2006 年 10 月 10 日 星期二 【晴】

@Self-determination with God

今日....思想混亂中決定了幾件事...希望決定無錯同唔會後悔la~~
第一....我決定參與競選社工系系會幹事,為系會出力...為同學爭取更多福利...
第二....決定參加二零零七年三月四日(星期日)的渣打馬拉松10km賽....因為中學時期參加過...之後就一直冇人同我一齊...到左今年,問左好幾個人,都願意一齊同我顛...好~所以就決定參加了..去跑下享受下....為神跑下都幾好~~~
第三....我決定了再演話劇...今次全為興趣...好耐冇玩了...等到機會了....

都希望透過以上決定ge野...令自己更學識分配時間,做事更有效率~~~

盼望個人ge迷失....隨住一個又一個的決定....漸見光明....盼望神繼續為我開路......讓我成為神ge精兵....成為神揀選ge牧羊人~~

God Bless~~


>>October 11, 2006 at 4:24:10 PM GMT+8

2006 年 10 月 7 日 星期六 【晴】

@混亂@

今日心情比較轉得快.....朝早,下午都好好地...唱雞-->返教會打波..都冇問題的~~不過黃昏開小組打後....都唔係好開心,比較失落...好似已經迷失了自己....成晚不斷問自己..."我究竟做緊乜..."冇答案.....

開小組,令我諗到好多好多野...好似失去左某d野咁.....但又唔知做咩事....

到左晚上....打波都冇心情..一落場已經唔想打了...但為了唔想影響朋友....所以勉強捱下去...因為佢地難得一次出黎打波~~~

回家後...搵石婉傾下.....佢講我開組個時,已經feel到我精神同情緒,都開始疲勞...好似支持唔到咁....一時間..好似講了我的問題出來.....真的需要俾自己靜一靜.....安靜在神裡面支取力量,重新調整番先得la~~~

感謝你~~石婉~

願主祝福~~


>>October 8, 2006 at 4:35:11 PM GMT+8

2006 年 10 月 6 日 星期五 【晴】

@中秋節@

haha~唔知點解呢幾個星期六,都好似好忙緊,好充實~~今個星期六,由朝去到星期日朝早.....

今日11:30pm就返左教會la~~因為馬頴彤&曉欣今日帶敬拜...不過我都有信心佢地冇問題的...佢地專登約早d返黎練...做足準備功夫.....我只係循例返下去睇下佢地ja~haha~~因為佢地有能力的~~~感恩~~

之後都係一星期一次ge E-1-F中三小組...一星期最期待就係見到佢地~~成長成長成長....不斷的成長.....感恩~有部份仲開始參加教會ge培訓班添~~~~

崇拜...感動又搞笑.....都唔知點解連唱一首好有兒歌feel ge<我愛禱告>都喊得出......不過對我來說...都好好....因為好像自己變成小孩子....去父親ge身邊..死都要同佢傾偈....捉實佢....捉唔到佢唔心息.....好感受ar~~~神係個刻同我講...."我愛兒...">.<


<我愛禱告>
天父，我愛禱告，在禱告中向你傾訴。
在禱告中我要講出我心事，你一定聽到。
天父，我愛禱告，在禱告中有你鼓舞。
奉主耶穌基督聖名祈求，阿們。
從今天起每一個早上，要對你說聲「早」。
無論是晴天，還是下雨，你也是最好……
天父，我愛禱告，我愛你你都知道。
奉主耶穌基督聖名祈求，阿們。

接住落黎...又係不斷喊不斷喊....因為<十架的冠冕>...呢個星期成個人比較混亂...所以聽到呢首歌...好有共嗚....相信神會帶領,相信神會安排,相信神的思典夠我用~Amen~

<十架的冠冕>
路是難走，但比起您的十架路我今天算甚麼；
來起身再走過，遇著痛苦，您亦經過世間苦與樂，
您的救贖愛海，我得勝和釋放，凝望著十架的冠冕，
仰望您渡過每天，您體恤我的軟弱，明白我親身處境，
無論遇著困苦憂愁，您亦會在我身邊，
您興起我的生命，我今得到信心面對挑戰


感恩感恩~~

同輩小組...開組....滿快樂的....關係近了不少....今日Lighting要早走去做節...我們的牧者--石婉又唔係度.....所以變左全男班.....名正言順...做左So-Man club~wahaha~~

結束了一天的教會生活後...立即飛奔入三門仔....我屋企...不過較早時間...已有數名青年闖入了....因為雖然冇人...但知道鎖匙放在那裡...識開門....輕易地闖入了~~wahaha~一直玩到星期日朝早出返黎.....

不過節目還未完結....因為即興地去了大埔Neway唱雞....wahaha~~已經想去成個星期了....終於完了我的一個美夢(誇張的說...)我相信下午3和晚上都有節目....留待星期日的日記吧~~~~haha~


>>October 8, 2006 at 6:04:27 AM GMT+8

2006 年 9 月 30 日 星期六 【晴】

@國慶主日@

今日係國慶主日聯合崇拜ge大日子~~即係全教會ge人,包括青少年同成年人,都會一齊係今日教會敬拜神~正ar~難得一次,所以都幾期待....而今日都幾特別...因為尋晚係教會走之前,被Elim邀請了,成為今日其中一位ge陪談員..幫助新決志歸主ge人,確立佢地ge信仰~我當然應承..難得一個為神作鹽作光ge機會~wahaha~~大致順利~感謝主~
完左之後,一直係教會吹下水,食下野,玩下...因為今晚去睇show ar~就係詹瑞文再度演出ge<男人之虎>...因為之前睇左佢ge<萬世歌王>...真係好正,好搞笑...所以一定要睇番佢再之前演出ge<男人之虎>...都唔錯ge~~
睇完之後食野.....不予置評...我其實不是攰的...只不過我唔想出聲罷了~~~


>>October 1, 2006 at 6:19:22 PM GMT+8

2006 年 9 月 29 日 星期五 【晴】

@月餅關懷日@

今日係我地教會關懷日ge其中一日...要做ge野就係派月餅俾大埔區ge家庭~~今朝十一點幾就返左去教會la~因為要先準備所以物資,俾弟兄姊妹要packing~~~之後一直都好忙...因為要不斷re-fill d月餅等物資packing~~

到兩點到,所以野pack好哂.....而2:00~4:00pm呢段時間,係俾弟兄姊妹用黎食lunch...不過我食左一個飽ja~因為要趕住開中三小組...好似好多野都未搞掂咁...所以其實都冇乜心情去食飯~~不過感謝主,開小組都好順利~~~亦都感謝每一位仔仔女女ge體諒...雖然好趕,佢地都迫住食得好快..不過佢地都冇怨言...好乖咁開小組~~~愛死你地~

開完小組之後,就準備拎月餅出去大埔區派la~~三個人一組,而每一組都去兩至三個家庭~~~我個組其餘兩個人,都係中三ge,都識ge..其中一個仲係我個女添~~感謝主...可以同佢地配合得更好~~結果兩家人當中,去了一家人..因為另一家人話唔太方便去佢屋企探訪~~不過都唔緊要,相信神已進入他們家了~

之後再返教會ge分享會~~今次角色有少少特別....就係我做其中一個 M.C. ,而另一個係老大....冇問題..好順利...都係因為識得,所以都配合得唔錯~~~感謝主~~

haha~到左夜晚...又係壓軸活動la~~就係我地同輩小組(E-1-B) ge小組活動~~去左打邊爐...好開心....因為不斷講笑,不斷吹水~~~感謝主~~

相信明天都是GOOD的一天....因為聽日係教會ge聯合崇拜...即係星期六青少年崇拜,會聯同埋星期日ge青成年崇拜一齊..即係話聽日將會全教會一齊崇拜,一齊敬拜...正ar~感謝主~


>>September 30, 2006 at 4:14:07 PM GMT+8

2006 年 9 月 22 日 星期五 【晴】

@感恩的一天@

今日成日心情其實都唔錯~~因為今日都幾充實,幾感恩~~由朝早返教會傾三五行拍片d野..相信神已安排好...點都好..要順服~~之後到點幾開中三ge E-1-F小組~~好想盡力..將神俾我ge野,最好ge野俾佢地~~所以成日都好想可以快d見到佢地~上堂盡力唔訓覺,勤力讀書ge動力,除左神之外,就係來自佢地~因為佢地已經成為我生命ge一部份....開小組裡面,都好感恩...見證到李淑芬ge成長,願意分享自己屋企ge事,亦都識去倚靠神~感恩感恩~
之後崇拜,因為心已準備好了,所以更能經歷到神,感受到佢十架上ge痛楚..感動...流淚了...跪下了...因為神配得...
完左崇拜之後...就叫埋所有返崇拜ge中三羊仔羊女..圍埋一齊去祈禱...每個星期都有一次...不過每次都不是我帶的..因為我們的牧者--石婉...北上為神作光了...一星期後返...所以佢交低,叫我帶....聽到由我帶ge時候...有少少擔心...因為說實在..能力...信心不夠...不過我知道在神凡事都能..同埋要順服牧者...所以靠著神..硬著頭皮帶祈禱~~haha~~雖然石婉走之前都冇講低祈d乜..不過唔緊要la...問神都一樣姐~~祈禱會之後,又趕住去下一場la...因為教會一個月一次ge領袖大會又開了~~集合哂所有青少區,神揀選ge領袖..一齊去敬拜...一齊去分享支持..正ar~~~感謝主揀選了我呢位無咩特別能力ge僕人~~恩典夠用~~
領袖大會之後,再趕往開同輩小組..因為見下星期都開唔到組..所以今個星期都唔開ge話,就要兩個星期後先見到面了....所以一定要開組..維持返個關係~~感恩..因為好像我們小組經歷了許許多多的風風雨雨...所以成長了不少...每一位都好想維持番彼此ge關係~~~感謝主....
haha~~壓軸ge晚上活動....就係7A ge gathering la~好耐都未見過一班舊同學了....時間雖過,風采依舊..沒有因時間的流逝而使關係流逝...都仍然是一班有說有笑的同學仔.....感恩感恩~上cafe傾下玩下...一直到點幾...才一起乘搭亡命小巴回家~~~
今日好重要ge一個感受就係....關係....同神ge關係....同羊仔ge關係...同教會裡面弟兄姊妹ge關係....同舊同學ge關係...神都好像叫我一定要搞好所有關係,成為神流通ge管子..將福音傳給他們...
感恩感恩~~~願神祝福~

P.S. 我宣告...天天都是感恩的一天~~


>>September 24, 2006 at 5:39:20 AM GMT+8

2006 年 9 月 20 日 星期三 【晴】

@Re-U@

嗯~~~今日係MentalKids(0665)同埋波波池(0565) ge re-u ar~~所以成日都好期待放學ge來臨ar~~因為約左一齊去唱k~~點解會同埋上一年ge波波池一齊呢!?因為爸爸媽媽同嫲嫲都係屬於波波池的...所以波波池ge人就係我地ge叔叔姨姨~~haha~~wa...去旺角neway唱k，唔知係唔係一早就book左ge關係,所以唱ge時間由七點幾到凌晨ge五點幾...當然我唔會咁做la,雖然真係好想唱到五點幾....因為第日要返學ar~所以一點到就同繈富搭亡命小巴返屋企la~

今日另一樣野ge就係....我之前有個感動..就係想係自己班裡面,搞一個祈禱會,集合自己班ge基督徒,一齊為自己班,為老師,為系去祈禱,一齊去傳福音...跟住今日有人就傳張紙過黎,話會開"班組" la~~完全何哂我心意...我當然第一時間寫名la~~haha~神真係特別....我一直都唔知點開口同人講呢樣野...點知今日就收到咁ge消息la~haha~~thanks GOD~


>>September 22, 2006 at 1:09:52 PM GMT+8

2006 年 9 月 19 日 星期二 【晴】

@痛@

經過尋日一日手指痛楚ge煎熬之後,今日放學決定去睇一睇醫生~~因為真係超痛ar....今晚已經痛到想喊...成個人好唔自在...咩都唔想搞....今日一起身,已經feel到好痛.....睇一睇醫生安全d....所以一放學就飛快地返黎大埔睇醫生la~快d好返la~~~就黎又假期la....冇得打波一個星期...好慘的...係中學個時,已經試過有一排冇打波la...因為隻腳入菌,醫生話唔可以成日著住對鞋,焗住隻腳wo~所以個一排,除左返學之外,幾乎冇出過街...好慘....所以今次都要小心d先得la~~>.<


>>September 20, 2006 at 10:02:07 AM GMT+8

2006 年 9 月 15 日 星期五 【晴】

攰

今日感覺受上有少少攰~~~不過我相信唔係肉身ge攰,而係心靈上ge攰...唔知點解有種咁ge感覺....>.<一整天的教會生活....實際上,就算叫我夜晚再去打波,我都ok~因為我身體都唔攰~
或許la,不過我都唔肯定係唔係....可能我太緊張中三小組ge每一個人la..好緊張佢地成長唔到...好緊張佢地壓力太大,承受唔到...成日係度諗..會唔會迫佢地成長迫得太緊呢!??!仲可以做d咩呢!?!?發覺...佢地越成長,好似要承擔ge野就越大...當然..要捨棄自己就越多la.....不過我相信...是值得的....因為我很愛他們,想他們好~真係老套d講句,見到佢地成長左,做d野成長左,諗d野成長左....真係身體上,心靈上ge攰就冇哂la~~當然更想見到佢地渴慕神ge心更熱la,更主動去尋求神la~~~
神ar~救我....你係我ge拯救,你係我ge幫助,你更係我ge阿爸父ar~~~~

因為各人必擔當自己的擔子。在道理上受教的，當把一切需用的供給施教的人。不要自欺，神是輕慢不得的。人種的是甚麼，收的也是甚麼。(加6:5-7)

突然出來的經文.....唔知點樣有關係呢!?


>>September 16, 2006 at 4:32:47 PM GMT+8

2006 年 9 月 9 日 星期六 【晴】

@聖靈更新營後記@

兩日一夜ge聖靈更新營完左la~~好多經歷~~~Camp裡面主要係講釋放...等我地可以同神ge關係更親近...好ar~~~當中,其實兩日對我黎講,都釋放左好多~~兩日都有眼紅過~~~不過比較深刻ge係第一日....因為當中講到要釋放憎恨與饒恕...當我諗到"求天父我傷害過的人"...即刻諗起一個人...件事都發生左好耐la.....呢件事一直都冇離開過我,我一直都耿耿於懷....每次諗起呢件事都好唔開心....所以第一晚就眼紅la...好想好想神親自去祝福佢,親自去醫治佢....因為...我相信神會祝福佢更多....不過我都想再同佢講一句....對唔住...

呢件就係入camp最深刻ge地方....總括來說....聖靈更新營令我釋放了很多很多....令我更易親近神,更易知道神ge旨意~


一首好正ge詩歌~~

<禱告>

禱告因為我渺小 禱告因為我知道我需要明瞭

你心意對我重要 禱告已假裝不了

禱告因為你的愛我需要 你關懷 我走過的你都明白

有些事我只想要對你說 因你比任何人都愛我

痛苦從眼中流下 我知道你為我擦

在早晨我也要來對你說 主耶穌今天我為你活

所需要的力量都天天賜給我 你恩典夠我用

>>September 10, 2006 at 4:15:33 PM GMT+8