Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2004 年 9 月 1 日星期三【晴】

今日係開學日~好耐冇返學喇~好唔慣呀~
一早6點幾起身~起身之後打左俾joyjoy叫埋佢起身~原來佢訓唔著呀~
之後食埋野就出門口喇~係兆麟一路傾電話一路等埋佢~一齊返學~
係輕鐵~d人都係咁~返到學校~d人都係冇變...........跟住仲見到d唔係好gd既人~不過同佢地咁耐冇見就好多野講喇~之後集會就hot到死~係hall又悶喎......
最後返返課室305~d男仔都係咁~d女仔又係咁~miss lai黎到~就好快咁同我地調位喇~miss都傻架~
我個位正到咁都有既~不過我諗你遲早忍唔到我又調走我架喇~
今日冇乜特別~都係咁開心~不過見到d唔多like既人就唔多gd喇~
放學個時嬲到震呀~去死啦你~
最後我同joyjoy去左jusco買鞋+食飯~之後行左一陣就返屋企
諗諗下~好唔好大方d~成熟d咁去處事呢??~諗左好多好多~不過都係睇下點先啦....唉
之後傾左陣電話~彈左一陣琴~訓左一陣~食埋飯~就到左而家喇~~
睇到佢個 info~我又要再諗下自己應該點去handle喇~真係好煩呀~
其實我覺得~如果你真係可以認錯~say聲sorry既話~而家就唔係咁大穫咁啦~

真係好唔開心呀.........

>>September 2, 2004 at 12:25:16 AM GMT+8

2004 年 8 月 31 日星期二【晴】

今日一早9點幾起左身~跟住有d人就叫我起身打俾佢~
但我又驚早得滯~所以11點幾先打~但係.....都係早得滯~
之後就等人打俾我喇~~~~
咁我就係屋企拾下野喇~又傾下電話咁~咁就一日喇~
聽日就開學~唔知會點呢~~~~~hehe~^^
俾心機讀書喇!!!

願我會查火箭　帶你到天空去
在太空中兩人住
活到一千歲　都一般心醉
有你在身邊多樂趣 ~^^~

>>September 1, 2004 at 7:21:55 PM GMT+8

2004 年 8 月 30 日星期一【陰】

今日去左一個小小組活動......^^" 好少人架咋~!
今日9點幾就起左身~打番沉日既日記~睇埋個奧運閉幕禮~食埋個乾炒牛河就換3走人喇~
出到去~就早左喎~跟住仲等左好耐就等到~仲要發生左d令我好不滿既事~
之後就出發喇~~去左某個火車站喎~~~~跟住就要做左d正經野先~就係行+行+行喇~行左好耐~
好hot~好似好好玩咁喎~^ ^~
做完之後就去左行街街喇~睇d野全部都係為左未來既family架~幾勁呀~3點幾4點就去食野lu~
仲係個度坐左好耐好耐~好搞笑呀~^^~要頒番個獎俾你地呀!~5點幾6點~收到阿娘既奪命call冇幾耐~我地就走喇~*其實我都覺我自己諗多左~不過我都控制唔到*
夜晚食飯~媽咪煮得好正~不過我都唔食咁多~費事肥啦~~又唔係幾自在同舒服~成晚都冇乜野做~仲同 joyjoy傾左陣電話tim~好興起呀講到~不過到左睇伏明霞就收左線lu~
因為真係好好睇~~~~後日就開學喇~雖然唔係好想返學~不過我諗我都會俾心機讀書架~~~
唉.....時間過得真係快~

妖~啱啱知左d野嬲到震呀~痴痴地線架~~~好憫呀~>,<

═有d野雖然係一個事實~但好多時都只係在於自己既睇法═
金句呀~我今日諗架~

>>August 31, 2004 at 12:59:35 AM GMT+8

2004 年 8 月 29 日星期日【乍寒還暖】

今日一早出左門口.....本來都好開心既~不過我地第一組差唔多全部都唔黎喎~
搞到朝早個時得番我一個~去到見到肥哥哥~~好耐冇見喇喎~
開頭都ok既~但之後就愈黎愈moon喇~之後阿ling黎左~不過都冇用呀~我最想見既係suki呀~好掛著你呀~suki!!!!!!!!!!!!!!!!!
跟住又不停咁收到電話~我唔知點講~
總之我就真係唔知應該對著個電話講咩~對著大家講咩~其實我都知哈利你地唔係幾想入黎.........
我真係諗著走架~不過最後都冇走到.......
~~~算啦~~~~
最後燒燒燒燒到6點半就走lu~ok啦ok啦~沿途一直同馬拉雞傾佢d生意問題~^^~不過我好想尿尿呀
去到 Jusco就一支箭咁衝去廁所~我地仲撞到哈利+榮恩+candy斯tim~之後點知....廁所要排隊喎~急死我喇~><去完之後就返屋企lu~
返到屋企都冇乜野做~plan下聽日點啦~~咁就訓覺 lu~hehe~沉晚露比3點幾打黎~嚇死我呀~^^

>>August 30, 2004 at 7:41:13 PM GMT+8

2004 年 8 月 28 日星期六【雨】

今日9:00有人打黎叫我起身喎~真係好眼訓~之後就好快出門口~不過....等極都等唔到車~就飛的喇~又搞到我出血喇咁就~唉.........之後學完琴就返屋企喇~好肚餽呀~媽咪包緊餃子~我就又包埋一份喇~ok架我覺得包得~嗯嗯嗯嗯嗯~食落都ok架~~~~跟住我就好乖咁樣做埋哂d功課喇~為左出街街呀嘛~做做做做到好累呀~訓左一陣啦~之後就好得閒咁過左呢一日喇~聽日去bbq lu...........

>>April 13, 2005 at 5:07:49 PM GMT+8

2004 年 8 月 27 日星期五【乍寒還暖】

今日好早起左身~因為沉晚我大昏迷呀~7點幾就訓喇............
朝早打番好多日記 lu~~之後睇左天子尋龍大結局呀~hehe^^~跟住就食埋野call joyce就出去喇......
跟住就塔塔塔塔左好耐~就出到去~等左一陣~就一齊行街街喇~都幾悶呀......之後睇左好多好多好想買既野~但可惜呀~都冇錢買喇而家~好慘呀.........
悶悶地不如返屋企啦~好快我地就返home lu~~打左個電話就食飯喇~好好食呀~好耐冇食屋企既飯喇~haha~之後沖涼睇電視~~~~~就到左而家喇~一陣又訓 lu~~

>>August 28, 2004 at 1:24:44 AM GMT+8

2004 年 8 月 26 日星期四【乍寒還暖】

今日係閉幕禮 lu~又就快出camp喇~真係快~
成晚冇訓~6點幾7點我就去刷左牙先lu~費時晏d同佢地爭啦~7點幾就去嗌佢地起身喇~個個都係嗌左好耐先起身~尤其是個個叉燒daddy呀!嗌極都唔起身~起左身仲要好似阿叔咁~榮恩竟然同我講大家成晚冇訓~d腳毛長左喎~haha~痴線架~跟住佢仲俾左d野我~爆嬲呀~
之後就去食早餐~食左好少野咋~食完個陣叉燒daddy+小ja子+榮恩就走lu~byebye~冇幾耐就返房拎d野去第二間房~死喇~好眼訓tim~跟住我地係房傾埋d野就去閉幕禮喇~真係好眼訓呀~又涷喎~完左個閉幕禮就去食飯喇~我依然食左好少野~大佬都叫我食多d架~但我真係唔想食~
食完~就影左好多相~我同suki又做左twins咁影相~之後我地就上車lu~有d唔捨得tim~不過上到車就係度勁訓 lu~仲要訓得啱啱好個下頂癮呀嘛~^^"同佢地講完byebye之後就去左叉燒屋企拎返本野~之後就.............
返屋企囉~~~返到去~沖完涼就,,,訓 lu~7點幾就訓左喇~大昏迷咁呀~

>>September 1, 2004 at 2:25:29 AM GMT+8

2004 年 8 月 25 日星期三【微雨】

今日入camp lu~我地沉日約左12:30係又一城等~一齊食lunch先入camp~我又做左最早到個個~好在有人陪我傾計姐~跟住我就見到哈利~佢地喇~去到又一城~好多人喎~我地都係係m記食野咋~跟住去埋玩具反斗城買hello kitty喇~之後我地就去上車入camp喇~入到camp就玩+玩+玩=累喇~
夜晚~我地開埋會先沖涼.........1點幾沖完涼~舒服哂~我地就周圍睇下有咩做喇~~冇乜野做~就同suki傾下計喇~入到房又陪左小ja子同高修食杯麵~又傾下計喇.......3點左右我訓著左喎~~訓左半個鍾多d~有人就黎整醒我去玩喇~好涷呀~~~跟住成晚就傾下計~聽下歌,,,,,,,,咁過喇~朝早去睇日出就睇唔到喇~點知我地係去左餵蚊架~

>>August 27, 2004 at 10:02:49 AM GMT+8

2004 年 8 月 24 日星期二【乍寒還暖】

今日我地第一組去左叉燒屋企play喎~
約左12:30係地鐵站~不過我沉晚又冇乜點訓~朝早又胃痛喎~唉.....所以夾夾埋埋都係訓左2/3個鍾度~好眼訓呀~11點幾我就出門口喇~係bus上面釣左一陣魚就去塔地鐵 lu~哎呀~早到左tim~但係我同suki好心靈相通地大家一齊到~hehe~於是我地就call叉燒喇~點知佢話佢仲要去中環拎電線喎激爆我同suki~於是我地就唔理佢~去左茶餐廳食少少野傾下計喇~知道左suki好多野tim~~^^"
好快我地就搵番叉燒同candy斯喇~一齊去叉燒home喇~但係就好好好好大雨呀~佢地就成身都wet哂~我就得下半身啦~因為佢地唔要傘~我就死都攬實~
去左佢屋企~就開左一個功課研習會喇~2點左右榮恩+哈利就黎喇喇~但係都係繼續功課研習~
最後我地終於忍唔住~就打麻雀喇~不過我打左兩鋪就冇玩lu~我就訓覺喇~冇幾耐~大佬又黎到喇
跟住叉燒就坐near me就訓係佢大脾喇～因為佢個膊頭太硬喇......
5點幾6點個時我地就去西九龍食壽司喇~一路食又一路係度食~食到咁上下~叉燒daddy就同我+suki傾計喇~你地講d野~我都有d諗到既~不過聽完你地講~就愈黎愈煩喇~食完喇~高修同小vin子就黎左喇~無聊地企左一陣就同高修返home lu.....返到屋企就執野lu~2點幾就訓覺喇~

>>September 1, 2004 at 2:22:51 AM GMT+8

2004 年 8 月 23 日星期一【微雨】

今日11點幾起左身~今日終於係有一日唔駛出街喇~好難得呀~於是我就優遊咁過呢一日喇.....
haha~沉晚發夢棟篤神探有個好正既結局喎~^^"起身之後唔想食野~就冇食到喇~咁就等到媽咪返到黎買左d好正既bread俾我食喇~如是者我就遲左少少食lunch喇~點知有人仲遲喎~~
2點左右~哈利同榮恩就乖乖地打黎plan聽日點~最後都係要我打電話俾佢地~hehe~因為哈利佢要.......hehehe~ 5點正~有人打俾我喎~未嬲完呀~唔好意思~
6點鐘~最後一次同Ruby游水 lu~佢地仲要坐左一陣先落水~落水前我地繞埸一周~游游游~又到本年度最後一齊同你一齊走喇~~
夜晚講講下電話就上天台lu~我先去左管理處~一齊加多d野落張卡度~再上天台俾個傻佬+開埋個"露比歡送會"喇~開頭我地諗住唱歌會搞得好好架~不過都係唔多掂....之後你終於搵到張卡~知你感動啦~跟住你一個一個講野既時候~我真係忍唔著喇....我忍左好耐架喇真係~最後講個個係我~我會記著你講既野架喇真係會記著~下年返黎呀!!永遠永遠都會記著你講既野~我明架~我真係明架~其實你thx我~我都好thx你~同你一齊玩~我都好開心架真係~下年我黎接你機呀!?!?!最後文浩都黎埋~買左D令我開心番既野~唔該哂喎~聽完你地既一輪吹水之後~咁就返屋企喇~我仲係未喊哂架囉我FEEL到自己~
你好快就走~好快又返黎架喇我知道~你講個句~我收到哂架喇~你叫我唔好喊~你自己又喊喎~等著打俾你都唔得~今年係香港打俾對方係last架喇~快d啦~~~

>>August 28, 2004 at 1:28:12 AM GMT+8