| 日記 | 日記主簡介 |
||||||||
2006 年 5 月 9 日 星期二 【晴】 晶:班主任堂 同學分享 小豬的故事=.= 文學堂 還是這樣吧~ MATHS堂 還是這樣吧~ econ堂test 都話唔洗背嫁啦! 週會變佐班主任時間 miss sin叫我地帶d細個既相 然後玩 勁猜遊戲 我帶佐張幼稚園畢業相 仲有張我細佬既畢業相 因為我細佬張畢業相 左下方果個女仔 如果唔show俾人地睇 我會覺得對唔住大家 lunch 幫Amy慶祝生日 食佐個芒果蛋糕 chin堂 黎sir冇啦啦講老鼠仔 eng堂 嘉儀俾人話short p.s 聽日雖然有中史test 但係好在係特別上課時間 又有我地既特別聚會 >>May 9, 2006 at 4:20:36 PM GMT+8 2006 年 5 月 8 日 星期一 【晴】 晶:尋晚同屋企人玩大富翁 佢地串通呃我ar 又係我最先破產 屈機!!! 中文堂 黎sir冇番 傾計~ econ堂 得個半個鐘 係到做mc 都係hea~ PE堂 MISS鍾叫我地下堂要游ar 上果堂又話唔逼=.=" 人地真係驚嫁嘛 邊個話1.3米 唔可以浸死人 maths堂 大家都很累 都冇咩心機上 放學 即刻去食野 聽日econ test又係周sir出 都係溫同唔溫冇分別 p.s小食部終於再推出番咖哩角啦~ >>May 8, 2006 at 4:20:56 PM GMT+8 2006 年 5 月 5 日 星期五 【陰】 晶:全日門訓 門訓到骨頭都散 今日表弟飛啦 冇去送機 一黎要門訓 二黎我驚會喊 9:00到join番舒媚佢地 then就番office ( 原來今日係教會旅行) 我地就7手8腳咁開始煮早餐 大家都係到忙 but我同李子僑 就幫唔到咩手啦 哈哈 古運雙仲俾d洋蔥搞到好感動 (洋蔥我有幫手切) 我地整佐呢個........(唔識點打) 仲有火腿 煙肉 之類 原本以前11點 就可以搞掂 點知搞到成12點幾 跟住公公提議畫鬼腳食辣椒 古運雙又白白痴痴咁附和wo 我地唯有被逼參與啦 結果係古運雙中佐 開頭食都冇咩野 後黎佢將成條 夾係個包到食 一次過放落口 下一秒佢就衝佐出去 嘔晒出黎 佢辣到不斷係到透大氣 我地成組人又係到學佢透大氣 笑死 佢仲話覺得好high d表情一流 then就講門訓topic 我地成日都會講講下 問佐好多唔關事既問題 不過咁樣都幾好 學得更加多 正當講講下 李子僑冇啦啦手多多 倒瀉佐個杯 搞到peach濕晒 唯有叫佢著住周俊d衫褲先 好搞笑 3:30 終於講完了 比預期快佐 後黎因為冇咩好玩 就一齊玩捉迷藏 我揀佐躲係hall到 5分鐘後 我聽到有個校工同其他人講話 唔可以入hall 跟住我就聽到佢地出晒去 正當我係到諗緊 應唔應該自動現身之際 我又聽到個校工話 同學 唔好玩啦 出去啦 我果陣真係呆佐 因為我明明係個櫃入面 佢點知嫁.......! 於是我唯有爬番出黎啦 點知 跟住到個校工呆佐 原來佢同緊公公講........ 無所事事佐一陣 最後我地決定去租單車玩 就係今日既高潮啦 我,舒媚,運雙3個合租佐一輛"四輪車" 舒媚坐前面 我同運雙就坐後面 負責踩 我仲負責控制方向盤添 哈哈 好好玩 我地係到玩飄移 不過舒媚就灰d 佢話佢好驚 因為條命係人地到 死笑 後黎運雙走佐先 咁就由舒媚同我一齊踩 幾經辛苦 我同佢又搬 又推四輪車 先離開到單車場 出到去大路到踩 會合公公佢地 因為部車身型都幾大 要大力踩先ok 舒媚後黎捨我而去 佢拎佐公公部車自己踩 於是就由公公同我一齊踩 公公控制方向盤 而我既冒險就由呢一刻開始.............. 公公比我更癲 佢會突然之間咁轉方向 嚇死人 好似要拋出去咁 偏偏次次又冇事wo 我終於明白到條命係人地到 果陣感覺啦 不過我呃佐佢一樣野 哈哈 佢成日問我 你有冇用力踩嫁 我隻腳就黎抽筋啦 其實我冇 哈哈!!!!!!!!!!!!!!!!!!!!!!! 最刺激就係落斜坡果一幕 好興奮ar!!!!!!!!! 唔知點解 我果陣真係一d都唔驚 仲好想再黎 到佐另一個斜坡 開頭都冇咩事 但係尾段 我地加速佐 就係咁........... 我咁大個女第一次反車既經歷就發生佐 果一刻個腦空晒 連尖叫都冇 割傷 擦傷 脫臼 流血 .......... 好在我地都冇 \......./ 唔知公公係有意定冇意 架車好不幸反佐去佢果邊 我已經醒目佐 冇壓過去 唔係佢真係會脫臼=.=" 更好彩既係 如果反我呢邊的話 大家依加應該係醫院見我 反佐之後 即刻有個好心既叔叔過黎幫手 確定冇事之後 第一件事 就係祈禱感恩 不過有一樣野 我真係覺得好好笑 就係我同公公反車 有兩個伯伯睇到成個過程 他們的口張得很大!!!!!!!! then就還車 去埋大家樂食d野 6:30到我就回家了 今日真係好難忘 每一幕都是 >>May 6, 2006 at 10:09:38 PM GMT+8 2006 年 5 月 3 日 星期三 【乍寒還暖】 晶:天文台係7:10連黃色暴雨警告都取消埋 真係掃興! 班主任堂 調位了 本來係同老鼠坐嫁 前面係嘉儀 斜前面係張?嶸 好在ms sin肯俾老鼠同嘉儀調 唔係我上堂就悶死啦........... eng, 中史 ,PA, 都係咁過啦 lunch同stella 律子去京都食 lunch番黎 大家係到討論頭髮 又係到度下張?嶸比我高幾多(23cm) 哈哈 原來maths堂 佢係唔敢伏係到訓嫁! 放學就忙死啦 我地rsc project要"表演"啦 我地打算拍一個短片 關於家庭的 由陳瑋仁做媽媽 阿朱做爸爸 我.....就係佢地個女啦 一聽就知有睇頭啦 完全係笑笑小電影果一類 gag 拍完片就錄歌 "可愛的家" 由我地加4D班既kai 佬團合作完成 哈哈 好好玩 多謝晒大家幫手~ p.s 唔記得講 我表弟(5歲)上星期六黎佐 佢遲d會飛番去美國 如果有興趣俾佢叫笨蛋的人士 請盡快聯絡我 >>May 4, 2006 at 12:58:16 AM GMT+8 2006 年 4 月 30 日 星期日 【晴】 晶:心血來潮 想介紹下我身邊既人(排名不分先後) 4A 古運雙:中2識啦 依加同一組門訓 幾好蝦 又好打 憤怒既時候搵佢岩晒 係個幾識表達自己感受既人 思想簡單 4B 律子: 中1識 係最早期係中學識 而又熟既同學 行為低能不說 又鍾意狂飲水 最高記錄係飲到嘔 係個可以一齊做白痴野既fd 李詠欣: 中1識 不過中2先熟 art好掂 見到某類顏色or生果 就會癲 我覺得佢係幾 可愛既女仔黎既........ 芷欣: 中2先識 咁多個朋友之中 最羨慕既人就係佢 佢做樣樣野都分配得好 完全唔洗人擔心 好勁 yu: 中2識 唔出聲會以為佢好惡 講野好直接 而且非常獨立 比較似姐姐 Amy: 中2識 佢係本世紀幾乎絕種既乖乖女 屋企仲嚴過我 讀書 唔洗講 厲害 stella: 雖然中1同班 但係係直至中3,4先熟 係一齊既時候可以有好多笑料 同佢講心事都ok 小龔: 成個細路樣 可以當細佬錫 4D 江俊燊: 中3識 條眉可以波浪 如果佢帶頂鴨仔帽 加短衫短褲 食住支波棒糖 然後扮一個招牌動作 可以即刻番小學 布: 雖然中3暑假行過山 不過就......唔係好記得 中4就委屈佐佢同我跳 不過我講may i 肯定多過佢講 kai佬: 中1同班 但直至中3 都講唔夠20句 中4先熟d 阿朱: 一個唔粗魯既男仔 雖然唔知對男係咪 可以蝦得我諗 陳耀富: 應該十句說話入面 有6句都係用黎嚇唬人 鍾意嘲笑別人既笑聲為樂 但係衰唔晒 蕭b: 中1試過熟過 電腦出佐事既時候 好自然就諗起佢 4E 郭彥彤: 最好朋友啦 小4認識 直至中1互相督穿對方真面目 一齊經歷佐好多野 有好多共同既回憶 雖然佢白痴 但係同佢一齊就最放心得過 馮敏恩: 自稱美少女 雖然我承認佢唔出聲果陣係呃到人 但一出聲就嚇死人 彭權:中2識 覺得佢成熟佐好多 開始唔似奸商 鍾曉輝: 以男仔計 同佢最fd 佢係我中學入面第一個識既男同學 造就營後 我地就成了"一對" 係個可以傾訴既對象 雖然佢似隻龜 公公: 中2識 覺得佢依加同果陣 好大變化 鍾意搞亂人地個頭 不過人唔錯 p.s 如果打少你的話 唔好打死我 因為我下次會再打 >>April 30, 2006 at 11:28:46 PM GMT+8 2006 年 4 月 28 日 星期五 【颱風】 晶:尋晚4:00 俾雷聲 打醒佐 then就訓唔番lu 朝早番晨更 唔小心將阿朱d WS整濕晒 ok灰wo ...... reading period 冇辦法之下 唯有除鞋涼番乾對襪 我地班 唔只我一個咁做 臨lunch之前econ堂 我同律子可能得閒得濟 將d食店名寫晒落paper 然後cut成一張張 玩抽籤 睇下今日lunch去邊食好 不過玩佐幾次 次次都話唔算 再黎 今日得我同律子 其他人都唔得閒 撞到梁昊賢 so變佐3個人食 搵佐幾間餐廳 都冇位 去到green yan 又撞到張嘉欣佢地6個wo then佢又地話不如一齊食wo 就係咁 我今日同律子由原本兩個人 變佐9個人一齊食 仲要呢9個人 ok9唔塔8 =.= p.s 今日繼續去追書 個男仔話佢仲未買 then佢就俾佐100叫我自己買 真係ok無奈 加想打人 >>April 28, 2006 at 11:50:17 PM GMT+8 2006 年 4 月 27 日 星期四 【晴】 晶:今日發生佐好多魚皮事........ 文學堂 又俾miss chan叫我答d 全班都唔識答既問題 ..... 做呢個科長真係難... maths堂 要選12個人代表班 參加maths比賽之類 個死人吳鑫僑 明知我maths已經衰到"貼地" 仲有心提名我 搞到個個都係到狂笑 孫sir仲話 "咁係因為大家熟識我姐" 小息終於故起勇氣 搵miss李 將件事話俾佢知 希望佢會叫 果個男仔 快d俾番本書我 chin堂 又係到講平仄 黎sir話人名最好係"平仄平"最好聽 又話"平平平" 就唔好 佢望住我果陣 我已經feel到唔對路 跟住佢就話:" 我都係唔講啦 我驚楊晶晶會睥我 因為佢個名係平平平" 咁你仲講出黎!!!!大家又係到笑..... 放學 又搵miss Lee...... 今日ok爆笑 其實一d都唔好笑 >>April 27, 2006 at 5:52:32 PM GMT+8 2006 年 4 月 26 日 星期三 【晴】 晶:簡單咁講 就係今日全班都為到游水而好興奮 我冇游到 乾曬 個miss幾嚴 ....... >>April 26, 2006 at 4:23:09 PM GMT+8 2006 年 4 月 24 日 星期一 【乍寒還暖】 晶:今朝 晨更阿毛遲大到 變佐我係到抄maths 哈哈 eng堂睇番SBA d成績 比上次進步佐一分 都好 我幾驚仲低過mock chist堂 miss馬話 大家都曬黑佐 因為佢地去完camp 律子坐我隔離就形成對比了 PA堂 又係處於呢種半睡半醒既狀態 LUNCH去食pizza 對面有一台人冇啦啦show佐隻好肥既蒼鼠出黎 maths堂 勤快地做數 放學就落佐office傾project 不過係吹水居多 p.s 我本geog書 睇黎都係凍過水 最後要講既 就係大家唔洗咁開心 我打番日記 記住幫我揚開去就ok >>April 24, 2006 at 5:12:40 PM GMT+8 2006 年 4 月 22 日 星期六 【晴】 晶:打日記彷彿係上世紀既事了 唔該晒大家幫手掃塵= =" 等我先同大家講下我既近況先 第一 我聽日將會很悲慘可憐 因為我會為佐我既假期功課而通宵達旦 原來品性真係好難移 經過我多年對自己既觀察 我真係果d 唔到死 都會捨得做既人黎的 第二 就黎又過完f.4 今日學琴既時候 同miss傾佐d 人生問題 究竟我將來打算做咩? 我記得媽咪曾經同我講過以下既說話 媽 :你如果想唔想讀書 最好既方法 就係第時大個搵個有錢佬嫁佐去 我 : ..........咁 媽 :不過咁 嫁個有錢人係需要姿色的 而你 冇...... 所以你可以死佐條心 專心讀你既書 總結就係 我無從選擇 唯有繼續讀書 將來靠自己=.=" 第三 我發現我在家中 已經由高層跌到落地下草生階層 自從我細佬高過我開始 我已經不能夠再用"力氣" 黎令佢屈服 依加 連電腦都好似變佐由佢話事 莫非真係風水輪流轉? 第四 未諗到 諗到再打 P.S 我發現D班同學 好鬼kai 不過純粹講笑 >>April 22, 2006 at 11:12:39 PM GMT+8
|
|
很快會過的人氣: 52113
Design & Scripting by ShowHappy.Net