2008 年 4 月 4 日 星期五 【晴】

@深度禱告@

崇拜主題﹕幔子裡的禱告(上)

今天...教會生活...享受~~~都不知怎說了，每星期說的都是一樣哩~~~早了一點起身靈修，留多d時間俾自己係屋企悠閒下~so good~hea完一輪之後，就慢慢行番教會..雖然熱d~haha~與孩子們一起食完lunch後，就去開組了~感受上...他們又成長了，帶遊戲，敬拜都好好哩~~~個人認為U3訓練或多或少對他們有很大的幫助吧~~好像，離牧養小羊又近一步了~haha~~最鍾意見到呢d圖畫~~見證人的成長，係幾感恩的~

崇拜~~求聖靈帶領我去敬拜...好好ar~今天好享受聖靈同在的時間~~~牧師分享訊息~~好正ar~~~深度禱告~~好似一種禱告技巧咁~~唔單止要進入至聖所去敬拜神，更要係裡面禱告ar~我要操練了~求主祝福吧~~唔講咁多了，等我多d經歷再講吧~haha~~

我要為主做得更好，更合神心意哩~~~


>>April 5, 2008 at 5:30:45 PM GMT+8

2008 年 3 月 29 日 星期六 【晴】

@主日教會@

崇拜主題﹕剛強壯膽

今天...仍然一天美好的教會生活~~good~~~今天番晨禱會...嗯...不知為何，好感恩，亦都好渴求神的帶領~~禱告中，有時真的不想去說話，只想感受神的同在...喊住的去到神前，求更多吧~~真的需要每天感受，邀請神的同在~Amen~~好享受祈禱會，好享受與神建立關係的一刻~我活著為了你...我終生需要你~

之後食個早餐，等番崇拜~因為應承左神要番，求釋放~~今天崇拜好正，雖然每次都好正~haha~~好舒服~對我的一個重大鼓舞~以色列憑秘密武器-聖經打贏了眾多國家，真是一場現代屬靈與屬世的爭戰~主必與信靠祂的人同在~

兩天的崇拜所分享的訊息不同，但相同的是...神不斷對我說話...這是神的應許~~我要每天活在神應許中哩~~

完左崇拜，去左資源部借左本書，真的好有興趣~~「近代的靈恩運動」...感謝主，俾我見到本書，我真的好想知更多~~所以借左之後，就即刻開始睇了~二來等埋孩子們完領袖訓練去食飯~~不過真的好好睇~haha~~

今過飯後，留於小食部談天說地，左玩加玩~好開心，可以有同弟兄姊妹相交ge時間~~亦都見到好多人一齊瘋狂彈結他ar~~勁~~~大家都玩到傻了~~對神認真，對玩瘋狂~這就是我今天見到的事了~

再等埋開小組，主日的教會生活就是這樣了~~~神真好，活在神裡多開心~

今天更感恩ge事係....蘇頌明得屋企人同意決定受浸歸入神家了~感恩~~這樣就四年了，由中一團契開始，到今天參加領袖訓練的他，成長了很多哩~~我最鍾意見到生命不斷成長了~的確是一件幾感恩ge事~~感謝主塑造他，亦感謝主讓我有幸能見證他的成長，浸禮~我相信將來我一定會見到更多神的工作哩~~haha~而且更特別的事，今次教會受浸的日子，正是他生日的日子，很特別哩~haha~


>>March 31, 2008 at 6:36:57 AM GMT+8

2008 年 3 月 23 日 星期日 【晴】

@活動日@

今天，都總算玩了一天~~算難得吧~haha~~不過始終自己係I型人，都攰ge~~十點幾就出門口了，因為今天約了朋友去「新方向」唱K，想唱好耐好耐了，一直都冇時間去唱，尋晚有人提出不如今日去唱K，即刻舉腳贊成la~haha~~~所以今日就去左唱K了~~真的好搞笑，笑死我~~~不過末段冇唱哩~訓左覺了~haha~都唔知點解...明明訓夠哂，都覺眼訓的....

唱K後，就上左Penny屋企打麻雀...當然我冇打la，因為我都唔識打，二來我唔賭錢的~haha~所以上去佢屋企只有打機，睇電視，休息下~打機，俾佢細路屈機...細細個打機已經咁勁...真係呆左~之後三點幾，好彩，有波睇~南華對傑志~~好好睇~風迴路轉~~我又好耐未試過睇波la~~haha~~睇左五點幾，佢地仲打緊麻雀，我睇下雜誌，同佢細路玩下，之後又覺攰，所以又再一次訓著了~~一直訓到七點幾，佢地再打多幾舖麻雀，就一齊出去食飯了~

去左「糖痴豆」隔離個間打冷店到食野~~都幾好味wo~~叫左五碟餸，都好好味~~推介食肆之一~~勁好笑...隔離台九至十人到埋單...三百二十幾蚊...我地台五個人埋單...三百七十幾蚊...真係呆左~haha~~原來我地食得好豪，專食埋d貴野，唔怪得咁好味la~haha~~~之後，今晚又食糖水，感覺都幾好笑，係打冷舖出黎，行去隔離舖「糖痴豆」食糖水，好似掃街咁，從來都未試過~haha~~食完之後，終於完左今日ge活動la~haha~~一齊送埋敏姐番太和之後，就搭的士歸家~~我都贊成，因為真係攰la~haha~~~

明天又開始上課了~~願神祝福吧~~


>>March 24, 2008 at 3:45:10 PM GMT+8

2008 年 3 月 22 日 星期六 【晴】

@崇拜主題﹕復活節福音崇拜@

今天係復活節~份外興奮哩~~~再加上今日係教會ge聯合崇拜，青少年+成年人一齊係禮堂敬拜主~~好正ar~~~全個教會齊人了一次過敬拜神了~haha~

今天牧師無講道，主題係復活節福音崇拜，帶左比較多專for新人ge默想，最後呼召~~haha~感謝主~「我見到la」...好開心，好認同牧師講ge野...「我告訴你們，一個罪人悔改，在天上也要這樣為他歡喜，較比為九十九個不用悔改的義人歡喜更大。」(路15:7)...見到有唔少人行出去，我真係幾興奮~~不過今日全日其實都幾興奮的~~haha~
回應詩歌...既感動，又開心~~真係笑住黎唱~haha~


<愛‧令我生命神奇>
每段旅程 似沒法掌握 就算星光璀璨 卻沒法去明白
細訴每天的心事 明白我心的心意 其實你 早知

呼吸 每一口空氣 想起 世間的優美
你是世上 獨有的尊貴
縱使 天色不美 從來亦 不捨不棄
永遠愛你 和你一起
是你愛 幻化生命傳奇 (謝謝你愛 令我生命神奇)

最愛每天 晨曦與你相見
唯獨你 對我不變


首詩歌真係寫得好正~真係連呼吸都可以笑住對神，感謝神俾我呼吸~所以今日崇拜就特別喜樂，特別興奮~感謝主~

下午開E-1-F小組，因為星期六參加大專生ge MBTI而無開，所以調左今日下午開小組~幾好ar~聆慧天地的確係一個幾好ge開組地方，好有家ge感覺~~唔錯唔錯~~~完左小組之後，再開埋E-1-F檢討會，就完了一天church了~~少少攰la~haha~因為今天就一早番左教會ge晨禱會了~good~~~

同場加映...五人食糖水，全部一樣的，因為有優惠，其中一個唔洗錢~haha~~~



>>March 24, 2008 at 3:43:45 PM GMT+8

2008 年 3 月 21 日 星期五 【晴】

@受苦@

這兩天教會生活了~~昨天晚上...參與了教會ge受難節處境式默想聚會~感受...不錯不錯~~要學識放低自己，學等候神ge功課哩~因為「但那等候耶和華的必從新得力。他們必如鷹展翅上騰；他們奔跑卻不困倦，行走卻不疲乏。」(賽40:31)...感謝主為我受苦，讓我得醫治~~

晚會有四個場境，第一個係「榮耀進城」，呢一part有拎住支已點ge蠟燭，圍學校一路唱詩歌一路行，行左半個學園，之後就入禮堂~~因為非常大風哩，所以我保護唔到支蠟燭俾風吹熄ar~入禮堂前半部份，就係進入場境2...最後晚餐~~參與者一齊守聖餐，紀念耶穌基督為我們捨身~第三個場境係...苦路至死...守完聖餐後，就向禮堂前半份行去跪下默想神在十字架上的救恩~亦有睇耶穌傳ge一部份，講耶穌死前所發生ge事~最後...十字架前...就作了一個幾正的呼召，就係上台前跪在十字架面前默想，開著燈的十字架，真的很迷人...跪了良久，牧師便為我們有個結束禱告，完結整晚的默想會~~~

今天9:00~5:30pm，是教會所舉辦的MBTI性格講座，整日都好精神，留意每一個環節。認識自己，了解自己更多了~不過我仍是沒有變哩~haha~感謝主~~


>>March 22, 2008 at 4:20:04 PM GMT+8

2008 年 3 月 19 日 星期三 【晴】

@巧合@

今天...發生了一件巧合的事~第一件事係發生於搭火車去補習的~當時剛剛由寶馬山搭巴士去到紅磡火車站搭火車，點知剛剛去到仕閘後，就聽到廣播話紅磡車站以北的高壓電力故障，所以影響服務~即時O了嘴...唔知要等幾時先上到車~~只好等吧~不過感恩ge係...感覺上自己已經冇以前咁急了~今日聽到廣播後，只係諗...「哦...應該都要等一段時間wo...等lor~唔緊要」..真係比以前好多了，以前一定會好急，好煩躁...感謝主~~最後都等左一陣，係往尖東方向ge月台上車，都係第一次...

第二件事係今日補完習，番到大埔搭巴士番屋企...點知架巴士開左引擎，但係行唔到，司機踩左好耐油都唔郁...心諗...唔係ma...今日第二件事la wo...又係我遇到....諗住需要轉車la...點知司機熄左個引擎，再開過，終於郁到了~都是這樣吧...平平淡淡的又渡過了今次的經歷~感謝主~~讓我平安到家~

今天...仍是尋求神心意中...不知怎做好...求神憐憫吧~~


求你指教我遵行你的旨意，因你是我的神。(詩143:10)



>>March 20, 2008 at 4:04:48 PM GMT+8

2008 年 3 月 18 日 星期二 【晴】

@苦惱@

嗯...呢排開始面對緊一個新問題了...需要求主耶穌力量去突破~呢個問題真係幾影響到我...少許唔開心la~~因為仲未搞清ar...好煩...求主憐憫吧...呢個問題不斷係我腦裡面轉...但我又不斷同自己，同神講...我只想去敬拜你ar...你是我的力量...主耶穌，救我脫離這困境吧...我日幫個小朋友補完習番屋企，都不斷思索緊呢個問題，亦都不斷有一首詩歌係度交戰..<我只想去讚美你>...呢一刻，只想敬拜神吧...



《我只想去讚美你》

我只想去讚美你 舉起雙手說我愛你 你是我的一切
要尊崇你聖名在至高處
我只想去讚美你 舉起雙手說我愛你 你是我的一切
要尊崇你聖名 要尊崇你聖名 要尊崇你聖名在至高處


尋晚因為去左APA ge佈道會幫手做陪談員，所以有幸聽到Emily ge見證，好看見神係佢身上ge工作，真的好勁~大而可畏~~神真的很利害...神ar...為我開路吧...現在的我...只想敬拜親近你，明白你心意...

完左佈道會後，就搭車番大埔一齊食宵夜....竟然冇飯食...餓死我了，只好求其食d野頂住先吧~~番屋企沖涼，呢度搞一搞，個度搞一搞，因為唔想再去諗個問題...所以扮哂好忙咁...又要等頭乾，所以成三點到先訓...心諗...死了，晨更祈禱會時，會訓著左嗎?!?!

慶幸今天晨更祈禱會沒有眼訓，真的...個人經歷，人越苦惱，越有聖靈觸摸，求摸我更多吧~~祈禱時的確好有力，為好多野祈禱，但又冇咩特別求神幫我處理我ge問題...不知為何...完了後，與弟兄姊妹相交了半天，先是早上在太和體育館book場打羽毛球及壁球，良久沒有出過汗了...不過打完後，隻腳有少許痛...之後就同Emily，馬頴彤行過去大埔體育館，睇Lighting個過Final Year Project~Project要做ge係...搵一班「學老人」，從佢地ge文化去跳舞~~我地坐左係舞蹈室好耐，Lighting有Lighting教，我地三個有我地三個傾下偈~幾好的，難得一日可以坐底傾下偈...到左一點到，Lighting就話ok可以表演了~~幾好幾好，有道具，雖然只係教左一陣間，但d dancers跳得幾好~~

之後完左後，就一齊去食lunch了~坐左好耐...我終於覺得攰了，所以訓左一陣，因為晏少少要去補習，怕到時唔覺意訓了就唔好意思la...最終補習時總算精神...

這就是這兩天的生活了~~神ar~~~救我脫離這困境~~~我只想去讚美你...


>>March 19, 2008 at 1:12:27 PM GMT+8

2008 年 3 月 14 日 星期五 【晴】

@Passion@

崇拜主題﹕開展深度禱告2 - 能看見的禱告

今日...感謝主...有精神ar~haha~~~事關尋晚趕一份英文作文ge功課，星期六23:59係deadline，但因為知道星期六晚教會有電影佈道會，所以點眼訓都要完全去~感謝主，雖然做到凌晨五點先完成到，不過過程真係一d都唔眼訓，神俾左好多好多智慧，恩典我去完成~竟然可以完成到~~勁叻~haha~所有少少預期自己今日精神狀態應該唔係幾掂~

不過...恩典夠用la~~教會生活直到晚上十一點十二點番屋企，都未至於太攰~haha~~反而，今日情緒都幾高漲~崇拜中敬拜，為主獻盡自己ar，有幾多力，就擺上幾多力去敬拜，好正~~享受聖靈的同在~~今日崇拜講係耶利哥城裡面ge一個瞎子對耶穌的呼求~~唔理旁人點去叫佢收聲，都不斷呼叫耶穌醫治佢，令佢睇得番野~~最緋當然耶穌聽到佢ge呼叫，醫好佢la~haha~講ge就係...我地禱告ge信心同呼求~~牧師講完之後，大家都即刻激情左ar~haha~~都用呼求式禱告~~正~~感謝主~呢幾個星期，都開始操練自己要開聲禱告，呼求ge禱告~真的唔同的，放開左，得ge野，領受ge野會更多~~~感謝主~

所以今日崇拜後，每個小組自己圍埋一齊祈禱，都好有火ar~好嘈，但又好鍾意弟兄姊妹咁火熱禱告wo~haha~~E-1-F孩子們，又多經歷了，今次比上星期ge禱告，更火熱哩~~要Keep住ar﹗﹗我們要成為被神大大使用的一群~

晚上，教會有電影佈道會，是影音使團拍的<真的戀愛了？>，亦都請來了黃智賢，即係以前<真情>個過阿海黎講見證，電影，見證，甚至牧師出黎分享訊息，都好正ar~感謝主~~讓我見到咁多神ge工作~~正~~

明天與區仔在U3分享<教會事工介紹及架構>願主賜福吧﹗將最好的獻上給神﹗


>>March 15, 2008 at 5:23:51 PM GMT+8

2008 年 3 月 7 日 星期五 【晴】

@教會天@

崇拜主題﹕耶穌到訪

今天很享受教會生活哩~雖然9:00就已經開始事奉神，不過感謝主，讓我有機會參與當中~~~早上的Vision Youth3領袖訓練，身份是坐席者~~又一番領受哩~~討論了很多人際關係上所遇到的問題，包括感情，衝突，拍拖~作為基督徒應該如何處理哩~~~haha~~~我個人覺得，每一個難題，首要的是眼光向神，其次是搵組長傾~~haha~最起碼，組長都活多我幾年，牧養經驗多ma~~~是一個好好的避難所，亦是搵到問題所在的地方~~點都好，問左組長意見先，最安全~~wahaha~~

完左之後，就準備12:30pm的E-1-F小組生日會，開組前，即興的合組玩遊戲，一共有四組哩~~都算是一個E1區的即興活動吧~37人玩數字球，都係第一次玩~HAHA~大家都好開心哩，雖然我唔肯定個個都有機會接波，但我肯定我們一齊玩很快樂哩~~37人迫係籃球場玩數字球，真震撼~~享受的，亦是第一次~感恩~~~期待下次E1區全區一齊玩數字球吧~~一定勁多爆笑野~HAHA~感謝主~

後來是係E-1-F的生日會，haha~人數不算太多，但小組遊戲的確不可少~是一個好好建立關係的時間~~正~~我不是七級豬ar~~haha~~小組不是一個人，要一齊玩先開心哩~~~感謝主，讓我有機會服事神~~

崇拜主題講耶穌到訪，顧名思義，耶穌去到我地屋企時，究竟我們是馬利亞，還是馬大呢？以前的我，一定是馬大，覺得為神做更多野，先是服事神，得神喜悅~但經歷多了，今天的我，可以講是半個馬利亞la~唔好要求自己咁高~haha~~~仍有地方雖然改善，就是安靜的坐係神身邊，聽佢講野，以心靈服事神~這才是神想我地做ge野~~~我要好好學習哩~~完左崇拜，小組祈禱，我feel到禱告ge火越來越多哩，同仔女們一齊去禱告，同心合意，真係唔想停~~因為禱告ge火開始著la~想捉住個勢，禱告落去，求更多ge野~~要激情禱告ar﹗﹗﹗孩子們一定可以做得到~他們開始更火了~~正~感謝主~

黃昏同輩小組，不斷食朱古力同薯片哩~因為Emily係去完英國，帶左好多食ge手信番黎~~好正~~~多謝哂~~~一路食，一路分享自己近排ge情況~~真好~~~好鍾意咁ge分享，好似飯局咁~~所以開完組之後，都同左E-1-A弟兄姊妹去食飯+食甜品~真的好多笑料，搞到食完都冇肥過，係咁笑係咁笑~~笑到我ma~~好野ar~~勁~~~異端辨識~感謝主~~聰明的生活應用~~~

明天要係U3用1小時分享4小時的「恩賜與事奉」...靠聖靈ar~~真的有難度~~不過呢個星期經歷左咁多，我知道聖靈一定會工作的~~~願主賜福，將最好的獻給神﹗

P.S. 我本爛gag爆笑記錄簿突破100大關哩~~恭喜恭喜~~第100位爛gag者係馬頴彤ar~~勁~~大熱門~~haha~不過都係大家一齊笑下，冇其他意思ge~請不要介意~~


>>March 8, 2008 at 6:09:35 PM GMT+8

2008 年 3 月 6 日 星期四 【晴】

@大領受@

這兩天領受良多~~感謝主~~昨天晚上參與了神召神學院的晚會，蠻享受的~聖靈在工作ar~~初時未太放，太投入到，祈祈下禱，敬拜下，就開始黎了~~非常的好~感恩~~

聽楊天恩牧師分享訊息，幾有領受~服侍就如捨命...勁ar~耶穌的服侍，便是一個捨去自己性命的見證~~不過原來捨命換來的並不是苦，又是得榮耀~捨命才能結出更多更正的果子~Amen~就好似小麥子一樣...「我實實在在的告訴你們，一粒麥子不落在地裡死了，仍舊是一粒，若是死了，就結出許多子粒來。」(約12:24)..唔死都冇新生命~~又帶出另一主題，就係捨命才能帶來復興~~我明白了~~一直好想復興，復興自己生命，復興小組，復興仔女們~~終於有了答案了，原來是完完全全的捨命~~阿們~復興原來不是想像中咁複雜，簡簡單單的獻上生命，就能夠了~~~我要去學習呢樣功課哩~~

受苦...「為何我會受苦？」同「為何我要受苦？」....兩個好相似的問題，只差「會」同「要」，已經有好大分別了~前者是往後看，探討之前做錯了甚麼。後者是往前看，為準備得神的榮耀而願意現在受苦~~嗯~~~明白了~~交上生命吧~~因為平凡但好深刻ge一句...「現在活著的不再是我，乃是基督在我裡面活著」...

最後晚會完結前，祈了一個「神為愛他的人所預備的是眼睛未曾看見，耳朵未曾聽見，人心也未曾想到的。」...自己的確未諗過，亦唔敢祈的禱告~~~我竟然大膽到同神講...「神ar，我求你俾苦難我去經歷你la，我知道你ge恩典一定夠我用的...」感謝主~~~我不怕苦難了~我怕的是神離開我~~願主祝福吧~~

今次...回了康樂中學，欣賞福音雙周...感覺不同了，我覺得學生已經開始唔尊重周會了~好嘈~~願主祝福吧~~欣賞每一位事奉者，台前幕後的，辛苦哂~~欣賞你地為神擺上了很多，我見到好感動ar~雖然唔係專業，但我相信已經夠榮耀神了~~好留心聽Emily講見證，的確係幾令人感動~~好正ar...佢個見證~~不過神俾每個人ge見證都是咁正的，各有獨特~唔一定要夠震撼先算係一個動人的見證~

回校前與Felix食lunch，我們都討論了見證的見解~我們都認為自己的見證都沒有其他人般震撼~但感謝主，我地唔需要經歷震撼，平平淡淡的決志信主就夠了~~我好感恩，只是我借間屋俾教會作領袖訓練，咁就係自己屋企信主了~haha~感謝主~真特別~~

福音雙周，我中學未信主時代，都已經覺得好正了~現在個人成熟了，經歷多了，信主了，覺得福音雙周其實都幾有味道~你唔用一個享受ge心，根本就享受唔到神ge好處~~haha~~雖然今日話番去幫手，最後只係享受，真係唔好意思哩~~下星期福音周會我要參與禱告行列ar~~~事奉神真令我開心~~~感謝主~~


>>March 7, 2008 at 4:23:31 PM GMT+8