寫日記       申請日記       用戶列表
 Powered By : Showhappy.net

日記

日記主簡介
<< 1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  >>

2013 年 10 月 25 日 星期五 【晴】

2013/10/11-24
北上玩左3日 , 玩得好開心, 雖然俾姐姐賴低我地三件行李自己返香港先,
『你地留o係度有咩做? 去拜師呀?』擺明另有目的架啦我地, 仲問 =.=”””
雖然係咁, 由你話『愛你變成害你』就知你幫我地諗埋, 都話你愛我地架啦又死口唔認! XDD
多謝姐姐 ^3^

朝早同22先落去CHECK-OUT, 轉lift層竟然撞到校長, 大家好自然地叫一聲: 校長!
同lift一齊落去, 勁nice!!! 仲問我地個show點… d問題尋晚姐姐已經問左一次!
然後同22講: 雖然我地尋日都同姐姐同lift, 但同校長同lift冇乜感覺, 真係當一個普通人o係我地後面 =.=””

轉場去廣州玩, 加埋阿餅同hang, 發左癲咁係咁扮『chok足一萬年的皮褸先生』,
O係大陸令人唔放心咁行街, 特別係去入夜後去搵毋米粥時, 千辛萬苦去到原來執左 =.=”
今次終於食到炳勝, 好好味下次有機會再encore!

轉IT人是惡夢的開始, 我做埋佢果份的話, 不如叫老闆俾埋佢份錢我啦! Waste my time!
夾硬cancel IT meeting, 因為解決燒眼眉的問題比開會重要,
已經不停俾人詐型單打發脾四!
淨係呢堆野令我星期二已經攰到好似星期四咁, 但真係到星期四又唔知點解覺得好似星期三, 人都癲!!!

Nicole & jay’s wedding, 呢日諗番好多讀u時o既野,
唔知即刻約o既EB gathering, 係咪某同學為自己o既banquet 鋪o既路嚟架呢??
即場turn down你又好冇禮貌, 不過其實我真係冇諗過會去! Hehehehe!...
因為有人記錯擺酒日子, 約多個飯局, 去到未坐低已經『被委派去關心下某同學』,
你講到佢咁有問題但派人去『關心』佢然後自己置身事外, 勁討厭呢種態度!

Sherman home裝修, 搵之前幫我公司裝修的師傅做, 做中間人其實有時都好慘架 =.=””

HOCC 演唱會, 睇睇下好心寒, 心寒到想叫紫樺不如唔好睇, 快d走!
好似入場為左首木紋咁, 開哂燈d人都唔願散場, 繼續o係度起哄,
有一刻我真係以為佢會出番嚟, 直到見到隊band都拆哂咪. 還是撤退吧…

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/10/8-10
呢個week漫長d, 因為成日想快d到星期六北上去玩!

轉IT人, 平時IT人之間的handover我都唔係好理，
但今次新It人嚟到, 一路聽佢地handover一路好worry,
點解我識果d佢都唔識?? Set outlook都唔識?? 攪錯呀!!!

Dept meeting, 老細話: 佢地唔open minded d咁諗, 呢個同事係幫佢地, 唔會分左佢地commission架喎!
你好難控制人地點諗架喎先生 =.=”””


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/9/28 – 10/7
Busy on Orbis, 原來唔想行, 但一俾人聊起左又好想去玩, 而且咁多個fd一齊行又好似好好玩咁 :p
於是原本upload一張同腳有關的相for 捐款$1, 變成齊集左10個人一齊去行盲俠行!
搵人sponcer, 好快有人一口話贊助我果份, 咁就攪掂左了!

Busy 2 on planning 佛山trip, 留多日去廣州玩…

阿中同老爸去左幾日旅行 , 屋企放假, 耳根都清靜哂!

月頭趕出糧, 今次好勁, 1號放假, 2號上午己收齊report, 3號放工時已交齊2份功課俾mgr!

被偷走的那五年, 女主角冇左呢段最critical的5年memory令佢變番以前男主角鍾意果個人,
幾好睇但有d位有得駁咀囉…

Macaroon class, 好好玩因為好抵, 明明2hrs玩左3hrs, 有3打拎返屋企, 但可惜屋企冇人食!

突然間先醒起原來下星期要出發去學無影腳了!!
立即要book野plan行程搵地圖 =.=”””

Singing class, 阿sir好煩, 成堂重覆又重覆咁講同一堆野….
上一堂講千千闋歌, 忍唔住笑, 聽左咁多年冇諗過主唱者係點唱!

『其實可唔可以請番個IT人呀? 每半年轉一次人好煩呀, 佢地會handover啫, 我地自己都要跟番好多野!』
去問下肥仔翻唔翻兜, 頂…. 你開個價係impossible!
『識講野識擦鞋咪有運行囉, 我地咁成日做頂心杉咩!』 =.=”””
佢識講野o係我眼中係虛偽, 雖然佢做野係得, 但我唔會appreciate佢, 因為佢真係太假!
鋪頭有事都唔理住, 做左老細果d先, 會唔會擦得太過火呢??

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/9/24-27
打風, 天文台邊會咁益你?!...
自從搬到觀塘, 忙左好多, 每次打風都要準備露台d戶外傢俬要拍邊, 打完風又要還原, 麻义煩!

花店不幸地non-stop電腦有問題, 電腦攪掂完又到printer,
然後有人發脾氣, 連老細都知, 佢地發脾氣就一定係admin錯, 我地唔發脾氣就要俾人發脾氣!
Boss: “she feel trouble coz everything not operate smoothly”
Me: “we feel trouble too coz enerything not operate smoothly and no one help office IT issueSSSSSSSS”
一返嚟就係咁聊起人把火, 真係天生一對呀你兩個!!!

為左增加抽獎機會, $11xx 的單 俾我分左兩次嚟碌, 拉闊真係麻煩!

Dinner w/shop同事, 坐低一齊講下老細,
『你攞佢張相出嚟, 方圓十里都冇生物可以頂得佢順!』

麥茶from mgr, 可能近來太negative了, 呢杯麥茶嚟得著時!

>>October 25, 2013 at 4:19:20 PM GMT+8

2013 年 9 月 26 日 星期四 【晴】

2013/9/17-23
等中秋放假, 勁holiday mood~
公司好多IT事發生, 又請唔成個IT人 =.=”

呢個中秋節過得好矛盾, 屋企”造節”, 有意思嗎???
家姐阿媽想我供樓, 但問題係我唔想我供果層樓俾佢住,
有份供冇份住, 仲要唔可以租俾人, 咁我咪即係白供??? 我情願供嚟我地3個自己住好過!
一向都知佢D牛脾氣, 又唔講道理又野蠻,
但冇諗過佢會衰到郁手打人!!!! 我接受唔到同呢個人再同一屋簷下!
搬開住我諗起碼我同黃太都唔駛再擔驚受怕!

中秋去左大坑睇舞火龍, 食乜都唔駛排, 睇火龍又啱哂timing, 仲有紀念品拎~
好即興玩燈籠再燒著埋阿豬果個, 又去維園點蠟燭,
呢晚好開心因為盡情去玩, 屋企d問題跟唔到我過獅子山!

電左個髮, 唔駛再扮八爪魚, 用呆坐6小時 & $980嚟換走每朝的煩惱~

自從知短期內要供樓之後, review番自己過往點駛錢, 其實我都已經唔係駛好多錢,
最大部份除左俾芝媽, 就係食飯, 但唔知點解蓄錢速度仲慢過蝸牛 =.=”

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/9/13-16
星期五放工勁唔願返屋企, 唔想做負責緩和氣氛果個, 好攰好攰!
最後情願8點2先收工, 去九龍塘做22的電燈膽 XDD

星期六放假, 同阿大夾好我陪芝媽, 點知阿中又同左芝媽出街,
仲等我驚佢悶, 早一日定姨媽, 最後得我同姨媽食晏!
講到最近屋企的茶煲, 聽完姨媽講, 個心又舒服左d, 起碼佢識老豆識得耐過我!

同阿中一齊去學唱歌, 齋聽理論冇得開口唱其實聽到好眼訓!
阿中問: 你咁勁知佢講咩o既?
Me: 梗係啦不枉我聽左咁多年陳慧嫻!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/9/2-12
討厭的agent, 一打嚟就鬧, 好! 我就唔去in!

睇住枱上的文件由兩棟變成三棟, 遲d一定俾人鬧
『我想你地keep得整齊d呀, 好唔好呀?』
Dept meeting, 又話HR慢, 係呀係咁架啦, 鬼叫你尋日話A今日話B呀!

突然間發覺原來個8月過得好negative, 帶到嚟9月都仲係好負能量!
都只怪屋企果個唔生性, 唔想o係屋企做攝石人, 攝住兩邊唔好開火好慘!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/8/26-9/1
『件事唔係你地諗咁樣』
搬就一定搬, 唔想芝媽有事!
其實我地都好唔開心, 只係冇人敢o係屋企表現出嚟!
搬去邊, 幾時搬? 之後真係唔理佢? 到佢發癲? 我地係咪好衰? 但情況只會繼續差落去!

終於睇到828 show, 果然係主場, 呢幾年一路聽姐姐live都都冇今次唱得咁正!
好好笑撞到好多人, 包括kitty, 好彩姐姐遲出場大家先有時間去搵個靚位!
手上多張飛都係煩, 雖然我覺得早講同遲講, 都係有人話我唔講!
好想去埋佛山果場, 當去下旅行住酒店都好! 好想離開呢個環境!

睇完828, 829放假抖抖, 點知晨早餓醒左, 頂!!!
下午同candy仔 & 大夫伉儷high個tea, hea左一個下午, 正~!

>>September 26, 2013 at 7:35:27 PM GMT+8

2013 年 8 月 26 日 星期一 【晴】

2013/8/15-25
Busy on medical insurance renewal, 無啦啦先記得夠期, 點解冇聲氣o既???!
開始搵quote, 搵阿豬個老細俾quote, 老細叫佢follow, 俾我地攞正牌傾公事吹水!

Mgr 放假, 留下的task捉唔到師傅, 死啦佢返嚟又見到乜都冇做過 =.=””

一晚返到屋企一次過收到哂想收o既野, 包括阿豬的postcard, 828 concert飛, 仲有澳門錢!

如果有人可以話我知爭d咩, 咁就好啦!

俾阿中捉左出街傾家事, 雞翼事件過左10年, 原來到依家一諗起呢場交我仲係會驚到喊,
即係好似平時收埋左, 唔小心high到條刺就痛到爆咁,
自此之後呢個人o係我眼中係個危險人物, 唔知佢幾時會爆,
所以同一屋簷下, 一個月都講唔夠10句野!
散水後我返公司, 阿中whatsapp嚟, 話今次有佢同阿大叫我唔駛驚, 睇完之後又喊過,
喊到我頭都痛埋攰到死 ＞．＜！！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/8/8-14
點解我地成日都唔鍾意你? 係因為成日都係你攪到家嘈屋閉, 次次都攪到個個唔開心!
依家大家個心都有條刺, 表面上扮哂冇野咁, 但其實個個都唔開心!
分唔分開住, 離唔離婚, 其實完全唔surprise, 完全接受到,
10年前預左有呢日, 只係當時阿媽仲有野worry,
到今日已經唔駛再擔心, 無後顧之憂,
你咪試下再放肆d過份d囉, 屋企攪成咁係你造成的, 你到時唔好後悔就得!

老細話admin d野成日錯, 又慢…
頂呀, 你唔好要人停哂手去做左你d無 聊野先, 咁我地咪做野快d囉!

打風, 1:40pm, 多謝哂!
你落波唔係問題, 但可唔可以唔好『前後』??
晨早講左2點前後, 咁不如再俾多個預告大家, 2點前會落波, 咁大家係咪會好計數d呢??

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/8/2 -7
老爸呢排鬼鬼祟祟, 唔知佢攪乜, 尋晚應該開過火嚟, 返到屋企有陣[火農]味!

一到星期六日就追番d衝上雲霄, 但睇到好亂, d次序亂哂!

『叫gigi去勞工處stay幾個鐘睇下撈唔撈到人返嚟!』
真係虧你諗得出! 係呀最後stay左個零鐘, 同agent傾左陣電話自己搵工,
再痴下wifi上網, hea多陣就去搵大夫食飯~~

如可預知到未來, 誰又會害怕它變改?
“預知到”的話仲算唔算”變改” 呢?

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/7/29-1/8
呢個星期成日都走來走去, 去呢度去果度, 一日過兩次海, 好鬼攰,
去排working visa, 攪BR, 去見agent….
好多agent call, so far有一個opening聽落真係幾啱我, let’s see…
有個係pccw, 但聽到個名已經覺得麻麻, even佢真係一間大公司!

老細問:『咁點解AA一定要請男仔?』
吓你問番我地? 係你堅持架喎之前! 又洗左腦啦咁快??

Eason’s life, 雖然講野唔多, 但歌好聽已經好足夠!

姐姐電台訪問, 講我地一齊打牌, 又聊起左我地條根 & 聊起我地條根去聊起佢條根!
唔鐘意呢個uradio! 明明send左msg嚟攞我電話打嚟, 一分鐘內冇應到佢 就變左後備,
頂呀!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/7/25-28
『725四把膠椅事件』, 又引伸左十萬個為什麼, 拉鋸左30幾個鐘,
再繼續知道老細好鐘意叫其他dept的人插手干預第二個dept的內務!
可唔可以唔好咁樣?? 咁鐘意搓亂d野嚟做, 咁駛乜分dept??

又到728, 幾年以來最”他條”的728, 他條在唔玩通宵, 唔駛趕工生日禮物,
因為已經一早預左唔會準時送得出, 所以hea住慢慢玩, 每年得呢個時候會坐定剪剪貼貼..
姐姐一定好後悔托我地幫佢買野 XDDD
由dinner變tea的gathering, 『又要芝芝癲人阿豬失望』
妖好低能架真係! 咁為左我地幸福著想, 好心你發下功啦! XDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/7/20-24
樓下投訴廁所天花漏水, 所以屋企要換馬桶&重鋪地台, 仲撞啱成幢樓停水, 停足一日一夜…
新馬桶未香夠3日, 已經睇佢唔順眼, 我死都要換廁板, 因為隨廁附送果個黑色同公廁一樣,
最後索性自己動手, 拆左舊果個就自然識裝新果個,
裝好之後屋企人好surprise點解我會識換 =.=”
咪係多得呢份工囉, 水箱配件都試過自己換啦 XD

夜晚老爸返到嚟, 唔係好鐘意我地自己動手, 因為平時呢d係佢做, 佢覺得依家乜都唔駛佢,
返嚟講左句: 嘩自己換咁叻呀? D細路大哂啦阿媽呵!
食飯中的阿媽細細聲話: 嘩有骨架!
XDDDDD

講左幾年的咖啡雞翼面世了, 第一次同22試, try & error,
之後到貓豬煮, wa好味咁多o既??! =.=””

老細呢排好鐘意問點解, 仲聊起左好多火頭, 同同事鬧交都有,
但你鬧還鬧, 唔好揼地呀唔該!
『我落街買本十萬個為什麼俾佢, 入面有o既為什麼唔駛問, 冇o既唔準問!』

>>August 26, 2013 at 6:24:05 PM GMT+8

2013 年 7 月 19 日 星期五 【晴】

2013/7/6-19
捽多3次跌打, 3次都要訓床捽, 原因係: 醫生話你上次暈過所以訓床捽安全d!
……..

OT時間6月份都依然過千分鐘, 所以依家一到8點就迫自己走!

因為要做orientation, 放低左一排的orientation material要同marketing夾番,
要扮唔知佢問過點解我升職佢冇得升!

有人不滿8號都未入到錢出糧俾佢, 去勞工處投訴我地,
繼而到老細”關心”我地有冇盡僱主責任準時出糧, 衍生左n隻whatsapp出嚟!
又因為唔同的問題, 各方面都同老細有D牙齒印,
都唔知佢做乜, 成日都唔記得之前同我地講過咁,
再講一次都算, 最衰係第二次再講又唔同左之前講果D!
以前話唔好俾sales知cost, 依家又請個part time sales做merchant, 又話all-rounded好….
又話舊場由鋪頭in charge場大清潔, 轉個頭又話應該係admin做…

又俾阿癲捉左去”相睇”, 夠啦…….. 個場口真係好核突呀!

Suspecious work injury case,
好似電視劇咁偷偷地跟蹤左個”疑犯”一段路, 乜線索都冇 =.=”

好耐冇試過咁想睇電視, 好耐冇追過電視劇! 衝上雲霄, 講衝上天的topic真係好吸引!

呢個星期好攰, 試過一日in左10個人之後, 果日放工攰到o係車訓過龍, 訓到大圍先識醒,
又要轉番車返屋企,
另一日去左過海, 行多坐少, 好彩呢個星期已經到左weekend, 又有得hea~~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/6/26-7/5
仲未請啱人, 係到左呢個時候嚟睇到ASST的好處, 但明顯老細係針對緊個人!

Catch up番哂monthly task的schedule,
相隔4個月, 同事終於可以知道自己仲有幾多日假

又整親手, 同一邊手同一個位!

同tancy過大海, 因為大家都想hea, 所以乜都唔plan!
Hea到一返到酒店兩條友放低個袋就攤落床, 訓著左一小時先起身沖涼 XD

又被話阻住芝媽收工, 一聽成個人著哂火
莫非你地想我日日7點返到嚟等開飯你地先開心??
我唔係去左玩呀, 係多野做走唔到呀!

終於食到鹿鳴春, 又真係幾好食!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/6/13-25
老細的WHATSAPP已經在挑戰同事們的EQ &忍耐力…
佢係咪應該去check下個腦?? 成日推翻之前講o既之餘仲要好似洗左腦咁冇哂記憶!
老細, 你講一句就易啫, 你講完我地唔係三兩下就完成架d野, 俾d時間, 俾條路嚟行下啦!

暫時高紀錄係一朝in左5個人, in到第3個開始亂, 第4個開始眼訓, 第5個唔記得佢in咩….

扮病去左見工, 但都知機會渺茫, 算啦繼續等下先啦!
醫生要我去做一次full body check, 好呀10年前o係醫院check過之後都冇再做過~

再扮偵探去查下個疑似呃工傷的同事, 懷疑佢一路攞工傷但返新工,
花店同事忍唔住打去問: fion呀唔該!
原來真係fion!! 但原來只係同名, 釣錯魚, 笑爆! XD

又另一同事工傷撞到頭, 跟車同佢入院, 第一次坐白車, 原來望唔到出面咁坐車會好暈 ＞．＜！

自從返觀塘之後成日遲到, 已經早左起身, 但因為唔駛趕住班村巴,
起身後懶懶閑, 又hea, me me mo mo咁… 結果8點過d先出得門口 =.=”

新credit card, 見係姐姐先申請咋!
2個月內簽3800, 結果我1星期已經簽夠 =.=””

>>July 19, 2013 at 3:51:42 PM GMT+8

2013 年 6 月 13 日 星期四 【晴】

2013/6/5-12
日日都好忙, 做極都唔完, 公司又日日都好似第一日搬入去咁, 每日都仲有裝修!
每日都要8點先收工, 我好攰呀!!!!!
攰到我明明係寒底都變燥底, 有時唔係想發脾氣,
因為借”發脾氣”先可以抗衡同事的無理要求!

開始in OA, 其實我地只想要一個唔抗拒出街的人啫….

死八婆老細話幫admin執野, 頂佢連我枱上枱下, 左左右右的都摷埋, 識唔識咩叫禮貌ar??
識唔識尊重人地私隱架?? 老細大哂咩! 我張枱亂關你隻膠义事咩!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/6/2-4
老細們 對asst的tolerence 跌到去零了….

把握去灣仔公幹的機會, 早早地去cwb行街, 好耐冇行過街買衫啦!!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/6/1
起身, O係屋企條氣都係唔係好順, 出街, 去一田搵大夫大嬸,
無啦啦阿豬又問今晚有咩做, 啱啦乘乘機機又唔返去食!!
未夠鐘, 大夫車我地入馬鞍山食個TEA先去餅度, 冇錯又係阿餅屋企!! Wahahah!!
咁熱都費事再落街, 叫pizza食啦, 但d pizza仲早過阿豬到,
多麼的豬多麼的遲!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/31
Friday!!! 等左好耐的Friday! 因為今日可以去探鴨仔!
放工搭地鐵去尖咀, 程地鐵好漫長, 平時放工去尖咀只不過係一個站, 依家係十幾個站!
Join到fung, 22, 阿餅, 影完鴨去食雪條, 食緊先諗下食咩dinner好,
食完dinner又聊起條根不如搭船轉叮叮去西環食源記!
未去碼頭又決定影多次夜鴨之後去餅度打牌, 轉得好快! XD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/30
又8點先收工, 呢幾日太多事發生, 乜都唔順利…. 每日到6點就好想快d做完快d走!
今日返到屋企8點10, 食完俾人話我好咁晏返嚟阻住阿媽收工,
救命, 真係即刻著火! 我咁晏返係去玩去蒲呀依家??

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/29
Lunch with small candy, 好似輪流同candy進駐觀塘咁,
N年前佢開始返觀塘時, 我就part-time part到尾聲,
依家到我返觀塘又到佢走 XDD

想準時走, 結果都係要8點先走得甩, 好攰呀!!! 做極都唔完架點解??
尋日裝修師傅食完TEA又唔掉野, 老細一問asst就發脾氣,
老細立即話出ad請OA….. 之後問我會點同佢講, 係咪一講佢真係會走?
喂好難寫包單架喎阿哥!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/28
叫asst Mail merge label, 佢可以用左2個鐘有多去做,
唔該哂! 我趕住走架今日仲要!

二合一: 老豆節+阿媽節飯

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/27
好眼訓, mgr話老細知道條友針對緊我, 考慮緊不如升埋佢職…
如果老細真係咁做, 我會睇唔起佢囉!
升唔升一個人唔係應該睇佢表現而唔係睇佢有冇扭計!
如果最後用呢個方法settle件事我會鄙視老細!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/26
5點幾訓落床, 每訓兩個鐘左右就醒一次, 訓到10點, 妖唔訓la!
唔係好習慣呢個時間先訓! 又因為仲太興奮!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/25
今日見工做個test, 真係test only而冇interview的, 原來一計數我就死得….
In完聊左中中行街, 其實行左陣已經好攰, 坐低食下野又再行, 行到7點返到屋企

個人仲未返到屋企, 突然間有人話今晚出嚟食開年飯…. 妖! 一晚要食2餐dinner!
阿媽開左飯又唔可以唔食, 未餓之下食細半碗飯已經好飽,
食完8點又出門口, 邊有人7點鐘約人8半食飯架! 結果個個都遲到, 最早到係主角 XDD
食完呢餐轉場又去食甜品, 冇房坐得唔得架??!
講到興起越講越嘈, 好彩周圍D人走得七七八八…
一講鬼故我同22就去廁所, 『我第一次唔想聽你講野呀!』
再轉場玩通宵, 又玩電話, 笑到抖唔到氣..
玩玩下暫定4點走, 阿豬問我: 『我地未有車喎!』係呀一齊走啦我地!
『去邊呀你又!!!!』返屋企囉去邊呀??! 阿豬有2頭住家架! XDDD
『車埋你地返去咪得囉!』wa你咁主動o既!! 原來佢已經諗住會車我! 好人到爆呀!!!
下車前我話:『我會掛住你地架!』姐姐:『好呀我都會!』 XDDDDD 『夠啦!!!』

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/24
今朝睇鐵打, 可能未食早餐又曬住咁行左段遠遠地O既路,
未開始捽無啦啦好暈, 俾人抱左入間房度訓左陣先醒番, 超樣衰!
醫師要我訓多陣唔好起身住, 結果就訓o係度俾佢捽手 =.=””
走得就過隔離食早餐, 食完見冇乜事就繼續返工, mgr知我今朝暈過之後鬧我好仲返工 :p
唔怕喎以前試過架啦! 暈完就冇事gala! XDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/23
今日條友繼續玩野, 老細叫佢整個simply map showing office location,
佢send嚟叫我俾details佢, 請問你想要咩details呢??
邊個地鐵出口你唔識自己睇map架咩?? 點解要admin做?
我同mgr講: 佢擺明玩野, 我勁想叫佢list out有咩details要, 我fill in the blanks俾佢啦!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/14-22
地獄式的生活, 淨係admin都有60幾70箱野,
多野到logistics同事都問點解箱箱都係admin, 有冇咁多野呀?
有架真係! 仲要掉左好多啦已經俾我!

全個office都燥底, 因為八婆日日依依哦哦, 指手劃腳, 得把口翹埋手, 個個都一點就著!
呢邊pack完去到新office又unpack &執位, 好攰好攰!
係攰到腳軟果隻, 平時大家都係文職但呢個幾星期就不停勞動….
其實個個都攰, 但都繼續默默工作, 先生你可唔可以體恤下, 唔好再催我地呢?
坐低新office一都仲繼續日日煩人, 又話要清哂d箱!
咁催做乜? 就係因為要開佢張玩具枱出嚟, 頂!!

呢幾日集中力=0, 做緊A的時候, b突然但出嚟就完全唔記得左a, 到c彈出嚟又唔記得左b…

因為senior呢個字, 有人睇唔順眼玩針對,
你咪繼續針對我囉, 覺得自己咁有料, 冇得升職咁你又唔走?!
內內外外都言行一致地唔鐘意一個人, 呢d人唔可怕,
果d表面上扮哂friendly, 但其實暗地裡做小動作的人先最恐怖!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/13
結果都係冇去到in, send張mail去改時間做下星期一, 到時先再諗啦, 忙到爆!

>>June 13, 2013 at 12:08:00 AM GMT+8

2013 年 5 月 13 日 星期一 【晴】

2013/5/12
仲係攰到腳軟…
掙扎左一日聽日好唔好去見工, 想去係因為大公司,
唔想去係因為好攰, 又聽聞佢成日都請人, 佢要我ready d野我又未準備好…

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/11
Full day返工pack野, 好彩有轉車可以清咁d走左先, 有位可以繼續執,
執到6點8跟車過去新office插rounter, 捉埋返嚟幫手的阿榮陪我跟車,
7點9放工, 攰到散左, 真係超攰, 攰到明明肚餓但都唔想食!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/10
朝早俾人話我地好o係counter食早餐, 整你個制呀!
仲要淨係話admin囉! 你條死臭八婆!!
我一日未寫circular, 一日都仲可以食早餐架!
一係我唔o係counter食, o係你個位度食囉, 吔蕉!
再唔係, 以後朝早9點果餐叫宵夜!

Mgr話有人問另一個高層: 乜gigi表現好好咩? 點解佢有得升senior我冇?
我只想講: 關你义事! 又唔同dept, 你唔知我做成點, 我又唔知你做成點!
又唔係我升左你個位, 我升唔升職, 表現好唔好, 關你咩事呢請問??
聽到呢d野係好唔開心架, 我又冇踩親你條尾, 我都唔敢話我自己做得好好,
但你又憑咩覺得我唔應該升呢??
咁多是非, 不如我俾番封升職信你啦. 唔好升我啦, 加人工算啦! 好煩呀!

勁多負能量, 放工即走, 去接姐姐收工, 义番d正能量返嚟!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/9
尋日5點幾先cher完人地快d幫我申請條新broadband,
今朝就話hold住唔申請住, 超樣衰!!

都唔知係電話舊電壞定係個charger壞,
一時又正常, 一時又成朝先义得10幾%電 =.=””
趁佢舊電聽日保養last day, 今日拎去check左先!

Dinner w/tancy, 因為唔想返屋企又俾人催我食快d,
放工好攰想慢慢食但係咁俾人催, 真係會火滾!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/7-8
死啦條broadband好煩呀!!!
無啦啦依家先嚟話加線, 加唔切架大佬!

大家都開始pack野, pack到冇位走, 新office未ready入箱,
八婆又唔俾多d時間人地執野, 淨係16號下午4點先office close,
大佬點執得切?? 依家個個有時間就去pack箱, 但又走唔到箱塞死左先停手 =.=””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/6
一日in左5-6個人, in到都唔知邊個打邊個,
走去問個applicant係咪做開文職, 見佢odd左先望下, 原來佢係in sales =.=”

如果應酬你d whatsapp係升職後新加的工作之一, 咁麻煩你燉番我落去,
我俾番senior個字你!

放工又齊腳食飯, 低能到爆, 明明星期五先玩完一晚,
今日又無啦啦因為我要俾野阿豬而出哂嚟食飯!
集資每人10雞買mark 6, 之後開始幻想中左之後我地一齊買樓, 買28樓全層打通哂佢,
然後叫阿豬日日煮飯我地食, 又可以招呼姐姐上嚟玩做私竇, 再lock哂d門唔俾佢走!
超開心!!

今日好攰好wing, 阿豬話: 我見到你有d青呀!
我話: 我個人不嬲都冇乜顏色架啦! XDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/4-5
放2日假, 越諗個新post就越不安……
有一下收到whatsapp問工事就覺得好驚!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/3
成日都好期待放工去開大夫生日會!
好忙好忙, 忙電話線, 忙防盜, 忙買櫃….
放工前拎野入老細房, 轉身想走之際俾佢叫住, 叫我閂門坐低有野同我傾,
佢俾左封信我, 吓???! 升職做Senior officer???? 唔係呀化???
開心左3秒,未離開佢間房已經開心完, 因為開始好不安!
如果就咁加人工我會開心過升職! 升埋職之後就覺得人工加得好少!
我唔要升職我要加薪呀!!!

放工去豬私煮開p, 好野真係齊人, 連edmond都o係度!
食飯打牌傾偈切蛋糕食雪糕…
玩到1點幾散水, 好開心 ^^

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/2
返工, 好攰好眼訓, 喉嚨又有d痛 =.=””
放工又搭唔中九巴, 又唔想再等多班咁白痴, 上車安心訓覺吧啦!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/5/1
BBQ TODAY, 由easter delay到五一都仲係落緊雨!
過左海先意圖轉軚去bbq場 , 最後都係繼續買野燒自己!
燒燒下越落越大雨, 好彩菲藉姐姐們開始撤退, 俾我地搵到個樹蔭底繼續!
燒到7點幾8點走, 吹左咁耐風又淋左雨濕濕地, 好鬼凍,
同阿豬買杯熱飲拎住返銅鑼灣先舒服哂~~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/30
今日出糧, 平時都冇咁記得, 但今次因為加人工所以朝早立即上網check, Yeah!! 升值了!!
平時開OT, 多野做我唔介意, 因為我相信放長線釣大魚!
唔係唔計較, 只係我著眼於呢個review, rather than計住OT到10點你有冇野補俾我!
雖然冇人講過勤力一定有獎, 但唔勤力就連獎o既機會都冇, 其實都係打賭一鋪, 只係呢鋪叫做『嬴少少』!
話雖如此, 我繼續係會鬧個賤人!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/29
朝早諗起今日八婆返嚟已經唔想返工,
9點返到嚟花店求救話keybroad唔work & 鋪頭冇左background music,
換個新的又唔得, 換個usb的用住先, 轉個頭又話outlook都唔得,
同一時間有個同事話收唔到新的email…. 天呀!!! 有冇咁多事一齊發生呀???
到攪掂哂所有野已經10點, 心諗快d食完個早餐去啦唔係一陣俾八婆見到又嘈,
好趕咁食完先諗起, 今朝八婆去開會唔返嚟………. 頂!!!!

裝修一路埋尾, 八婆話一路發現有問題,
但全部都係當初佢冇提出過的問題, 整你個掣!!!

Dinner w/mgr + shop同事,
做咩無啦啦約埋我? 又同你唔係咁熟, 原來係因為我地就搬所以食下飯!
食完飯覺得個牙骹好攰, 因為係咁不停笑笑笑….

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/27-28
中中請飲茶, 但偏偏呢間分店冇佢專登去食果樣!
食完去左行樂富,係冇野好行架, 俾阿媽呃左啦!

唔知點解阿大同阿媽會無啦啦問我姐姐! =.=””

Sunday訓醒嚇見阿大包紥住隻手返嚟…. 成個機械人咁!
我問: 你坐車返嚟, 有冇人當你傷殘人士讓座俾你?
大: 駛乜啫! 架車都坐唔滿!
=.=”””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/26
臭八婆飛左, 好野!!! 返工都返得開心d!

偷買taobao, yeah!!

Agent call, canon, 幾好呀個名咁響!
不過location同時間都麻麻, agent話轉完唔係好過依家轉嚟都冇用! 係架我一路都咁諗!
算啦, 反正我都打算搬完竇settle埋呢壇野先!

同時訂緊cctv & parts, 防盜, access card等等等等……
又俾人催究竟條broadband係咪當relocation再鋪過….
又俾人催要為星期一開工的project買all-risk, 仲要俾人話我地好唔早d買!
整你個制呀你個臭八婆! 我地啱啱先接手點q知佢地攪到邊!
多多gee gut!!

Dinner w/mgr + wing,
同mgr o係度笑阿wing點先可以令老細唔想見到我但又唔會炒我,
食到臨尾先知原來佢啱啱俾人炒左所以”放假”,
O shit!!!!! 仲等我地o係度亂講野!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/25
結果都係冇做到appraisal, 係咪即係唔駛呢?

『協調各部門』 vs 『與各部門協調』
我企硬話覺得個ad應該寫『與各部門協調』,
臭八婆死都話係『協調各部門』, 大佬呀呢個junior post嚟架!
又搬d咩主動被動出嚟講, 唔夠我講又要叫埋marketing過嚟,
頂… 呢d HR o既事可唔可以唔好拉埋其他部門嚟傾呢??
大家企硬都冇意思, 諗起算啦間公司佢o既, 佢想點就點啦!
反正搬完我都準備著草!

準時放工”趕”去尖東, 真係好趕, 6點5左右就到達,
O係酒店坐左陣開始俾實q趕, 頂! 點解呢度都唔俾坐? 俾住客坐? 住客有房駛乜坐o係度?
『我地俾實q趕左落1樓』『坐lift上三樓』唔係同你講爛gag呀我地! XDDD
勁冇禮貌的實q, 一路行一路問: 請問你地去邊? 以我所知你地冇朋友o係3樓架喎!
頂! 你唔係我朋友梗係唔知啦! 我個gd friend陳小姐o係3樓呀!

去食好時satay! 正! 好耐冇食過!!!
食完又miss左小姐離場, 算啦見佢頭先咁俾面,
同我地就想逐個影, 同人地就話趕時間連group都唔影 XDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/24
放工時候老細問起appraisal, 問我仲有邊d未交,
我話我都唔知因為有d直接交左去mgr度冇經過我…
收線後mgr經過, 我話催攞appraisal啦, 其實好多dept都未交, 包括admin未做添 =.=”
Mgr細細聲話: 當我走左….
然後靜靜雞返去攞袋即走 XD 仲要走得好鬼祟!
佢走左我話我同老細講d appraisal 你lock住左聽朝先有啦,
點知老細又堅持要今日.. 大佬呀俾條路嚟行呀!
我話冇辦法啦, 佢又入左閘囉! (其實mgr就係唔敢入閘住等埋我答佢走唔走得甩..)
最後老細先話咁冇法啦聽朝啦! Yeah!!!

原本阿豬想去會一會姐姐, 但有人話趕唔切最尾冇去, 又但係有探子回報其實阿豬照去的話係趕得切的…
唉, 都預左每次問親都係叫唔好嚟架啦!
探子話只影左大合照, 可能因為我地唔o係度佢冇個識所以好快走左!
果頭講完話『下次一齊出擊啦!』呢個”下次”好快就出現, 仲要快到係聽日!
正!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/20-23
星期六夜晚同左大夫大嬸去大圍食串燒, 食完已經食唔落甜品….

星期一二返工都係地獄, 隻烏蠅又揚極唔走煩到爆!
Admin meeting, 烏蠅話將佢的work shift to mgr, mgr的shift俾我,
Wa唔該哂喎! 你咁得閑我地仲大鑊!

D quotation好亂. 亂到要人地打嚟問先知原來仲未簽番俾人…
連T&T的account都攪亂埋, d公司名改嚟改去勁(火羅)!

Dinner w/random for jay’s bd,


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/19
一返到公司見到有張紙仔, 老細話IT人每日個to do list要加番多d column落去,
頂!!!! 玩野咩! 當初個list係整嚟俾我同IT人用之嗎!
你又話唔緊要, 有mark住就得, 依家又要加野, 煩唔煩d呀!

又要繼續用番電腦公司, 心情即刻沉左…….
點算呀??????

見到個名叫Priscilla Chan的fb…
妖乜原來like or comment on her都要公告天下???

>>May 13, 2013 at 11:55:23 AM GMT+8

2013 年 4 月 19 日 星期五 【晴】

2013/4/18
成個fb都係陳慧嫻同priscilla chan …..

下午training @上環, 眼訓到爆, 都唔知佢講乜, 佢講出糧果part我都用唔到,
於是不停玩電話過左果3小時!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/17
頂又遲到… 連續第3日了….
一路返工個WHATSAPP一路震…震…震….
好耐冇試過要睇哂全香港o既娛樂版!

放工好開心咁返屋企等睇東張西望, 整你個掣呀唔播喎!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/16
成個腦都係訂乜訂物, 好似停唔到咁, 竟然訓唔著, 成晚訓得幾粒鐘!!

9點起身做左陣工事就開始hea, 油下指甲化埋個妝扮靚d出門口去捧場~
Yeah!! 今日係姐姐的大日子, 最正係冇實q, 100%自出自入!
記者會好好笑, 因為校長勁攪氣氛, 完左之後逐間做訪問, 同一番話講左5-6次,
佢做緊野唔好騷擾佢, 咁我地自己玩, 001號staff card無啦啦拎左過嚟, 正呀有野玩啦!
不停玩自拍, 影到elson話影左啦? 咁一陣唔駛影啦即係! ＞＞＞　唔滯!!

好野終於都O係香港見到你啦!! 好耐冇聽過你用廣東話做訪問,
好耐冇O係香港報紙同電視見到你　你返嚟我地都歸位了!! Welcome back our sweet home hk!!

今日戴con, elson話唔認得我, 啱呀我正想係咁!
一陣俾人影到都可以話呢個唔係我, 我平時戴眼鏡的! XD

送走佢上車, 我地去阿餅度hea, wa好攰呀!! 係攰到冇哂力果隻!
一日的energy o係果兩個零鐘入面用哂!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/15
心情好緊張! 因為聽日的event, 朝早先改番做pm leave,
OT到7點幾突然間又要改番做full day, 勁驚俾人鬧,
老細打嚟問: 你唔係請左半日架咩?
正確嚟講我係請左full day先, 之後改half day再改番full!

IT meeting, 老細想裝野track住我地上咩網, 整你個掣呀!!!!
咁唔想我地用你block q埋佢呀笨!!!
開完會仲要傾搬office安排, 要買乜買物…
開完出嚟時間剛好係晚上10點, 我已經返埋原本聽日返果半晝工!
同同事食個quick dinner, 返到home沖完涼訓得時已經1點, 好攰!!
好彩聽日full day off之餘仲有發電機!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/13-14
去睇報告, 收到2份滿江紅的成績表,
又開始俾人日哦夜哦 O既日子 >.
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/12
FRIDAY啦終於都!!
今朝望住架村巴, 8點望到8點3佢都未埋到站, 因為閘機壞q左….
被迫遲到…

越嚟越近月尾就越驚, 我地唔想同電腦公司續約, 唔續又冇IT人,
想請肥仔又俾老細截住…

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/11
屋企router死左, 想叫IT人幫我買, 但佢反建議我拎番嚟俾佢試下先…
係喎! 唔記得左有呢個option!

同IT人飲茶, 3個人15碟點心, 勁飽!!

Free Dinner buffet, 近呢幾年食的buffet都係公司請, 所以食得唔多都唔覺得蝕!
反正公司請左我, 佢已經蝕左 XDDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/5-10
返工好忙, 忙住諗方法唔俾老細知其他電話系統公司收得平D,
唯有叫D人FAX嚟唔好EMAIL, 再要諗計去聊其他公司有咩唔包…
老細對我同mgr唔quote多兩間有d微言, 痴線, 其他應該慳的你又唔慳,
唔應該慳的你又計到足! 係都要迫我地用埋d旁門左道的方法!
收左2份平d的quote返嚟, 佢又話要睇, pk啦呢鋪, 答左佢等陣之後立即離開個位,
唔好俾佢搵到我, 好彩果時已經5點, 去下IT人個位扮做下野, 又去pantry食蛋糕, 又去下廁所,
一返埋位就打電話, 唔好俾機會佢追我搵quote睇 XD
點解要o係office玩捉衣恩??!

星期六放假大夫無啦啦出車過左嚟新翠食pizza, 仲要兜埋阿餅嚟, 好好玩,
食完帶佢地去車公廟遊覽, 再行埋2個屋村商場!

有人話我地whatsapp亂講野爆響口,
我地都冇講咩事, 想食hightea之ma! 咪諗多左啦!
係想爆就直頭講埋出嚟添啦 =.=”

驗血, e生要量埋血壓, 超標喎… 梗係啦黃太最後一刻先叫人起身, 出門口仲趕過平時!
結果, 好野~~ 原來膽固醇冇事!! 可以繼續食芝士~~ yeah yeah!!
只係俾黃太批中唔夠血色素, 點解隻葯食左10年都冇新一隻葯出??
可唔可以出d冇味, 食完又唔會反胃o既咁我咪肯食囉!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/4
起身食完晏, 同3 sisters去左阿中屋企,
1點先離開張床, 4點半又唔小心o係sofa訓著左 =.=

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/3
變番holiday mood~~~
今個星期好爽, 返一兩日又放假~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/4/2
返工, 8點7返到公司勁勁勁眼訓, 較鬧鐘訓多4個字,
訓到同事按門鐘都聽唔到, 好好訓 =.=”” 訓完醒哂啦終於!

『喂! 替身!!』這是裝修師傅對我的稱呼!
Non-stop同mgr whatsapp問野, 勁懷疑佢其實放假都係冇得抖!

5點9, 眼中釘好煩地話想新office的推櫃同對面d野對掉,
整你個掣呀!! 度好哂, 覆哂尺先話改!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/29-4/1
4天假期~
第1日同左家姐阿媽去觀塘食點心, 食完行陣apm, 唔知點解又攰到要返去訓晏覺!

第2日約左fans們bbq, bbq定唱k拉鋸左好耐,
雨就一定落梗架啦! 諗咁耐做乜??? 約左3點買野食但12點都未有決定…
最後點幾決定唱k + 韓燒, 好熱鬧的一天!

第3日6點8起身, 因為阿豬媽媽有要事, 阿豬又報左團去深圳, 咁我扮佢阿媽啦 XD
呢個叫魚目混芝! 同行的好彩仲有佢餅鋪的同事, 一行十人, 有咩都撈埋一齊隊出去, 個導遊都其實唔多覺! :p
去左東部華僑城, yeah! 其實我都心思思想去呢度 :p
不過好大霧, 大霧到離開20步已經睇唔到果個係邊個!
同行的2個小朋友好乖勁有禮貌, 3歲人仔可以行咁耐都冇扭過要人抱, 全程自己行!
夜晚返到hotel, 2個小朋友過嚟玩, 玩完俾我地趕佢返房之後, 開始睇張國榮,
原來pcf group都睇緊, 一路睇一路講, 好似真係一齊睇咁,
最無聊o既係, 睇完呢個節目真係一齊轉台再睇亞視, 又繼續傾, 勁低能!! XDDD

第4日不停地食..同訓… last一個景點係海天堂, 同阿豬搵到鬍鬚叔叔影相,
咦… 第1次同阿豬返大陸唔係為左睇姐姐, 但最尾都係變左”追星” XDD
4點幾散團, 同阿豬行左陣附近先返香港, 返到沙田食埋個晚飯先歸家…. 好攰呀!!!

仲諗住尾2日會悶悶地過, 點知咁開心, wahhahha!!!
開始又心郁郁走出行, 短短地去深圳都頂住先啦! 都叫住過酒店有d旅行feel!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/28
趕住confirm quotation俾mgr簽, 因為佢假期後放多2日!
Dinner w/ tancy, 原本想食日本野, 但好多人所以走左去美心鋸扒x打邊爐!
再去食開心果糊, 點知去到俾阿姐串: 冇左啦, 餐牌都冇左囉!
頂!!! 仲落雨都行去咁遠!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/25-27
Busy, 因為忙於等備annual dinner, 好多野都堆住左未做!
再請清潔阿嬸, 因為呢個成日蛇王仲要蛇得咁明顯, 又成日整爛野!

排meeting, 係每個月都煩一次的事, 就得呢個又就唔到果個!

IT位, 想請依家outsource人但又俾老細ban, 話唔值得為左呢個位去take risk, 妖!
早餐時間都要cancel, 整你個掣呀!! 就係因為一個就炒的新人食到9點8俾老細見到!
老細的reason係: 依家已經返5日, 所以想同事多d時間做野!
勁失望喎冇左早餐時間! 你自己返10點就梗係可以食埋先返啦!

落地盤, 每個師傅都會叫: 小心d呀小姐!
因為燈都唔開就走入去, d師傅仲驚過我! =.=””

>>April 19, 2013 at 11:19:27 AM GMT+8

2013 年 3 月 25 日 星期一 【晴】

2013/3/19-24
Busy on annual dinner, 因為mgr都busy on new office, 所以要單挑呢個event!
星期四朝早老細先話加禮物, 妖!! 你早d話俾錢咪得囉! 之前唔俾錢依家又話唔夠禮物!!
人地plan好哂星期四包好禮物之後仲有日幾兩日時間執同pack野,
無啦啦又要衝出去再買野, 忙死人!!

Dinner w/ small candy, 變成4人dinner w/大夫伉儷 @大坑,
明明之前個麥片蝦好多麥皮, 明明之前個烾蘿蔔糕好好味…. 一切都變哂了, 好失望 =.=””

星期四5點幾冧broadband, 你可唔可以早d冧呀???
Dinner w/pcf大班人, ee我地好耐冇試過齊人啦!!
原來可以翻生, 真係神奇!
食完淨係講自殺同被殺都講左一個鐘, 好吹得!

Friday annual dinner, 5點幾由公司出發, feel到個人已經好攰, 開始熄緊機咁,
去到拿拿臨set枱, 老細又叫花店整每位一個small flower, 好靚呀!!!
忍唔住擺埋返屋企! 今年抽到dinner buffet, 總比mgr的空氣清新機好! Hahha!
散水十二點, 攰到腳軟!!!!!

星期六mgr話一齊去新office, 問佢上去係咩事, 佢答我: 上去玩捉衣恩!
好! 先去飲個富貴茶先, 唔知點解係mgr請, 算啦唔理佢啦!
飲完同阿榮上新office, 其實我地都唔知上去做乜, 但mgr臨走又講低: 我上去先, 你地一陣上嚟啦!
O….. 行左個圈就走啦咁!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/18
Asst一早回來就發脾氣, 都唔知佢做乜!
之後話我個垃圾筒擺得過佢果邊, 頂! 你咪踼番過嚟囉!
費事坐o係篤眼篤鼻, 入房仔包禮物好過!
Lunch約左sherman同vincent食飯, 食完出cwb繼續買禮物,
買到4點先返到, 坐一陣做一陣野又夠鐘放工走人~
今晚約左紫樺同郭富城, 場show好多歌唔識, 但跳舞好睇, 最好睇係最尾彈床果part!

開場個台同散場個台完全係兩個台!! 勁!!
散場想豪一次俾佢搭的士歸家, 點知條龍…. 算啦都係搭火車返到大圍先轉的士啦 =.=”

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/14-17
繼續籌備annual dinner…
“爭幾多份禮物?”
“禮物摷埋stock果d夠數呀, 只係唔夠cash / coupon果d搭落去!”
“唔駛份份都有$$”
哦, 咁好呀, 你講架! Admin一定俾人鬧呀今年!
唔俾錢的話一係就唔好全世界都有禮物! 咁唔想俾錢不如索性唔好攪!!

放假勁訓, 訓到俾阿大鬧 =.=””
出街又鬧, 唔出街訓覺又鬧…. 頂!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/11-13
頂… 係病就一次過快手d啦, 唔好好2日先到下一個step得唔得呀??!

Annual dinner gift list,
明明舊年問account攞1皮野玩, 今年一蚊都冇,
頂!! 2萬蚊都唔夠的sponsor點變53份禮物出嚟ar???
你變俾我睇啦不如!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/10
約左mgr 3pm 在新office site, 同電話人&電腦人&裝修人夾線位電位…
夾完5點, hea等阿豬食飯,
食完行左一陣已經冇力… 我要返屋企!

阿大回歸下格床!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/9
勁流鼻水, 連黃太都唔舒服,
姑姐嚟拜年, 見到一屋人一個感冒, 一個耳水唔平衡, 一個手術後復原中 =.=””” 汗都滴埋!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/8
再來多個full day sick leave, 同阿中鬥訓….
換過哂d葯, e生話之前果d太輕所以食完都冇效 =.=””
E生問: 你o係灣仔睇咪好貴囉?
Me: 百九蚊3日葯
E生: 仲平過我地喎!
Me: 佢集團呢……… 不過原來你都係 =.=””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/7
因為攞左醫生紙所以唔想返工, 但下午又約左人傾電話野, 所以am sick leave,
食完早餐再訓醒果吓真係好唔想返, d葯完全冇料到!!

下午已經當定聽日都唔返咁執好哂d野交俾assistant…

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/6
由lunch開始覺得 “喉嚨有d唔舒服”, 到放工進展成 “痛到講唔到野” ＞．＜！！
公司附近睇左醫生先返沙田join貓豬食飯~
食完行一陣食埋甜品返歸~~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/5
朝早見工, 好似俾人軟禁咁, 先做excel test, in左大半個鐘,
正以為走得, 仲要做埋written test, 救命呀我冇心機做啦已經!
Written test 亂寫勁hea, 因為好想走! 人地寫住中文作答我都寫左英文 =.=””
佢聲稱2nd in個人唔o係度 &要in埋其他人先,
話下星期2nd in的話都要office hour, 哦好呀! (反正我都冇打算嚟2nd in!)

原本下午陪阿中拆線, 點知佢地臨時改左上午去, 頂呀!!
返大圍join佢地飲茶, 飲完返緊屋企時電話響,問我下午再去2nd in得唔得..
我睬你都有味呀又過海 =.=”

In完呢份, 睇嚟搵工策略要變一變! 要學埋出糧先夠all-rounded,
Interviewer講得啱, 佢話我做野方面唔係好大野心o既人,
係架我唔會諗定自己要做到咩位要做到d咩大事, 依家一個officer仔我都滿足架啦!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/4
朝早mgr俾新floor plan我睇, 喂唔該哂喎! 擺明呢d叫敷衍我囉!.
明明話拆counter, 結果依家又加番落去, 只係我坐另一邊面壁!
咁叫改左呀??? 不如算罷啦! 改完仲衰, 係人行過都見到我個mon!!
多謝哂!!

晏d接到電話約interview, 時間啱啱好, 聽日請左假陪阿中拆線,
佢約上午, good timing!
收線後諗下, 好似好衰, 明明今朝mgr仲同我傾唔要asst個位得唔得 ,
但轉個頭我就去見工 =.=””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/2-3
不經不覺原來家姐已經做完手術一星期,
呢2日放假大家都留o係屋企陪佢, 一齊睇下ipad 電視….
同埋數下佢一日究竟可以食得落幾多野! 痴線架!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/3/1
Busy on reply sponsorship…..
超多野做, 做緊A時個腦已經諗定B要點做….

Bd lunch for mgr,

中中問可唔可以去A1買佢鍾意食的bread俾佢聽日做早餐….
乜得你咁好胃口架?????! =.=””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/28
早有預謀地遲到, 返左2日8點都冇補番俾我, 我自己補番俾自己!! Heeheee!!!

Dinner w/tancy, 因為睇啱左人地個甜品, 所以連dinner去都呢間食,
因為呢個甜品, 同我地o係台北同姐姐食果個有8成似!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/27
Dayoff 接中中出院, 等shuttle, 嚟到得1個位, 阿媽上左之後叫我自己搭車,
行轉背先發覺, 妖我冇帶八達通呀!!!
去到醫院, 姨媽已經幫中中準備好出院, 執好野俾好哂錢只係等攞葯,
姨媽呢幾日真係幫左我地好多野!
搭一分鐘的士返屋企, welcome home!

安頓好中中之後我地落街食飯, 撞到莫老師, 佢過嚟坐低傾左幾句,
佢一坐低我就話: 我阿媽同姨媽呀, 咦? 家長日喎!
Miss: 係呀! 佢呢真係好鬼曳架! 不過依家乖左好多啦自從脫離左我之後!
=.=”””””””” 無聊精!!!!

下午返屋企, 將阿中要用的東西升高, 例如拖板……..
終於齊人可以拆利是了!! 姨媽你傻左呀封咁大封做咩呀?????

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/26
返8點, 上次遲到個師傳今日8點己經棟左o係門口等我, 好彩我都冇遲!

好攰冇力冇精神, 食完晏都唔敢訓, 真係驚會唔肯醒 ＞．＜！！
下午都冇乜心機做野, 淨係好想快d放工走 :p
放工去搵candy仔收手信, wooo~~ chocolate!! Thx!!

原來老豆已經將阿中的物資撤退緊, 今晚唔駛去醫院,
問中中: 咁你聽晚o係唔o係度食飯??
中: 玩野咩仲問!!
XDDDD

>>March 25, 2013 at 12:35:30 PM GMT+8

2013 年 2 月 26 日 星期二 【晴】

2013/2/25
Dinner時老豆話佢教左阿中點就住個傷口起身….
老豆: 『我叫佢起身果時對腳落地先!』
阿大:『痴線, 唔通個頭落地先咩!』
笑到我同阿媽停唔到, 叫老豆阿中出院之後唔好亂講野, 因為唔可以大笑!!! XDDDD

放工想去一轉醫院先, 但俾阿大[手禁]叫食左飯先一齊上去,
但最後都係得我一個去 =.=”” 順便逐步將佢d物資撤退!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/23-24
呢2日的活動範圍係醫院 & 屋企!
星期六家姐入院做手術, 大家都笑住唔好攪到咁serious, 但明顯阿媽係行唔安坐唔落!
好彩姨媽過埋嚟安撫佢情緒! 雖知係小手術, 但諗起佢俾人湯一刀, 都難免有d擔心!
(Vincent plx keep secret!)

4點半推入手術室, 6半出番嚟, 點解佢醒左, “捱”住床咁出嚟o既??
乜唔係好似拍戲咁, 病人推出嚟果時醫生o係後面跟住出嚟, 同家人講『病人麻醉葯未過』架咩???
入lift佢仲可以問我依家幾點 =.=””
有個好靚仔的護士哥哥一齊上病房過床同set番d儀器,
好恐怖呀明明3小時前仲講緊笑, 3小時後俾人湯左刀之後就謝哂!

第二日佢已經可以落床坐, instead of攤床, esp 食左粥後~
除左動作慢d之外其實都唔覺佢開完刀 =.=”
今日有人嚟探佢, 但人地嚟到見到坐病床食緊野果個係我, 反而家姐坐左o係訪客位 XD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/21-22
呢2日好忙好多野做, 係冇停過手果隻!
Friday原本想同IT人入海怡shop visit, 打算3點幾出發, 點知做到5點先做得完d 野,
放棄唔入罷啦…
仲諗住入開海怡去搵個以前同事, 點知5點幾佢上左嚟公司, 原來佢今日放假! XDDD
收工行一陣街, 等阿豬共晉晚餐!

Asst 開始set公司風水陣, 佢又覺得自己好忙好多野做, 唉….

爭扎左2日, 同mgr講電話期間佢無意中提到新公司的layout,
我問: 我真係要出recept坐呀?
Mgr: 係呀…
Me: oh… 唔想喎... 依家都仲可以說服自己我係坐recept隔離, 但到時擺明係個recept位…
Mgr: 我都知你唔想呀, 再同老細講下啦…
走左之後一陣, mgr whatsapp me: 佢度緊整走個recept!
Yeah!!!!!!!!!!!!
唔想到個程度係尋日即刻返屋企send左幾封信搵工!

『家門不幸』,
呢個terms好好笑, 係因為mgr用嚟形容某同事著住件公仔衫o係times square求婚!
仲要有人偷拍完同事間share, 呢日我地研究緊點解要由sogo轉場去TQ,
我話, 因為sogo門口成日有舊吉烈豬扒同天婦羅蝦派傳單, 一陣佢著公仔衫出嚟人地會問佢『攞傳單, 要discount』!
XDDDDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/20
由朝早已經好期待放工去豬私煮食飯, 特別係見到阿豬send出來的菜單後!

Lunch同mgr去食飯, 去到target果間見到執左, 貼住張紙臨尾一句係新年快樂,
Mgr話: 喂佢話祝你新年快樂呀!
Me: 你有冇筆呀? 借嚟留番隻字多謝佢呀!
XDDD

Dept meeting today, 但完全唔記得左, 到飯前先記得, 拿拿臨cher minutes,
點知到6點都未開, mgr又話應該會開架啦今日!
等到6半, 老細出嚟話快d開啦, xxx 約左人食飯, 果d人唔會遲到架!
聽到句就火滾, 整你個掣呀! 你約d人就唔可以遲到, 我夠約左人遲緊到囉!
講經下個腦先得唔得呀?? 成日講野都咁剋薄!
仲要係咁催我快d開, 講到係我拖時間咁, 一路行一路催, 催到我嫌佢煩話: 得啦得啦得啦得啦….

因為佢地都趕時間, 結果破紀錄半小時開完,
出發去阿豬屋企, 去到捉左陣棋就開飯, 好野! 全部餸都啱食好開心!!


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/19
開年飲茶, 食到1:50, mgr埋緊單, 我諗住等埋佢的時候老細話: gigi你返去先啦!
頂!! 搭10之ma!!
返到office, mgr話當老細同asst講叫佢返去先的時候, asst話: 我要出去買野呀!
但答完繼續坐o係度, 老細問佢係聽唔明佢講咩定點呢?
Mgr答佢: 佢覺得未夠2點佢應該要繼續坐多陣!
唔好算住人得唔得呀???

掟起心肝去問HRIS, 這是煩惱的開始!

新office的seating plan, 攪錯呀要我坐埋出recept!
我依家肯坐counter係因為個位唔似recept, 但新位擺明係個recept喎!!
應該出聲反對嗎?? 出聲又好似好無聊, 但我真係勁唔想!

Dinner @mango tree,
順便去轉w hotel shop visit, 好好笑lion dance會漏左我地!
請人食的生日飯, 雖然有d貴, 但算啦上次都食左佢一餐貴貴地 :p

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/18
收到dental member list先知原來之前發緊夢, miss左d人名添…
補鑊中…..

嬸嬸問: 我個仔話期三四嚟搵我食飯, 順便見下你!
嘩咪攪啦咁核突!
『遲d先啦呢排好忙呀!』

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/16-17
Pcf開年, 由6點半食飯玩到第二朝7點, 因為早食飯, 又因為強力發電機唔o係度,
玩到開始攰都只係凌晨2點半, 但唔知點解都係要到7點先散水!
玩電話原來真係好好玩, 今次打電話玩番elson, 因為佢老細整蠱得太多人! XDDD

原來阿媽好訓到完全唔知我成晚冇返嚟, 得阿大知,
訓醒同佢地落街食老麥, 食完已經又覺得好眼訓, 俾阿大話: 『你成日玩到第二朝先返嚟, 生日就話啫, 呢排密住成日都係咁!』
超! 邊有密住喎! 上次玩通宵已經係1月頭, 依家2月中啦!
唔鬼理佢沖個涼再訓晏覺, 精神哂~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/15
朝早清潔嬸嬸o係公司樓下執到兩枝玫瑰, 好開心咁拎上嚟話送俾我同asst每人一枝!
點知asst一盤冷水淋落去話唔要啦聽日又放假! (冇得換水咁上下意思…)
為左打破呢個咁尷尬o既局面, 咁我話等我插起佢先!
大概嬸嬸見到我拿拿臨洗水樽插花好開心咁, o係pantry佢問我: 你真係冇男朋友架?
Me: 冇呀!
嬸: 我介紹個仔你識呀?? 我俾你電話佢, 後生仔咪食下飯見下面囉, 啱就啱唔啱就算! 我地好睇得開架! 唔會阿爸阿媽都o係哂度, 我以前都係人地介紹相識之嗎…. (下刪數百字sell佢個仔 =.=”)
埋位後同mgr share呢個笑話, 佢話: 佢咁煩, 唔係幾好掛!
再晏d, 阿嬸逼我抄低佢個仔電話, 又寫低我電話 =.=”””” 天啊!!!!!!

原來尋日包十三么朱古力係mgr俾我的!! ^^
今朝行緊去買炒麵做早餐時收到佢whatsapp: 『有炒麵呀!』
吓咁邪?? 我真係行緊去買 ==””
本來心情唔好, 食左大大碗炒麵做早餐之後就開心番! ^^
其實我好易呃好易[乙水]架咋! 所以咪俾人呃囉!

Dinner w/Rebecca @大角咀, 又係咁, 行到去先知間野執左, 頂!!
是但入一間韓國野, 好彩味道又ok!
食完慢行返mk, 同佢好好行因為佢咁高好易望到佢o係邊! Wahahahaha!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/14
一返到公司見到有袋麻將chocolate o係枱, 邊鬼個呀??!

Lunch俾22甩底, 其實有d嬲!
之後想自己靜靜地食, 點知asst又懶好人咁話陪我出去食, 新年唔好自己一個食咁慘 =.=””
吓… 唔該哂喎!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/9-13
5天新年假開始, 新年又係悶悶地渡過!
好彩我有2個家姐! 想出街的話今日聊呢個, 聽日聊果個, 咁就可以出2日街!
O係屋企悶到頭頂出菇!

過年前買左紙牌麻將, 3姊妹坐埋就玩下, 路過的阿媽見到阿中摸親d牌都唔啱,
忍唔住話: 咦阿妹隻手臭架!
XDDDD

唔知點解覺得今年聽到的多數係『新年快樂』instead of 『恭喜發財』!

『手術』呢兩個字不停o係我地全家人腦入面盤旋!
已經諗得好詳細, 連o係醫院著咩睡衣, 出院著咩衫都諗埋, 好無聊呀! XDD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/8
Asst放假, 好野!!!! 我心情都好d!
大家都冇乜心機做野, 因為兩個獎老都出左trip! 感覺係全公司都o係度等放工~

Dinner w/wing, 食完行左陣腦場, 之後再去行花墟年宵, wa迫人到唔想行!
結果o係入面塞左大半小時, 一齊行返九龍塘散水… 一路行去九龍塘條路原來咁q遠…

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/7
成日以為今日係Friday…. Sit!!
全日清番之前未做哂d野, 因為唔好將d麻煩野帶過年! Whahahha!!

老細寫左幾個福字俾花店做年花décor, 因為寫得好靚, 有3個一放出嚟好快就俾人攞左!
快到我完全冇見過, 老細知道後, 轉個頭走嚟話: gigi又多左一批啦! 快d揀左先呀我得番幾個如意結咋! 我仲以為冇人要架添!
Wawawa!! nice!!! 佢因為知道我想要所以再寫過, 仲要個福字有唔同fonts XD

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/5-6
好期待6號pm leave for high-tea with boris & tancy,
因為要清假, 結果一星期放2個half day,
等tancy等到4點先出現, 算啦反正同阿餅坐低後已經開始話今日下午的時間係要嚟o徒的!
好正坐o係酒店勁hea!!
High tea完已經6點, elson話我地行年宵會嘈到冇朋友, 冇理由架! 最嘈果個陳小姐都o係度!
一路tea一路玩到電話冇乜電, 上tancy度個人同個電話都义一陣電,
7半出發行年宵, 突然收到鋪頭call問今日urgent張票去左邊,
攪左半小時標左一身冷汗, 好彩突然諗起rebecca, 打去問下原來o係佢度,
放下一大舊心頭大石!! 17萬幾張票唔見左都唔知點算!!
唔知做乜鬼我地買左好多野, 大部份阿餅都幫我地拎哂 =.=”” 真係慘…
行到10點好攰了, 去食個甜品再返tancy屋企分贓~ wooo~ so happy today!

>>February 26, 2013 at 4:04:41 PM GMT+8

2013 年 2 月 5 日 星期二 【晴】

2013/2/4
因為pm leave, 朝早好多野要做,
但又趕住要同mgr睇完份租約, 入房傾左個零鐘….
出嚟已經12點幾, 冇時間啦死啦!!
點半撤退去cwb, 行一陣食個tea等3半hair cut & dyeing,
我個紫紅色點解咁深架????!! 希望真係洗多一兩次會出d啦!
攪掂後去tst, 食尋晚已經好想食的雪糕, 趁今日暖暖地~
呢排成日諗起有咩想食就即刻搵機會食到, 好開心~~ heehee!

食完約左家姐6點做陪診, 佢點都係要俾人湯一刀架啦!
呢刀除左講緊錢之外, 亦都講緊佢個body! 約埋時間入院做手術,
好彩陪埋佢去, 幫耳聽番d佢聽唔到o既野, 例如幾時拆線同駛唔駛拆線 =.=””

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/2-3
2日都11點腰骨痛醒….. *o*
行街乜都家姐俾錢, 好似唔係幾好, 雖然佢口中話d衫佢唔啱著就我著, 但都唔係幾好!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/2/1
清潔嬸嬸好煩, 叫佢出去買野總會出事, 一係買錯size的磚,
圖文並茂咁俾張紙佢出去買都買少左野,
叫佢出去買豆類野食俾食齋同事今晚bbq食, 佢叫我寫低買幾多個豆卜,
整你個掣呀幾多豆卜你都講得出口!!

某同事好著跡咁成日要等埋我先出發去bbq,
又成日走嚟問有冇野幫手拎, 有冇野幫手帶去, 好q煩呀你走開啦!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/31
唔知醒, 7點10先起身, 反正遲到唔想趕,
但又約左師傅9點半check pump…
打個電話同師傅講要晏少少, 佢仲好人到叫我唔駛咁趕, 見面第一句係問我食左早餐未 =.=””
紅磡排巴士仲要竟然撞到表姐!

包裝好句說話後同mkt講: 老細話想睇下orientation有咩可以加減, 約個時間一齊傾呀~

IT meeting, 等到8點幾先開, 一路等一路繼續睇agreement, 真係好悶, 好煩,
D律師話又睇唔明, 好似前前後後只係用緊唔同o既字去講緊同一樣野咁!
開完會10點, 因為叫左飯唯有食埋先走, 放工時間係10點半, wa好勤力呀我真係!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/30
好多投訴, sales投訴asst, asst 投訴清潔阿嬸…
連我都俾人投訴埋, 仲要俾個清潔阿嬸投訴,
話上星期公司冇廁所水時, 個個裝水沖廁所攪到地下濕哂,
咁啱佢出完街返嚟我叫佢如果得閑可以去拖乾個地, 佢答我: 我出左去點拖?! 我o係度我有拖架!頂!! 我梗係知你出左去拖唔到啦! 問題係你o係度時個地下都仲係成灘水呢!

Orientation briefing, 約7點但7半先開始到!
鋪頭唔放人, 我地都好難做架, 其實我唔明點解orientation係由marketing做主講囉 =.=””
俾番我地自己做仲好, 起碼我地可以控制番幾點開始, 唔駛遲開波仲要睇埋marketing面色!
講得短我地又俾老細捉住問點解5mins咁快講完, 唔通我答你佢趕時間所以渣流攤咩!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/29
幫老細申請印度visa, 原來印度鐘意d証件相係正方形的 =.=”””
申請失敗, 白走一轉!

Fans club團年飯, 食雞煲, 因為唔辣得, 同左一家四口坐,
咦???? 我真係變左做佢地一家人咁 XDDDDD
姐姐之前真係以為佢地老豆係我老豆喎! 笑死!

“行一陣” 呢個terms好可圈可點!
有人認為”行一陣” means去行下呢度行下果度,
但有人認為係”沿路行上火車站條路”
結果有人發脾氣話”被撇甩” , 又有人被懷疑有陰謀! 真係麻煩!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/28
今個月data usage無啦啦又少左咁多o既 XDD 用唔盡我會覺得唔抵架喎!
Rebecca又即興聊食飯, aiya!! 我都好想但黃太買哂野, 打番去已被炸!
好難得同rebecca啱咀型傾得埋!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/26-27
22帶我去睇3級片, 由初頭唔悶睇到中間已經好悶 & 冇心機 & 眼訓!
睇完4點幾, 開始慢行搵個tea食下, 食完5點幾繼續向銅鑼灣方向行,
8點又已經食完飯, 仲要食得落先恐怖!
10點幾行到cwb, 迫左阿豬返嚟開門招呼我地, 其實上到去又冇乜野做,
3條友o係度睇電視 & 飲下野 & 食下野 & 騷擾下阿吉訓覺~
今次唔好再玩夜啦, 1點9撤退好了!!

阿中唔開心, 唔係因為要做手術, 原來佢只係煩緊揀邊個醫生 =.=”””
始終覺得, 唔開心就唔好俾屋企人知, 唔好擺o係塊面la!
佢地知你唔開心又點啫, 要兩老擔心完你個病又要擔心你唔開心, 何苦呢??!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/24-25
心情好番d!
不停remind自己: 黃芝芝今次你走得甩, 唔該你醒定d唔好再做錯野!!

Dinner @home, 阿中帶來了一個消息: 佢要做手術…. O!
有d worry咁la, although係個細手術!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/23
因為尋晚的send漏email事件, 冇乜心情! 因為自己都覺得抵死!!

Dept meeting, 好悶呀可唔可以唔好成日開會呀!! Waste my time!!!!!
今日講完聽日又變, 咁開乜q會啫!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/22
Asst 8點text俾我話SL, 到9點mgr話我知佢返緊嚟… 吓????
到佢返到嚟, 佢話因為”過左度氣”, o係後面擺明偷聽的mgr whatsapp過嚟笑,勁賤格 XDDD

Lunch出去食, 問mgr食咩好, 得到一個好頂癮的reply…
Mgr: 頭先o係老細房佢raise左10個問題之後我無啦啦好想食印尼蝦片!
Me: 吓??? 咁去買啦…. 你見到佢間房有呀?
Mgr: 唔係呀, 諗起咋, 繼而好似聞到陣蝦片味 …
Me: 咁蝦片同果個條問題有冇關係?
Mgr: 冇!
=.=”””””””””

“被發脾氣”, 但自己都覺得抵俾人發脾氣的,
因為email通知改時間開會, send漏左一個 =.=”””

Dinner w/wing, 初頭都仲係冇乜心機, 後來傾下偈食下野, 心情好番dd!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2013/1/21
Asst請半日sick leave, 耳根清靜, 心情又幾好, 又唔眼訓, 靜靜地可以對agreement,
1日對到38頁! 好有效率呀!!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/19-20
原本諗住今日去探險, 但最後要改期, 唯有無所事事O係屋企!
帶左d agreement返屋企諗住星期六日對, 點知拎錯左2份新的,
Instead of 1新1舊…. O shit!!!!!!!!!!
點解我咁冇腦架??? 點解攞果時唔望清楚先呀黃芝芝?????

十大中文金曲, 原來大家都只係等睇張學友!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/1/18
食完飯, 公司樓下爆水管返唔到去, hea左陣又玩左陣,
好彩我地有鋪頭! 行鋪頭後門返公司! Hahaa!
Office冇水飲唔緊要, 鋪頭有! XD

Dinner w/rebecca @kt, thai food從來都怕spicy, 又但係我又想食 :p
『若要人似我, 除非兩個我』
呢句係今日放工去食飯途中rebecca教我的, 佢講完之後唔知點解呢句說話我轉左一晚!
但冇要求真係一件好事??

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/1/16-17
16號提早食團年飯, 因為阿媽話”今晚電視冇野睇!”
想準時6點走, 偏偏6點先有事發生, 攪掂已經6點7 =.=””

17號放工同同事講起猜輸食砂糖的懲罰, 繼而諗起要清埋雪櫃入面X’MAS PARTY後的fanta!
結果admin輸哂, 攪錯!!!

落鋪頭又有野聽, 單單打打的說話已經聽左好多,
點解啲人講野咁有骨??

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
2012/1/15
私伙手指死左, 趁要去腦場買公司野, 買埋新手指!
正!! 32gb!!

>>February 5, 2013 at 12:37:34 PM GMT+8

<< 1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  >>

 


ClOsE tO yOu

廣告

讀者留言

|  路人留言   |

Happy Birthday！！
>>December 24, 2022 at 8:42:21 PM GMT+8

Happy birthday,G
>>December 24, 2016 at 7:50:54 PM GMT+8

Happy birthday,G
>>December 24, 2015 at 2:00:40 PM GMT+8

Hi,Gigi,happy bi
>>December 24, 2014 at 8:42:25 PM GMT+8

Happy birthday,G
>>December 24, 2013 at 11:47:10 PM GMT+8

Happy birthday!
>>December 24, 2012 at 2:13:44 PM GMT+8

同慧嫻一齊去旅行咁好? <br>
>>January 30, 2012 at 6:24:25 AM GMT+8

Happy past birth
>>December 27, 2011 at 9:33:26 AM GMT+8

我&#21946; uncle
>>August 3, 2011 at 2:47:47 PM GMT+8

路過...無意中搵到呢度 jus
>>March 5, 2011 at 3:30:05 AM GMT+8

Happy Birthday,G
>>December 24, 2010 at 9:30:45 AM GMT+8

覺都未訓醒, 老豆同姑姐返&#2
>>November 29, 2010 at 12:52:04 AM GMT+8

你玩唉瘋玩到瘋0左.......
>>September 8, 2010 at 11:54:49 PM GMT+8

&#28857;解仲未&#352
>>July 27, 2010 at 12:07:25 AM GMT+8

哇，你想去新加坡找NEO？？
>>March 31, 2010 at 11:47:43 AM GMT+8

咁應該食完之後將D皮整標本~~h
>>March 26, 2010 at 12:31:46 PM GMT+8

我仲以為妳會將個火龍果做成標本添
>>March 23, 2010 at 6:32:51 AM GMT+8

六點起飛......咁早一晚去機
>>March 6, 2010 at 7:31:50 PM GMT+8

BB講咩野衰野？
>>February 26, 2010 at 11:41:34 PM GMT+8

究竟，你有無回鄉證到最後？
>>January 19, 2010 at 11:44:03 AM GMT+8

"再正的是公司請" >> ye
>>January 16, 2010 at 9:25:20 AM GMT+8

都未到最後一日就寫回顧？妳唔俾最
>>December 31, 2009 at 4:15:35 PM GMT+8

表妹仔..原來係你霸住excle
>>December 26, 2009 at 9:04:33 PM GMT+8

Happy Birthday！G
>>December 24, 2009 at 9:27:22 AM GMT+8

呢排妳個日記，好多星星分隔線喎~
>>December 23, 2009 at 9:55:31 AM GMT+8

好&#21527;？近排。。。。
>>December 2, 2009 at 2:37:59 PM GMT+8

我有用過呢個term 咩??
>>November 28, 2009 at 4:00:56 PM GMT+8

煎熟的火腿都唔係好核突。 <br
>>November 25, 2009 at 9:43:06 AM GMT+8

你手指好返末呀?食印度0野小心傷
>>October 30, 2009 at 4:36:26 AM GMT+8

妳真係丫...一到十月就出小毛病
>>October 5, 2009 at 10:09:30 PM GMT+8

好彩我琴日下晝先送上門唧 XD
>>September 29, 2009 at 6:32:22 PM GMT+8

"係最最最初的RANDOM 呀"
>>August 20, 2009 at 2:20:06 PM GMT+8

妳連醫生專業守則裡面「Must
>>August 4, 2009 at 4:48:26 PM GMT+8

點解會有呢張相, 點影嫁AND你
>>July 27, 2009 at 10:06:07 AM GMT+8

hohoho!!!!你食完kfc
>>July 15, 2009 at 5:48:51 AM GMT+8

you are not so g
>>July 9, 2009 at 10:30:23 AM GMT+8

表妹仔..表哥仔都同你一樣偷睇左
>>July 1, 2009 at 1:22:05 AM GMT+8

好似係雯雯帶頭嫁喎, 我bk左一
>>June 30, 2009 at 11:30:20 AM GMT+8

我病到最重果時,就係會睇飲食節目
>>June 25, 2009 at 7:06:45 AM GMT+8

。。。好返未啊？你系唔系接触&#
>>June 16, 2009 at 4:01:38 PM GMT+8

講開Happy Farm，可唔可
>>June 16, 2009 at 3:16:01 PM GMT+8

妳地D對答，真係睇到呆左....
>>June 5, 2009 at 7:08:06 PM GMT+8

啊，即係o個句金句：「唔駛急，最
>>June 4, 2009 at 6:54:46 AM GMT+8

「上左車打俾edmond同佢講:
>>June 2, 2009 at 5:42:29 PM GMT+8

「呢間d野幾好, 好多都冇乜酒味
>>May 29, 2009 at 3:51:13 PM GMT+8

今次填完影印留個底，出年咪有好多
>>May 21, 2009 at 9:01:09 AM GMT+8

D鴨仔好得意喎，響邊度影架？
>>May 11, 2009 at 4:25:19 PM GMT+8

你覺得你o個個平安包好食嗎??
>>May 7, 2009 at 10:34:29 AM GMT+8

哇，乜妳戴口罩都唔夠，要戴面具呀
>>April 30, 2009 at 12:55:02 PM GMT+8

邊濫個話枝藍根用來預防ga? <
>>April 30, 2009 at 2:21:14 AM GMT+8

人氣: 129178

Design & Scripting by ShowHappy.Net