2005 年 7 月 9 日 星期六 【晴】


今朝起身仲係好眼訓,沉晚3點先訓都訓唔著,成晚醒,今朝真係唔想起身,個樣真係好似喪屍,但我都要起身,因為大joy話今日上黎,所以都要十點幾起身,之後佢十一點度上到黎,本黎話游水既,不過因為落雨都唔游啦,之後就好悶喇,整左整電腦個舊野之後,真係冇野做,就睇碟喇,我愈睇愈眼訓,睇完絕種好男人之後就煮麵食,我煮左肉丸公仔麵俾佢,自己食左泡麵,好好食,之後又睇第二隻碟,睇睇下就兩點幾,我就送左佢走喇,之後我就返左去訓覺喇,訓到5點幾就俾媽咪嘈醒左,之後就睇下電視,聽下歌,沖左涼就玩電腦打麻雀啦,打打下要食飯喎,我又唔走得,搞到我成個病態賭徒咁,一邊食飯,一邊打,之後食完飯,ma出去丟垃圾個陣,我地發現度門壞左,開唔到,我地咁就冇得出去喇!!!!!!!!!!


>>July 10, 2005 at 12:30:27 AM GMT+8

2005 年 7 月 8 日 星期五 【乍寒還暖】



一早返學,原來得我一個返,我自己都唔知,等到搭十就上車喇,返到去,時間岩岩好,仲見到ｋ先生,一返到去,佢地6個夾埋去左一大袋禮物俾我,好開心呀!好似抽獎咁!(我本來真係以為用黎抽獎架)之後上左hall聽d好複雜既野,如果我擇英文文書+旅遊,英文文書就可能可以同mimi+kiko一齊上堂,旅遊就可以同k先生同4b既人上堂,都幾好既咁樣,起碼我地幾個都可以有d堂一齊上呀,聽完之後就落去,睇班際排球喎,kiko要做球証,我就幫佢拎姐喇,死人雞tang又話我地3個姐著佢,搞到mimi企開左,人矮就唔好企後面啦,b班同a班都幾勁既,雞tang就好似教練咁係咁造佢地班d人,又好似講波咁好x煩!d雨愈來愈大,mimi冇紅我叫金毛姐下佢啦!佢又真係姐mimi喎,佢都幾好人喎,之後因為太大下停左兩次,我地就遲左好多先上517,最後係3a贏左,都好既...上到去,好快就開始喇,先我地6,7,8月生日既人出去影相,之後又吹candles,格硬唱完生日歌之後就我一個吹哂,好搞笑呀~^^不過好似幾衰咁架!之後大銘就俾禮物我地,分左蛋糕,我地就逐個逼佢地同我地講生日快樂同今日好靚,食完一輪野之後,冇乜野做,又俾我搵到d印水紙,咁就隨手搵左白粉印左喇,之後個個都印,人人有份,我都有兩隻啦,一隻蝴蝶一朵花,靚!之後放學好大雨呀,suki去左同"吳卓羲"影相,之後我地就走lu,去左置樂釘耳,之後就走lu,個hello kitty紙袋淋爛左,被迫用膠袋,之後行返去市中心就搭車喇,返到屋企就訓左一陣喇,訓到4點起身食野,之後都冇乜野特別做過喇,係食下飯,沖下涼咁啦.....

夜晚十點正,落左去,我終於見到個肥佬喇!gym room唔去得上左天台,玩左陣,抽哂筋咁,阿lun就到喇,我地就切蛋糕,candles就有喇,不過因為ruby所以冇火,之後搵到火柴,得3枝,都唔得,之後就扮吹左,就食啦,食食下就有人偷襲我喇,其實我都唔知邊個整先,之後就成面都係喇,不過我都玩得人多,今次真係輪都輪到我!^^玩到好激好激,入哂眼,洗完之後,成班玩水,好在我有塊野姐,不過都濕哂,好凍,好在都有條毛巾,之後玩dare,激到爆,內容就唔講啦,總之刺激啦!,咁玩玩下就1點幾喇,我俾人打鑼咁搵,我都係上左天台玩咋喎,唔駛呀嘛??？？??今晚真係一個最激既生日party,十三樓後座,玩水個陣真係好激,成條樓梯濕哂...........一句到尾,我好開心,多謝哂你地！

>>July 9, 2005 at 2:12:42 AM GMT+8

2005 年 7 月 7 日 星期四 【乍寒還暖】



唉...我個日記,今晚我搞左4個鐘,仲未搞完,聽日繼續!
今日又返返學喇,一早就落雨,不過我冇帶"姐"喎,我今朝等左好耐車呀,又冇人應我喎!原來cut左,返到學校濕哂,今日miss lai著左套鬼衫,好驚,佢話為左影班相喎(不過今日冇得影)之後係課室無聊派埋d唔知咩,我遲到左3次同缺課左3次,算好架喇,最勁阿ki(兩張)之後上左hall(辯論)好搞笑呀佢地,一個好似推銷咁,兩個就好似嗌交...佢地仲發現左新面有個f.1既男仔d so好長,本來我都未睇到,不過佢拎一拎個面,哇!想死,2cm喎,我地笑得大聲得滯成日俾人話,仲俾個個男仔聽到,前面個d都係咁笑,佢個look真係好搞笑!肥杰又話人地「少少so」傻架!^^之後我望望下發現左有個賴將二世,好搞笑呀真係,係咁笑係咁笑,笑到我好急尿!坐到11點幾就落去喇,又唔知走唔走得喎,好想走,不過原來都係唔走得,要係學校冇野做,睇打排球又唔好睇喎,之後兩個男丁餓得滯,就出左去買野食,之後佢地話聽日搞party喎,我地負責搞菠蘿腸,之後佢地返黎,我就有得食雲吞同魚蛋,食完都差唔多走得lu,因為要整野食,所以就要去mimi屋企喇,做左常客tim呢排,我地買左腸仔同菠蘿就上去喇,不過我地唔記得買兩樣野,係狗骨同牙籤,整好哂d野食就落去買返喇,上返去又整,hehehehehehe(奸笑)終於整好哂d後就去玩電腦,玩玩下好眼訓,攤左係度,mimi就幫我整鎖圖個舊野啦,我唔知做咩自己諗d野係咁係度笑,好似傻左咁,而家諗起都仲好好笑~hehe~^m^搞搞下,mimi個日記變左我個日記,我的日記,你的內容^^,好在佢有save d圖個d野姐,之後笑到5點幾就走lu,落到去,有d肚餓食左d野,返到屋企就冇食飯喇,返到屋企,我個日記變左mimi個日記,一模一樣,淨係d內容唔同,好多野要搞返,整整下我全部野由頭整過,我都係第一次咋,好多野,4個鐘,一邊睇電視一邊整都做唔哂,聽日放學返屋企再整過,而家得少少圖同埋midi,我個野口同學,et同學,hello kitty呀!嗚.....嗚........

>>July 7, 2005 at 11:24:11 PM GMT+8

2005 年 7 月 6 日 星期三 【晴】



今日冇咩特別,係訓左好耐,耐到差唔多12點,不過成日都仲係好眼訓,起身食左包,之後玩左個幾鐘電腦又訓,彈左琴,食左麵,去左拾衫,我唔見左件背心呀!!!拾完又訓左一陣,醒左去學琴,就冇乜做過野喇,今日訓左好多好似一隻豬,今晚決定11點一定要訓.........

>>July 6, 2005 at 9:38:20 PM GMT+8

2005 年 7 月 5 日 星期二 【晴】


今日真係好好天,好天得滯,好曬呀!!(岩岩沖涼發現有少少泳衣印,好型!)8點半起身都唔夠時間,本黎諗著9點半去到屯門泳池架,不過夠夠下都10點先去到,好在好快上到車姐,去到輕鐵站肥妹仔望唔到我,我嚇死左佢,哈~~~成個彈起,好搞笑!heheheee~hheeeheehe~^0^好快搭車就去到喇,換完3就出去喇,我仲快肥妹仔,肥積係肥呀!出到去,曬到媽媽都唔認得,我本黎都唔驚架,但一游就曬得太勁喇,游左1陣就上水抖抖,陰陰,肥妹自己游左一陣,又上埋黎坐,睇到d細佬學游水真係好搞笑,個阿sir話佢地要游1000蝶,佢地細細聲話"你自己游呀!"哈,仲有好多搞笑野,坐左好耐,佢又曬左好耐,last幾個字落返水勁游,真係好曬呀,真係"好鐘意同陽光玩游戲"喇~!11點幾就上水沖涼喇,沖完涼就行話去米米屋企,本黎唔係好識路架,不過有個人主動話俾我地知點行,真係好喇,係好近,不過真係好曬好熱,變黑人牙膏喇...行到去,有d人又行錯路喎,我都話行個面架啦!行到去,好熱呀真係,買左車仔麵就上去喇,一路食,肥狗就一路吠,3年喇,你仲吠我！食完之後已經分左一半俾佢lu~之後要等d腳黎,就睇左眼見到鬼喇,都幾搞笑架喎,之後打左陣麻雀就入左去訓覺喇,今日真係好曬,曬到對眼好累,「先收錢，後工作！」haha~^^之後玩左好耐電腦又出返去睇死亡寫真,其實我都唔係好知講咩架,之後就落去買左野食,我食左豆腐花,食完又傾下計,傾傾下咁就6點幾,奪命追魂call call我返去喇.....咁就返去喇,而家落去有meeting..........

>>July 5, 2005 at 10:02:21 PM GMT+8