2005 年 2 月 3 日 星期四 【晴】

~千嬅生日~
返埋聽日...就放假喇~~
聽日仲係音樂比實tim呀~
今日係新位既第一日~~坐窗邊都幾好~呢個位好有意思tim~
今日個課室勁嘈呀~冇一堂唔俾人話嘈~
唔使 1 個月一定俾人調呀~不過呢個位都幾開心架~
大家都坐我附近~~~係爭左個"可惡"~~走到咁遠~冇野講~~~
之後上完好多好多堂之後~最後個堂~劉sir好煩呀~~又唔俾人去廁所喎~~
我想打電話架嘛~~個個人唔知邊個黎既~~最後我打返返去~
好靚仔呀把聱~我相信佢係一個靚仔架~~~不過佢係打錯架......
放學個陣~落下打波~落雨呀~~~好dirty呀~~
之後就返屋企喇~~好累呀~~

>>February 3, 2005 at 8:43:50 PM GMT+8

2005 年 1 月 30 日 星期日 【颳風】

今日係家長日呀~~~
一早8點幾就起左身洗頭喇~~好眼訓呀~,~
之後9點度出門口~一落去走左架車喎~頂~
之後足足等左3個字先有二架車~之後上左505就好順利~之後又走左架507~,~妖~
9點8~終於都返到學校喇~
去到之後~好大霧呀~~上到去~~佢仲要話上５樓喎～
之後miss lai見完suki就到我喇~miss lai竟然冇乜講我壞話喎~
今次仲叻仔左tim呀我~
之後佢最後嗌我唔好成日上堂同賴將傾計喎~^^~哈~~之後話我maths比較差咁樣~
之後都冇咩野講 lu~好似成日想走想走咁~
好快我地就真係走喇~出到去我見到賴將喎~我同佢講話~"佢話我地傾計呀~^^"
之後我地mummy就出左市中心食m記喇~
我食左個熱香cake~mummy食早晨全餐喎~咁我個個cake就要等啦~
之後我想食少少佢個個薯餅~hehe~佢鬧我喎~佢嗌我放低~咪食佢呀~^^~
個陣覺得我阿媽真係細路仔咁~~最後~我都係食左佢少少架~~
食完之後~就同mummy去左置樂~買過年~順便拎條牛牛裙去改~
好鬼重呀d野~拎死我呀~哈~最後我地買左兩條立體既揮春呀~
一張pooh pooh~一張係多啦a夢呀~激靚呀~!！!！!！~
返到屋企~我就訓左覺喇~因為真係好累呀~~~
訓到3點幾~就起身喇~
之後好似咩都冇做過~就到左而家喇~
啱啱睇完講大頭bb既星期日檔案呀~~幾鬼慘呀~
睇緊勁歌lu而家.............
啱啱朱孝天~好靚仔呀!！!！之後有人彈琴~卡門呀~~其實我都彈過呢隻歌架~^^

>>January 30, 2005 at 7:47:02 PM GMT+8

2005 年 1 月 24 日 星期一 【晴】

今日=減肥茶的第一天...
今日仲係好多堂既一日..................
一早起身~覺得今日唔係好凍啵~就著左背心喇~
生物同中史都冇咩做~到左歷史堂~曾sir入黎就發"水"呀~佢話"唔好再笑喇下~再笑同我"懶"出去"
哈~~^^國語就係再笑就滾出去~哈~今日係咁講呀我~^^
小息個陣~佢地唔俾我入去喎~幾遠呀~^0^
英文堂好快就過左兩堂喇~又到左lunch lu~我地5個去左盈豐~
大銘同kiko食包~我第一次見大銘食包咋~佢話第二次喎~,~
我食章魚丸~佢話我唔抵喎~不過個d丸真係好唔抵架~
肥杰同我食章魚丸~又話飽喎~之後又跟mimi食冷麵~搞到我好似虐待佢咁~,~
不過我覺得大銘都係唔夠架~>0<
最後我地陪mimi去左買左盒姆明糖~我見佢好似唔係好開心咁~
都買返枝青bB既糖俾佢~哄下個囡啦~~^^
返返學校~過左３堂~就去專題喇~我地咩都冇做呀~^^
放學個陣寫埋個劇本就落去喇~~MIMI做得好好呀~5個叻呀~
落到去~好快就要走lu~又趕唔到睇多啦a夢喎~,~

>>January 24, 2005 at 10:05:12 PM GMT+8

2005 年 1 月 22 日 星期六 【晴】

終於買左條 Type 1 牛仔裙喇~~
今日一早去左補習~都冇咩特別~不過件嬲爭d同人撞囉~^^
補完習就去左搭車出荃灣搵mummy~幾啱喎~我落車佢又落車~
之後就一齊搭地鐵落旺角買裙喇~
去到~冇左上次睇個條~就試左條短既同條type1~幾勁呀我~兩條都啱著呀~
不過短個條就太短喇~最後就買左條長d既 Type1~改短佢少少~正呀~
mimmy話唔想"碧"~so~我地就喇喇林搭地鐵去銅鑼灣喇~mk d人真係好mk呀~^^
去到之後就同mummy去買佢個d褲~我就買左兩件好普通既襯3~哇~見到個人幾似夏蕙呀～
仲同mummy係時代~睇靴~睇得啱~不過一d又冇碼~一d又著唔入~真遺憾~
最後我地就行去搭962~經過間鞋鋪~又試多一對~個sales幾靚仔架鬼鬼地~不過好似好老咁呀^0^
之後都係唔啱喎~失望~之後我地繼續行去巴士stop~我地見到梅艷芳個阿ma呀~
幾叻呀我~一眼就見到喇~3個叻~
最後我地就搭左一個hour962~返屋企lu~
返到去~見丁設計師成班人喎~不過佢地好冇禮貌呀~,~
係花園見到bb喎~佢唔係好認得我喇>0＜於是我地就一齊返屋企喇.........

今晚皆大歡喜大結局喇~~>3＜

>>January 23, 2005 at 12:13:32 PM GMT+8

2005 年 1 月 21 日 星期五 【晴】

好耐冇打日記喇~~
今日一早起身~好凍呀洗面d water~>0＜但我都係好洗架~
日日如是~搭車又係個d人~不過我今日又上唔到507~我覺得早一班車一定會上到囉~
最後上左505係石排慢慢行返去~
返到去~就做埋個週記喇~今日要交喇~
之後~miss lai叫我小息去搵佢~好驚呀~唔知咩事呢~
之後就係電腦堂喇~好無聊架佢~搞埋哂d咩內聯網~邊有人要用架~
數學堂喇又到左~又係高佬上堂~成日都話我~>8<
到左camp就係miss李啦~黃信亮好似驚左我咁喎~,~
上上下堂火燭呀~!！!！!演習黎姐~~^^好正呀~~~落去個陣~一路係度諗miss lai搵我做咩~
佢地話係咪問我女仔分裂喎~^^
最後miss lai原來咩野都冇~~~車~~~
中文堂~淩sir又係咁~講唔哂~肥杰想吞我d金莎~,~仲要鬼咁惡~可惡呀>3 ＜
普通話堂~粉人又黎喇~阿ben竟然幫我搵返本書喎~好意外呀~!！!！!！!！
之後就食飯喇~我地今日去左大興個間~唔知咩x交叉y~有我啦~kiko啦~大銘啦~mimi啦~雖然佢個樣就唔靚喇~但都幾好食呀~最緊要係有電視睇~~~呵呵~
食飯個陣~真係眼都冤呀~^^~真係開心呀佢地~
食完飯~食返粒金莎先~~佢地鬼咁想食呀~^^~edwin送俾我架~^0^
今日有洋鬼子堂呀~^^"佢今日既動作異常大呀~^^
曾sir堂~好鬼high呀我~^^係咁跳舞~~哈~
班課好白痴呀~搞埋咩數學比賽~唔知點解我地班最廢喎~><
終於都放學喇~今日唔駛學樂理喎~~~咁我地就去左孖寶食野食喇~~
之後就行去鄰舍改期喇~哈~~肥杰行行下個袋穿左呀~^^~
去到~kiko個老公係度迎接我地喎~^^
好快就返返學校喇~佢地話去飲酒喎~,~
我地返到去冇野做~我地就玩下貼紙喇~~呵~之後我地仲借左個波黎打tim~
打到5點3~mimi係5點3~唔係4點3呀~~^^~我地就走lu~
我地去左大興買pen~之後就返屋企lu~~~
愈黎愈覺自己肥喇~~~死喇~~~>,<

嗚.........嗚.........皆大歡喜得返最後兩集咋~好唔捨得呀~

>>January 21, 2005 at 8:49:44 PM GMT+8

2005 年 1 月 17 日 星期一 【晴】

今日去打邊爐...........
亂+癲+喪
其他既都唔想再寫喇................唉......

~最後食糖水都好d~ 醉

>>April 13, 2005 at 5:15:06 PM GMT+8