2004 年 10 月 17 日 星期日 【晴】

家姐呃阿妺!!!!!!!!!!!!!!

又話可以用mp3做ring tone... 依家又話自己冇咁講過!!!!!!!!!!!!!!!!!!!!!!! 仲話自己一向都話係唔得!! 仲等我尋晚搵大夫同yukari幫我cut mp3!!!!!!! 仲滿心歡喜咁揀左"傻女"同"情意結"!!!! 依家我做左傻女俾家姐呃!!!!!!!

開始feel好多野做.............

>>October 22, 2004 at 10:47:32 AM GMT+8

2004 年 10 月 16 日 星期六 【晴】

今日好早上到ｓａｌｌｙ屋企補習！！因為我早左出門口去醫院攞番我張抽血紙先~~ 可能因為係星期日的關係... 醫院冇人... 好靜, 靜得好恐怖!!! 四周一片死寂........ 唔係講笑!! 搭lift上病房時都有d驚!!!

之後就去補習~ o係小巴度已經撞到aunt... 於是一齊上去~ 阿kiu講得o岩! aunt的確係易話為左同埋比以前east-going d!

今次同阿ken補account... 好彩... 都仲ok........... 今次係同佢溫partnership! 下次都係prepare吓先啦... ...

今日係賤人william生日, 我打過電話俾佢, 佢個賤人話記得我出院後佢打呢第一句唔係問我死得未.... 而係叫我唔好死住喎!!! 好低能呀! 但... 冇所謂啦! 我已經將全部佢d所作所為一五一十咁講哂俾彩玲老師知~~

>>October 22, 2004 at 10:47:55 AM GMT+8

2004 年 10 月 15 日 星期五 【晴】

由holly日記抄過嚟的...
...上到樓上,見到面青青瘦左既gigi同啤酒女郎 look既菜心,我去到gigi第一句話:[菜心唔好企起身,等陣d人叫你拿啤酒]冇見個多月,個個都有d唔同,過左一陣,傻大姐彩玲到la,明明我地就係佢前面張檯,佢都想拎個電話出來打比我地,好彩我地叫一叫佢.....

...彩玲老師原來想生bb,佢叫我地估佢想生仔定女,我記得佢之前提過想生仔,因為好玩d, 又冇咁小器,我當然係話仔,女仔們估佢會生女,chrono就估生仔,佢梗係想生仔,而佢老公就想生女,之後我地話同佢將來bb 改名,chrono話[黃彩霞]幾好....我話點 解會姓黃,唔係應該跟miss老公姓....彩玲老師只係話咁老套個名,之後chrono又話不如[黃瑤]....都話唔會姓黃.....大家 先意識到.... 唔知點解miss唔鐘意個bb同佢一個餅印, 我同文美話一係唔生,一係生2個,miss 話我地d思想好保守....而家時下年青人 d思想唔係你諗咁開放,彩玲老師,我地都好傳統,唔好話我地老套....
　
睇到holly日記先記得多d尋晚d好笑野... 唔知chrono醒覺到BB唔會姓黃未呢??? 同埋.......... 好想問holly........... 乜我好青咩??????? 同埋真係好攪笑... 點解我地會仲『傳統』過佢??

今日又做網頁... 攪左好耐都攪唔出d咩... 好煩!!

icq見到turbo! 醒起miss wong叫我叫佢『交功課』! 點知turbo抵死到答我呢個係大project, 要三五七年先做得好喎! 所以佢要有拖冇欠!!!

>>October 22, 2004 at 10:48:14 AM GMT+8

2004 年 10 月 14 日 星期四 【晴】

同彩玲老師食飯~

今朝返學搭小巴見到yukari呀!!~ 我9點半返到poly上堂, 佢又係返9點半... 但問題係佢返hku... 竟然同我同一班車出門口... 但佢可以9點5左右返到hku喎又真係!! 勁呀!!

放學去左問Patrick 數... 個心安樂左~

到夜晚... 就係同miss wong食飯啦~ 終於都食啦... 前前後後約左半個月.......我地成班去左打邊爐~ miss wong好攪笑~ 好似對好多野都好好奇咁, 我地放d芝士腸呀, 蓮藕呀, 獅子狗呀咁... 佢話未試過打邊爐係打呢d....... haha!

原本我諗住帶相機架! 點知家姐去旅行攞左.. 我冇得用, 咁我就叫holly帶啦~ 點知佢阿哥又攞左去用, 咁holly就叫mani帶啦喎... 可惜地佢係唔記得帶... 諗住... 唉! 算啦! 影少次啦唯有......點知.....奇蹟出現啦!!!!!!!! miss wong竟然有帶呀!! 真係估佢唔到!! 佢真係傻傻地架! 佢話部DC係暑假時買的~ 咁影完我地就攞嚟睇番D相啦, 咁個MON細, 我就放大佢嚟睇... 點知MISS WONG見到, 佢好出奇咁話:『嘩!! 你咁叻o既?! 我買完到依家都唔識咁放大d相呀!!!』...... (汗..........) 好無奈.... 佢又教錯holly, 機頂有2粒制, 影相應該[手禁]大d果粒, 佢就教holly係細果粒... haha! 搵waiter影果時仲無啦啦唔知點解變左拍短片添!!

我地傾左成晚, miss wong係咁催我地, 佢好似d阿媽咁, 叫我地好搵拖拍, 又教我地year 1唔好主動出擊住, 睇定d先, 到第二年好拍... 但如果到第三年都冇的話就要去join d 大camp活動識多d人喎!!! 佢又講番佢果時讀u點識佢依家個老公... 佢仲要講到話係"等miss教你地啦!!"咁........ 佢好似驚我地會嫁唔出咁! charlotte話IED全女班咁滯, 之後miss wong問哂咁多個人之後, 完來我果班係最多男仔, 於是miss就話我最大機會.. (=.="..........)咁佢就俾低份『功課』俾我地, 就係叫我地出年好搵個男朋友/女朋友俾佢睇........... 但點知..... 原來佢以為我地讀左半年...吓??? 個半月咋喎!!! 有時差呀我地!!~ 佢話唔怪之得問我地有冇目標時我地冇反應啦!!!!!!!!!!!! ha!!

之後又講吓佢生仔定生女好的問題, 初頭唔知邊個叫佢唔駛做, 等老公養啦咁~ 佢話啦, 佢依家要蓄定多d錢先, 再埋keep好自己身體, 等生個肥肥白白的bb喎!!....... 講到呢度唔知點解我覺得miss wong好似有少少唔同左以前... 唔係話佢好左or差左... ...好似覺得佢... 無啦啦好有母性... haha!! 雖然以前上堂佢都當我地係仔女咁湊~~

臨走時我地寫低d e-mail address俾佢, 等佢send到d相俾我地, 咁我就諗起年頭時send唔到相俾佢個原因, 就係因為hotmail得2mb唔夠send相, 由於holly同mani寫俾佢的address都係hotmail, 咁我寫埋我個yahoo俾佢啦~ 佢問我, send唔到咁點算好, 我叫佢開個yahoo用... 但佢識唔識開係一個問題, 就算開到, 佢識唔識send都係一個問題, 仲有!! 佢會唔會連張紙仔都唔見埋都係一個暗憂!! 又或者佢send俾我地...........已經係半年之後的事lu~~ haha!!

我地一齊請miss食~ 佢死都要塞番d錢俾我地, 於是我地話啦~
我:『唔駛啦miss!! 下次我地去食buffet先到你請啦!!』
chorono:『miss!! 我未去過半島呀!!』
我:『我都係呀!! miss帶我地去呀?!』
mani隨即同chorono一齊起哄話好!~~ 但miss抵死到扮唔知, 仲要話 :『我都未去過呀!』

miss wong又問吓我地呢排點啦, 我話佢知我呢排好黑................. 佢係依然繼續叫我去做多d運動, 其實佢都叫左我好耐... 由中四開始已經耐唔耐叫我去做吓運動... 到依家都係咁~~ ha!!~ 點都好啦...... 我想講... miss wong, 菜心同學同holly, 你地唔駛擔心我... 我唔會無啦啦暈低架!! 菜心同學仲問我駛唔駛同我揹書包!! haha!!!!!!!! 佢地個個都話我又瘦左..........驚.............

之後同holly搭車返屋企時傾開, 覺得, 佢對學生都咁好, 對自己仔女更加好同有愛心囉! 咁holly就話啦... 生出嚟果個小朋友...... ....... 一定會好似佢咁大癲大肺... haha!!! 同埋佢好好笑, 成日都好似好驚我地唔知諗緊d乜咁!

總括全晚...... 呢個彩玲老師太攪笑啦真係... 我地送俾佢份禮物, holly包得好靚, 仲有個"襟花"咁o既做裝飾~ 但miss唔知點樣, 明明攞住o係手, 但個"襟花"無啦啦唔見左..... 於是週圍搵啦~ 搵均地下都唔見.......... 到miss一起身...... 吓???? 原來佢坐住左..................................

見番d文科同學仔好warm, 文科同學都係好人d... 人性d!... 同埋見到個個都讀唔同o既野, 人人都有個目標!! 加油呀各位同學!!!

holly話賤人william成日點佢做野.........haha!!! 我甩難啦!!! 連miss wong都知佢以前成日糟質我呀!!!但完來係唔只miss wong一個知... 而係全個教員室都知佢成日點我做野!!!!!!!!!!!!! 依家到holly受難.......... 深表同情... haha!!!

>>October 22, 2004 at 10:48:43 AM GMT+8

2004 年 10 月 13 日 星期三 【晴】

今日家姐dayoff, 一早佢我同阿媽去飲茶~

飲完諗住去圖書館攞book左本書... 點知原來今日星期四唔開....

今日又wing... 有d驚... 點解食左葯都係咁?... 食左d葯後仲有時會無啦啦肚痾添................ 好無奈...

下決心聽日去搵Patrick Kwan問數... 上星期唔得閑問, 積積埋埋好多問題啦! 唔清左佢我呢個weekend會好唔安樂!!!

聽晚約左彩玲老師食飯... ... 好期待...!!!

>>October 22, 2004 at 10:48:58 AM GMT+8

2004 年 10 月 12 日 星期二 【晴】

對唔住呀10C病房的護士姐姐!!!!!!!

尋日同今日都上過去上星期住過一晚的威記10C病房, 不過我唔係有事!!! 放心呀各位! 唔駛擔心我!! 只係有小小野要做啫!!

咁話說尋日我上到去, 有個姓麥的姑娘攞左我張化驗的list, 而且遲d我係要攞住呢張紙去驗血, 但尋日姑娘攞左去電腦睇record後冇俾番我, 我又唔記得, 直到返到屋企先醒起...

到今日阿媽幫我去問... 點知佢走錯左去抽血中心的姑娘, 唔係上10C, 唯有下午我放學自己再去啦!! 幸運地姓麥的姑娘依然o係度! 我由頭到尾咁講完之後, 我問佢可唔可以print番一份俾我, 但佢問番我記唔記得個blood test係驗咩item... 嘻!!! 唔記得喎! 於是佢就話同我搵番我份record出嚟先, 叫我留低個id, 名同電話, 搵到就打俾我!

好啦~ 咁走先啦唯有, 今日搭804返屋企, 由第一城到新翠都冇停車, 即刻諗起楊千嬅首"少女的祈禱", 講話如果可以由個男仔搭車連過3次綠燈就可以一齊... 但今日足足過左6次有多, 臨落車時電話响... 噢!!! 姑娘搵到啦已經... 但算啦! 過幾日我先去攞啦......

我知佢地已經好忙好野做... 但我仲加重左佢地個workload.......唔好意思呀!!!!!!!!!!!!!!!!! 對唔住呀姑娘!!!!!!!!!!!!

尋日放學o係新can傾野時賤人william打嚟, 原來佢都o係poly, 最後一齊搭火車... 但佢只搭到九龍塘... 我知佢做乜搵我! 唔通真係想搵人陪佢搭火車咩! 佢諗住睇吓我有冇事, o唔ok啫... 即係佢口中"死得未"... haha!!!!!!!!! 但我諗, 以佢咁口疏的性格....... 應該已經將我d野講埋俾肥晶同orling佢地知..............

>>October 22, 2004 at 10:49:12 AM GMT+8

2004 年 10 月 11 日 星期一 【晴】

呢幾日都拉鋸緊個有關電話的問題... 我依家用緊果個手提電話係我姨媽舊年12月時買俾我的生日禮物, 我好鍾意... 但屋企依家有個電話吉左出嚟... 係新架! 有得影相同用mp3做 ring tone... 我又想要喎!! 咁我家姐都知我取捨唔到... 我鍾意舊果個因為有得入歌仔~ 有得學家姐話頭... 『入哂d陳慧嫻落去!』.. 但另一方面... 家姐又話... 新呢個都得喎! 你用陳慧嫻d mp3做ring tone咪仲好!!! ........ 原來家姐佢地眼中我揀邊個電話的標準係以邊部可以容納多d陳慧嫻為準.....

『假使放棄了你 時日還能有趣
瞞著世界我也騙不了誰
情共理智秒秒拉鋸 讓人來矛矛盾盾
心中多苦澀亦要獨自面對

假使再去愛你 忘掉邏輯根據
來日再有變化也不再追
天天心裡繼續拉鋸 問誰來平衡錯對
愛與不想愛跟他去』

一張有親筆簽名, 同陳慧嫻親手貼貼紙的postcard......... 特別之處係貼紙係o係澳洲買的.............但..... 乜香港冇呢d貼紙賣咩????????



>>October 23, 2004 at 3:01:39 AM GMT+8

2004 年 10 月 10 日 星期日 【晴】

今日又係唔願起身... 死螺爛螺到8點2先起先... 好彩9點半都返到去上堂...

今日lunch食『米蘭菠菜煙肉螺絲粉』... 好味~ 我叫個人俾多d菠菜我~~~ 呢排好生性...

econ lecture冇瞌眼訓... 唔知點解ok精神! 但今日d人好嘈!! 嘈住人地上堂...

落堂後去M core上網搵ISE個project的資料... 好地地架... 咁到夠鐘就去上堂... 上堂前去吓toilet先啦... 無啦啦wing wing地... 好驚... 拿拿臨去完出番嚟... 到放學都唔敢行返屋企... 搭車... o係大圍見到miss mok... 佢都見到我, 我feel到佢有野想同我講, 但... wing wing吓咁, say hi後, 佢問我係咪放學, 我話係呀! 咁就同佢bye bye.......... 又俾佢見到我咁唔精神添.......

大夫send左個雜誌俾我睇... 好攪笑.....
『... o係一間首飾鋪內睇鏈，好姨見佢逐個飾櫃慢慢睇，十足認屍咁，睇到鬼咁仔細... ...』
又學多個比喻手法... HAHA!!

>>October 22, 2004 at 10:50:49 AM GMT+8

2004 年 10 月 9 日 星期六 【晴】

今朝同阿媽去新城市食早餐, 但食完我就返屋企lu!... 都冇心機行!!!

返到屋企就開工做網頁... 繼續要大夫幫拖... 唔好意思多次...

下午去sally度補習... 個衰女係咁玩我條辮! 有乜咁好玩?? 你冇咩依家??? 今日同ken補econ... 份野上星期先教完佢做... 但佢竟然可以有d唔記得啦以經..... 譚詠麟有接班人啦!! haha!! 補完econ仲有時間就溫account.....好驚.... 但好彩仲有d記憶啫....

無驚無險就夠鐘lu... 初時諗住搭81c... 但都係唔好啦... 搭182啦.. 舒服d啦俾自己...

>>October 22, 2004 at 10:51:10 AM GMT+8

2004 年 10 月 8 日 星期五 【晴】

今日係poly open day, 原先係8點三返到去, 但我7點9先起身, 返到去都8點半有多lu~~

大家換衫後就落counter派野, 派派吓個EEEB的高層話要借個人去隔離double dgeree幫手... 是但啦~ 我去啦~ 原來好正~ 過去只係坐o係度攝野咋~~ 好他條~ 但... d人好煩! ISE個人叫我可以派埋ISE d野, 但到double dgeree個人見到又話ISE果d唔駛派, 擺o係度由得d人攞就得喎!! 總之......各家自掃門前雪.... .... 好差!!

食完飯就出返嚟派野! 到2點幾阿大打俾我催我返屋企... 我明.... 係我自己衰先要俾地咁擔心, 家姐佢驚我唔舒服... 阿媽都好好笑.. 好似成日驚我會暈低冇人知咁! 我o係toilet耐少少就會嗌吓我...haha!!

幫手幫到4點就走lu... 我都攰啦!! 返屋企時順便去搵紫樺攞我入歌迷會封信~~ 有入會紀念品, 就係簽名+貼紙明信片~~

返到屋企就開工做功課... 就係個網頁... 好死煩架真係!!! 又要大夫幫拖... 真係唔好意思...

>>October 22, 2004 at 10:51:31 AM GMT+8