2008 年 2 月 1 日 星期五 【晴】

@羅騰樹下@

2008年2月2日 星期六

崇拜主題﹕火熱愛主4 - 熱切渴慕神

我發覺呢一排神要我經歷一樣野，但我未知道係d咩野~呢一排，有少少灰，祈極禱都好似唔夠咁，成個人又開始乾涸了...靈命上，牧養上求更多的突破，但好像近期見了好多自己軟弱的一面，為神做不到最好...真的...一件又一件的衝擊接踵而來，真有點招架不住...神ar~~~幫我~

呢排..對好多野都失去了信心...自以為前排各方面都做得好好，呢期...對很多野都很驚慌..很唔開心...對我這個六號人來說，最唔鍾意，最討厭的是讓我知道有事情瞞著我而不對我說，這是最最最最最hurt我的，縱使表面是如平常一樣，但...內心是多麼的傷痛~~~尤其是...我信任的人...求神醫治吧~~我沒有憎甚麼，hurt實有，但最唔開心，就是為何自己仍未跳出這個框框~~頓時...好像失去了對神的堅持，失去了力量...睇黎，真的要安靜自己一排讓神去塑造吧...因為我唔想因為我自己而令到我愛我人，我錫的人被hurt~~~神ar~塑造我吧~~~我是個軟弱的罪人....

星期六崇拜前，聽了一首由我地牧師所作的詩歌...<羅騰樹下>...真的好好聽，聽頭三句已經要同神講對唔住...好似俾神鬧我咁...好想大喊一場...究竟我現在做甚麼？？我自己都答唔到~企起身需要勇氣，需要從神裡面得力...我真的要靠神好好度過今次ge經歷了~~


<羅騰樹下>
你曾奉獻你身心 說一生為我而活,但你現在怎麼景況?
仍是令我失望。你明白我意旨麼?你知我的心意何在?
但你依然軟弱沮喪。仍舊跌倒失落。躺臥在羅騰樹下
究竟你做甚麼?莫非不能儆醒一時?還要走的道路甚長!
起來!起來!你要往何烈山上﹗


知道的是...要活在神的旨意中，每一件事都要﹗﹗用神的眼光看世界~~我要持守神對我的呼召﹗牧養群羊，作神的精兵~盡心，盡性，盡意，盡力愛神~~我沒有神是不行的~~我要走出以利亞的羅騰樹，仰望更多神榮光﹗願主憐憫我這個罪人吧~



>>February 3, 2008 at 5:42:45 PM GMT+8

2008 年 1 月 29 日 星期二 【颱風】

@Day Off@

今天不用上課，但今天行程仍然緊密哩~haha~感謝主~~~朝早5:00am起身，好大掙扎，不過感恩，掙扎左一個字到就起身了~~因為要早d番去晨更祈禱會準備自己哩~~同埋，亦都約左兩個女番祈禱會，所以更要保護佢地平安去到聆慧祈禱哩~haha~~鍚哂你們，為主擺上了訓少左ge時間去尋求神~好開心，可以一早番到去祈禱~對我來說，真是一個好好的屬靈操練~~操練我們能為神捱凍一早出門口獻上俾神~

教會ge晨更祈禱會完左之後，就番左康樂中學ge祈禱會，因為知道馬頴彤，李淑芬，蘇頌明有份帶敬拜哩，亦都知道馬頴彤好緊張，所以番了去學校祈禱會，支持他們，當然亦都多d祈禱la~haha~~感恩~見他們配合的很好，馬頴彤負責結他，李淑芬負責施琴，蘇頌明負責powerpoint~~我一直都好想見到呢樣野，就係佢地可以彼此配搭，互相結連去服侍神~感謝主，我今天見到了~~你們好勁ar~~欣賞你們，要多多加油ar~鍚哂你們~

之後就同Lighting去食個早餐，haha~~我地兩個一齊，仲有d咩傾哩~~~成個鐘裡面，都係講E-1-F ge事~~正ar~一講起仔女們就興奮了~~早餐過後，再join番剛打完羽毛球ge數名弟兄姊妹去了大埔Neway唱K...嗯....ok la~~有少少保留~唱K唱到3:00pm到，就趕回康樂中學了，因為今天是群牽去老人院服務的日子，但黎sir被邀請去學校祈禱室開幕禮哩~~正ar，多了個祈禱室，唔知教會弟兄姊妹可唔可以用呢？？因為一向負責群牽ge黎sir唔係度，所以佢就指派了我恊助帶隊去老人院吧~~整過過程，ok順利的，公公婆婆同我地都好開心ar~haha~

完左群牽，又要去另一個地方，就係住係大圍仁安醫院ge醫生宿社ge一位小朋友~~感謝主，佢今日冇咩功課做，所以好快就同佢睇哂同教哂佢ge功課~~~wahaha~~

晚上還有食糖水的活動...都是這樣，不評論~~所以今天很多事要做，又加上早起，令自己更攰哩~~要早睡早起少行了~~願神賜福吧~~~


>>January 30, 2008 at 6:00:51 PM GMT+8

2008 年 1 月 25 日 星期五 【暴雨】

@崇拜主題﹕還有七千人@



今日崇拜ge領受係，用上帝ge眼光去睇野，的確係令人振奮積極的~~眼見社會上，越黎越多人睇野悲觀，呢樣唔掂，個樣唔掂~有時聽落真係幾令我不滿，因為既然都要面對la，何必用悲觀令到件事更悲觀呢...積極面對亦同樣是面對，但換來的...不是做不成，不是帶著愁容去完成，而是帶著學習，經歷，期望下次做得更好的心不是更好嗎？？所以我很想與人合作時，用我的積極，樂觀的心境去影響他人...最起碼，做件事都開心d ar~我就是這樣的一個人了~~~感謝主塑造到我ge性格咁正面，能影響他人~~~

今日講ge係以利亞同神ge眼光...觀點與角度真的能影響人的積極程度~係火之先知以利亞ge故事裡面，講到以利亞同神ge一段對話中...以利亞同神講，佢眼前只剩下佢自己一個，但神ge眼光見到"還有七千人"愛祂...以利亞又講，全部以色列人都背棄神，但神見的是看見還有七千個忠心耿耿的信徒...最後以利亞見到以色列就絕望，但神因看見七千人而覺得有希望~~~以利亞同神ge眼光中，同是講緊一件事，只不過是眼光與觀點擺了...你究竟想快樂面對，定死都要憂憂愁愁的面對呢？呢條問題真的好值得去思考~

日常生活，我們很多時一面對苦難，就總覺得很難解決，甚至選擇逃避~~真令人無奈哩~就算做基督徒，又有多少個基督徒帶著神的眼光呢？？願主憐憫我們吧~~

晚上E1家BBQ，期待了個多月哩~今晚真係超級無敵霹靂咁爆凍lor~從來都未試過BBQ係越燒得耐，越覺得凍ge~haha~不過都只係身體上ge凍ge，因為好開心，可以見到E1家好多人，這就是一家人的暖吧~~感謝主~

haha~亦都好感謝仔女們及Emily為我燒野食哩~~~不勝感激，萬分感激~~~願神加倍的賜福你們~沒有你們，我今晚都唔會飽哩~haha~


>>January 27, 2008 at 4:05:59 AM GMT+8

2008 年 1 月 21 日 星期一 【晴】

@開學日@

今天是新學期的第一日上課，我的感受是...很陌生~~haha~唔知點解wo~所以都冇咩點出聲~~不過我諗呢個星期都唔係教書，因為主要係講呢個學期教d咩，同埋要做d咩功課~~下午一堂英文堂，本來上兩小時，但一小時便可以放學了~haha~約兩點三十五分就講哂所有野了~所以當然要做一樣好耐都未試過ge野la~就係坐巴士去灣仔搭船過海了~~我個人真係幾鍾意搭船，慢慢郁，又可以吹住d海風，休息下，諗下野~都不知幾悠閒~今日一別，都唔知幾時又可以坐船悠閒下了~haha~


>>January 22, 2008 at 10:04:38 AM GMT+8

2008 年 1 月 18 日 星期五 【晴】

@教會的一天@

2008年1月19日 星期六

崇拜主題﹕火熱我心3 - 建造火熱愛主的教會

今天沒有甚麼特別~不過特別開心ge係...見到一班仔女們終於考完試了，佢地鬆一口氣，我又鬆一口氣，因為我緊張佢地ma~haha~~今日係E-1-F生日會，所以好似慶祝生日之餘，仲係慶祝考完試，見到佢地都玩得勁開心，勁顛~~感謝主~

崇拜入去前，發生了小插曲，令我覺得有少許不滿的，不過後尾諗，算吧...都係渴慕的表現來，不過用錯方法姐~~haha~感謝主，雖然有一刻不滿，控訴，但好彩都儆醒，聖靈提一提我，我都不是一個義人哩~為何要論繼人~~感恩感恩~及時逃離撒旦ge控訴~~

今天很準時2:40pm到禮堂門口等入崇拜見主哩~~要keep住先得~~~求主祝福吧~


>>January 22, 2008 at 10:08:10 AM GMT+8

2008 年 1 月 17 日 星期四 【晴】

@退修@

今個sem break，總算做左一d有意義ge事la~haha~就係16/1-18/1，去左三門仔退修~~是一次經歷神更深的機會吧~亦都係一次令自己從繁忙ge都市中，回到平靜，等候神更新ge一次經歷~雖然時間唔太多，不過享受哩~~感謝主~~

17號個晚，去了神召神學院崇拜哩~~haha~每次去親神召神學院，都特別興奮的~~聽楊天恩牧師講道，嗯...見到唔少野哩~~要做被膏抺的一代，而不是被膏抺的一人~~的確，我們作為基督徒要作世界的光，照亮他人~~但是...對我一個反省是...我們的光從何來???是自己的光...抑或是被聖靈膏抺的光呢???我都好盼望，每件事由聖靈帶領，由聖靈所賜的恩膏帶領，不再用自以為是神心意的心意~~我個人認為，現代基督徒當中，的確聽過好多以為好就一定是神心意的心意...我聽到後，的確有少少令我心傷~~不過神會工作了，若神想那人接受恩膏的話，那人無理由唔接受ge....

好渴慕多d多d恩膏哩~~~我好有盼望的~haha~我深信我每天的禱告，一定會帶來復興的~~~我要火~~~~呵呵~~


>>January 18, 2008 at 2:58:10 PM GMT+8

2008 年 1 月 13 日 星期日 【晴】

@領受@

今天禱告時...有一個領受...「主將得救的人數天天加給他們」...禱告後，當然即刻拎聖經出黎睇下「他們」做過d咩la~~~因為唔太肯定係唔係我記憶ge祈禱~~~

嗯~~~感謝主~「他們天天同心合意恆切的在殿裡，且在家中擘餅，存著歡喜、誠實的心用飯，讚美神，得眾民的喜愛。主將得救的人天天加給他們。」(使徒行傳 2:46-47)...明白~~禱告，E1家庭祭壇我來了~~我Ready了~神ar，請差遣你的用人吧~~

禱告帶來祝福，禱告帶來恩典，禱告帶來醫治，禱告帶來安慰，禱告更帶來復興，禱告更帶來火熱~~願神火熱我的禱告吧~~

E1祈禱會，要開動了~~~Are you READY????



>>January 14, 2008 at 6:02:49 AM GMT+8

2008 年 1 月 12 日 星期六 【晴】

@信主人多，愛主人更多@

今天...與Vision Youth一眾組員到了同一個五旬宗派-神召會元朗錦光堂參觀崇拜情況~~所以知道有呢件事之後都好期待，因為真係好想知其他教會崇拜ge情況係點~~吸收人地ge好處，加埋自己教會ge好處，我相信對我事奉會事半功倍~~感謝主~

元朗錦光堂係一間較為大的教會，會眾約有四千人，所以對我來說，好值得去睇下佢地教會ge方式，文化~點可以牧養咁多人~因為知道，教會同工連牧師只係有四個人，真係令人為之一震~就好似佢地教會入口處ge一塊奠基石寫ge金句一樣...「萬軍之耶和華說：不是倚靠勢力，不是倚靠才能，乃是倚靠我的靈方能成事。」(亞 4:6) ...不過最起碼都要有人願意謙卑，為神擺上自己，倚靠神才能為神做大事哩~~雖然錦光堂只有四個同工，但有好多「家牧」幫手牧養工作~錦光堂有「家牧」ge出現，係因為佢地教會係用家ge形式的，就好似E1家咁~haha~連佢地坐都係一家人坐埋一齊的~~有好有唔好la，不過重點都唔係評論佢地~~不用多說~~

回來後，思考了良久，重點係要更多火熱愛主ge人哩~~就好似錦光堂兩位牧師講ge一樣...「信主人多，愛主人要更多」...我想...這都是我的一個期望吧~~即係創業難，守業更難~~不過我相信神會工作的，靠神的靈方能成事ma~wahaha~

另一樣野好深刻ge就係劉金勝牧師引用約翰衛斯里講ge一句說話...「Gain..All you can，Save..All you can，Give..All you can」嗯~~愛主，盡心，盡性，盡意，盡力地愛神吧~~~我今天未能完完全全做到，但我好盼望有呢一天ge來臨~~阿門...

的確，要多點了解其他教會ge牧養方法，會令自己眼界擴闊更多~~~盼望多d機會去了解其他教會吧~~

你今天夠火未????快向神求火吧~~「你祈求，就給你們...」


P.S. E1家的弟兄姊妹們，依家就有個機會，俾你地為神擺上la~就係星期六崇拜，要做一個等神黎ge人，而不是要神等我地黎ge人~請盡心，盡性，盡意，盡力地於2:40pm，係禮堂門口等待入崇拜~要做一個等神，火熱愛神ge人ar﹗﹗﹗準備2:40pm係禮堂門口等大家了~~你能夠做到嗎？請你禱告向神立志吧~~


>>January 14, 2008 at 6:01:21 AM GMT+8

2008 年 1 月 11 日 星期五 【晴】

@一件美事@

崇拜主題﹕火熱愛主2 - 若有人愛主

今天...很豐足...haha~不知由甚麼形容詞表達我ge感受~崇拜牧事講耶穌說馬利亞的一件美事...真的很留心聽哩~~因為馬可福音14:3-9講到馬利亞將約一年工資ge真哪噠香膏打破，膏係耶穌身上，因為馬利亞知道對佢黎講，甚麼才是最寶貴~~

感謝主~回想我自己以前...集中係人地點睇我身上，但經歷了07年，經歷了暑假，我肯定我已不同了~~我焦點主要集中在神點看我，人地點睇我已經唔再重要了~~重要ge係，我願意為神放棄甚麼來跟從祂~07年的確沒有問神心意，錯誤地行了一條不是神心意的路，但感恩...充滿著神的恩典~~為神放棄，原來得著更多~~我覺得跟從神的路是正確的~起碼事奉神不會覺得辛苦，別人怎看我也不緊要，因為...神喜悅就夠了~很想成為現代馬利亞，為神放棄身上最重要，最貴重ge野~專心係神裡面，為要做耶穌所說的「一件美事」...

苦但充滿恩典的07年已過去了，只有努力面前，堅持神對我的呼召吧~08年要愛神，不理旁人對我的睇法了~為神放棄所有...值得的~

仔女們，仲有一星期考試ja~~俾心機，加油~~我絕對的撐你們~~我會與你們同行的~~~錫哂你們~~


>>January 12, 2008 at 3:18:44 PM GMT+8

2008 年 1 月 9 日 星期三 【晴】

@考試告終．一切如常@

感謝主~~兩個星期，四科的考試終於考試了~~ok滿意la，盡了自己最大努力了~~haha~真係好想放棄，因為真的很苦，原來自己真係好怕孤軍作戰，自己一個人溫成日書ge時間~~好多好多魔鬼ge攻擊~~但感謝主，過程中我並沒有離開過祂~~果然，一個人最倚靠神，真係要到考試ge時候~~
呢兩個星期起身，都有聲音同我講，唔好晨更la，溫書緊要ar~~唔做一次半次，努力溫書，都冇咩問題ar~好彩...「也不可給魔鬼留地步。」(弗4:27)堅持了~wahaha~今天也不是渡過了考試哩，多少少時間都唔見得溫得多去邊，不如靠神吧~神是我的避難所~~感恩~~因為考試有神陪~good ar~~

仔女們，雖然我先考完試，不過我仍然會支持你們，撐你們的~~隨時隨地為你們禱告~你們要加油哩，俾心機ar~不要放棄~我等待你們考完試，一齊去顛哩~~


>>January 10, 2008 at 4:34:10 PM GMT+8