2012 年 11 月 15 日 星期四 【晴】

2012/11/6-14
樓下開左間紅酒鋪, 為左佢地天花滴果幾滴水, 攪左我地好耐,
又話要出律師信, 又話要負法律責任, 講到一定係我地滴落去咁,
雖然我地都唔知係咪真係我地d渠有問題 :p
但因為佢地個designer態度又太差, 條友又串, 又話老細開間鋪頭唔係為賺錢, 只係為面子!
因為佢呢d咁冇腦的說話, 成為呢幾日我同mgr的笑抦!
Even你想我覺得你間shop好high-end, 但你咁講野我就覺得你high極有限!

Book酒店for廣州concert, 點解每次攪呢d都攪到咁混亂?? 近啦近啦就到啦!!!

新倉搬完了, 第一次involve 咁多, 見到入哂貨之後有 “終於完成”的感覺!
係好煩呀搬竇真係, 但今次由零跟起學左好多野…
下一個挑戰, 可能就已經係搬office了…. 仲大鑊!!

有人話佢個女大學畢業, 要擺幾圍, 仲有人話不如夾份買金,
Wa!! 買金騙案呀!!! 低能架真係! 畢業有幾出奇呀??! 我屋企都3件啦!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/11/5
好眼訓….
尋日o係倉周圍捐去check野, 唔小心撞到大脾, 瘀左又腫左, 好痛 ：（

O係公司發現左一袋野, 之前收到之後唔知咩來的, 就咁放埋一邊,
依家睇番, 原來係新倉裝network頭的配件 =.= 原來唔駛買 :p

叫asst拎野去稅局, 佢答我: 我今日唔係好想出去, 你呢你想唔想出?
妖… 叫得你出就梗係因為我唔想出啦!
最後俾我迫左佢出去, 佢塊面黑左一陣 XDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/11/4
再嚟多個full day for new warehouse removal,
今日要砌office, 朝早IT人未攪掂d LAN頭, 於是同mgr走左去攪廁所,
度牆真係太核突, 漂白水都洗唔甩d漬, 3個人夾手夾腳油左佢算啦!
下午開始砌office, plug番哂電腦電話…
6點家姐打嚟問我走未, 未做完呀d野, 阿大話: 你話屋企人催啦!
答佢: 收線啦唔講啦好炆呀!
果下真係好炆, 已經又趕又攰, 連mgr都幫手抺緊野,
7點左右, 但IT人仲未夾好cctv…
等呀等.. 9點9做完哂d野啦, 好攰呀…
上左車搵下tancy, yo~! 佢都未食野! (but其實佢係可以唔食 =.=)
最後相約大圍, 明顯大家都好攰, “火腿雞脾飯” 一齊miss左張圖的白飯and個”飯”字,
碟野嚟到… 點解有飯o既??!.... =.=
同tancy傾左陣偈, 有番d energy… 呢2日搬倉真係學左好多野…..

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/11/3
Full day shift @new WH,
自己o係個矮櫃度加尋日張chair, 做左個臨時admin office,
呢個office入面有水機, mobile charger同垃圾箱,
依然係乜都冇, 但起碼要做文書野時都有個位坐低寫下野…
不停落街買野, 好彩觀塘區星期六下午都仲開, 同一間電腦鋪去左2次, 五金鋪去左3次,
五金老細問: 你地新搬嚟呀?
Me: 係呀! 所以今日係咁落嚟買野!
老細: 吓要女仔嚟買呀?? (因為我連買油都唔識買 =.=)
Me: 男仔搬緊貨, 一d油緊野, 女仔咪落嚟買野囉 =.=””

買電掣jack…
Sales: 小姐呢把摻刀, 35蚊.. (同時開左出嚟俾我望, 其實我都未見過 =.=)
Me: … 哦, ok!
Sales: 你自己整呀?
Me: 係呀
Sales: 吓…
Me: 哦唔係, 有IT人嚟幫我地整!
Sales: 哦, 咁都得, 見你見到把刀咁迷惘…
Me: 係呀我頭先打嚟問你d野我都係照住張紙讀架咋 =.=””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/11/2
唔happy的Friday, 好趕好趕….
朝早拿拿臨完成工作, 11點半出發去新倉,
下午要拉電話線, 整access card system, 裝好d廁所, 趁泥水o係度執埋d野…
個倉乜都未有, 坐都冇得坐, 坐卡板咁矮, 坐紙箱又坐爛d野,
好彩部份貨已經去左新倉, 同事見我冇得坐, 摷左張貨出嚟俾我坐
“呢張$2500咁平! 我要張貴d 呀!!” XDDD
PCCW電話人嚟到先知…. 掣位面板俾師傅撤退時擺走埋 ＞．＜！！！
今日裝唔到電話呀！！　好彩電話人好好, 話聽日可以再嚟 ＝＝

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/11/1
好野~!! 今晚食pizza! 好開心~~
食完時間尚早, 話去食tony wong, 上左車先諗起應該行後一條街食zoe!
唔緊要! 反正架叮叮去跑馬地, 就入跑馬地食zoe, 點知入到去呢間zoe冇得坐
Openrice搵下其他, 原來呢度冇乜甜品, 最後食pacific coffee =.=”””””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/31
好凍… 村巴都好凍, 仲要閘機壞左, 上左車4個字仲o係屋企樓下,
早餐需要d熱量, 諗起office仲有個cup noodle, 太好了!! ＼^．^／

因為清潔姐姐聽唔到野&講唔到野, 佢教左好多平時要用的手語以便同佢溝通,
今日叫佢唔駛去牛頭角, 順序做 “唔駛” “去” “牛頭角” 的手語,
其實佢已經明我講乜, 但佢話我做錯, 應該係 “牛頭角” “去” “唔駛” ….
激死!!! 手語都有grammar架原來 XD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/30
落雨，出街去駱克道買野，又唔識買，算啦攞住張紙照讀，人地明就算！
為求方便，邊間可以一齊訂一齊送就果間啦！　XD
買埋lunch返office食, 唔係好大雨但都濕哂…
5點半出發去新倉[目及]下d師傅係咪真係油左第一層地台油…
Aiya.. 又唔早d訂, 早d訂早d開工咪唔駛落雨先嚟油囉！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/29
放工去睇電話, 因為電話太慢了 ＞．＜！！！

食完飯同阿大做實驗，趁阿中一路睇電視一路食野，係咁問佢問題．．．
『聽晚返唔返嚟食呀？』返．．．
『買唔買六合彩呀？』（聽唔到．．．．）
『個橙甜唔甜呀？』甜．．．．
『去唔去廁所呀？』（又聽唔到．．．．）
原來佢淨係聽到ｄ同食野有關ｏ既問題架咋！　ＸＤＤＤ

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/27-28
hea@home, 因為嚟緊又要cher 6個full day….

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/26
Asst AL, 先發覺佢咁多野都未郁過, 叫佢訂吸水機, 熨斗, 乜都未訂!
新人返工張相影完又唔load出嚟又未執相,
返左成個月果d人都未整….

Dinner buffet @ L hotel for “慰勞” hp擴充營業 & 搬倉
用左唔駛9個字由黃竹坑返到屋企, 好快!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/25
遲左出門口, 10送1已經有10分可以換飛了 =.=””
Dept meeting…
老細話要加多個IT meeting, 頂!!!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/24
朝早有新人返工, medical insurance又有人嚟做briefing,
分身但個腦分唔到, 帶新同事遊花園時竟然唔記得d舊同事叫咩名, 靜左……. Hahaha!!
放工手多嘟下, 10送1已經有9分???????

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/23
又放假~ 好開心~~~
早早地起身一齊食早餐, 好耐冇試過….
食完hea一陣一齊去黃埔食左麟右李, non-stop播緊左麟右李演唱會!
食完行一陣又返屋企, 訓下晏覺6點又出發, 約左22同tancy食紅茶館!
不知不覺, 源記食緊糖水時, 原來已經10點半!! Wa!!! 返歸啦聽日要返工了…..

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/22
Sick leave morning 去睇眼科 & 陪黃太覆診,
滴左d放大瞳孔葯水之後就玩唔到whatsapp, 乜字都睇唔到,
Check完走得, 一出到outdoor地方, 同阿媽都滴左葯水, 兩個都唔係睇得好清周圍d野,
又走番入去是但坐低食野先..
食完我去新倉視察環境, 一路行一路都睇唔清…. D葯水幾時先過呀??
上到去又唔見師傅阿頭, 正想走佢先嚟, 又傾一輪外星文, 我都唔知佢up乜 =.=””
攪完返公司, 坐低係4點半, 正!! Hea多陣走人去參加大嬸生日會!
7點食到8點9已經食完, 但坐到10點9先散水,
食完行埋誠品, 已經12點, 終於肯返屋企, 追到上一架行錯路的170!!! 可惡!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/21
Sleeping day…

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/20
Full day shift… 閑日返工冇事, 反而星期六冇乜車就遲到, 仲要只係遲左6秒… shit!!!
約左師傅9半check pump, 拿拿臨食野, 食到9點8, 師傳打嚟問: 黃小姐食完早餐未呀?
Me: 吓?! Er… 食完啦! (其實仲有細半未食 ＞．＜！！)
師傅: 我頭先見到你攞住份早餐返公司呀! 仲入一入花店先返上去, 我O係對面公園之嗎!
Me: 吓.. hahahhahahah!!!!!!! 我依家落嚟!!!

老細投訴assistant: 前幾日我叫佢幫我填少少野, 佢隨手就放埋左, 佢都幾得意, 好多時d人覺得係老細的就會拿拿臨做, 但佢唔會架喎! 不過我都唔係d咁o既人…..
O咀….
尋日早餐mgr先傾番asst的事, 我話你郁佢都要同佢傾左, 扮野都要俾次機會佢ga….
我問: 你又接獲投訴呀?
Mgr: 唔係… 咪係我之ma..
=.=”””

Lunch後出一轉CWB, 因為前幾日同事唔小心打爛左叮叮爐隻轉盤碟,
佢仲勁唔好意思, 我地返嚟之後佢已經搵好哂邊度賣, 幾錢俾我地,
仲問我地駛唔駛幫手去攞, 好可愛的小女孩 XDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/19
朝早約左pccw 10-11點同師傅夾線位…
約左mgr 9點3附近食早餐等師傅電話, 結果呢個早餐食到10點3 =.=””
睇完一排又同師傅傾完一輪, 11點左右收隊返公司,
上左mtr過埋海又收到電話話pccw有人啱啱又上左去…
原來今朝果個只係睇broadband, 但又問埋我地要幾多條電話線,
我地就當左佢係network+telephone, 無啦啦走上去條友仲要冇約過我地時間 =.=”””

因為早餐太飽, 點半都未餓, 去kfc食兒童餐! Wahahhha!!

因為要攞referral letter, 去睇e生扮病,…
一路行一路諗, 扮咩病好呢??! 淨係叫佢寫信佢要收我100仲要冇得claim ….
最後扮d睇唔到的病, 例如胃痛 XDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/10/18
朝早問mgr: 聽日pccw線位, 咁我去?!
Mgr: 唔駛啦, 叫xxx去啦! (某男同事)
Lunch後mgr話: 都係我同你自己去啦, 我地聽朝一齊去, 之後每人去一日咁la
OOO… 因為呢位男同事, 最後要番我地2個自己去 ………

6半執哂野想走時先被告知要砌封迫遷信… OOOO...
完全冇referrence, 上網左抄抄右抄抄, 攪到8半, 同mgr掙扎緊俾唔俾老細睇下,
但大家都worry一俾佢睇, 佢就冇排改, 咁有排都唔走得..
最後mgr打俾律師問佢可唔可以幫我地睇下封信,
律師話: 哦我就收工啦, e俾我聽日睇啦!
Goooooooooooooood!!!! 全日最lovely就係聽到呢句! 忍唔住一齊拍手歡呼!!! XD

>>November 15, 2012 at 2:49:07 PM GMT+8