2008 年 9 月 24 日 星期三 【驟雨】

今後我同你相依為命。兩個人一條命。

>>September 25, 2008 at 1:43:40 AM GMT+8

2008 年 9 月 19 日 星期五 【晴】

有人提起，我先至發覺，近幾年，我都係『遷徙命』

00-03 搬Hall, 每年都搬一次
2005 搬屋
2008 搬屋

幫我搬屋的人，唔該晒～

>>September 20, 2008 at 1:36:29 AM GMT+8

2008 年 9 月 19 日 星期五 【晴】

兩個人學習一起生活，必須要經過許多磨合。

>>September 19, 2008 at 10:52:06 AM GMT+8

2008 年 9 月 12 日 星期五 【雨】

喺唔知幾時（facebook已經翻查唔到了），我在facebook見到Vampire "list as single, no more in a relationship" 旁邊仲有個裂左既心。過幾日，Fiona既status都係咁。

01 JULY Vampire is 當facebook再找不到自己的時候
08 JULY Vampire 現正接受各界祝壽，至本週日為止
18 JULY Vampire is 我心不死
25 JULY Vampire 不過我肯等 等一生都等

22 AUG Fiona changed her profile picture, 係一張同第二個男人影既貼紙相，仲"in a relationship with XXX"

22 AUG Vampire 在任何情況，都應保持冷靜
31 AUG Vampire ：雨後為何還是雨

Facebook見證失戀，仲可以令人失戀多次。

>>September 12, 2008 at 9:41:42 AM GMT+8

2008 年 9 月 11 日 星期四 【晴】

好似好想換環境，似乎做到有啲悶。唔係咁想再飛，唔係咁想離開香港。一切都只要我層樓甩左手，我就可以由零開始。

>>September 11, 2008 at 8:50:35 PM GMT+8

2008 年 9 月 5 日 星期五 【晴】

而家身處台北的福泰桔子商旅，是『213813墾丁台北阿里山的姑娘你好嗎之旅2008』的最終站。我地個團名差不多反映晒我地去過的台灣地方（好低能！），只欠一個可以浸泥漿溫泉的關子嶺。

續。。。

>>September 5, 2008 at 9:09:40 AM GMT+8

2008 年 8 月 27 日 星期三 【晴】

開始習慣『癡電視唔癡電腦』的生活。
奧運過後，一切回復平靜，在日本，我又睇番果啲唔連貫，唔知講乜既電視劇。

曾經講過：『如果層樓賣到百一萬我就會賣。』點知百一萬喇，我都係無賣到，都係因為『貪心』，身邊的人都同我講『賣多一萬得一萬』。但我始終覺得，一百一十萬同一百一十一萬係無分別。我呢啲可能真係『視錢財如糞土』。下次啦，我的目標係年尾前放左佢，我想專心儲錢，層樓太多額外開支：供樓利息，管理費，差餉，電費，煤氣費，上網費同埋家居保險。

已經諗好左，賣左層樓，就俾自己去下旅行，行程可以係東京郊區，可以係沖繩，可以係北海道。我地好耐無去過旅行喇～三人行或者四人行，我都OK。

出完呢程機，我就要去台灣，我的心情，就好似要出墨西哥咁。台灣勉強之旅，仲要去８日，我同所有人講，啲人的反應都係：『台灣都去８日，去轉歐洲都得喇！』係！我都唔知點解要去８日。當初只係諗住去台南，之後又唔知點解要去埋台北，之後又唔知點解要去long trip８日咁多。好攪笑既係，我今次去旅行，係有Dress Code。唔知點解，我要去我係香港都唔會去既Disco Party，因此而有個Warming Reminder提示我要帶一套decent dressing for it，『一對旅行波鞋，一對沙灘拖鞋（可以到時先買），一對平底鞋，再一對高跟鞋。』出機都唔會有咁多野！
有諗過唔去，留係香港過我想過既悠閒生活，都一樣可以游下水，曬下太陽，唔洗晚機返港，翌日又係機場Pick Up咁辛苦。之後返黎兩日，制服都未洗好，又要出機。
老實講，我仲考慮緊呢個方案。唔去好容易，只要我上機當日唔蒲頭就可以。又或者如果連上天都覺得我唔應該去既話，就讓我735DH果晚有阻滯，例如颱風，只要我果晚不能回港，一切都好辦。

下個月，因為攞左７日假既關係，只得一班芝加哥同溫哥華。幸好攞了AL，我謹餘的三位同期都唔firm schedule之餘，仲三個都有airport standby。而我就firm左個schedule喇～我知道下個月又好唔夠人，每日都只係得一個Home Standby，求我出機，俾機我揀啦，我唔想飛溫哥華（雖然係兩晚+DH735）。

由於紅日同AL佢會計番糧俾我的關係，而且升左CAI又加左少少人工，而家啲人工好容易有20K。因為AMS Perdium好多，上月創左我入日航以黎最高的收入(25.5K)。最低記錄係04年11 月既14.9K，可以相差10K。除非到我結婚果個月，睇怕都破唔到最低呢個記錄。

>>August 27, 2008 at 4:28:40 AM GMT+8

2008 年 8 月 14 日 星期四 【晴】

NRTSFO

繼3 AUG疑似被包事件後，我今日收到『名刺』（卡片的日文名稱）。
我今日既工作之一，就是在上機時同我範圍內的客人講：
『今天好多謝你選乘我哋航空公司，祝你有一個愉快的旅程！』
而收了名刺之後，我都可以用的專業的笑容，同佢講：
『今天好多謝你選乘我哋航空公司（日文過去式），我們熱切期待您下一次的搭乘，亦很感謝您的名刺。』

我覺得自己很專業。

>>August 15, 2008 at 6:17:38 PM GMT+8

2008 年 8 月 8 日 星期五 【晴】

20080808我喺屋企...睇奧運開幕。
曾經有人話會陪我去旅行，可惜當時人忙到死。
咩一日影相，一日執相，一日休息，再一日影相，再一日執相，再一日休息，然後一日踢波。癡人說夢。

話時話，我地好耐無去旅行喇～（澳門除外）

>>August 15, 2008 at 6:07:45 PM GMT+8

2008 年 8 月 7 日 星期四 【晴】

┌──────────────┐
│愛才的我，開始欣賞這個男子。│
└──────────────┘

貽情盡興 246忽然一週

那晚她來我家過夜。
我以為她拉肚子，問要不要陪她到急症室。良久，她半開門說，她的親戚，突然來訪。
我倆苦笑。我換上大褸，圍好領巾帽子，跑幾條街，逐間便利店為她找衛生巾。
無法開口問店員，又怕被人認出，更怕買錯。如果說買避孕套的尷尬程度是10，那，買M巾便是100。
寒風刺骨的凌晨，我把柔軟但比想像中堅實的夜用衛生巾收在大褸裏，忽然，確認了愛情的輕盈與沉重。那一刻我發現，原來，我比想像中更愛這個女人。

小時候，媽媽和姨姨每月總會相約逛一次超市。我當然死跟，因為每逢三人同行，定必皇恩大赦。果然，一去到，姨姨就叫我去選想要的零食，五分鐘後回來，滿載而歸的我，總看見她們早在收銀處排隊，手推車上那堆彷彿打八號風球上倉儲糧的零食山中，總是藏著一包軟綿綿方形的東西。。。
我家的女人，一直把它稱為麵包。
『麵包食晒啦喎，你有無呀？』小姨問媽媽。
正在做功課的我雙眼發光。『我又要食麵包！我要搽煉奶同果占！』
『收聲！』小姨莫名其妙一臉尷尬。『做你嘅功課！』
她們總是非常鬼祟地偷偷交收一包白色的東西。衣櫃裏永遠有一格，一碰即死。
有天，弟弟問我，那是甚麼。當時我正在看著電視裏Mark 哥跟人家交收白粉，就俏聲跟弟弟說：『別問，那是白粉。』
直到十歲前，我都懷疑，我家的女人，其實是毒品拆家。那個不能碰的衣櫃，除了一包包白色的東西，裏面應該還有手槍。

又不是賭仔，幹嗎我們男人對情人的正常生理必需品如此抗拒畏懼？
好的男人，應該是一塊衛生巾，而且還要懂得女人何時需要日用，何時夜用。日用較輕較薄，方便走動；夜用較厚較長，以免睡覺會弄髒牀單。當女友失落激氣，眼淚苦水bi li ba la時，我們男人，最好變身做特長夜用；然而當她只是莫名其妙地情緒低落，做特長夜用，只會讓她覺得頂住頂住，麻煩不適。
委身成為M巾，還要做一塊女人適時需要的那塊M巾，當中，除了經驗，還是經驗。
有翼無翼、質地大小、透氣度與厚薄‧‧‧女人畢生花在尋找真正滿意舒適的衛生巾的時間和心力，不比花在尋找男朋友的少。真要如廣告所講，呵護貼身，全盤接受血淚汗，談何容易？可是，好的男人，都應該向M巾出發，能屈能伸尚算其次，夠體貼包容，才是重點。

每個男人，都該捫心自問，有沒有曾經愛一個女人，愛到為她買M巾的程度？甚至，成為她的M巾？我有過幾個愛到曾經為她們買M巾、記得她們來經日子的女生，她們恰巧地，就是我生命裏最縈念的女人。
然而，愛我愛到願意代我買避孕套的女人，卻只有一個。而且，不是她們其中一個。
這該暗示了，為何我那麼愛她們，最後卻仍然無法一起的原因了吧。

>>August 8, 2008 at 1:14:21 AM GMT+8