|
2009 年 3 月 1 日 星期日 【晴】
九型人格分析| 第三型 | 成就者、事業型、成就型、實踐型 | | 第八型 | 領袖型、能力型、挑戰者、保護者、權威型 | | 第一型 | 完美主義者、完美型、改革者、改進型、秩序大使 | | 第四型 | 藝術型、浪漫者、自我型、憑感覺者 | | 第六型 | 忠誠型、忠誠型、尋找安全者、謹慎型 | | 第二型 | 助人者、全愛型、助人型、成就他人者、博愛型 | | 第七型 | 快樂主義型、豐富型、活躍型、創造可能者、享樂型 | | 第五型 | 智慧型、觀察者、思想型、理性分析者、思考型 | | 第九型 | 和平型、和平者、和諧型、維持和諧者 |
《第三型》
你精力充沛，總是動力過人，因為你有很強的爭勝慾望。你喜歡接受挑戰，會把你自己的價值與成就連成一線。成就型的你會全心全意去追求一個目標，因為你相信「天下沒有不可能的事」。動力十足的你，適合做領袖帶領其他人。
主要特徵：
看重自己的表現和成就。
講究效率。
喜歡競爭，避免失敗。
相信愛情來自你能提供甚麼，而不在於你是誰。
只關注事物積極的方面，不理會消極負面的信息。
重視效率、比賽、贏。
難以瞭解個人的感覺。在工作的時候把感情放到了一邊。
為爭取認可而打造有利形象。公眾形象屬於社會高層人物。
在真正自我和工作角色之間會產生困惑。
通過集合思維的方式集中注意力，通過多渠道來尋找問題的答案。
能夠下意識地調整自我形象，以為調整地形象就是個人的真我。
代表人物：克林頓、貓王
《第八型》
你擁有很多當領袖的特質：豪爽、不拘小節、自視甚高、遇強越強、關心、正義、公平。你清楚自己的目標，並努力前進。由於不願被人控制，且具有一定的支配力，所以你很有潛質做領袖帶領大家。由於你好勝性格，有時侯會對人有點攻擊性，讓人感到壓力。
主要特徵：
控制個人的佔有物和空間，控制那些可能影響自己生活的人。
具有進攻性，公開表達自己的憤怒。 。
關注正義，喜歡保護他人。
把打架和性愛當作與他人接觸的方式。相信那些在正面衝突中不退縮的人。
把過度看作克服厭倦的良藥。夜生活、瘋狂娛樂、徹夜狂歡、暴飲暴食……
難以意識到自我的依賴性。當別人愛上他們時，他們會通過各種方式拒絕真實情感，比如離開、認為無聊或者暗自譴責自己對他人的誤導。
常常把所有事物極端化。
缺乏對自身弱點的認識。
代表人物：當奴‧杜林普
>>March 1, 2009 at 11:53:14 PM GMT+8
2009 年 2 月 28 日 星期六 【晴】
真係好想好想講吓一位師姐.
日航中無乜人歡喜佢, 佢做野好盡責, 盡責到別人非常不歡喜她, 我想她自己都心中有數.
但是, 她對我唔錯, 其實話她對我唔錯, 係她會將睇到我好既野, report返公司, 咁樣對我好有幫助.
一直都係因為人人覺得她唔好, 所以我都唔會認真考慮她有啲咩唔好.
今晚, 她又同我傾左一陣計, 她講左句"做好自己本份". 其實諗下, 她做所有野, 都只不過係"做好自己本份", 可能工作上認真一點而已. 我不知道她之前為了上位, 做了些甚麼, 我只知道, 今日我看來, 她無問題.
其實可能是表達形式上, 欠缺圓滑. 我知道, 我無可能跟她做到"傾得埋". 因為我都仲需要係呢間公司尋求生存的空間, 但是至少, 我打從心底裡, 欣賞這個人的工作態度. 而且她會是我將來的借鏡.
『做好自己的本份, 總有一天別人看得到』 是她叫我記住的一句說話.
>>March 1, 2009 at 1:54:25 PM GMT+8
2009 年 2 月 26 日 星期四 【晴】
日航港空姐需每月放５日無薪假，連卡佛高盛相繼傳出裁員
(經濟通)2月26日 星期四 11:00
《經濟通通訊社２６日專訊》日本 航空公司（ＪＡＬ）上周五（２０日）發出內部通告，要求逾２００名本港空姐３月起每月放五日無薪假，為期半年，其他部門員工則不受影響。日航發言人指，有關決定是基於營運情況出現轉變，公司今年９月會檢討是否需要進一步推出開源節流措施。
連鎖時裝名店連卡佛與投資銀行高盛亦傳出快將有大規模裁員行動，據悉連卡佛最快今日裁減２００人，並取消部分有薪假期。兩公司都對裁員消息不予置評。（ｊｗ）
>>March 1, 2009 at 12:10:58 PM GMT+8
2009 年 2 月 24 日 星期二 【晴】
24/2 我第一次去巴黎 !
難得同好好既腳飛, phine同Ada, 我又已經買左旅遊書, 所以就二話不說, 三個女子好興奮咁由荷蘭到巴黎一天精華遊.
巴黎Downtown好靚, 啲建築物好古典, 好有feel ~ 我超鍾意凱旋門, 勁影相~
係去巴黎之前, 甚至MONA LISA影相果日, 我都認為影相張開手做大字形係好大癡既事, 但係係凱旋門前, 我竟然可以唔怕醜咁擺晒POSE. 原來張唔張開手, 係視乎你有幾開心, 有幾豁出去.
咁我的同行者興奮的心情, 就當然會感染到我啦~
我地無跑太多既景點, 除左凱旋門之外, 香榭麗舍大道就當然要行下啦, 其實我都預左自己買件lv手信俾自己, 可惜唔啱心水.
再去左羅浮宮, 雖然是日休館, 但係果度影相都好靚. 係果度, 諗到個問題: 點解香港啲婚紗攝影公司名字: 法國, 羅浮宮, 同埋蒙羅麗莎, 都係related既?
觀賞巴黎鐵塔, 旅遊書介紹左一個地方, 果度真係好正架, 又高又近, 影相好易就到位.
睇得出, 我地真係好開心.
主題: 我愛巴黎
In JAL, 好耐,好耐,都無試過咁開心, 而且今次係JAL生涯中, 浪漫之最
>>March 1, 2009 at 12:39:34 PM GMT+8
2009 年 2 月 17 日 星期二 【晴】
今日係我地1128 Wedding Preparation之影婚紗相既大日子. 辛苦!
雖然我只係俾人影果個, 但係早起身, 成日擺pose, 成日笑, 又扮cool, 仲要著住件Girdle成日, 都幾辛苦.
好好彩今日無落雨, 只不過係陰天無乜陽光, 而且入黑我著啲露肩衫, 仲要超凍. 有一張相, 我坐係路邊, 攬住幫我擋風的男伴, 飢寒交迫(成日都無食過野), 我覺得自己好似街邊啲"乞丐". 超想笑~
雖然未睇相, 不過我暫時好滿意自己揀入珀麗灣的決定. 除左Mona Lisa既Studio外, 我仲可以去珀麗灣公園, 沙灘, 同埋我好期待的馬灣村. 整體黎講, 有草地, 有沙灘, 有漁村, 有青馬橋日夜景, 真係我想要既景, 一個小島有晒! 而我只係出去影完相, 返入去換衫, 再出去. 就係咁方便. 而且去馬灣村仲有車坐添!
因為要飛的關係, 2/3 先會去揀相. 好期待睇相, 希望可以影得我瘦啲啦~
影相原來咁辛苦, 希望啲相影得靚啲, 我買多啲相, 唔洗去幸福宣言再影多次.(睇怕我肯, 我的男人都唔肯)
原來有人偷偷地幫我影左兩張相.(雖然只係用手機~) 丁橋~
雖然俾多過一個人話似曱甴上身, 但係我真係好鍾意呢條裙~
連張見到埋我地個攝影師 Jason, Assistant係 CK
>>March 2, 2009 at 12:16:30 AM GMT+8
2009 年 2 月 14 日 星期六 【晴】
情人節, 為左黎緊既婚紗相, 今日我自己染左個頭, 又想影相好睇啲, 但係又要合符公司規定, 自己染, 慳時間之餘, 仲可以慳錢.
第一次自己染頭, 好滿意, 請比較~
>>March 2, 2009 at 12:24:11 AM GMT+8
2009 年 2 月 6 日 星期五 【晴】
最後一年逗利是, 我今年收到$2730. (Iris預留左俾我, 我19號會去收.)
兩公婆共收約五千三蚊, 結婚當日, 又要派番出去.可能唔夠派添~
>>February 6, 2009 at 9:04:36 PM GMT+8
2009 年 2 月 5 日 星期四 【晴】
擱置一段時間既『婚禮準備』，因為一個confirmation電話而又再carry on。
話說2月2日，MonaLisa打電話同我confirm星期四下午1:30分試衫。
試完衫當日，我地先記得要自己準備花球(拍攝用)，同埋男裝裇衫。好彩我之前已經為花球格左價，於是可以立即到尖沙咀百利買走，而男裝裇衫，就係埋百利訂造。明日開始飛完返黎，我就影相喇！但係，試衫先驚覺，我係呢個新年肥左好多。仲有11日，我要11日內瘦10磅！否則我肯定要再影多一輯相。
以下係我楝左既衫。
因為結婚當日應該唔伯著鋼紗，所以影相揀番條先。
呢條Fiona影廣告著過，連我科大師妹港姐Konnie都著過。我覺得自己著深色都幾好睇~
呢條裙幾特別，似婚紗又可以話係EG，影相應該好sharp，好分明，我最鍾意。
希望著上我身，影相出黎，都可以好似啲model咁靚啦~
>>February 6, 2009 at 2:06:35 PM GMT+8
2009 年 1 月 27 日 星期二 【晴】
而家已經係牛年既大年初二, 恭喜發財.
真係要講番早幾日, 我第一次接受公司命令, 去當新班Emergency Training既Instructor, (其實我覺得用Tutor會適合啲!). 日本果邊派左兩個Instructors過黎, 一連四日, 朝九晚五同佢地上堂. 而我就會sit堂, 再在五點至六黠同佢地補習.
因為我對自己要求好高我關係, 我會覺得佢地測驗的成績就等於我的工作表現. 第一個test, 死得好慘烈. 於是我明白到, 由於我主持的時間不多, 我只可以exam oriented地講課 which I hate so much! 第二個test, 好啲啦. 到第三個test, 我make左note俾佢地. 就好好多喇, 好多人九十幾分.
而且我明白到, 其實學生既資質係好影響架, 有啲人三次都好高分, 有啲人有進步, 有啲人三次都好低分. 其實未必係我教得唔好.
因為呢個lesson, 我自己都要事前好好溫書, 我先至可以將好多有linkage既野, 一齊講, 幫佢地溫書, remind佢地, 減少佢地test時既錯誤. 所以, 每日放學, 我都要準備第二日的課程. 如是者四日:
5:15 起床 Dress Up + Full Make Up
6:40 上巴士
7:50 落車
8:00 返公司準備
8:40 入班房監堂 mini test
9:00 開始observe課堂
5:20 開始我的tutorial lesson
6:40/ 6:30/ 6:20 lesson finish
10:00 返到屋企, 食埋飯, 沖埋涼, 開始溫習
2:00 瞓覺
到左第四日, 終於完結. 雖然佢地有啲好叻, 有啲好蠢, 有啲好self-disciplined, 有啲講極唔聽. 但係, 始終都覺得佢地係我學生, 對佢地始終都係寬容啲. 呢啲就係老師的心態.
>>January 27, 2009 at 6:42:55 PM GMT+8
2009 年 1 月 18 日 星期日 【晴】
好近有好多野都好甜好甜好甜好甜好甜好甜好甜好甜好甜好甜好甜好甜好甜好甜好甜好甜好甜好甜
好似食左糖咁~
估唔到自己個樣都可以咁甜~
仲有一首好甜既歌, 近期至愛
作曲：方大同
填詞：黃偉文
編曲：方大同
監製：方大同/崔炎德
甜蜜蜜 你呀 甜蜜蜜
但我想 下嫁的 共你不相似
你不是 從來 也不是
但我想 愉快的 錯一次
其實我只求相處 貪你的甜言蜜語
講起戒指 卻非那回事
若你這刻 能有趣地 為我寫一句詩
誰又介意 誰人沒夾萬鎖匙
不太易 男朋友 hey 我想話你知
這種精緻 來年成熟了 也安定了
無權來亂試 凝視你 怎制止
忘記Mr. Right 愛Mr. Wrong一次
甜蜜蜜 你呀 甜蜜蜜
但我想 下嫁的 共你不相似
你不是 從來 也不是
但我想 愉快的 錯一次
誰是對的還不知 新襯衣仍然亂試
即使錯的 也想要留住
就算有天 尋到對象 讓我安心靠依
誰又似你 曾甜極美極一時
不太易 男朋友 hey 我想話你知
這種精緻 來年成熟了 也安定了
無權來亂試 甜蜜那麼自私
忘記Mr. Right 愛Mr. Wrong一次
不太易 男朋友 hey 我想話你知
這種精緻 來年成熟了 也安定了
無權來亂試 原諒我不顧矜持
忘記Mr. Right 愛Mr. Wrong一次
>>January 18, 2009 at 5:21:44 PM GMT+8
|
|
Hi,
<br>
<br>I