2009 年 4 月 15 日 星期三 【晴】
Sever down左機一兩日, 之前十幾日既OD無左... 不過都係啲相, 遲啲再repost.
>>April 17, 2009 at 3:19:25 PM GMT+8
2009 年 3 月 25 日 星期三 【晴】
今日又係一年一度Ditching既大日子,基本上,如果我唔係去教書,每年,我只會因為呢個考試而溫書。有written test,而且仲有practical test。仲有各方面既training或review,去提高一下我地的安全意識。
今日,有兩個moment,都令到我非常感動,真係想喊出黎。
Case 1: 我地以1989年UA811飛行事故作case study,睇番啲crews親術番當時情況。Decompression發生,然後emergency landing,當然機內七國咁亂,有啲人甚至飛走左,真係呢一秒唔知下一秒會點。個crew都仲識係呢個moment,同jump seat對面3個乘客講,『一陣land左之後,如果我開唔到門,幫我開。If I cannot survive, check the condition, and open the door』
喺果個moment,佢都仲可以講得出 "If I cannot survive...",作為一個人,"If I cannot survive"其實係咪代表全個世界已經完結?點解仲可以為陌生人設想?
Case 2: Ditching完結之後,我地被安排參觀JAL既Safety Promotion Center,入面主要講番25年前,JL123空難事件。全機51X人,只有4人生還。睇到好多野,成因,過程,原本可能不足30分鐘的航程,卻帶來了32分鐘的空中飄浮,死前包受了恐懼的折磨。中心還展示了死者的遺物同埋寫低左既遺言。當然好多人都留言給家人,訴說死亡的可怕,或加以叮囑。其中一個已故既L5 Duty crew,佢喺本crew memo上寫低了emergency landing既note:landing左之後應該點做,點樣開門,有咩expression要shout等等。喺果個moment,唔通佢仲存有希望?沒有半隻寫給家人的字,還是因為責任心,不到last minute都唔不可以放棄?
從未試過,我會覺得cabin crew是值得尊重的行業。
>>March 26, 2009 at 12:11:59 AM GMT+8
2009 年 3 月 19 日 星期四 【晴】
好耐都無出8730, 好討厭的通宵機. 5年喇, 有人主動管接管送, 我個心係睇到既.
我成日都好想搵個合適既耳環盒, 一直都搵唔到, 今日係100yen, 我見到個size都ok既膠盒, 可惜唔靚, 於是我決定decorate佢.
開工~
完成
>>March 20, 2009 at 6:19:19 PM GMT+8
2009 年 3 月 17 日 星期二 【晴】
今日,難得廖生放假,可以陪我行下金都。其實主要係想睇回禮禮物,因為上次喺EXPO果間鋪,個老闆『寸寸貢』,講都明落order喇,都唔肯賣隻版俾我。我記得喺金都見過類似的相架,於是今日就前行去睇下。但係,要符合我地要求的,都係得喺EXPO 見到果間。去到個鋪頭,雖然『寸寸貢』個老闆唔喺度,但係喺鋪頭果個女人都好忙,成日傾電話。於是廖生都話:『再行下先~』
之後我地睇到另一間都有我地要果隻款,而且仲平啲,仲可以買一隻版。廖生就買左隻版返去,諗住返去睇下個效果先。
就係呢款~
之後廖生喺另外一間,睇到個更好的選擇。價錢,貴左一倍~不過可以想像效果應該會好好,終於都俾左錢。估計成本要五千蚊~
~相就唔可以Disclose住, 因為要保密~
不過我仍然好想印年曆卡,因為我覺得真係好有用,我自己都想要,而且都係幾百蚊啫~等我計下個budget先,希望呢度cut啲,果度cut啲,cut到幾百蚊出黎啦~
另外, 我連手花都揀埋~可能早左啲,不過既然都覺得幾好喇,就不如決定啦!
其實今日係去金都亂行,睇下問下,就好想focus喺絲花手花上。其實我一直都想兄弟姊妹啲手花襟花用絲花,因為當晚朵花唔會殘,而且啲姊妹可以keep住,都靚架嘛~睇左好多款,都係我絲花花球果種花最好睇。原來果種係牡丹花,我一直都唔知~
另外我睇到,姊妹手花係可以用『仗根』,代替絲帶,我就好想要喇~原本第一間睇中既鋪係好好架~不過計埋八五折都要成廿九蚊朵,但係其實我超鍾意,不過都想格下價。之後我問左四間,$14、$8、$8、$10、$22,原來成$30朵真係太貴!我自己都好失望,不過$8, $14果啲又真係好似無咁靚,老套啲~而且姊妹手花無『仗根』!之後我地係買回禮禮物果間鋪度見到問價,都要$20!經我講價之後,而且我都要買26朵,佢計我$18一朵,而且姊妹手花仲有『仗根』添!
比較啲$8、$12,其實唔算平架,不過我真係鍾意,無計~其實當日我係無得戴架,不過我一定會係屋企人手上,攞番一朵返黎~
呢個就係我揀個款
呢個綉球花款我都好鍾意,不過貴啲~
呢個就係我個絲花花球+襟花,除左深色啲之外,係咪同啲手花好襯呢?
我個花球影相出黎效果都好靚架~ (死喇, 太鍾意, 怕第日唔捨得拋)
晚上,我地去左平時廖生幫襯開既井財街花鋪-水曜軒-問鮮花花球,佢quote價約$300,以廖生的經驗,佢話『$300以上』都只不過可能係$330,如果係,咁就太好喇~又可以慳啲~不過佢唔想我咁早book,都係婚期前一個月度。都係既,睇下到時咩天氣。
>>March 18, 2009 at 9:16:54 AM GMT+8
2009 年 3 月 16 日 星期一 【晴】
病左兩日
可能由於我經常over eat既關係, (一係唔食, 一係勁食), 好開心咁食完韓雅林, 夜晚返到屋企嘔!
初頭係作嘔, 嘔唔到啲乜, 飲水落去轉過頭又嘔番啲水出黎, 真係有啲以為自己有左BB.
斷斷續續左約一小時, 係有人同我掃背的情況下, (之前某人沖涼,唔知我嘔), 我一次過嘔晒出黎, 舒服晒~
回憶番早幾年成日胃痛, 又嘔的感覺, 怕左, 真係好怕~唔想佢重來.
之後一日, 我怕左唔敢食野, 怕食乜嘔乜. 返左屋企食粥. 但係我諗係因為我的消化系統reset左, 我食乜都好, 轉過頭就痾, 超辛苦, 都係唔敢食野. 但係我都係無去睇醫生, 因為唔想因為要食藥而要食野落肚. 就咁, 慢慢開始食番野, 身體好似無乜事.
當然, 同行的兩位都無事, 否則我一定賴韓雅林.
有個問題, 點解我斷食過40小時, 身體都無reset度, 反而今次reset左 ?
>>March 18, 2009 at 9:06:49 AM GMT+8
2009 年 3 月 15 日 星期日 【晴】
英雄帖的抉擇
今日去左EXPO,好似無乜得著咁,係咪要準備既野已經準備得七七八八?
最大得著,就係confirm左印帖,其實擺得EXPO,都預左啲人格價,間間價錢一樣既!咁我地就搵左最informative,同埋啲阿姐最friendly果間.由於遊艇會會送帖俾我地,我地只係拎去印,所以$500以下應該OK.
問題係:遊艇會有兩款帖,我同廖生未傾好要邊款.最衰佢可以俾我地兩款都要,好大機會,我地會派鴛鴦帖.ha ha ha..
呢款係廖生比較喜歡的,佢覺得特別啲喎~而我就覺得似聖誕卡多啲,咁colorful~而且信封係白色,到時印名上去,又唔可以用黑色,要諗諗辦法.(白底黑字唔好意頭喎~)呢款無地圖架,要自己印個地圖係內頁 +$100~
呢款粉紅色就普通啲,不過似一張喜帖嘛,而且背面有地圖,信封都係粉紅色
其實今日係同phine一齊去, 佢真係有備而戰, 星期五就已經去左一次, 攞定料, 等今日同男友去, 就決定. 我地其實約2點去到. 4點鐘我已經好攰喇~ 就去左, 去行下街. 約七點, phine打黎, 佢先走, 但係我已經食緊韓雅林lu~
>>March 18, 2009 at 9:24:52 AM GMT+8
2009 年 3 月 12 日 星期四 【晴】
保密日記,請登入觀看!
>>March 15, 2009 at 11:13:20 AM GMT+8
2009 年 3 月 7 日 星期六 【晴】
酒不醉人人自醉, I was heavily drunk last night
真係失禮晒! 好耐我地都無玩得咁癲.
相識九年喇, 第一次見占占喊, 你真係好善良, You're the best man I have ever seen~
>>June 13, 2009 at 12:07:03 AM GMT+8
2009 年 3 月 2 日 星期一 【晴】
其實經果嗰日影完婚紗照,我同Dick都覺得馬灣村個景真係好靚,嗰日只影得兩個零鐘,實在係太『唔夠喉』喇!所以一早密謀,揀完相就去影相,然後先再去黃金海岸落訂。
我好刻意咁著左件好sharp既橙色衫,因為嗰度無乜顏色,效果都好靚。有時睇住啲相,雖然覺得Dick影得幾好,但係如果同Mona lisa一棣,要用$118去買相,我又未必會買喇~不過始終兩個人的相Sweet啲,充滿回憶啲,點都值錢啲!
>>March 18, 2009 at 5:29:28 PM GMT+8
2009 年 3 月 2 日 星期一 【晴】
今日係我地091128 Preparation揀相的大日子,約左早上11點。昨晚,唔知係餐打邊爐太飽,定係心情太緊張,瞓唔著~
非常開心,phine同Ada都陪我去揀相。
講到啲相,um...其實Mona Lisa所有野都好好,化妝好好,景好好(其實我都係因為啲景--特別係馬灣村莊,所以先入去影),後期執相加效果又好好。唯獨係個攝影師唔好!
以我半專業的眼光,我都睇得出個攝影師唔係好得;而以我男友的專業眼光,更評此攝影師只得兩年的攝影經驗;相對佢的十八年經驗。有啲相,連我都睇得出係OUT FOCUS!所以我地都好成功咁篩走左好多相。
不過,佢地的後期製作真係非常之得,好多相轉了色,靚左好多,因此我好俾面咁揀左81張相。原本諗住只要PACKAGE所包的相簿,1大(20張)1小(15張同相),送32張相,買49張,咁就要俾$4782。喺我堅持within Budget而不斷向佢的萬四蚊OFFER,繼而一萬蚊,繼而九千蚊,繼而八千蚊say no之後,佢再final offer 七千蚊俾我,咁我同男友都首肯左。
當然,七千同萬四既offer就梗有少少不同啦,不過我覺得我只係用最抵的價錢,買左我最想要既野。
今日,有時間偷影左幾張相。不過掛住傾計,好後期先偷影,否則可多影幾張。
驚覺可以偷影。最唔鍾意『頭生樹』,攝影大忌!不過啲色好靚,而且我又最鍾意呢套衫,都係要埋。
旁邊第三張,原本又係好靚架,白襯綠,不過又係最衰『頭生樹』。
呢張啲相顏色TUNE得好靚,做多油畫。美中不足係:佢影得唔四正,如果想影歪啲,佢又影得唔夠歪。
呢張馬灣村莊,我最鍾意既景,呢張佢TUNE左色,係灰色左既,好有FEEL~ 呢個景要左好幾張相,有一半,都係以景為主,個人細粒啲,企埋左一邊。呢張例外。
呢張都係TUNE左色,其實我地都影左同揀左幾多(我覺得多過人地)錫錫既相,因為我覺得COOL得黎又好SWEET~ 不過呢張我的手臂肥左啲~
呢張係千揪景,我地揀左3張,呢張啲草轉左做紫灰色,都係我地既心水之作。
旁邊第二張,就係馬灣村莊,我提及過果啲,馬灣村莊以景為主,個人細粒啲,企埋左一邊。
旁邊第三張剪影,真係只得我的剪影,見唔到樣,而個天空變左做粉紅色。擺POSE時,我拗腰拗得好辛苦架。
今次同啲相一別,要三個月先收貨喇~
>>March 2, 2009 at 9:27:59 PM GMT+8
|
|