2005 年 7 月 11 日 星期一 【酷熱】

彤＊*.．

．海洋公園．

今日同平時返學一樣６點半起身，
我好興奮呀！因為今日去海洋公園呀！！＞＜”

約左芷欣係老地方，跟住再去ｓｉｕ　ｌｕｎ等ｓｔｅｌｌａ，
雖然ｓｔｅｌｌａ今日都係遲左，
不過有好０大既進步！我地去左ｏｋ買ｌｕｎｃｈ，
跟住就去市中心ｍ記搵佢地喇～
今日有我，晶晶，ｓｔｅｌｌａ，芷欣，律子，趙公雋，ｓｕｎ同大丸，一齊去玩！

等大丸食埋早餐我地就出發喇～～
我地坐９６１去金鐘，途中我地已經發晒癲，
比較嘈，其他人都係到訓緊覺，佢地都係用０的狠狠目光望住我地．．
真係唔好意思．．．
去到金鐘，我地轉城巴～

終於我地去左海洋公園呀！！不過仲未開門～
等左一陣，入得喇！～
我地玩激流先～
我地分左蝴蝶組同烏龜組（睇張入場卷０既公仔）哈哈～
蝴蝶組有：我，Ｓｔｅｌｌａ，ｓｕｎ，大丸
烏龜組有：晶晶，芷欣，律子，趙公雋
我地玩左２次，玩到濕晒，
好彩我拎左大丸個袋黎擋水０者，哈哈哈哈哈哈！

越礦飛車！！ｓｔｅｌｌａ同ｓｕｎ唔玩．．．＝＝”
咁好玩都唔玩～～
我又同律子坐喇～～
好好玩呀！我個頭本身係濕架嘛，玩完就乾番晒，
因為ｆｉｎｇ到乾左．．．

玩完越礦飛車，我地就向山上機動遊戲進發！
我地首先玩海盜船，
我，律子，芷欣，晶晶，趙公雋坐最尾個排，
ｓｔｅｌｌａ，ｓｕｎ，大丸就坐尾二～
好好玩呀！我，律子同芷欣，舉晒手，企埋起身～
哈哈～ｓｔｅｌｌａ好驚呀～好搞野呀佢個樣～～

跟住玩番０的文靜０的～我地去坐摩天輪，
我同律子一架～好靚０的風景，陣陣海風，
我覺得夜晚坐一定好浪漫０者～
跟住個個哥哥比我地玩多一次～好舒服呀～

跟住我地玩飛天秋千，
我記得上年玩，影埋相架！嘿～
不過比人叫我地拎番個相機落黎～
ｓｔｅｌｌａ全程閉上眼睛，佢真係好驚呀．．．

哈哈哈！到跳樓機喇！ｓｔｅｌｌａ同大丸唔玩～
都幾多人排隊，每次０的人上到去，０的工作人員都會話
”如果以架唔想玩，可以舉手話比我地０既職員聽”死笑
上去喇！！我地狂同ｓｔｅｌｌａ，大丸揮手～
好驚呀！好高呀！最驚就係唔知幾時落黎！
我地同芷欣一齊數到１１佢就落黎喇！
好想玩多次呀！不過愈黎愈多人排隊．．．

到翻天飛鷹，係咁自轉公轉，哈哈！好正！
大丸係咁唱”全憑無人著緊緊緊緊緊！！！”
我同芷欣互望係到笑，哈哈哈！

玩完我地就去海洋館睇魚，０的水母好靚呀！
不過佢地冇腦冇心臟咁算唔算有生命呢？
有大海龜呀！哈哈，０的魚都好特別好得意呀！～
最緊要０既係，０的冷氣係涼呀～～～～

出返黎，我地去玩過山車，撞到我個頭好痛呀．．．
都係越礦飛車好玩０的～
趙公雋玩到死死下，面青口唇白咁．．

大家玩到好累，就坐底食野～
０的野貴到死．．．ｍ記又排晒長龍，
好彩芷欣醒叫我地去之前買定野食先～
晶晶，趙公雋，大丸去玩ｓｔａｌｌ　ｇａｍｅ．．．
掟＄落海～～ｂｙｅ　ｂｙｅ～～．．．＝＝”
好彩佢地都掟到２個公仔～～

抖左好耐，我地再起程去鯊魚館～
好多鯊魚睇呀！～
大白鯊比我想像中細條咁多０既．．．．

我地去埋日本花園，影埋相添～好靚呀個到～～

跟住我地坐纜車，猜包泵～
我同ｓｔｅｌｌａ，ｓｕｎ，大丸一架～咁未０者係蝴蝶組～～
哈哈～～烏龜組．．．．
我地見到晶晶抱住隻柱～佢畏高得好緊要！
我好鍾意坐纜車呀～

去左山下，我地去玩超動感影院～
又係”威威至激之旅”．．．我睇左成３，４次．．．
都唔轉過第２０的０既！

跟住去左金魚大觀園．．．．
個到仲有得睇金魚０既歷史．．．
不過個到好靚架～
我地仲影左張淑女相～哈哈～
我覺我得有０的金魚好核突．．．

跟住去睇熊貓喇～好得意呀！＞＜
不過今次淨係睇到佳佳，安安入左休息室到～
我地睇左好耐好耐，真係好可愛呀！同埋０的冷氣好涼呀！哈哈！

跟住去睇恐龍，哈哈！有揚子鱷呀！！！
趙公雋臨走隻揚子鱷仲望實佢添～
０的鱷魚都好鍾意佢咁喎～哈哈
又見到個隻暴龍．．
我細個個陣，我表哥次次都嚇我．．．
次次都話隻野口上個年衫係我細佬ｏｒ爸爸．．．＝＝”
隻野一郁，佢又係咁推我上次，搞到我以架都仲有０的驚隻野．．．
但我明知佢係假．．．我都唔知點解．．．

跟住去左蝴蝶屋～好多蝴蝶呀！不過好多都係黑色～
有０的似我想像０中既藍蝴蝶～

睇完蝴蝶，我地就去左個個３ｄ幻影森林，
戴住０既３ｄ眼鏡，好無聊咁係入面周圍走～
仲有０的狼叫聲，都唔夠我地３ｄ勁０既！
於是我地又一齊ｗｏｏ～
哈哈～
去左行個條吊橋～跟住又行番轉頭～哈．．．哈．．．

我地去左兒童王國玩～先坐個個小火車～突然有種好優雅０既感覺～
淑女！！！

跟住我地去左玩旋轉木馬～好有童話ｆｅｅｌ呀！
０的音樂係雪糕車０既音樂！！

玩完旋轉木馬，趙公雋，ｓｕｎ，大丸玩船同車，
男仔都好鍾意玩黎０的～我細佬同表弟都好鍾意玩．．

我同ｓｔｅｌｌａ，律子就玩左兒童王國０既摩天輪～
我覺得黎個摩天輪好靚呀～～

跟住晶晶，ｓｔｅｌｌａ，律子，趙公雋，ｓｕｎ，大丸
去左玩個個青蛙跳．．．
一次只可以一個”大人”，佢地要分開一個個坐，哈哈～
我同芷欣影相同埋錄野～哈哈！
好白痴呀！！！＞＜”
有個小妹妹玩左好多次，次次都扮晒好驚咁，係咁叫，哈哈！
佢地幾個仲要一齊叫！！笑到我同芷欣趴晒係到！
死笑！！！！！！！！！！！！！！！！！！！！！！！！
唔知個職員個陣心入面諗緊０的咩呢？哈哈！好．好．笑呀！

跟住我地又坐返纜車，
晶晶，ｓｔｅｌｌａ，趙公雋，大丸佢地個架，
係咁同人ｓａｙ　ｈｉ．．．
咁住我地又一齊玩，係咁ｓａｙ　ｈｉ～哈哈～

番番去山上，我地去左坐海洋摩天塔，
睇晒成個海洋公園咁濟，好靚呀～～

臨走我地玩多次激流～黎次濕得好犀利呀！
我地玩左海洋公園閂門～哈哈！好野！

跟坐我地坐番車，番屯門美食廣場食野～
好犀利呀！！我未試過食得咁快架！１０ｍｉｎｓ呀！！
好勁呀！因為驚返到屋企比人鬧～結果真係比人鬧．．．

不過唔緊要喇～今日我玩得好開心呀！
癲得好開心呀！哈哈！！




晶:6點到就醒佐啦 好緊張ar心情 真係訓覺都想笑
7:30到市中心 得我 sun 大丸 趙公公 都估到stella佢地冇咁準時
不過有進步 比預期既已經早佐

8:00到 我地就坐巴士出發啦 好興奮ar我地 所以好似嘈佐小小
就到果陣 我同stella開始塗防曬 我用10分鐘的話 stella就肯定用佐半個鐘
then轉車 終於到ocean park 啦!!!! 哈哈 早得濟 連門都未開!

10:00 一日之旅開始! 張團體票無形之中將我地分佐做烏龜組 and 蝴蝶組
8個人 岩岩好 4比4 一沖入去 我地就玩激流 我記得我坐第3個
所以都唔係濕 點知 我地又再決定玩多次 今次 我白痴到自願坐第一
當沖落去果下 我發現到d水!!!!!!!!根本唔係飛濺過黎咁簡單
同一個人拎住一桶水照頭淋落我到 係冇咩分別囉
結果就係條褲岩岩洗完 對鞋裝水= =

一於小理 下一站越礦飛車 我同大丸一卡 開頭仲大大聲話
哈哈 我今次就要睇下你驚嚇既表情 上到去 即刻後悔
因為我根本就係自身難保 我同大丸 係齊齊扒係到 大聲叫媽咪 唯一不同
係佢叫Daddy 仲有想唱"全憑冇人著緊" 聽住 係佢想

下一站 海盜船 我諗住都應該ok 點知開始佐冇幾耐 stella 就已經嚇到向後扒係到
笑到我地死 跟住就可怖啦 係跳樓機 我已經同自己講佐
今次係我第一次玩 亦係最後一次 當聽到d職員話 唔想玩既 可以舉手
我即刻想舉 由部 跳樓機升起果下
我就合上眼 望都唔敢望 因為我驚自己真係會嚇到心臟病
總知就不斷叫阿媽ar 我唔玩啦 死笑= ="

為佐舒緩情緒 我地跟住去佐玩摩天輪 有小小驚
因為我唔怕速度 但怕死高度 再互相影下相咁
再黎就係飛天秋千 感覺不錯 我只係知坐前面既stella 身體僵住了
再去海洋館 其實係想涼冷氣就真!

then玩翻天飛鷹 同芷欣一齊坐 諗住會冇咩事啦
但係最終都頂唔順 不斷係到尖叫 我feel到芷欣係到笑
叫我唔好叫 but 我控制不了
下一站 過山車 我同大丸又一卡啦 我地未開始前 已經係到互相鼓勵
但係一開始佐 頭先講過d咩 就...........如同過眼雲煙
din佐 kai佐 叫破喉嚨........

then就搵位食野 一個巨無霸食到我心都痛埋
然後都唔知係咪大丸叫我夾錢 一齊去玩game stall
總知我地就食佐白果 然後趙公公又話玩wo
不過今次我聰明佐啦 我只係幫手玩 點知我竟然中佐兩次wo
得到兩隻叮噹 咁當然我地一人一隻 分佐佢啦 哈哈
食完 臨尾 我 趙公公 sun 大丸 一齊投資再玩多次
點知 仲灰= =" 我懷疑係大丸黑住晒

再參觀鯊魚館，日本花園等 係日本花園到 覺得好有古典味
then就要坐纜車 例排動作 抱住中間條柱 蹲下去 坐低
因為呢個高度 承受唔到 仲要有d震
即刻去超動感影院玩 哇~!真係噴水 最爆笑係stella果句
"目咀 噴我!!!!"

then就係金魚大觀園，熊貓，恐龍徑，蝴蝶屋，３ｄ幻影森林，亞馬遜歷險迷程
蝴蝶屋d蝴蝶都唔係彩色既 金魚大觀園我地洗咩去wo 日日都對住條金魚嫁啦
恐龍徑係拎黎嚇小朋友 第一次見到熊貓食野 好想摸下佢

then就出發去兒童王國 覺得我地好純真ar >.<
果度d野 其實全部都係d機動遊戲既超縮細板
首先我地玩小火車 係到扮淑女
再黎旋轉木馬 扮王子 騎士
then又白白痴痴咁洗5蚊 玩果d搖控船 e.....我都唔識控制!!!!!
又受唔住誘惑 買佐16蚊可樂 後悔至死

再黎係兒童王國０既摩天輪 呢d高度先岩人玩嫁嘛
最白痴係縮小板的跳樓機 "青蛙跳 " 每次只限一個大人 同5 ,6個小朋友
咁我地都算係大人 所以想玩 就唯有輪住坐
為佐配合情節需要 我地就同d小朋友一齊叫"嘩嘩嘩"
可為交足貨 附近d職員同家長.......都 O 晒咀
我地真偉大!

then又坐纜車 繼續做番指定動作 哈哈 我地係纜車到 不斷同人say hi
再黎就玩海洋摩天塔 果陣已經係夕陽西下
個景好靚 再爭取最後機會 玩多次激流
今次我坐第2啦 趙公公第1 都未沖落去ja 我地已經係到互相攻擊
所以一早就濕了 哈哈 玩完後 我仲讚趙公公 好似出水芙蓉!!

本來約埋一齊食晚飯 不過太遲啦 為免俾人鬧
我都係番屋企 不過好在冇咩點話我 只係恐嚇我
如果再有下次 就..............

總結一句 今天係高潮疊起!

>>July 13, 2005 at 11:50:26 PM GMT+8