2005 年 8 月 4 日 星期四 【晴】

今日相約左design一班同學去踏單車....人物有: 我,candy,威,恆,蚊,同cindy.......
約左係大圍火車站等~~首先去左萬寧買蚊怕水先....跟住cindy都到join我地~~
去左一間平時少去既單車鋪租車...成50玩~~~都幾貴~不過不緊要吧~!!
最初我地原本諗住踩到大埔交車....起初興奮的~因為真係未嘗試過由沙田踩返大埔~~
但最後希望幻滅了~~~因為阿威唔識踩既關係..我地用0左好多時間教佢.......
令我諗返起daisy同samtha~佢地最初都唔識~結果用左兩個鍾學識了~~起初期望阿威都得~
不過佢點都平衡唔到~始於差少少~~最後用左4個鍾到~~阿威終於都踩到少少la~~
因為差唔多時間還車~~所以我地做0左衰人...."掉"低阿威一個~~我地就勁速前進~
經過好多地方之前我未去過架~有遊艇會~馬場~吐露港~感覺非常既正.....爽.........
最後我地踩到去科學園~~雖然返唔到大埔~不過已經好好~最起碼又近左一步~
唯有期待下次吧~~影左幾張相~~就掉頭join返等了良久既阿威...sorry....我地冇怪你~~
而且見你踩得叻0左...真係恭喜晒...下次要去踩過吧~~

返到大圍還車...我就走先~即刻搭火車返火炭~再行上去穗禾苑~嘩........累死左.........
遲左半個鍾上堂....今日學變花..都想學好耐~~不過冇道具帶返屋企..
完左即刻走~再搭巴士出去沙田轉車返屋企........


漂亮既日出

>>August 25, 2005 at 6:56:59 PM GMT+8

2005 年 8 月 3 日 星期三 【晴】

今日運氣返哂黎.....

因為頂唔順~好想買頭D同WE9 玩....隻眼發炎都唔理~
出左去買~~本來想係大埔買.....不過冇開......結果都係出左旺角逛~
好景真係冇開返.....所以都係返星際睇~~~
搵唔到頭D~~所以本來淨係買WE9~點知佢話5點先有~~
咁我就自己一個周圍逛~~行左兆萬~~不斷睇figure~順便睇下有冇stephy~he~
之後5點返到去~~一入門口就見到好多人落黎~~已經心知不妙~~
結果上到去~~佢地真係比人封左鋪~~嘩....突然覺得自己好好彩~好在未買......
連旺角最猖狂個間都比人封左~~決定返大埔~~等到271 一上車.......
今次最後一個位就係屬於我......真係運都返黎ar~hahaha~~
返到大埔~間野真係開返~終於買到心頭好~頭文字D~~點知欠1元....先買到隻WE9~
不過不要緊~買到頭D都好~~之後就返太和睇醫生~~真係發炎~~
原來之前眼邊紅都係呢個原因......結果醫生罰我兩個星期冇得帶con~~~

冇帶con~帶返眼鏡~~自信心真係冇咁大~~究竟係咩原因呢~ha

>>August 23, 2005 at 5:51:08 PM GMT+8

2005 年 8 月 2 日 星期二 【晴】

帶左con訓覺........結果眼角膜發炎......
又紅又痛..........

>>August 23, 2005 at 5:32:09 PM GMT+8

2005 年 8 月 1 日 星期一 【晴】

今日係非常倒楣既日子.......

下午同damon去左大中元綠食野~前日先食完...今日又食......
不過有coupon~唔駛錢就去吧~~不過壽司既魅力都幾大~haha~
期間見到一個小學同學~又係damon既中學同學~都幾搞笑~ha~~~
之後搭車出左尖咀陪damon去X-Large搵件捉鬼T~點知冇......
順做周圍行下街~之後又落左去旺角行街~~行左好多商場~~~
倒楣既事就係呢個時間發生......話說今日係出WE9 既大日子~~
所以就去左好景睇下la~~damon就買左好低既正版~~~
而我.....本來好好彩搵到間鋪~仲見到我想買好耐既頭文字D添~
真係以為好好彩~點知就係呢隻碟累左我~咁我揀完比左70元佢la~~叫我等陣~~
等左陣~得WE有貨~咁佢就比左d淨係買WE既人先...咁我就再等多陣~
行多個圈返黎...就聽到個壞消息.....就係佢地比人封鋪...oh my god.....why me....??!?!?
咁我再等多陣~~見到佢地比海關問話.....先真真正正死左心.....洩左70元比人....
唔通係神唔比我做壞事...要比懲罰我.......最後好唔開心咁離開....
帶著疲累既身軀去搭車.....倒楣既事又發生係我身上.....等到車..已經好多人..
我已經好疲累~只係想搵一個位坐下者~點知都比我前一個人坐左最後一個位.......
最後同damon企到返大埔......oh no...~~!!!!!! 好在有軟墊依靠下...唔係死人......

點解今日咁倒楣.............................................

>>August 23, 2005 at 4:24:00 PM GMT+8

2005 年 7 月 30 日 星期六 【晴】

今朝早上都係返教會~~完左崇拜~~因為下午要踢波~
所以打算等埋阿榮同嘉誠去食飯.....點知佢地關顧隊開會.....
咁所以就一齊上左阿威屋企....上到去~嘩....好靚ar~~
而家先覺得阿威係好有錢~~又有一部大既平面電視~~plasma個d~~
正到不得了~之後我地仲要打左陣WE8~~簡直正到冇得型容~hahaa~~~
之後開餐食pizza ~~一路食一路開會~就係咁~我就冇lala入左關顧隊~~
神既安排好奇妙~ha~~~開完會就去踢波~~今日表現唔錯~可能係餓波la~
場地雖濕~~不過都入左兩球~仲有一球出波令浩民擺烏龍~~~協助未婚隊贏波~
haha~太耐冇踢波la~~好正~~一踢就踢左3個鍾~~踢到抽哂筋添~hehe~~
之後lala聲跑返屋企沖涼又出過去~~約左bonnie食飯~同佢慶祝生日~~出左尖咀元綠~
難得見到阿蚊~haha~~食完行左陣就搭火車~~送埋阿blue返屋企~~就自己回家....

>>August 23, 2005 at 5:28:57 PM GMT+8

2005 年 7 月 29 日 星期五 【晴】

今早返左和興~幫活力先鋒團做導師~今次係去完福音營返黎第一次既聚會~
雖然之前都做過一兩次~不過今次返黎感覺唔同左~
呢樣都係福音營比到我其中一個既得著~真係要感謝主比到呢個機會我~
今次既題目係福音營回顧~~大家玩左幾個遊戲~之後就係睇返d相~同埋一d video~~
真係話都冇咁快就一星期la~睇返就好似琴日既事........

完左團契~冇同團友去食飯~~同左嘉誠,榮,同埋熙慧去左桃園島食野~~
唔知點解~我地幾個傾起感情事黎~~而主要目標就係阿榮~因為佢一直都想搵女伴~
問左佢好多問題之後~大家就各自分享lu~我地由閒談傾到猜謎~~
就係一間餐廳坐左3個鍾~坐到4點先走人.....感覺上又同大家熟了......

>>August 15, 2005 at 8:52:53 AM GMT+8

2005 年 7 月 28 日 星期四 【晴】

晚上上左穗禾學魔術~~一上到去o岩o岩7點~~
準時到達~但點知冇人....一見到winnie就叫我交錢~
唔係唔比我入黎....招呼都未打就叫我交錢......
好耐冇見大家....自從個次表演完後~~
不過可能都係咁~~感覺上同大家陌生左.....
今堂係進階班既第一堂~都係學d基本野~~一個銀都搞左半堂咁......
完左因為天雨既關係~同阿sam搭車去沙田先搭火車返屋企......
不要緊吧~反正唔駛錢~~~hoho~~!!! ^^

>>August 7, 2005 at 11:28:26 AM GMT+8

2005 年 7 月 26 日 星期二 【晴】

首先要同cindy講聲對唔住~因為本來今日係約左佢去camp架~
不過前幾日因為又去完camp返黎.....已經累到想死.......
雖然呢兩日都已經係屋企休息~不過真係唔係好夠~仲要7點幾要去中環~~
所以我做左一件好衰既事....就係放左cindy一次飛機~真係唔好意思ar....

今個星期最主要既活動就係........係屋企休息.....

>>August 7, 2005 at 11:20:20 AM GMT+8

2005 年 7 月 23 日 星期六 【晴】

今早又要早起身~~已經4晚冇好覺訓la~~~不過也是開心的~~~
早幾晚因為福音營要早起身~~今朝就返崇拜~~
雖然係累~不過牧師的講道始終不會叫人眼訓的.......
崇拜過後~同一班弟兄姊妹去桃源島食lunch....不過累既關係我都唔多出聱~
佢地就一邊食一邊鬥串.....大概是習慣了...一見面就要鬥串~ha~~~
食完lunch~~大家返和興為福音營開檢討會~~
大家既表現好值得讚揚ar~整體黎講~今次既營做得好成功~~
有好多人決志之餘~仲幫大家認識左好多朋友~~大家既艱苦總算沒有白費~ ^^

>>August 7, 2005 at 11:19:11 AM GMT+8

2005 年 7 月 22 日 星期五 【晴】

今早一切同琴日一樣~~都係6點就要起身~~然後買早餐~~
不過唔同既係今次去到馬鞍山先買~因為唔駛拎咁遠~~而且今日既天氣比琴日好好多~
今日天氣晴朗~沒有昨天的橫風橫雨~但大家既精神反而比琴日少了很多~~
都知道大家累了...今日大家可以選舉自行食唔食早餐~~所以人數都比較少......
早餐也多了出黎~~因此~我地買既食物都剩下唔少~~真係可惜~~

早餐後都係靈修時間~~不過知道大家都累了~所以時間比琴日短.....
靈修之後~~大家有一段自由活動時間~~不過其實營友應該沒有嬉戲既機會~~
因為呢段時間係比佢地收拾行李既...
今日唯一既活動係分享會+閉幕禮~~首先係華山帶領我地玩一個蜘蛛網既遊戲作總結~
之後係分享時間~~期間唱左唔少詩歌~~華山亦親自彈結他為我地領唱~~~
最後我地也為其中一位導師作歡送~~佢為活力事奉左三年有多..之後去外國讀書~
一段時間之後先返~~所以我地為佢唱左一首詩歌--伴我成長~以作謝意~~
最後比預期既時間長左D~~不過大家都冇咩埋怨~~~

之後就係午餐時間~~因為導師要執齊所有野準備離營~所以冇得如期過去食~~~
執好哂之後先可以過去~今次係第一次我地係飯堂食飯~~不過就要食營友食剩既飯餸.....
不過大家都冇怨言~而且仲話好好味添~可能呢3日大家都冇啖好食既關係.......
匆匆的吃過午飯~~就係影大合照既時候~大家都係呢個時候影相紀念~~
之後我地就搭車回家去~~不過有數多位導師就去左醫院探一位因為病左而冇黎既團友~~
係車上面~~大家仲係表現得充滿活力~~不斷既唱歌~~樂聲不斷~話咁快就返到和興解散lu.....

之後返到和興就執返d物資同幫惠琼執程序表~~當時有我,榮,熙慧同力傅~~一路執一路笑~
我地好似D工廠人員咁做一陣就熟左手~~之後就MASS PRODUCTION ar~haha~~
執完就一齊搭的士擺返其餘既物資返ymca~~跟住當然返屋企.....大昏迷..................


自己個組

大合照

導師們

>>August 3, 2005 at 1:04:28 PM GMT+8