Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2005 年 6 月 2 日星期四【晴】

補返先........不過今日先打返沉日既日記真係唔係好記得有咩事發生喇.....
不過就幾慘啦好似~今朝上bus個陣發覺冇帶8達通喎~~我係度諗有冇唔見到~~架車又迫喎~
俾人踩左兩野!頂!!!!之後去到3聖~又冇散紙喎~之後去左麵包鋪唱啦~本來我諗著佢唔會唱俾我~
我會買野飲架~點知佢好順攤咁樣就俾左我喇~真好喇你!!~我一路都估我自己唔見左架~~
沉日先入左錢~~好慘情架嘛如果唔見左~!!我返到學校都講左幾次喇~~!!
記得art堂學識左青蛙青蛙跳啦~白粉send左個搞笑既sms俾我啦~
之後小息日日都係差唔多啦~~
英文堂就做下學科測驗啦~數學就做數啦~~lunch咪同mimi同肥杰去盈豐食啦~~淨係記得好曬~
食左3文冶啦~~~之後又返返學校啦~中文啦~物理就好好玩啦~集會就上hall啦~
kind佬就好搞笑啦~係咁係度發姣喎~~我坐左係金仔家姐格離~我同suki講~佢唔信喎~~^^
放學咁mimi就早走啦~我就上左圖書館啦~4點幾就走得啦~咁就見到好多老師喎~左"里"右"里"
咁啦~之後都成功走左啦~~行行行~行到大興花園~好似彷彿見到miss lai架車呀~~好在冇做d咩姐
好快好快就返屋企lu~~58秒岩岩好啵!!!!！！
夜晚好多野做呀，又要做樂理啦，又要做數喎，做死喇，好累，３個累，11點幾就訓覺喇.....

>>June 3, 2005 at 9:51:01 PM GMT+8

2005 年 6 月 1 日星期三【晴】

本來話今日冇冷氣~點知又有~成日早上都冇乜特別~
音樂x2~test~賴將係咁同我講野~搞到佢俾人鬧左好多次~又俾人留低~慘喇真係~
mimi個電話原來響過~我都唔知tim~有3個人都要留低.........
lunch~遲到~行去個陣我仲咩左個肥人行斜路tim呀~幾勁呀~不過咩完之後就死咁滯~
本來諗著食巴蜀風架嘛~點知d死人頭又唔走喎~我地等左好耐架!~
我地唔想遲呀嘛~所以就去盈豐食啦~我又破戒喇~我食左通粉呀~kiko個碗幾熱呀~睇見佢就辛苦呀~飲左低脂乳酪~好搞笑呀真係今日~~哈哈哈~~~~~返到我地都係遲左少少~吳sir雖然話我地~但佢仲笑笑口~都唔知佢想點~^^kiko話想佢食貓麵真係好搞笑~~肥謝就係另一面話我地~!!!!!!
上去個陣係廁所見到0sir~佢都冇話我地~真係好喇~
今日謝sir代堂~佢都話見著我地入黎啦~其實我地真係唔係遲好多架咋啵~
數學堂~死人黎根都唔知食左咩~搵著我黎鬧喎~我講左一句佢就鬧我10句~都唔止呀~!!
太可惡喇~d肥佬~!!佢係咁鬧~借題發揮~憎死佢呀!!想將佢變左一隻肥既雞~之後大啖大啖咁咬死佢~~~仲要親手同佢放頸個d血~~(哈哈~~係咪好毒呢~~~)
地理都冇咩啦~放學上左圖書館一陣點個d野~miss鐘請我食左朱古力~~幾ok啵~不過又肥d喇~
落返去~係課室玩左一陣~~玩左dhc既bra啦~玩左睇報紙啦~好多好多~~~
5點度~就走lu~係下面見到肥謝~佢叫我整返個腰帶~我冇理佢~又唔整~又唔應佢~佢走左.....
等車個陣~俾肥杰見到xx偉喇~~佢話佢幾靚仔~仲靚過自己喎~,~!
返屋企.....今晚阿哥係度好煩呀~搞到個電視鬼咁大聲~我又有電話~阿ba阿ma又傾計~又sms~
煩死我呀就黎~頭都痛到爆~~~之後就到而家喇................
呢排幾多野做呀~最近既要做功課同樂理功課啦~之後就學科測驗啦~之後就大考啦~
好忙好忙~呢排都要早d返屋企先得架喇~邊度都唔去喇~但係我星期日又要出去~,~
早知唔咁快應承住啦~so星期六一定要溫書呀!!!!!!!

>>June 1, 2005 at 9:52:34 PM GMT+8

2005 年 5 月 31 日星期二【晴】

星期2.........返學學學學學學學學學...
今日大joy遲左起身~我地返學就遲左兩班車喇~好重呀d野....
返到去都8點1lu~不過好少人呀~好似得豬紅同suki同埋kiko~真係少有呀!~
之後集隊啦~生物仲要行上5樓~想死......中史~個死bb搞到我俾人話~西史~曾sir又話我喇..><
小息~去左廁所~之後佢地買野食...佢地上去食~之後就要同肥杰講下數喇~四十四十~
英文x2~已經唔記得做過d咩~不過好記得曾sir又話我同bb囉~~
lunch~mimi食冷麵~我就為左佢而破戒....為左慳d~我就飲"多多"喇~兩樣野加埋真係好肥架~~~
行行下見到黃先生~佢個樣辣到阿ma都唔認得~仲飲百事~增肥tim~下次要飲可樂喇..肥d架~
mimi本來話做8達通買野飲~但原來自己冇帶8達通~哈哈~~真低b呀~!^^
返到去~有d人又話溫書喎~點知咪又係冇溫........大話王...............呵~~
中文堂~好眼訓...epa→數學(肥謝超似黎根)→retest~死喇又唔識呀~個個都唔係好識~
又要再test喇可能.........
落到去~a班同b班打緊lu~今日我地班都有份~我地覺得應該會贏架~~我地班未打之後~
我同mimi走左轉大興~佢要買膠~我要買筆+水+柑桔0檬~好熱呀!!!!
返到黎都差唔多5點~又就開波lu~b班d人好賤架~又撩鼻啦~又打人喇~又et啦~又炒粉.......
經過我地班一輪努力~都係差一分輸左~不過算啦~俾左好多心機架喇佢地都~~~唉......
有d人話廿五架嘛~而家得十二~~~不過都係算數啦.....
之後我都仲未返得屋企~(6點幾)我仲有下半場呀.......要去吉島~去左電腦鋪~整完個舊野~又問人有冇個d墨~但佢自己又唔知咩model~就話去豐澤買~問左佢阿媽~去到豐澤又冇~又要行返去個間電腦鋪~最後先買到~我阿ma仲打黎話我咁遲都未返去....唉...........
7點幾終於都返屋企lu~好累~真係好累~有時都鍾意放學去學野~但我又想留係學校~
我想好似以後咁呀~自由d呀ma.......

>>May 31, 2005 at 9:27:01 PM GMT+8

2005 年 5 月 30 日星期一【晴】

快樂不快樂 - 鄭秀文

咖啡淡了　是因為冰塊溶了
沒怎麼了　淡了就是淡了
擱在桌上還要不要
不再愛了　是因為感情壞了
你怎麼了　〔壞了就是壞了〕
沒有什麼大不了

* 我們不快樂＊快樂後不再快樂＊
就在最後的一秒　抱了　吻了　哭了
快樂不快樂　沒什麼快不快樂
就在最後的一秒　《我們的關係　就這樣了》

天亮醒了　是因為心情好了
沒怎麼了　我會愛上另外的人
愛情　大概都這樣了

今日冇咩特別~只係自己唔開心~不過我冇同人講~因為我唔知點講~好在你地自己可以知道~
成日都冇乜特別~lunch個陣~係邊個呢??佢個樣真係好開心~可能係我諗得複雜左~
lunch:三文冶+脫脂奶~
今日更加失望~因為最簡單既道歉我都未聽到~算數啦.......

>>May 30, 2005 at 7:17:25 PM GMT+8

2005 年 5 月 29 日星期日【晴】

今日~冇乜野做~淨係要學樂理姐~~~
一早10點幾媽咪走入黎拎野~佢睇左我係門後面寫既野~我就起左身喇~
佢整左餃子俾我食~好食啵~好耐冇食喇~之後點幾鐘就食左麵~之後媽媽就出門口喇
之後我就彈左琴啦~打左麻雀啦~做左數啦...........冇幾耐~baba就起左身喇~得我地兩個係屋企~好靜呀~坐下坐就3點幾喇~我就去洗頭換3~準備出門口喇........4點出門口~
dad話順便車埋我~我就梗係話好啦~去左新墟佢要買d野~我係架車度等佢~無啦啦有好多水淋左落黎~我都唔知咩事~真係好衰呀d人~整到阿車濕哂~我仲慘~d人望入黎~我都唔知望去邊好~幾樣衰呀真係~之後dad上返車~就話~"架車沉日先令左去洗咋~~!"不過都冇計啦~我地就繼續去吉之島喇~落左車~我仲有少少時間~又想去廁所~咁就行去最近既廁所啦~
邊知~邊個都估唔到~我迎面見到d我最唔想見到既野~個陣我真係好嬲好嬲~我入到廁所個陣~
我真係好想喊~但係我同自己講死都要忍著~我唔可能一個人係度喊~同埋我驚一陣會嚇親miss~
影響到佢就唔好啦~出返黎之後我真係好嬲~但我都要去學樂理~我忍住........
我返屋企個陣~好似傻左咁~我有車都冇上到~之後都唔知咩事~算啦..大家都好辛苦喇...
終於都返到屋企~我去左游水~之後又返屋企食飯~跟住我真係忍唔係喇........但我唔想俾dad知~

沉日我仲覺得好開心，但今日我真係好失望~點解要咁樣呀?？？????？

>>May 29, 2005 at 10:26:31 PM GMT+8

2005 年 5 月 28 日星期六【晴】

補習~
有d野真係好似拍戲咁~~俾我估到~唔知...佢地喊咩呢?
5點幾睇恐怖蠟像館(house of wax)~4個人~邊個就唔駛講啦...
佢地都好驚呀~淆哂底~我就都有少少啦~好緊張囉我覺得~同埋佢地兩兄妹幾好感情~
個阿哥好錫個妹呀~個陣可能我諗緊我同我阿哥~所以覺得冇咁恐怖~成套戲都幾核突既~
睇完就7點幾喇~冇錢既關係所以要返屋企~~今日開心既~

>>May 29, 2005 at 10:28:24 PM GMT+8

2005 年 5 月 24 日星期二【乍寒還暖】

一早就落微微雨~唔好~
返到學校都冇乜野做~今日唔駛集會~好呀!不過就俾曾sir多左幾個字喇...蝕~
上左好耐西史堂~個個都係度訓覺~俾曾sir鬧~之後有隻烏英入左黎~曾sir一野拍死左佢~幾恐怖呀
條屍仲要係mimi張抬佢都唔知~哈哈~~曾sir真係恐怖份子黎架~!
art堂~都冇乜特別野~畫個個商標~蛇王係應該賣蛇架~!!白粉賣棋喎~阿冼賣昆蟲~我賣"姐"~^^
小息之後英文堂~曾sir又鬧過人!!癩左呀佢~數學堂~學左d新野~唔係好識都係~
lunch同左mimi同kko同大銘去粥鋪~肥杰就放佢一馬啦~我食左淨米~kiko同mimi食艇仔~大銘食滑牛~落單個個阿姐要我地講左好多次先明我地食乜~,~
好早就食完喇~咁就上去飲低b奶啦~大銘話惠康平d就咁去惠康啦~不過唔係呀~ok平d呀都係~
係惠康行左一陣就走去孖寶再返ok喇~返到去見到三樓d人好似難民咁~好搞笑~
好快又上堂~中文~0sir又唔知講d咩~物理~波波又冇返~好無聊~~
集會~白面帶我地上坎聽講座~我地好似會考咁樣坐~聽聽聽~傾傾傾~最後有個c奶係咁問埋d無聊野~好白痴呀真係~如果係我阿媽我自殺~佢問完一次又一次~仲話我地tim~
真係好想知係邊個個阿媽..........返返課室~好快就落下喇~原來佢係葉xx個阿ma黎架~仲係度問緊
我地同肥謝傾左陣~我又過去同豬紅傾左少少少少野~其實佢都講得岩既~我地班今年~好唔得~
男同女都冇咁frd~真係唔知點解~唔開心....
4點8~我就同mimi去市中心買禮物喇~行到去~我就好急咁去左廁所就繼續喇.....
我地睇左min chi chi~又睇左sasa~最後都係買mon chi chi~幾得意架真係~中間我地仲睇左好多野~
最後我同mimi一人買左一隻冰杯~好抵好得意架~我仲買左個Buzz既野俾阿哥~｛開心〕
返到屋企~媽咪話個杯唔抵喎~,~
本黎有諗著游水架~不過諗諗下都係冇游到~就沖涼食飯睇電視喇............

　　　　男人，想做女人的初戀情人．
　　　　　　　　　　　　　　　　　女人，想做男人的最後一個情人．　

>>May 24, 2005 at 9:32:48 PM GMT+8

2005 年 5 月 23 日星期一【晴】

又要返學喇~好眼訓...................
今朝落車行返學校個陣~見到mimi喎~當睇佢唔到~~~~呵呵呵~!
返屋企見到豬紅~我同佢係最早返架~yes!之後出黎又拎書又吹冷氣之後就上堂喇~
閱讀堂個陣kiko因為好唔舒服就走左喇~大銘就洩哂氣喇即刻~哈~^^
中文堂~0sir拎d錢出黎俾我睇地~都已經睇左大半堂lu~真係慘喇~
英文堂就作文啦~小息就去廁所~d人係廁所個d格個度換3~阻著哂~下次要同mr.趙講呀!!
音樂堂~出面落好大雨呀~又打哂雷咁喎~好驚呀~^^"不過我都係咁同賴將玩~哈哈哈~
我仲發現左kind佬係冇乜腳毛架~haaaa~真係好好玩呀音樂堂~!!
lunch同mimi一齊~今日我食左一盒三文治~希望會瘦d啦~mimi就食螺絲粉~我仲要飲低脂奶咋~
瘦d瘦d啦希望~今日好失望見唔到kenny~不過就見到魚春~同佢一齊行返學校~
佢仲同我地講.............heheheee~^^我都話架啦~中哂啦~中哂喇!!!以後就要聽哂我話喇~
佛數地~佛學堂趙太整親隻腳做左傷殘人士~數學test~我唔識呀><太難喇可能~~
地理堂~楊太係咁鬧我地呢邊d人~~太衰喇!!!!!
放左學~我地諗著睇班際啦~點知a同b班打先~仲打左好耐tim~真係煩呀~
無啦啦我地就玩水tim喎~我好驚suki呀~之後我地仲聯盟~孤立左佢~heee~~heee
佢追極都追唔到我~佢自己就濕哂~好好玩不過好熱呀><~mimi就係咁俾人吹返屋企打牌~
成家人都係病態賭徒黎架~^0^~佢未睇到班際就係5點4就走左lu........
之後就到我地班喇~個陣好似都唔早架喇~我地班真係好勁~壓住佢地黎打~一路都係帶著~
睇得真係好搞笑~又話人地班d人似阿叔~又話似阿伯~好搞笑呀真係~haaaaaaa
游智光就好似白痴仔咁一直係度講埋d白痴野~真係好想打佢~~~~~~~
最後我地就62比34~大比數嬴左lu~某d人好似射入左好多球啵.............................
返屋企之後仲要同大joy去買佢個d卡~好熱好累~我地係行落新墟架~~~
6點幾終於都返屋企喇~~~~今日冇游到水~因為太遲喇我~返到去~個lift一開就見到兩個救生員喇~
佢係咁對著個鏡黎整頭~真係好姣呀~
返到去沖涼~食飯~睇電電~學警最後兩集lu~~~

>>May 23, 2005 at 9:51:42 PM GMT+8

2005 年 5 月 22 日星期日【晴】

一早訓到11點幾就起身喇~今日放假要食d野~所以食左個意粉先~
爸b今朝打麻雀~開大左個窗~打打下~佢地掉左隻麻雀落去呀~^^
下面係樹林黎架~幾刺激呀~^^跟住佢地落去好似探險咁去拾喇~不過好奇怪佢地好快就返返黎lu~
之後係屋企一直都冇乜野做~就練左陣琴~因為一陣要去學琴~彈到兩點多d~就出門口喇~
出到去差唔多3點~去到愉景超超超多人呀~d人痴線架~佢地黎睇大長今喎~傻傻地既~好似有金派咁~傻仔黎既真係~~上到miss屋企都要兩個字喇~今日要等勁耐先上到去~,~好可惡呀!
愈黎愈鐘意係miss度彈琴喇~個三角琴真係好好彈~好快又學完~就返屋企啦~
今日荃灣真係好多好多人~好逼人呀真係~!之後等61m返屋企又等左好耐喎~5個字呀等左我~
又熱又臭喎~想死死死死死~~~
返到屋企都5點幾lu~本來諗著肥仔會黎游水~點知後尾佢又冇黎~咁我6點多d就同佢地一齊游水喇~不過我地今日真係唔係游水~係吹水~我都係游左幾下咋~^^
我同恆恆本來諗著同d鬼妹仔play架~不過佢地好怕醜呀~最後我地係度講起以前既野~
因為我地講開ruby個日記寫返以前既野....就係度講起喇~
我同恆恆呀~識左已經6年喇~幾勁呀~仲講起家桐啦家熙啦~秘密機地啦~仲有好多好多好多~
恆恆仲講左佢同佢阿媽個d搞笑野俾我地聽tim~笑死我地喇~~~~~~~~~
之後d救生員叫我地上水~我地好似聽唔到咁~叫左幾次之後~我地個大佬阿俊上水~我地就上水喇
好凍呀上到水~我拎左阿俊條褲~哈哈~凍到佢死~我就捍掉返俾佢喇~佢接唔到喎^^
返到屋企沖涼~食飯~睇電視~浪漫滿屋大結局lu~好睇呀!!
臨訓仲同mimi~sms左一陣tim~.........不過訓唔著~
今日食左淨係兩餐~條腰暫時瘦左一吋~好鬼開心~~哈哈哈哈哈哈哈哈哈哈€~!!

>>May 23, 2005 at 9:08:04 PM GMT+8