2008 年 5 月 9 日 星期五 【晴】

@星期六教會@

開展深度禱告6 - 恆切禱告

今天...亦是一早便出門口了，因為想早d洗完傷口，早d番到U2~九點到去到...haha~都係好似上似咁...我拎ge籌都唔係頭幾個...我拎ge係13號...等左七個字到，先入到去洗傷口...活左廿幾年ge我，今天暫時係經歷最痛ge一天...超級無敵霹靂咁痛...從來都未試過....因為傷口未「埋口」...所以洗傷口個時有無比ge痛楚...好彩我都幾醒目，先洗左我認為最痛ge左腳先...haha~所以右腳都ok頂得到~~個時係度諗...wa...耶穌當年真係幾痛ga wo..我今日洗個少傷口都咁痛...更何況耶穌當年幾支釘打入d肉到~>.<...多謝耶穌為我而受苦~~我一定會繼續忠心愛主的﹗﹗

之後就搭的士番去，係康樂園個巴士站度落車...wa....平時都唔覺遠，今日就更覺超遠...行左好耐...不過都ok ge，平時步速行得咁快，未認真細心欣賞過神ge創造~~依家，終於可以放慢腳步，享受下神俾我ge野la~haha~感謝主~

今天U2，有幸抽到較前ge號碼，所以能作5分鐘ge短講道...都接受ge，未中不足ge係...我又overun la...而且又未講生活應用....真係要多多為神訓練自己，俾神隨時使用先得la~

E-1-F小組...haha~隔左幾個星期，又開生日會la~感受...幾開心ar，可以叫到耐冇番組ge人番黎，不過仍需為神努力，邀請更多人番黎一齊經歷神~~

崇拜...都唔知講咩好，好想郁，好想跟住跳，但無奈隻腳唔掂...算la，只要我真心，用心靈誠實敬拜神就ok了~~不過都要快d好番，要為神盡，敬拜神都要盡﹗﹗﹗今日牧師講恆切禱告，好認同...真係要堅持禱告~~有時見到有人祈左一兩次禱之後覺得神冇料到，就唔再祈...好替他們傷心...個人經驗，一次半次祈禱好難帶來大改變~~感謝主...俾我見到好多堅持禱告所得的果效，令我更有信心去堅持禱告~~真的，之前我一直為某一位仔女祈禱，祈了很久了，終於見到有果效了~所以我好感謝主俾我有禱告ge能力~不過我覺得仍需要再操練多d，經歷多d先得哩~~

完左之後，冇同輩小組，因為聽日有全球禱告日，星期一又有合組活動，所以大家養精蓄銳吧~haha~本來約左今日崇拜後去買定d野入三門仔準備星期一ge合組活動，不過又落雨...驚整到我隻腳，所以就冇去了...感謝主~~蒙神帶領，由離開教會到番到屋企的一刻，都冇落雨...一番屋企，就好大雨~~感謝主俾我可以平安番到屋企~

今個星期手術過後，好多弟兄姊妹都來慰問我，感謝你們每一位的關心，好感動~亦都好多謝係星期三手術當日上左我屋企探我ge Vision Youth組員~~感謝你們~~~我會好好小心自己身體的，我要同你地每一位一齊將健康ge身體獻給神﹗﹗


>>May 10, 2008 at 1:20:29 PM GMT+8

2008 年 5 月 2 日 星期五 【晴】

@又是星期六@

崇拜主題﹕從詩篇學讚美

尋晚...因為要趕一個report，所以做到成三點幾先訓...之後..救命，明明好攰，但幾個字內訓下醒下，唔係因為失眠，而係不斷發惡夢，係幾次ge夢境當中係咁見d靈異ge野...勁淆低...每次醒，都不斷祈禱求神幫我~~真係好驚....最後一次...haha~出絕招...無敵ar，冇得玩~我聽住詩歌訓覺~~之後就終於訓到第二朝起身了~~感謝主~~幫了我哩~~


我雖然行過死蔭的幽谷，也不怕遭害，因為你與我同在；你的杖，你的竿，都安慰我。在我敵人面前，你為我擺設筵席；你用油膏了我的頭，使我的福杯滿溢。我一生一世必有恩惠慈愛隨著我；我且要住在耶和華的殿中，直到永遠。(詩23:4-6)



今天...都是全日的教會生活~感謝主~一早，又番去u2坐席，因為石婉分享"講道學"...我要努力努力~~~我一定要為神分享一篇能夠由聖靈帶領，震撼人心，見證到神ge訊息﹗﹗﹗與孩子們食過lunch後，就為馬頴彤祈禱la~因為今天下午佢要去面試哩~~之後就好趕咁上課室開E-1-F la~

李淑芬，知道你很辛苦的，好似一件事接一件事影響你咁，一時間應付唔到~明白你的感受~~但欣賞你為神的忠心默默的付出~神會知道的，我都有眼見到~~加油ar~~你在天國ge賞賜係大的﹗﹗﹗

崇拜...李淑芬坐係我隔離，而今天有聖餐，紀念耶穌為我們捨命~出去拎左聖杯同餅之後，忽然有個感動，就係擘餅，分俾李淑芬食，代表願意同佢一齊承擔辛勞，願意同佢一齊行~~之後就實行左呢個感動la~我分左1/4俾佢，佢又俾番1/4俾我~紀念耶穌之餘，亦表達我對佢ge支持~~一同係神裡面成長更多吧~~我支持E-1-F裡面每一位的孩子們﹗﹗

崇拜後，可以拎教會tee la~可以係全球禱告日著了~haha~感謝主~

之後小組合組哩~E-1-A，E-1-B合組一齊玩人生交叉點，好搞笑，又好好玩，兩組人好耐未試過一齊了~敬拜...好正ar~一大班人一齊聚在一處敬拜神，好勁ar~~好似軍隊feel~~haha~完左小組之後，一行五個男仔去食飯，傾下唔正經野，又傾下正經野~

這樣...就是我一天的教會生活了~~~感謝主~~~幾享受的~


>>May 3, 2008 at 5:23:51 PM GMT+8

2008 年 4 月 25 日 星期五 【晴】

@生命的「滿足」@

崇拜主題﹕蓋在磐石上 - 聽道行道

今天...痛lor~~忍耐~~今天因為一早要番u2 sit堂~所以現在每天去洗傷口的我....今天九點前已經到左賽馬會準備洗傷口了...竟然...我排隊洗傷口ge號碼去到12號....又話九點先正式開始...但今日九點前已經開始了....不過唔緊要la~唯有慢慢等吧~時間一秒一秒的過去，我就越黎越心急，因為唔想u2遲到...感謝主...九點七到已經到我了~~洗完之後，正考慮緊花d錢搭的士or搭巴士之際...感謝主...又俾我見到架去太和ge巴士wo~haha~~節省了唔少錢哩~~

不過落車後，平時行一陣間番到教會ge路程...今天...就好似行馬拉松咁...超遠...42.195km...haha~~ok辛苦la~~平安，準時到達~~~感謝主~~

完左之後，落去小食部等食lunch~~謝謝你ar!!!馬頴彤~~感謝你幫我買野食番黎~~之後就上課室開組...haha~都係一段好長好辛苦ge路~~當然...冇耶穌ge苦路咁苦la~我未夠班~~後來由拖鞋換番對波鞋...因為我要入神ge殿敬拜神，所以幾痛都好，一定要著得好好睇睇~~唯有忍痛番崇拜la~haha~~感謝主~都忍得到崇拜完~~今天崇拜中敬拜...又再次少哭了，一來太痛了，二來今天好想郁動身體去敬拜神...不過太痛做唔到...所以好似未能用盡自己所有去敬拜神而唔太開心~~求主醫治吧~崇拜完結前都有為弟兄去禱告...不過今天要全部跪低為佢地每一個去禱告哩...因為只有跪低，我隻腳先冇咁痛，不過唔緊要吧，最緊要能夠祝福到人吧~~

崇拜後，領袖(受)大會...一個領受的立志...我要為神聚火!!!!給我牧者心...我要更多ar~~我好記得以前求過呢樣野，神的確俾了~不過只夠當時用，現在，又很想要多點牧者心ar~~~haha~

晚上，約了一位中四的組員食飯，與他傾了很多很多~了解他多了很多很多~很為他感恩，雖然他還未信主，但從他自己講自己對祈禱的轉變，見了神的的確確在他身上改變了他~讓他開始靠著禱告的能力~~真的...諗起一首詩歌..<滿足>...「原來生命可以這樣，這樣美麗，從我由不認識你以至你來與我聯繫」...又唔認識，到認識，再信靠，回應，的確很需要神的介入~感謝主，神愛每一個屬祂的子民!!!!

生命是一個交流，自己開放生命，自自然然讓更多更正ge生命進入自己ge生命中，一步一步改變舊我唔好的壞習慣...生命的成長，長進是一件令人興奮的事，冇人一出世，就有一個完美的生命，亦冇人能保證到死..見神的一刻，生命能完美~我們只能做到的...便是享受神給我們生命中每個成長的「契機」...把握到並倚靠神，得著的一定比預期的多~生命很難由金錢，實質事物來衡量，世界上沒有甚麼能買到豐盛﹑完美的生命...唯獨神十架上的寶血，才能贖回我們充滿捆綁的生命~「葡萄被壓才得釋放釀出新酒」

P.S. 好野~~下星期可以拎屬於竹園區神召會大埔堂件TEE la~~可以全球禱告日個時著去~~~好期待~


>>April 26, 2008 at 5:10:43 PM GMT+8

2008 年 4 月 18 日 星期五 【驟雨】

@教會天@

崇拜主題﹕回家

今天一早便回到教會了~~因為想sit堂，聽下石婉係Vision Youth 2分享ge牧養策略...haha~~真係越聽，越諗越覺得三代牧養呢個方法雖然未完善，但都幾work wo~~神的智慧真係勁ar~~~管理羊群都是一門高深的學問，求神繼續教導我吧~~

完左之後，就準備開E-1-F組，事隔一個星期，又能夠係教會見到仔女們了~~~感謝主~~今天小組開生日會，各人預備一種食物帶番黎一齊分享，haha~好多野食ar，最後食唔哂...最後由我帶番屋企留待下個月生日會再食吧~~正~除此之外，亦做了一樣好耐都未試過做ge野...就係影組相~haha~~真係久違了，一直都好相影多d組相，今天難得可以影到~~~感謝主~~

崇拜...享受神的愛中，不過最後為弟兄姊妹祈禱，唔記得帶埋紙巾旁身...下次再為弟兄姊妹祈禱時，一定要帶出去了~~haha~~

黃昏E-1-B小組，在外面大風大雨下進行...真係呆左，玩game玩到超熱...係學校超窄ge走廊玩「二龍爭樽」...後面好似變左走廊足球同走廊攬球...haha~~~繼NIKE搞鐵籠足球之後，我們又搞左走廊二人攬球~~勁ar~~不過享受的，好爆笑，亦都好好玩~~~之後分享時間由Lighting帶，每人派一張紙，傳哂番所有人寫自己優點同俾人的印象~~睇番...真係好笑~haha~感謝主~~

與弟兄姊妹進餐後，就番屋企做左神學功課，因為星期一要交la~~聽日成日教會日又冇時間做，所以點都要今晚做哂去...感謝主~~終於做哂了~~

明天是浸禮了，雖然我已經浸了，但我都好期待ar~haha~~~願主祝福吧~~


>>April 19, 2008 at 8:50:23 PM GMT+8

2008 年 4 月 16 日 星期三 【晴】

@通頂後遺症@

通頂後遺症ar.....今天...明明訓足九個鐘先醒...今朝起身，勁眼訓，仲勁唔舒服~~好頭痛~~可能係開始作病了...忍了一天...唔舒服，頭痛左一天了...真係有少少辛苦~

今天下午上Human Development...講九型人格...因為都有認識，所以較易明白...個人認為...未講到精髓所在，內心ge驅動程式，因為時間關係，只係表面講左九型人格各人格係d咩，未詳盡深入講~所以好似種種人格都好相似...haha~好彩我有d認識，所以會明d~聽到自己個型格時，都諗左一陣...感恩...因為見到好似冇咁強烈ge抗六...鬆左wo...冇Miss講到咁驚~~感謝主~~我走向健康的九號了~~不過我都覺得仍然要再走多d，鬆多d~

明天終於day off了~~可以休息一下...呢兩個星期積埋積埋真係好攰...依家ge我，真係唔鍾意通頂了...真係爆辛苦~~

時間好似過得好快...好快又放假，進入溫習週了，好快就考試...好快就放暑假...願主祝福吧~~


>>April 17, 2008 at 2:00:14 PM GMT+8

2008 年 4 月 14 日 星期一 【晴】

@等候耶和華@

今天...仍是很攰，因為過去的星期六，再一次通頂...社工學聯的內部咨詢日...所以又要番一個星期回氣la~~今朝一早就起左身，因為要早自己一個靈修，再番學校同仔女們一齊靈修...不過獨處...好難集中哩~~人一冇精神，就好易軟弱la...真係唔可以再俾自己咁樣通頂了~~因為我要一早見神ar~~之後一路行番學校，一路祈禱...求神再一次興起我的生命，讓我好好每天事奉神~~呢排...身體軟弱了，靈命亦都軟弱了~~事奉上，很多的難過，失落，緊張....成日係度諗事奉上ge野~求神俾我眼光專注係神ge工作上吧~~要真正學識與神同行，令自己唔再咁辛苦~要揹起神ge軛，易d揹，唔世咁辛苦ar~

今天馬頴彤帶靈修...以賽亞書40:27-31...不是吧...神唔世咁快回應我ar~我剛剛行路先祈禱，幾個字後靈修就回覆我...早晨祈禱真係暢順d，唔會塞車，好快到神到~~靈修時...我不斷思考...究竟疲乏﹑困倦係咩意思呢？？一段好熟識ge經文，今日靈修好似特別難的...好難明...神想我做乜呢？？

完結時由我帶祈禱...好快有一個領受...


親愛的弟兄姊妹,不知你看到鷹會令你聯想到什麼呢? 以下就有關一個鷹的故事想與大家分享:

老鷹是世界上壽命最長的鳥類。牠一生的年齡可達七十歲。但要活那麼長的壽命，牠在四十歲時，必須做出困難卻重要的決定！

當老鷹活到四十歲時，它的爪子開始老化，無法有效地抓住獵物。牠的喙變得又長又彎，幾乎碰到胸膛。牠的翅膀變得十分沉重，因為它的羽毛長得又濃又厚。使得飛翔十分吃力！
牠只有兩種選擇：
1. 等死，
2. 或歷經一個十分痛苦的蛻變過程。 一百五十天漫長的操練。

牠必須很努力地飛到山頂，在懸崖上築巢，停留在那裏，不得飛翔。 老鷹首先用牠的喙擊打岩石，直到喙完全脫落。然後靜靜地等候新的喙長出來。 然後，牠要再用新長出的喙，把指甲一根一根的拔出來。 當新的指甲長出來後，牠們便再把羽毛一根一根的拔掉。

五個月以後，新的羽毛長出來了。老鷹開始飛翔。重新再過得力的三十年歲月！

在我們的生命中，有時候我們也必須做出困難的決定。開始一個更新的過程。我們必須把舊的習慣，舊的束縛拋棄，離開『安舒區』，使得我們可以重新飛翔。只要我們願意放下舊的包袱，願意學習新的事物，我們才有機會能發揮我們的潛能，開創另一個嶄新的未來，在空中展翅高飛。

[詩 103:5]　他用美物使你所願的得以知足，以致你如鷹返老還童。

[賽 40:31]　但那等候耶和華的必從新得力。他們必如鷹展翅上騰；他們奔跑卻不困倦，行走卻不疲乏。

不過自從今天靈修完呢段經文之後，就真係好似得力咁~神鼓勵了我，忽然好想為神做好多野，搵番多d迷羊番黎，亦都栽培多d牧羊人..忽然間，見到好多遠野...當然我都即刻搵紙記低去la~我真的要與神多d同行先得了~~


雅各啊，你為何說，我的道路向耶和華隱藏？以色列啊，你為何言，我的冤屈神並不查問？你豈不曾知道嗎？你豈不曾聽見嗎？永在的神耶和華，創造地極的主，並不疲乏，也不困倦；他的智慧無法測度。疲乏的，他賜能力；軟弱的，他加力量。就是少年人也要疲乏困倦；強壯的也必全然跌倒。但那等候耶和華的必從新得力。他們必如鷹展翅上騰；他們奔跑卻不困倦，行走卻不疲乏。(賽40:27-31)


>>April 16, 2008 at 1:42:22 AM GMT+8

2008 年 4 月 11 日 星期五 【晴】

@養分渴求@

崇拜主題﹕幔子裡的禱告(下)

今天...很乾ar...不是天氣的乾，而是靈命很枯乾~~可能通頂後遺症未退去吧，所以肉體上，精神上都有點撐住撐住ge感覺...有點吃力哩~~人一攰，就好易選擇自我而唔選擇神~~求主憐憫吧~~

馬頴彤，李淑芬，為你們感恩~你們開始嘗試實習事奉了~~要俾心機ar~見證神係你們身上ge工作~~

蘇頌明...感恩開心，因為你信了主四了，看了你成長四年，下星期日終於受浸了~~恭喜哂~~

馮素文...見到你就真係好想去關心你，好想知你點去神改變，因為我相信神係你身上ge工作係大的~~

鄭美霞...感恩...與你對話，看見你成長了，成熟了...知道這一生不能放棄的是神，比以前更知道你軟弱時應該係邊得力~~加油吧~~

雖然呢排面對緊好多野，靈命亦開始枯乾，但今天番教會，見到你們自己圍埋一齊祈禱~~好感恩，好開心~~感謝耶穌讓我有機會見證你們的成長吧~~~

黃昏之E-1-B小組，今次分開男仔同男仔，女仔同女仔分享~~女仔就唔知佢地講咩la~haha~男仔分享ge重擔，都係前面ge路點去行~~雖然神已經俾左前一步點行了，但仍想知道將來的我會是一個怎樣的人吧...不過都係與神「同行」，一齊商量便心足了~haha~


>>April 13, 2008 at 3:35:38 AM GMT+8

2008 年 4 月 9 日 星期三 【晴】

@復興聚會@

今天雖然係有d野，但心情都鬆d了~因為番埋今日，又放假了~明天是day off，可以休息休息~~感謝主~~今天都有英文堂，同樣地，個人覺得用了很多時間做，做到成三點幾的一篇文，今天仍是...句句「no use」...算la~~自己英文差吧~預左了，所以都冇咩特別野...不過唔知係我多疑...抑或真係老師咁諗...話我冇上過堂...冇搵reference...當然冇博咀，自己做過咩自己知道，神知道就行了~做好自己，得神喜悅就足夠了~感謝主，經歷過前日同樣的英文科後，神醫治我了，今天不再爆唔開心~算吧...放開了~下午三小時ge課堂，冇上過堂，因為今天全是present~所以都較輕鬆等放學去神召神學院~

好期待ar~一個月去一次神召神學院ge復興聚會~~今天晚上，與一眾Vision Youth組員一起去了~感覺良好~~我知道將來我一定會來神召神學院讀書的，不過現在先讀好社工課程吧~~今天的復興聚會，領受良多，神將我呢排問神ge野一一講番哂俾我聽~~真係...唔該哂耶穌~我明白了~原來同神同行真的一件很難ge事...一直誤會了同行是一件易事..同行是...神的指示﹑與神有商量﹑要與神的步伐一致，更重要的是...與神同行要連根拔起，放棄自己身邊所有覺得重要同唔重要ge野，即係所有野~haha~~嗯...很難做得到哩~~成日話愛主愛主，連同行呢兩個字ge意思都未明哂...真係有的慚愧~真係對唔住哩~耶穌~我會盡力明白並實行與神同行的，真係要同神商量多d先得了~~楊天恩牧師亦都講出一個好重要，但好易成日唔記得ge道理，就係神唔會直接講俾人聽去邊到，終點係邊，因為講哂出黎，人就會用自己ge方法去到終點而唔識搵神幫...如果我地根本搞唔清同神ge關係...情況就更嚴重了，唔識點樣同神一齊行，我地追趕目標就更易burn out了。呢個就與神同行ge重要性~明白了~~要經常remind自己先得了~

今晚神同我真係講左好多野...另外一樣，又令我去思索...究竟我地應該點分我地ge事奉係出於愛事奉家愛神呢？？？我未get到個答案ar~~我都好想分清楚~因為我要為回應主ge愛而事奉，而不是想事奉而事奉~~願神賜福吧~

ar~~今天晚會最後回應詩歌...雖然唔知咩歌名...但合埋眼..見到好似行左入教堂咁，同耶穌結婚feel~~好正ar~haha~真係唔想走~

今天晚上比較深刻的經文...講及神點睇我地同神ge關係~感謝主~~

「以後我不再稱你們為僕人，因僕人不知道主人所做的事。我乃稱你們為朋友；」(約15:15)

盼望我每天都能與神同行吧~~


>>April 13, 2008 at 3:36:31 AM GMT+8

2008 年 4 月 7 日 星期一 【晴】

@Down...@

今天...情緒有點失落，唔係太想出聲~~都唔知自己發生咩事~~我都搵緊我內裡發生緊咩事，有咩野搞動緊我...不知道...只想獨自安靜一下，我對周圍ge事物失去了信心~~靜靜的同神講...求神醫治~~之後上英文堂...又有一件事接踵而來...勁爆唔開心...我有用心過，借過好幾本參考書睇，比準時更早交功課，換來的...是送給我的挫敗感...算罷..神知道就算了~~不過...真的加埋今天ge情緒...真係幾無奈...不斷祈禱問神我究竟發生咩事...我真的盡盡地，乾乾地了...呢排腦海中好多的思緒，好影響我的情緒時好時唔好...求神醫治，憐憫吧...


>>April 8, 2008 at 1:09:31 PM GMT+8

2008 年 4 月 5 日 星期六 【晴】

@攰@

今天...教會天...與之前星期日的教會天不同的是...今天比較攰哩~~因為尋日通頂了~尋晚開完E-1-B小組之後，就出左去join番咨詢日了~都差唔多去左成日la~雖然我去到個時已經八點幾九點，但莊員們同新一屆候選幹事們都未食野哩~~辛苦哂~咨詢日一直到今天約六時才完結~~wa...我到三點幾已經開始唔係好頂得順la~~真係辛苦新一屆候選幹事們了~~感覺都幾好ar，佢地答d野都冇咩特別差~~

完左之後，就即刻搭車番大埔，因為驚遲到番教會晨禱會~好彩七點九番到去等Ms. Lee開門...入到祈禱室，第一件要做ge事..就係向神求精神，好驚祈祈下禱就訓著左~感謝主，情況比我預期好好多~~真係越黎越鍾意禱告，受享與神同在的時刻~祈禱會之後，就同孩子們 & Emily去買早餐，因為大家都唔洗番裝備課程ar ma~~難得一次ga~食完之後，傾下閒偈，佢地就番U3 la~~我就番屋企沖個涼，小休一會~因為下午都會番下教會，玩下，彈下結他~~我個人就真係唔算太攰，同埋難得一星期兩日可以留係教會，點都要留la~同埋亦都可以同仔女們傾下偈，交流下訊息~~所以...番教會la~haha~

孩子們等埋阿so落堂，佢地就去錄音la~因為聖經科要做一份功課，就係改篇詩歌~佢地d歌詞都改得幾好wo，幾岩音，幾好聽~~所以聽佢地唱個首改篇歌，唱得幾好ar~haha~鍚哂你地~

晚上留左家裡獨個兒食飯，因為都一整日冇咩訓過了，所以有少少攰la~一路食，一路睇電視~撞得咁岩一開電視就係亞視，做緊影音使團ge地球深度行...真係估佢唔到~睇到我想喊~勁感動，眼都紅哂~但我忍住唔喊~裡面講係美國有個城市，冇聽到咩名，裡面有個展覽會，係以聖經同耶穌~~頭一部份係講一個好大型ge模型，係當時耶路撒冷ge模型，裡面仲有埋聖經四福音描述個d耶穌出現行神蹟ge地方~真係好正~~好想去睇下~~不過呢一part都唔係令我感動ge地方....最令我感動ge地方...就係呢個主題展覽外，仲有個主題公園，係一個模擬耶路撒冷實境ge場地，裡面又有一個劇場，日日都有一班固定ge演員去做耶穌當年几苦路，釘十架，死後復活ge情境~真係令我爆感動~好彩地球深度行唔係做好耐〝如果唔係真係喊出尼都似~~~感謝耶穌的受死，擔當了我們眾人的罪孽~~

因他受的刑罰，我們得平安；因他受的鞭傷，我們得醫治。(賽53:5)


>>April 6, 2008 at 3:25:24 PM GMT+8