lor~~~而家有第一次la~haha~~~

>>May 7, 2005 at 8:19:27 AM GMT+8

2005 年 5 月 4 日 星期三 【微冷】

今日返8:30 cs~~本來今日要比佢睇present d野~
勁驚~因為冇做過..........點知最後組組都返唔齊~
唯有教書~~10:30落左堂~~就去左圖書館做ds research~~
一路做做到3點幾~~先知printer又壞左~真係廢機一部~~~~
之後已經冇心機做~好在見到阿叉佢有usb~就叫佢返去比返我~唔該叉叉~^^
咁我就可以走人~~之後同阿雪阿sam上左穗禾為星期六既表演rehearsal~~
ha~好耐冇試過咁顛~咁瘋狂la~咩壓力都放低哂~~只不過係rehearsal就已經咁開心~~
到時真係同小朋友玩~一定開心死我la~wakakaka~~
完左就返屋企lu~~返到屋企諗住做埋d research~聽日返去print~
點知累得滯~~訓著左..............................................

>>May 6, 2005 at 5:44:38 PM GMT+8